ᓇᐅᔮᓂ ᐳᕙᒡᓗᖕᓂᕐᒧᑦ ᖃᓂᒻᒪᒍᑕᐅᔫᑉ ᒥᒃᓵᓄᑦ ᑐᓴᒐᒃᓴᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᒪᖁᔨᔪᑦ ᐳᕙᒡᓗᖕᓂᕐᒧᑦ ᖃᓂᒪᒍᑕᐅᔪᖅ ᓇᓗᓇᐃᕐᑕᐅᓚᐅᕐᑐᖅ ᓇᐅᔮᒥᑦ ᒪᐃ 16, 2023ᖑᑎᓪᓗᒍ, ᑲᔪᓯᕗᖅ.
ᔭᓄᐊᕆ 2023ᒥ ᐱᒋᐊᖅᖢᓂ, 21 ᖑᔪᑦ ᓇᓗᓇᐃᖅᑕᐅᓚᐅᕐᒪᑕ ᐳᕙᒡᓗᖕᓇᕐᒧᑦ ᐊᒻᒪ 121 ᐆᒻᒪᕆᙱᑦᑐᒥᑦ ᐅᕙᒡᓗᖕᓂᕋᖅᑕᐅᓪᓗᓂ ᓄᓇᓕᐊᓂᑦ.
ᓄᓇᓖᑦ ᐳᕙᓪᓗᓐᓇᖅᑐᒧᑦ ᐋᓐᓂᐊᔪᒥᑦ ᓇᔫᑎᓯᒪᓐᓂᖅᐸᔪᑦ, ᐅᕝᕙᓘᓐᓃᑦ ᐳᕙᒡᓗᖕᓇᖅᑐᒧᑦ ᐋᓐᓂᐊᕈᑕᐅᖃᑦᑕᖅᑐᓂᑦ ᐃᑉᐱᖕᓂᐊᒃᐸᑕ ᐋᓐᓂᐊᕕᓕᐊᕆᐊᖃᖅᑐᑦ ᖃᐅᔨᓴᖅᑕᐅᓂᐊᕐᒪᑕ.
ᒪᑯᐊᖑᕗᑦ ᐋᓐᓂᐊᕈᑕᐅᖃᑦᑕᖅᑐᖅ ᐳᕙᒡᓗᖕᓇᖅᑐᖃᖅᑎᓪᓗᒋᑦ:
- ᖁᐃᖅᓱᖃᑦᑕᖅᑐᑦ ᐱᓇᓱᐊᕈᓯᑦ ᐱᖓᓱᑦ ᐅᖓᑖᓂ.
- ᑕᖃᖅᓯᒪᕐᔪᐊᖅᖢᑎᒃ.
- ᓂᕿᒥ ᑲᔾᔮᕈᓐᓃᖅᓯᒪᓗᓂ.
- ᐆᑎᕐᓇᑲᑕᒃᖢᑎᒃ ᐅᕝᕙᓘᓐᓃᑦ ᐅᓐᓄᐊᒃᑯᑦ ᑭᐊᒃᑎᓯᒪᑲᑕᒃᖢᑎᒃ.
ᑭᓇᑐᐃᓐᓇᖅ ᑖᒃᑯᓂᖓ ᐋᓐᓂᐊᕈᑕᐅᖃᑦᑕᖅᑐᓂᑦ ᓇᓪᓕᐊᓐᓂᑐᐃᓐᓇᖅ ᐃᑉᐱᒋᔭᖃᖃᑦᑕᑉᐸᑦ ᐋᓐᓂᐊᕐᕕᓕᐊᕆᑦᑕᐅᑎᒋᔭᕆᐊᓕᒃ ᖃᐅᔨᓴᖅᑕᐅᒋᐊᖅᑐᕐᓗᓂᔭ. ᐳᕙᒡᓗᖕᓇᖅ ᖃᓄᐃᑦᑐᓐᓃᕈᓐᓇᖅᑐᑦ ᐃᓅᓕᓴᐅᑎᓄᑦ ᐊᑐᐃᓐᓇᐅᓪᓗᑎᒡᓗ ᓄᓇᓕᖕᓂ. ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ ᐋᓐᓂᐊᕐᕕᖕᒧᑦ ᐅᖄᓚᔪᓐᓇᖅᐳᑎᑦ.
ᐆᒻᒪᕆᙱᑦᑐᖅ ᐳᕙᒡᓗᒃ ᐊᐃᑦᑐᕐᑕᐅᔪᓐᓇᙱᑦᑐᖅ ᑭᓯᐊᓂ ᐃᓅᓕᓴᕐᑕᐅᔪᓐᓇᕐᑐᖅ ᐆᒻᒪᖁᓇᒍ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᐃᑲᔪᐃᓐᓇᕐᓂᐊᖅᑐᑦ ᐊᒻᒪᓗ ᐃᑲᔪᕈᑎᔅᓴᓂᑦ ᐊᑐᐃᓐᓇᖃᐃᓐᓇᕐᓂᐊᖅᑐᑦ ᑖᒃᑯᐊ ᓈᒻᒪᑦᑐᓂᑦ ᐱᖃᖁᓪᓗᒋᑦ ᖃᐅᔨᓴᕈᑎᓂᑦ, ᐃᓕᓐᓂᐊᖅᑎᑦᑎᓂᕐᒥᑦ, ᐊᒻᒪᓗ ᐃᔭᒐᕐᓂᑦ ᐃᑲᔪᕐᓂᕐᒥᓪᓗ.
ᓄᓇᓕᓕᒫᓂᑦ ᐳᕙᒡᓗᒃᑎᑦᑎᑦᑕᐃᓕᒪᓂᕐᒧᑦ ᖃᐅᔨᓴᖅᑕᐅᖏᓐᓇᖃᑦᑕᖅᐳᑦ ᓄᓇᓕᖕᓂ ᐊᒻᒪ ᓇᐅᔮᕐᒥᐅᑦ ᑎᓕᐅᖅᑕᐅᕗᑦ ᖃᐅᔨᓴᖅᑕᐅᖃᑕᐅᖁᔭᐅᓪᓗᑎᒃ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐳᕙᒡᓗᖕᓇᖅ ᒥᒃᓵᓄᑦ ᐊᒻᒪ ᐃᑲᔪᖅᑕᐅᔪᓐᓇᕐᓂᕐᒧᑦ, ᖃᐅᔨᒋᐊᕐᓗᑎᑦ ᓄᓇᕗᑦ ᒐᕙᒪᖓ ᐃᑭᐊᕿᕕᖓᒍᑦ.