ᓄᓇᕗᒻᒥ ᐅᔭᕋᒃᓯᐅᕐᓂᕐᒧᑦ ᐱᓕᕆᐊᒃᓴᓕᕆᔨᒃᑯᑦ ᐱᔪᒪᑲᑕᓕᖅᑐᑦ ᑐᒃᓯᕋᐅᑎᓂᒃ

ᐅᔭᕋᒃᓯᐅᖅᑎᐅᕖᑦ? ᐱᔪᒪᓂᖃᖅᐱᑦ ᕿᓂᕐᓂᕐᒥᒃ ᐅᔭᕋᑦᑎᐊᕙᖕᓂᒃ?

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᔪᒪᑲᑕᓕᕐᒥᔪᑦ ᑐᒃᓯᕋᐅᑎᓂᒃ ᐅᔭᕋᒃᓯᐅᕐᓂᕐᒧᑦ ᓄᓇᕗᒻᒥ ᐅᔭᕋᒃᓯᐅᕐᓂᕐᒧᑦ ᐱᓕᕆᐊᒃᓴᕐᒥ. ᑮᓇᐅᔭᕐᑖᕈᓐᓇᑐᐃᓐᓇᕆᐊᖃᖅᐳᑎᑦ ᑎᑭᓪᓗᒍ $8,000 ᐱᓕᕆᐊᒃᓴᕐᓄᑦ ᐊᑭᓕᐅᑎᒋᓂᐊᖅᑐᓂ ᐱᓕᕆᐊᒃᓴᓄ ᐊᑭᓕᒐᒃᓴᓄ, ᖃᐅᔨᓴᖅᑕᒥ ᕿᒥᕐᕈᔭᐅᑎᑦᑎᓂᕐᒧᑦ ᐊᑭᖏᑦ, ᐃᑲᔪᖅᑎᒧ ᑮᓇᐅᔾᔭᒃᓵᑦ, ᐃᓚᒃᓴᑦ, ᐱᖁᑎᓪᓗ ᐱᓕᕆᐊᕆᔭᕐᓄᑦ.

ᐱᓇᔪᒍᓐᓇᖅᑐᑦ ᐃᒪᐃᑦᑕᕆᐊᓖᑦ:

• ᓄᓇᕗᒻᒥᐅᑕᐅᓗᑎᒃ.
• 18−ᓂᑦ ᐅᑭᐅᖃᕐᓗᑎᒃ ᐅᖓᑖᓄᓪᓘᓐᓃᑦ.
• ᐅᔭᕋᒃᓯᐅᖅᓯᒪᓂᑰᓗᑎᒃ ᐃᓕᓐᓂᐊᕌᓂᒃᓯᒪᓗᑎᒡᓘᓐᓃᑦ ᓯᕗᓪᓕᖅ ᐅᔭᕋᒃᓯᐅᕐᓂᕐᒧᑦ ᐃᓕᓐᓂᐊᒐᒃᓴᒥᒃ.

ᐱᓇᔪᓚᐅᙱᓐᓂᕐᓂ, ᐱᓇᔪᒃᑐᑦ ᖃᐅᔨᒋᐊᖁᔭᐅᕗᑦ ᐱᓕᕆᕝᕕᖕᒧᑦ ᐃᓂᒃᓴᓕᐅᕐᓂᐊᕐᓗᓂ ᓯᕗᓪᓕᕐᒥ ᐅᖃᖃᑎᒌᖕᓂᕐᒥᑦ ᐅᔭᕋᖕᓂᐊᖅᑎᒥ ᐱᕙᒌᔭᕐᓗᒋᓪᓗ ᐱᔪᓐᓇᐅᑎᒋᔭᕆᐊᓕᑦ ᐊᓯᖏᓪᓗ ᐱᓇᔪᖕᓂᕐᒧᑦ ᒪᓕᒋᐊᓕᑦ. ᐱᓇᔪᒍᒪᔪᑦ ᐃᓱᓕᕝᕕᖃᖅᑐᑦ ᒪᐃ 10, 2024−ᒥ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᐅᕗᖓ ᐅᖃᓗᒍᓐᓇᖅᑐᓯ 1-888-975-5999, ᐃᕐᖐᓐᓈᖅᑕᐅᒃᑯᑦ ᑎᑎᕋᕈᓐᓇᖅᖢᓯ ᐅᑯᓄᖓ @email ᐅᕗᙵᐅᓗᑎᓪᓘᓐᓃᑦ https://www.gov.nu.ca/en/industry/prospecting. ᐃᑲᔪᖅᑕᐅᒃᑲᓐᓂᕈᒪᒍᕕ, ᖃᐅᔨᒋᐊᕐᕕᒋᓗᒋᑦ ᐊᕕᒃᑐᖅᓯᒪᕝᕕᒋᔭᓯ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐅᕝᕙᓘᓐᓃᑦ ᕼᐋᒻᒪᓚᑦᑯ ᑎᑎᕋᕐᕕᐊᓄᑦ.