ᑎᑭᓴᐃᕙᒃᑐᑦ ᐃᒥᐊᓗᖕᓂᑦ ᓄᓇᕘᑉ ᓯᓚᑖᓂᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᑎᑭᓴᐃᕙᒃᑐᑦ ᐃᒥᐊᓗᖕᓂᑦ ᓄᓇᕘᑉ ᓯᓚᑖᓂᑦ
ᐃᓐᓇᐃᑦ ᐅᑭᐅᓖᑦ 19−ᓂᒃ ᐅᖓᑖᓂᓪᓘᓐᓃᑦ ᓇᒃᓴᕈᓐᓇᖅᐳᑦ ᐃᒥᐊᓗᖕᓂᒃ (ᕕᐊᓂᒃ, ciders, coolers, ᐅᐃᐊᓂᓂᒃ, ᐊᓯᖏᓐᓂᒡᓗ) ᓄᓇᕗᒻᒧᑦ (ᕿᔪᖁᑎᖏᓐᓂᒃ) ᓇᒃᓴᖅᑕᖏᑦ ᐃᒪᓐᓇ ᐅᓄᖅᑎᒋᔪᓐᓇᕐᓗᑎᒃ ᐃᓄᖕᒧᑦ ᑭᒡᓕᒋᑎᑕᐅᔪᑦ: 3 ᓖᑕᓂᒃ spirits, 9 ᓖᑕᓂᒃ ᐅᐃᐊᓂᓂᒃ; 26 ᓖᑕᓂᒃ ᕕᐊᓂᒃ.
ᑖᒃᑯᓇᙵᑦ ᐊᒥᓲᓂᖅᓴᓂᒃ ᓇᒃᓴᕈᒪᒍᕕᑦ − ᐊᐅᓪᓚᖅᐸᓪᓕᐊᙱᒃᑯᕕᓪᓗ ᓄᓇᕘᑉ ᓯᓚᑖᓄᑦ − ᓂᐅᕕᖅᑳᕆᐊᖃᖅᐳᑎᑦ ᐃᒥᐊᓗᖕᓂᑦ ᓄᓇᕘᑉ ᓯᓚᑖᓂ ᐃᒥᐊᓗᒃᑖᕈᓐᓇᐅᑎᒥᒃ ᓄᓇᕗᑦ ᒐᕙᒪᒃᑯᓐᓂ ᐊᑭᓕᕐᓗᒍ.
ᓂᐅᕕᕈᓐᓇᖅᐳᑎᑦ ᐃᒥᐊᓗᒃᑖᕈᓐᓇᐅᑎᒥᒃ ᓄᓇᓕᖕᒥᐅᑕᐅᒍᕕᑦ ᓂᕈᐊᖅᓯᒪᔪᓂᒃ 'ᑭᒡᓕᖃᖅᑎᑕᐅᔪᓂᒃ' ᐅᕝᕙᓘᓐᓃᑦ 'ᑭᒡᓕᖃᖅᑎᑕᐅᙱᑦᑐᓂᒃ' ᐃᒥᐊᓗᓕᕆᓂᕐᒧᑦ ᐱᖁᔭᖅ ᒪᓕᒡᓗᒍ. ᓄᓇᔅᓯᓐᓂ 'ᑭᒡᓕᖃᖅᑎᑕᐅᒃᐸᑕ' ᐊᖏᖅᑕᐅᖃᑕᐅᔭᕆᐊᖃᕋᔭᕐᒥᔪᑎᑦ ᐃᒥᐊᓗᓕᕆᔨᒃᑯᑦ ᑲᑎᒪᔨᖏᓐᓂᒃ.
ᒪᓕᒐᕐᒥᒃ ᓱᕋᐃᓐᓇᕐᒪᑦ ᐃᒥᐊᓗᖕᒥ ᓇᒃᓴᕐᓗᓂ ᐃᒥᐊᓗᒃᑕᖃᕆᐊᖃᙱᑦᑐᒧᑦ.
ᓂᐅᕕᕈᓐᓇᖅᐳᑎᑦ ᐃᒥᐊᓗᒃᑖᕈᓐᓇᐅᑎᓂᒃ ᐅᑯᑎᒎᓇᖅ ᐊᔾᔨᒌᙱᑦᑐᒃᑯᑦ:
- ᐃᕐᖐᓐᓈᖅᑕᐅᒃᑯᑦ ᐅᑯᓄᖓ ᑎᑭᓴᐃᓗᑎᑦ @email.
- ᓇᖕᒥᓂᖅ ᐅᐸᒍᑎᓗᑎᑦ
- ᐅᖃᓗᒡᓗᑎᑦ
ᐃᖃᓗᖕᓂ ᐃᒥᐊᓗᒃᑖᕐᕕᒃ ᓱᕐᕋᖕᓇᖅᑐᖅᑖᕐᕕᒡᓗ | ᑲᖏᖅᖠᓂᖅ – ᐃᒥᐊᓗᒃᑖᕐᕕᒃ ᓱᕐᕋᖕᓇᖅᑐᖅᑖᕐᕕᒡᓗ (ᓯᓂᒃᑕᕐᕕᒃ) | ᐃᖃᓗᒃᑑᑦᑎᐊᖅ – ᑮᓇᐅᔭᓕᕆᔨᒃᑯᑦ (ᕼᐊᓚᓐ ᒪᒃᓴᒐᖅ ᐃᒡᓗᖁᑖ) |
ᓇᒡᒐᔾᔭ 9:00-ᒥ ᐅᓪᓛᒃᑯᑦ 12:00-ᒧᑦ ᓂᕆᓐᓇᒧᑦ 1:00−ᒥ ᐅᓪᓗᒃᑯᑦ 4:00−ᒧᑦ ᐅᓐᓄᒃᓴᒧᑦ ᐊᐃᑉᐱᕐᒥ ᑕᓪᓕᕐᒥᕐᒧᑦ 9:00-ᒥ ᐅᓪᓛᒃᑯᑦ 11:00-ᒧᑦ ᐅᓪᓗᕐᒧᑦ |
ᓇᒡᒐᔾᔭᐅᒥ ᑕᓪᓕᕐᒥᕐᒧᑦ 9:00-ᒥ ᐅᓪᓛᒃᑯᑦ 4:00-ᒧᑦ ᐅᓪᓗᕐᒧᑦ |
ᓇᒡᒐᔾᔭᐅᒥ ᑕᓪᓕᕐᒥᕐᒧᑦ 9:00-ᒥ ᐅᓪᓛᒃᑯᑦ 4:00-ᒧᑦ ᐅᓪᓗᕐᒧᑦ |
ᐅᖄᓚᐅᑦ: 867 975-6869 | ᐅᖄᓚᐅᑦ: 855 844-5488 | ᐅᖄᓚᐅᑦ: 867 983-4048 |
ᖃᐅᔨᒪᓂᐊᖅᐳᓯ, ᐱᒋᐊᕐᓗᒍ ᐊᐃᕆᓕ 1, 2021, ᑎᑭᓴᐃᔾᔪᑎᑦ ᐃᒥᐊᓗᖕᓂᒃ ᓄᓇᕘᑉ ᓯᓚᑖᓂ ᐱᔭᒃᓴᐅᔪᓐᓃᕐᓂᐊᖅᑐᑦ ᖁᕐᓗᖅᑐᒥ.
ᓂᐅᕕᕈᒪᒍᔅᓯ ᐃᒥᐊᓗᒃᑖᕈᑎᒥᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓂᒃ ᐱᔪᓐᓇᐅᑎᖃᖃᑕᐅᒋᐊᖃᕐᓂᐊᖅᐳᑎᑦ ᑖᒃᑯᓇᙵᑦ.
ᖃᐅᔨᒪᓂᐊᖅᐳᓯ ᓄᓇᕗᒻᒥᐅᓕᒫᓄᑦ, ᐃᒥᐊᓗᒃᑖᕈᓐᓇᐅᑎᑦ ᐅᑎᖅᑎᑕᒃᓴᐅᙱᒻᒪᑕ ᐊᑐᕈᓐᓇᕐᖢᑎᒡᓗ ᐊᑕᐅᓯᐊᕐᓗᓂ ᑎᑭᓴᐃᓗᓂ. ᐊᑐᖅᑕᐅᒋᐊᖃᖅᐳᑦ ᓂᐅᕕᐊᖑᐊᓪᓚᓚᐅᖅᑎᓪᓗᒋᑦ ᐱᓇᓱᐊᕈᓯᑦ ᐱᖓᓱᑦ ᐊᓂᒍᓚᐅᙱᓐᓂᖏᓐᓂᒃ.
ᑐᑭᓯᒋᐊᒃᑲᓐᓂᕈᒪᒍᔅᓯ ᓄᓇᕗᒻᒥ ᐃᒥᐊᓗᓕᕆᔾᔪᓯᕐᒥᒃ ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᖓᓐᓄᐊᕈᓐᓇᖅᐳᓯ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᐅᐃᑦᓰᓐ ᑦᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
@email