ᑐᒃᓯᕋᐅᓯᐅᖁᔭᐅᔪᑦ: ᓄᑕᖅᑲᓂᒃ ᐱᕈᖅᓴᐃᓂᕐᒧᑦ ᓄᓇᓕᖕᓂ ᑮᓇᐅᔭᖃᖅᑎᑕᐅᓪᓗᑎᒃ ᐱᓕᕆᐊᖑᕙᓪᓕᐊᔪᒪᔪᑦ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᒫᔾᔨ 15, 2024
ᐃᓄᓕᕆᔨᒃᑯᑦ ᐱᔪᒪᔪᑦ ᑐᒃᓯᕋᐅᑎᓂᑦ ᑐᕌᕆᔭᖃᖅᑐᓂᑦ ᓄᓇᓕᖕᓂ ᑐᙵᕕᓕᖕᓂᒃ ᓄᑕᖅᑲᓂᒃ ᐱᕈᖅᓴᐃᓂᕐᒧᑦ ᐱᓕᕆᐊᒃᓴᓂᑦ ᐱᓕᕆᐊᕆᔭᐅᔪᒃᓴᓂᑦ 2024−2025 ᑮᓇᐅᔭᓕᕆᓐᓇᖅ ᐊᕐᕌᒍᒥ. ᑖᒃᑯᐊ ᐱᓕᕆᐊᒃᓴᑦ ᑐᕌᒐᖃᓪᓗᐊᖅᑐᑦ ᐋᖅᑭᒃᓯᒃᑲᓐᓂᕐᓂᕐᒥᒃ ᓴᙱᒃᑎᒋᐊᖅᑎᑦᑎᓂᕐᒥᒡᓗ ᐃᓄᐃᑦ ᐱᖅᑯᓯᖏᑦᑎᒍᑦ ᓄᑕᖅᑲᓂᒃ ᐱᕈᖅᓴᐃᓂᕐᒥᒃ ᐃᓕᓴᐃᓗᑎᒃ ᐊᔪᕈᓐᓃᖅᓴᖅᑕᐅᒋᐊᓕᖕᓂᓪᓗ ᐃᑲᔪᕐᓗᒋᓪᓗ ᒥᒃᖠᒋᐊᖅᑎᓪᓗᒍ ᐊᔪᖅᓴᕐᓂᖅ.
ᑮᓇᐅᔭᓕᐅᖅᑎᐅᙱᑦᑐᑦ ᑲᑐᔾᔨᖃᑎᒌᑦ, ᐃᓄᐃᑦ ᑲᑐᔾᔨᖃᑎᒌᑦ, ᓱᓴᐃᐊᑎᒃᑯᑦ ᐊᒻᒪ ᕼᐋᒻᒪᓚᒃᑯᑦ ᑲᑐᔾᔨᖃᑎᒌᑦ ᑮᓇᐅᔭᓂᒃ ᐱᓇᔪᒍᓐᓇᖅᑐᑦ ᐅᑯᓄᖓ ᐱᓕᕆᐊᒃᓴᓄᑦ ᐱᖃᓯᐅᑎᔪᓂᒃ, ᑭᓯᐊᓂ ᑭᒡᓕᖃᙱᖦᖢᑎᒃ ᐅᑯᓄᖓ:
- ᐆᒻᒪᖅᑎᒃᑲᓐᓂᕐᓗᒍ ᓯᓚᑐᓂᕆᔭᐅᔪᖅ ᐊᔪᕈᓐᓃᖅᓴᐅᑎᓪᓗ ᐃᓄᙳᐃᓂᕐᒧᑦ.
- ᐃᑲᔪᖅᓱᕐᓗᒋᑦ ᒪᒥᓴᕈᑕᐅᓲᑦ ᐊᒻᒪ ᖃᓄᐃᙱᑦᑎᐊᕈᓯᑦ ᐊᖓᔪᖅᑳᕆᔭᐅᔪᓄᑦ/ᐸᖅᑭᔨᓄᑦ ᐃᓚᒌᓄᓪᓗ.
- ᓴᙱᒃᑎᒋᐊᖅᑎᑦᑎᓂᖅ ᐱᓕᕆᐊᕆᔭᕆᐊᖃᖅᑕᖏᓐᓂᒃ ᐃᓚᒌᓄᑦ ᓄᓇᓕᖕᓂᓪᓗ ᓄᑕᖅᑲᓂᒃ ᐱᕈᖅᓴᐃᓂᕐᒧᑦ.
ᑐᒃᓯᕋᐅᑎᓄᑦ ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᔪᓄᑦ, ᖃᐅᔨᒋᐊᕈᓐᓇᖅᐳᑎᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓐᓄᑦ ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒍ ᒪᐃᓇ ᑭᒍᑦᑕᖅ, ᐃᓄᖕᓂᒃ ᐃᓚᐅᑎᑦᑎᓂᕐᒧᑦ ᐸᕐᓇᐃᔨ ᐅᕗᖓ ᑎᑎᕋᕐᕕᒋᓗᒍ @email.
ᐱᔪᒪᔪᓄᑦ ᐃᓱᓕᕝᕕᒃᓴᓕᒃ ᐊᐃᕆᓕ 15, 2024, 5:00−ᒧᐊᖅᐸᖅ ᐅᓐᓄᒃᓴᒃᑯᑦ. ᑲᓇᖕᓇᐅᑉ ᖃᐅᔨᓴᐅᑎᖓ ᒪᓕᒡᓗᒍ.