ᐊᓯᔾᔨᖅᓱᖅᑕᐅᓂᖓ ᓄᓇᕗᒻᒥ ᐸᐃᕆᕕᖕᒧᑦ ᐱᖁᔭᖅ
ᓯᕗᓪᓕᖅᐹᖅ ᐋᕿᒃᑕᐅᓯᒪᔪᖅ ᐸᐃᕆᕝᕕᖕᓄᑦ ᐱᖁᔭᖅ, ᓴᖅᑭᑕᐅᓪᓗᓂ 1988-ᒥ, ᐊᑕᖐᔪᒥᒃ ᕿᒥᕐᕈᔭᐅᕙᓪᓕᐊᔪᖅ ᐱᐅᓯᒋᐊᖁᓪᓗᒍ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᐱᓕᕆᕝᕕᖏᑦ.
ᓄᓇᕗᒻᒥ ᒐᕙᒪᖓᑦ ᐋᖅᑭᒃᓱᐃᔪᖅ ᓄᑖᒥᒃ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᒪᓕᒐᓕᐊᒃᓴᒥᑦ (ᒪᓕᒐᕐᒥᑦ). ᑕᑯᔪᒪᔭᕗᑦ ᑐᕌᕆᔭᕗᓪᓗ ᑲᒪᒋᓗᒋᑦ ᐱᐅᔪᒻᒪᕆᖕᓂᑦ, ᐃᓄᖕᓅᖓᔪᓂ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᐱᓕᕆᐊᒃᓴᖏᑦ ᐊᖅᑯᑎᒋᔪᓐᓇᖅᑐᑦ, ᐊᑭᓕᒐᒃᓴᐅᔪᑦ, ᐃᓚᐅᑎᑦᑎᑎᐊᖅᑐᑦ, ᑕᐅᑐᒐᖃᖅᑐᓪᓗ ᐊᑦᑕᕐᓇᖅᑕᐃᓕᒪᓂᕐᒥᒃ ᖃᓄᐃᙱᑦᑎᐊᕐᓂᕐᒥᒃᓗ ᓄᑕᖅᑲᓂᒃ. ᓄᑖᖅ ᒪᓕᒐᖅ ᓯᕗᓕᖅᑎᑦᑎᓂᐊᕐᒥᔪᖅ ᐃᓄᐃᑦ ᐃᓕᖅᑯᓯᖏᓐᓂᑦ, ᐅᖃᐅᓯᖏᓐᓂᒃᓗ.
ᐅᖃᐅᓯᒃᓴᓯ ᐱᒻᒪᕆᐅᔪᑦ ᑖᔅᓱᒧᖓ ᐱᕙᓪᓕᐊᓂᕐᒧᑦ.
ᐊᑐᒐᒃᓴᑦ ᐅᖃᐅᓯᒃᓴᔅᓯᓐᓄᑦ
- ᐱᔭᕇᕐᓗᒍ ᖃᕆᑕᐅᔭᒃᑯᑦ ᖃᐅᔨᓴᐅᑎᒃᓴᕗᑦ ᑎᑭᓚᐅᙱᑎᓪᓗᒍ ᒪᐃ 31, 2024 ᓇᕿᓪᓗᒍ ᐅᓇ
- ᐃᕐᖐᓐᓈᖅᑕᐅᒃᑯᑦ ᓇᒃᑎᓯᐅᑎᓗᒍ ᐅᖃᐅᓯᒃᓴᑎᑦ ᐅᕗᖓ @email
- ᐅᕝᕙᓘᓐᓃᑦ ᑎᑎᕋᕐᕕᒋᓗᒍ ᐅᖃᐅᓯᒃᓴᓄᑦ ᐊᐅᒃᑕᔫᖅ ᐊᑐᐃᓐᓇᐅᔪᖅ ᐅᕗᓂ ᐅᕝᕙᓘᓐᓃᑦ ᓄᓇᓕᔅᓯᓐᓂ ᒐᕙᒪᒃᑯᓐᓂᒃ ᑐᓴᐅᒪᔪᓕᕆᔨᐅᑉ ᑎᑎᕋᕐᕕᖓᓄᑦ.
- ᓄᓇᓕᒃ:
ᓄᓇᓕᒃ | ᑲᑎᒪᑎᑦᑎᓂᐊᖅᑐᑦ ᐅᓪᓗᖏᑦ | ᑲᑎᒪᕕᒋᓂᐊᖅᑕᖓ |
---|---|---|
ᐃᖃᓗᐃᑦ | ᓇᓗᓇᐃᖅᑕᐅᓛᖅᑐᖅ | ᓇᓗᓇᐃᖅᑕᐅᓛᖅᑐᖅ |
ᐊᕐᕕᐊᑦ | ᐊᐃᕆᓕ 15, 2024 | 7-8:30 p.m. | ᑲᑎᒪᕝᕕᒃ |
ᓴᓪᓕᖅ | ᐊᐃᕆᓕ 16, 2024 | 6:30 - 8 p.m. | ᓴᒃᑯ ᐃᓕᓐᓂᐊᕐᕕᒃ |
ᑲᖏᖅᖠᓂᖅ | ᐊᐃᕆᓕ 17, 2024 | 7-8:30 p.m. | ᑲᑎᒪᕝᕕᒃ |
ᖃᒪᓂ'ᑐᐊᖅ | ᐊᐃᕆᓕ 18, 2024 | 6:30 - 8 p.m. | ᓇᓗᓇᐃᖅᑕᐅᓛᖅᑐᖅ |
ᐃᒡᓗᓕᒑᕐᔪᒃ | ᐊᐃᕆᓕ 19, 2024 | 5-6 p.m. | ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᐅᑉ ᕿᑎᒡᕕᐊᓂᑦ |
ᒥᑦᑎᒪᑕᓕᒃ | ᒪᐃ 1, 2024 | 7-8:30 p.m. | ᐱᙳᐊᕐᕕᖕᒥ |
ᖁᕐᓗᖅᑐᖅ | ᒪᐃ 6, 2024 | 6:30-8 p.m. | ᐱᙳᐊᕐᕕᖕᒥ |
ᐃᖃᓗᒃᑑᑦᑎᐊᖅ | ᒪᐃ 7, 2024 | 7-8:30 p.m. | ᑰᒐᖅ ᑳᕝ |
ᐅᖅᓱᖅᑑᖅ | ᒪᐃ 8, 2024 | ᓇᓗᓇᐃᖅᑕᐅᓛᖅᑐᖅ |
ᐃᒡᓗᓕᒃ | ᒪᐃ 13, 2024 | ᓇᓗᓇᐃᖅᑕᐅᓛᖅᑐᖅ |
ᓴᓂᑭᓗᐊᖅ | ᒪᐃ 21, 2024 | ᓇᓗᓇᐃᖅᑕᐅᓛᖅᑐᖅ |
ᑭᒻᒥᕈᑦ | ᒪᐃ 28, 2024 | ᓇᓗᓇᐃᖅᑕᐅᓛᖅᑐᖅ |
ᐸᖕᓂᖅᑑᖅ | TBD | TBD |
ᐅᖃᖃᑎᒌᒍᑎᓄᑦ ᐱᔾᔪᑏᑦᐃᓚᖃᕐᓂᐊᖅᑐᑦ:
ᐃᓄᓐᓄᑦ-ᑐᕌᖓᔪᑦ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐸᐃᕆᕕᓕᕆᓂᕐᒧᓪᓗ ᐱᓕᕆᐊᑦᓴᐃᑦ ᐱᔨᑦᓯᕋᐅᑏᓪᓗ |
ᑐᙵᕕᓪᓗᐊᑕᖏᑦ ᑐᙵᕕᓪᓗᐊᑕᖏᑦ ᐱᓪᓗᐊᑕᐅᖕᒪᑕ ᖃᐅᔨᒪᔾᔪᑎᑦᑎᐊᕙᐅᓪᓗᑎᒡᓗ. ᑖᒃᑯᐊ ᐋᖅᑭᒃᓯᓪᓗᑎᒃ ᑐᙵᕕᖕᓂᑦ ᐃᓄᓐᓄᑦ-ᑐᕌᖓᔪᑦ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐸᐃᕆᕕᓕᕆᓂᕐᒧᓪᓗ ᓄᓇᕗᒻᒥ ᖃᐅᔨᒪᔾᔪᑕᐅᓗᓂᓗ ᐊᑐᖅᑎᑦᑎᓂᕐᒥᒃ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐸᐃᕆᕕᓕᕆᓂᕐᒧᓪᓗ ᐱᓕᕆᐊᑦᓴᐃᑦ ᐱᔨᑦᓯᕋᐅᑏᓪᓗ. ᑐᙵᕕᓪᓗᐊᑕᖏᑦ ᐅᑯᐊᖑᓂᐊᖅᑐᑦ:
ᐃᓄᐃᑦ ᐅᖃᐅᓯᖅᑕᖏᑦ: ᐋᖅᑭᒃᓯᓗᑎᒃ ᐱᓕᕆᐊᒃᓴᒥᒃ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᒥᓂᔅᑕᒧᑦ ᐱᕚᓪᓕᕈᑕᐅᓗᓂ ᐃᓕᓐᓂᐊᕆᐅᖅᓴᕐᕕᖕᒥ ᐃᓄᒃᑎᑐᑦ ᐅᖃᐅᓯᕐᒥᒃ ᐃᓕᓐᓂᐊᕐᓂᖅ. |
ᐊᑐᐃᓐᓇᐅᔪᑦ, ᐊᑭᑐᙱᑦᑐᑦ, ᐃᓚᓕᐅᔾᔨᓲᑦ, ᐊᒻᒪ ᐱᐅᓪᓗᑎᒃ ᐃᓕᓐᓂᐊᕆᐅᖅᓴᔪᓕᕆᓂᖅ ᐸᐃᕆᕕᓕᕆᓂᕐᓗ |
ᐃᓕᓐᓂᐊᕈᑎᒃᓴᓄᑦ ᒪᓕᑦᑕᐅᕙᑦᑐᑦ: ᐱᒋᐊᖅᑎᓪᓗᒋᑦ ᒪᓕᒐᓕᐅᕈᓐᓇᖅᑐᑦ ᓴᖅᑭᑦᑎᓂᐊᕐᓗᑎᒃ ᓄᑖᓂᒃ ᒪᓕᒃᑕᐅᔪᒃᓴᓂᒃ ᑐᑭᒧᐊᒍᑎᒃᓴᐅᓗᑎᒃ ᓄᑕᖅᑲᑦ ᐃᓕᓐᓂᐊᕐᓂᐊᖅᑎᓪᓗᒋᑦ ᐸᐃᕆᕕᖕᒥ ᐱᓕᕆᔾᔪᓯᒃᑯᑦ. ᐃᓕᓐᓂᐊᕆᐅᖅᓴᔪᓕᕆᓂᖅ ᐸᐃᕆᕕᓕᕆᓂᒧᓪᓗ ᑲᑎᒪᔩᑦ: ᑲᑎᒪᔨᑖᖅᑎᓪᓗᒋᑦ ᐱᖁᔨᕗᖔᓕᐊᕆᔭᐅᔪᓂᒃ ᑐᓴᐅᒪᖃᑎᒌᒃᐸᒡᓗᑎᒃ ᐃᓕᓐᓂᐊᕆᐅᖅᓴᕐᕕᖕᒧᑦ ᐸᐃᕆᕕᖕᒧᓪᓗ ᐱᔾᔪᑕᐅᓕᓲᓂᒃ ᐃᓕᓐᓂᐊᕐᓂᓕᕆᔨᒃᑯᑦ ᒥᓂᔅᑕᖓᓐᓄᑦ. ᐃᓚᒋᔭᐅᔪᑦ ᐃᓚᓕᐅᔾᔨᖃᑦᑕᕐᓂᐊᖅᐳᑦ ᓄᓇᓕᖕᓂ ᐱᓕᕆᔨᐅᖃᑕᐅᔪᓂᒃ, ᓲᕐᓗ ᐃᓕᓐᓂᐊᕆᐅᖅᓴᕐᕕᖕᒥ ᐸᐃᕆᕕᖕᒥᓪᓗ ᐸᐃᕆᔩᑦ ᐊᐅᓚᑦᑎᔨᖏᑦ ᐊᒻᒪ ᐃᓄᐃᑦ ᑲᑐᔾᔨᖃᑎᒌᖏᑦ. ᐊᓯᔾᔨᕈᓐᓇᕐᓂᖅ ᖃᖓᒃᑰᕐᓂᐊᕐᓂᖏᑦ ᐱᔪᓐᓇᐅᑎᖃᑲᐃᓐᓇᕐᓂᕐᓗ ᐋᖅᑭᒃᑕᐅᓗᑎᒃ ᐱᔪᓐᓇᐅᑎᑖᕆᐊᓕᓐᓄᑦ ᐱᓕᕆᕙᓪᓕᐊᓂᖏᓐᓄᑦ ᐸᐃᕆᕕᓐᓄᑦ ᐱᕕᑦᓴᖃᖅᑎᑦᓯᓗᓂ ᐊᓯᔾᔨᕋᑦᓴᐅᓗᑎᒃ ᐱᕕᖃᖅᑎᑦᓯᓂᕐᒧᓪᓗ ᑐᓂᓯᓂᕐᒧᑦ ᐱᔪᓐᓇᐅᑎᐅᑲᐃᓐᓇᖅᑐᓂᒃᐱᔭᕆᐊᖃᖅᐸᑦ. ᑮᓇᐅᔭᓄᑦ ᐱᔪᓐᓇᐅᑎᓕᑦ: ᐱᒋᐊᖅᑎᓪᓗᒋᑦ ᒪᓕᒐᓕᐅᓲᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᒥᓂᔅᑕᒧᑦ ᓴᖅᑭᑦᑎᓂᐊᕐᓗᑎᒃ ᓄᑖᓂᒃ ᐱᔾᔪᓯᕐᓂᒃ ᑮᓇᐅᔭᑎᒍᑦ ᐃᑲᔪᖅᑐᐃᔾᔪᓯᕐᓂᒃ ᓚᐃᓴᓐᓯᖃᖅᑐᓄᑦ ᐃᓕᓐᓂᐊᕆᐅᖅᓴᕐᕕᖕᓄᑦ ᐸᐃᕆᕕᖕᓄᓪᓗ. ᐃᓚᓕᐅᔾᔨᓂᖅ ᐊᒻᒪ ᐊᔾᔨᒌᒃᑎᑦᑎᓂᖅ: ᐊᔪᖅᑎᑉᐸᙱᓪᓗᒋᑦ ᓄᑕᖅᑲᑦ ᐅᑭᐅᓖᑦ 12 ᐅᖓᑖᓂ ᐃᓚᐅᔪᓐᓇᖅᑎᓪᓗᒋᑦ ᐸᐃᕆᕕᒻᒥ ᐱᓕᕆᐊᓄᑦ ᐱᔭᐅᒋᐊᖃᕌᖓᑕ. |
ᓵᑕᐅᔪᓐᓇᕐᓂᖅ |
ᖃᐅᔨᓴᕐᓂᖅ ᐱᔪᓐᓇᕐᓂᓕᓐᓂ: ᐊᖏᒡᓕᑎᒋᐊᕐᓗᒍ ᐱᔪᓐᓇᕐᓂᕆᔭᐅᔪᑦ ᐊᒻᒪ ᐋᕿᒃᓱᐃᓗᓂ ᖃᐅᔨᓴᕐᓂᕐᒥᑦ ᐱᔪᓐᓇᐅᑎᖃᖅᑐᓄᑦ ᐃᓕᓐᓂᐊᕆᐅᖅᓴᓂᕐᒧᑦ ᐸᐃᕆᕝᕕᖕᓄᓗ ᐊᒻᒪ ᐃᓛᒃᑰᖅᑐᓄᑦ ᐸᓴᒍᓱᒃᑐᓄᑦ ᐊᐅᓚᑦᑎᓂᕐᒧᑦ ᐱᔪᓐᓇᐅᑎᖃᙱᑦᑐᓄᑦ ᐸᐃᕆᕝᕕᖕᓂᑦ. ᓲᕐᓗ, ᖃᐅᔨᓴᕈᓐᓇᕐᓂᐊᕐᓗᓂ ᓚᐃᓴᓐᓯᖃᖅᑐᒥᒃ ᐸᐃᕆᕕᖕᒥ ᒪᓕᖕᒪᑦ ᑲᑎᒪᔨᓄᑦ ᐊᖏᖅᑕᐅᓯᒪᔪᑦ ᐊᑐᐊᒐᕐᓄᑦ. ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑕᑯᑎᑦᓯᖃᑦᑕᕐᓂᕐᓗ: ᐱᔭᕆᐊᖃᕐᓗᑎᒃ ᐃᓕᓐᓂᐊᕆᐅᖅᓴᕐᕕᒻᒧᑦ ᐸᐃᕆᕕᒻᒧᓪᓗ ᐊᐅᓚᑦᓯᔩᑦ ᑲᑎᖅᓱᐃᓗᑎᒃ ᑐᑭᓯᒋᐊᕋᑦᓴᓂᒃ ᐊᑦᑐᐊᓂᓕᓐᓂᒃ ᐊᓪᓚᕝᕕᓕᕆᔾᔪᑎᓄᑦ ᐸᐃᕆᕕᓐᓂ ᐱᓕᕆᐊᑦᓴᖏᓐᓂᓪᓗ. ᐱᔭᕆᐊᖃᕐᓗᑎᒃ ᑐᑭᓯᒋᐊᒐᒃᓴᓂᒃ ᐋᖅᑭᒍᑕᐅᓂᐊᖅᑐᓂᒃ ᒪᓕᒃᑕᐅᔭᕆᐊᓕᖕᓄᑦ. ᓴᖅᑭᓪᓗᒍ ᐱᔪᓐᓇᕐᓂᕆᔭᐅᔪᖅ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᒥᓂᔅᑕᒧᑦ ᑐᓴᐅᒪᑎᑦᑎᔪᓐᓇᕐᓗᓂ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᒃ ᐊᓯᖏᓐᓄᑦ ᑮᓇᐅᔭᑎᒍᑦ ᑲᑐᔾᔨᖃᑎᒌᓄᑦ, ᓲᕐᓗ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪ ᑲᓇᑕᒥ ᒐᕙᒪᒃᑯᑦ. |
ᐊᑦᑕᕐᓇᖅᑐᒦᙱᑦᑐᓐᓇᕐᓂᖏᑦ ᖃᓄᐃᙱᑦᑎᐊᕈᓐᓇᕐᓂᖏᓪᓗ ᓄᑕᖅᑲᑦ |
ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᐊᒻᒪ ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᕋᔭᖅᑐᖅ: ᐃᓕᓐᓂᐊᕆᐅᖅᓴᕐᕕᓐᓂ ᐸᐃᕆᕕᓐᓂᓪᓗ ᐊᐅᓚᑦᓯᔩᑦ ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᐊᒻᒪ ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᕋᔭᖅᑐᖅ ᐃᖅᑲᓇᐃᔭᖅᑎᓕᒫᑦ ᐃᖅᑲᓇᐃᔭᓯᒋᐊᓚᐅᙱᓐᓂᖏᓐᓂᒃ. ᐳᕙᓪᓗᕐᓂᕐᒧᑦ ᖃᐅᔨᓴᖅᑕᐅᓂᖅ: ᐃᓕᓐᓂᐊᕆᐅᖅᓴᕐᕕᒻᒥ ᐸᐃᕆᕕᒻᒥᓗ ᐊᐅᓚᑦᓯᔩᑦ ᐃᖅᑲᓇᐃᔭᖅᑎᓂᒃ ᐳᕙᓪᓗᒻᒪᖔᑕ ᖃᐅᔨᓴᖅᑕᐅᖃᑦᑕᕆᐊᖃᖅᑐᑦ ᓄᑕᖅᑲᓂᒃ ᐸᐃᕆᖃᑦᑕᓯᒋᐊᓚᐅᙱᓐᓂᖏᓐᓂᒃ ᐊᑯᓂᐊᓗᓪᓗ ᐸᐃᕆᖃᑦᑕᕆᐊᖃᖅᑎᓪᓗᑎᒃ. ᑭᐱᙳᐃᔭᕐᕖᑦ ᐅᓪᓗᒃᑯᑦ ᐱᓕᕆᔭᖅᑐᕐᕖᑦ: ᓴᖅᑭᑎᑦᓯᓂᕐᒧᑦ ᐅᓄᙱᓛᑦ ᒪᓕᑦᑕᐅᒋᐊᖃᖅᑐᑦ ᑭᐱᙳᐃᔭᕐᕖᑦ ᓄᑕᖅᑲᓄᑦ ᐊᑐᐃᓐᓇᕈᖅᑎᑕᐅᖃᑦᑕᖅᓯᒪᔪᑦ ᕼᐋᒻᒪᓚᒃᑯᓐᓄᑦ ᐊᒻᒪ ᑮᓇᐅᔾᔭᒃᓴᕋᓱᐊᖅᑎᐅᙱᑦᑐᓄᑦ ᑲᑐᔾᔨᖃᑎᒌᓄᑦ. ᑭᑭᑕᐅᕙᒃᑐᑦ: ᐱᔪᓐᓇᖅᑎᓪᓗᒍ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᒥᓂᔅᑕ ᑎᓕᓯᖁᓗᒍ ᐱᔪᓐᓇᕐᓂᖃᕐᓗᓂ ᑭᑭᑕᐅᔪᓐᓇᕐᓗᓂ ᐃᓕᓐᓂᐊᕆᐅᖅᓴᕐᕕᓐᓂ ᐸᐃᕆᕕᓐᓂᓪᓗ ᓇᓗᓇᐃᖅᑕᐅᓯᒪᔪᓂᒃ ᐱᔭᐅᒋᐊᓕᓐᓂᑦ ᐱᖁᔭᕐᒥ. |
ᐊᐱᖅᑯᑕᐅᒐᔪᒃᑐᑦ
ᑭᐅᔭᐅᓗᑎᑦ ᐊᐱᖅᑯᑕᐅᒐᔪᒃᑐᓄᑦ ᐱᓪᓗᒍ ᐱᐊᕆᕝᕕᖕᓄᑦ ᐱᖁᔭᖅ, ᐊᒻᒪᓗᑦᑕᐅᖅ ᐱᒻᒪᕆᐅᓂᕆᔭᖓᓂᒃ, ᑐᒃᓯᕋᖅᑕᓄᑦ ᐊᓯᔾᔨᖅᑐᑦ, ᐊᒻᒪ ᐊᒃᑑᑎᔪᑦ ᖃᑕᙳᑎᖕᓄᑦ ᓄᓇᓕᖕᒧᓪᓗ. ᓇᕿᓪᓗᒍ ᐅᓇ
ᐃᑲᔫᑎᒃᓴᑲᓐᓃᑦ
- ᐃᓚᐅᖃᑕᐅᒋᑦ ᖃᐅᔨᓴᕈᑎᒃᓴᑦᑎᓐᓂᒃ
- ᖃᕆᑕᐅᔭᕐᔪᐊᕐᓗᒍ ᐅᖃᐅᓯᒃᓴᓄᑦ ᑎᑎᕋᕐᕕᒃᓴᖅ
- CDCA−ᑯᑦ ᓄᓇᙳᐊᖏᑦ
- ᐊᓯᔾᔩᓂᖅ ᓄᓇᕗᒻᒥ ᐸᐃᕆᕝᕕᓕᕆᓂᕐᒧᑦ ᐱᖁᔭᕐᒥᑦ
- ᐸᐃᕆᕝᕕᖕᓄᑦ ᐱᖁᔭᖅ