(ᐃᓄᓕᕆᔨᒃᑯᑦ) ᐱᓕᒻᒪᒃᓴᓂᖅ ᐃᖅᑲᓇᐃᔭᕐᓗᓂ
ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕐᓂᖅ
ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕐᓂᖅ ᐱᓕᕆᐊᖑᓲᖑᖕᒥᔪᖅ ᐃᑲᔫᑕᐅᓪᓗᓂ ᒥᑭᑦᑐᓄᑦ ᐊᒻᒪ ᐊᑯᓐᓂᖅᓱᖅᑐᓄᑦ ᐃᖅᑲᓇᐃᔮᒃᓴᖃᖅᑎᑦᑎᖃᑦᑕᖅᑐᓄᑦ ᐱᓕᒻᒪᒃᓴᐃᕙᒃᖢᑎᒃ ᐱᖃᙱᑦᑐᓂᒃ ᐊᒻᒪ ᐱᓕᒻᒪᒃᓴᖅᓯᒪᓗᐊᙱᓐᓂᖅᓴᓂᒃ ᐃᖅᑲᓇᐃᔭᖅᑎᑦᑎᓲᓄᑦ. ᐱᓕᒻᒪᒃᓴᕐᓂᖅ, ᐱᓇᓱᐊᕈᓯᕐᓂᒃ 52−ᓂᒃ ᐊᑯᓂᐅᑎᒋᔪᓐᓇᖅᑐᖅ, ᑕᕝᕙᓂ ᐱᓕᕆᕝᕕᖕᒥ ᐱᓕᒻᒪᒃᓴᕈᓐᓇᖅᑐᖅ, ᐃᓕᓐᓂᐊᕐᕕᖕᒥᒃ/ᑭᓱᓕᕆᕝᕕᖕᒥᒃ ᐅᕝᕙᓘᓐᓃᑦ ᐃᓕᓴᐃᔨᐅᕙᒃᑐᑦ ᐱᓕᒻᒪᒃᓴᐃᔪᓐᓇᕐᒥᔪᑦ ᑕᒪᐃᓐᓂᒃ ᐱᓕᕆᕝᕕᖕᒥ ᐃᓕᓐᓂᐊᕐᕕᖕᒥᓗ. ᓂᕆᐅᒋᔭᐅᓲᖑᕗᖅ ᑕᒪᓐᓇ ᐱᓕᒻᒪᒃᓴᐃᑎᑦᑎᓂᐅᓵᖅᑐᖅ ᐃᓄᖕᒥᒃ ᐱᐊᓂᒃᐸᑦ ᐱᓕᒻᒪᒃᓴᕐᓂᕆᔭᖓ ᑕᐃᒪ ᐃᖅᑲᓇᐃᔭᖅᑎᑖᕆᓪᓗᐊᓕᖅᐸᐅᒃ ᐃᖅᑲᓇᐃᔮᖃᖅᑎᑦᑎᔨᐅᔫᑉ.
ᐱᓇᓱᐊᕆᑦ ᐱᓕᒻᒪᒃᓴᕐᓂᕐᒧᑦ ᐃᑲᔪᖅᓯᖅᑕᐅᓂᕐᒧᑦ ᐱᓕᕆᐊᒃᓴᑦ ᐱᔭᕇᕐᓗᒋᑦ ᑕᒪᕐᒥᒃ ᐃᖅᑲᓇᐃᔭᕐᓂᕐᒧᑦ ᐃᑲᔪᖅᓱᖅᑕᐅᓂᕐᒥ ᐱᔨᑦᑎᕋᐅᑎᑦ ᐊᒻᒪᓗ ᐱᓕᒻᒪᒃᓴᕐᓂᕐᒧᑦ ᐃᑲᔪᖅᓯᖅᑕᐅᓂᕐᒧᑦ ᐱᓕᕆᐊᒃᓴᑦ ᐱᓇᓱᐊᕐᓂᕐᒧᑦ ᑕᑕᑎᕆᐊᓖᑦ.
ᐃᖅᑲᓇᐃᔭᕐᓂᕐᒧᑦ ᐃᑲᔪᖅᓱᖅᑕᐅᓂᕐᒥ ᐱᔨᑦᑎᕋᐅᑎᑦ ᑐᒃᓯᕋᐅᑎᑦ ᑕᑕᑎᕆᐊᓕᑦ
ᐃᖅᑲᓇᐃᔭᕐᓂᕐᒧᑦ ᐃᑲᔪᖅᓱᖅᑕᐅᓂᕐᒥ ᐱᔨᑦᑎᕋᐅᑎᑦ ᑐᑭᓯᒋᐊᒐᒃᓴᑦ ᑲᑎᖅᓱᖅᓯᒪᔪᑦ
EAS−ᒧᑦ ᐱᓇᔫᑎᒧᑦ ᑕᑕᑎᕆᐊᓕᑦ
ᐃᑲᔪᖅᑕᐅᓂᕐᒧᑦ ᐱᓇᓱᐊᕈᑎᓄᓪᓘᓐᓃᑦ ᑕᑕᑎᕆᐊᓕᖕᓄᑦ ᑎᑎᕋᓪᓚᑦᑖᖅᓯᒪᔪᒥᑦ, ᐅᖄᓚᓗᑎᑦ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ (CDO) ᑐᑭᓯᒋᐊᑲᓐᓂᕈᒪᒍᕕᑦ:
ᕿᑎᕐᒥᐅᓂ − 1-800-661-0845
ᑭᕙᓪᓕᕐᒥ− 1-800-953-8516
ᕿᑭᖅᑖᓗᖕᒥ − 1-800-567-1514
ᐊᔪᖅᑎᑕᐅᙱᑦᑐᑦ
ᐃᖅᑲᓇᐃᔭᕐᓂᕐᒧᑦ ᐃᑲᔪᖅᓱᖅᑕᐅᓂᕐᒧᑦ ᐱᔨᑦᑎᕋᐅᑎᑦ ᐱᓕᕆᐊᖑᕙᒃᑐᖅ ᒪᓂᒪᑎᑕᐅᕗᖅ ᒐᕙᒪᒃᑯᓐᓄᑦ ᐊᐅᓚᑕᐅᔪᓄᑦ, ᐃᓛᒃᑰᖅᑐᓄᑦ, ᒐᕙᒪᒃᑯᓐᓂᕐᒥᐅᑕᐅᙱᑦᑐᓄᑦ, ᑮᓇᐅᔭᓕᐅᕋᓱᒃᑎᐅᙱᑦᑐᓄᑦ ᐊᑭᓕᖅᓱᖅᑕᐅᙱᑦᑐᓄᓪᓘᓐᓃᑦ ᑲᑐᔾᔨᖃᑎᒌᓄᑦ. ᓇᖕᒥᓂᖃᖅᑎᐅᔪᑦ ᐃᖅᑲᓇᐃᔭᖅᑏᑦ 50 ᑐᖔᓂ ᐃᖅᑲᓇᐃᔭᖅᑎᖃᕆᐊᓖᑦ. ᐱᓕᒻᒪᒃᓴᖅᑐᖅ ᐱᓕᒻᒪᒃᓴᓪᓗᐊᖅᑐᖅ ᐅᓪᓗᓕᒫᖅ, ᐅᓪᓘᑉ ᐃᓚᐃᓐᓇᖓᓄᑦ (ᐅᓄᙱᓛᖃᕐᓗᒍ ᐃᑲᕐᕋᓄᑦ ᐊᕙᑎᓄᑦ ᐱᓇᓱᐊᕈᓯᕐᒧᑦ) ᐅᕝᕙᓘᓐᓃᑦ ᐊᕐᕌᒎᑉ ᐃᓚᐃᓐᓇᖓᓂ ᐃᖅᑲᓇᐃᔭᕐᓂᕐᒥᒃ. ᐱᓕᒻᒪᒃᓴᖅᑐᑦ ᐃᖅᑲᓇᐃᔭᙱᑐᐃᓐᓇᕆᐊᓖᑦ, ᐃᖅᑲᓇᐃᔮᖃᕋᓗᐊᕐᓗᑎᒃ ᐱᔭᒃᓴᖃᑦᑎᐊᙱᑦᑐᑦ ᐅᕝᕙᓘᓐᓃᑦ ᐃᓕᓐᓂᐊᖅᐸᓪᓕᐊᓗᑎᒃ ᐃᖅᑲᓇᐃᔮᖅᑖᕐᓂᕐᒧᑦ ᐃᓕᓐᓂᐊᖅᑐᑦ.
ᐱᓕᒻᒪᒃᓴᖅᑐᑦ ᓄᓇᕗᒻᒥᐅᑕᐅᔭᕆᐊᓖᑦ ᐊᕐᕌᒍᒧᑦ ᐊᑕᐅᓯᕐᒧᑦ. ᓄᓇᕗᒻᒥᐅᑕᐅᙱᑦᑐᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᑲᓇᑕᒥ ᒐᕙᒪᒃᑯᓐᓂ ᑮᓇᐅᔭᖁᑎᖏᑦ ᐊᑐᐃᓐᓇᐅᒃᐸᑕ.
ᐊᖏᓛᕆᔪᓐᓇᖅᑕᖓ ᐃᑲᔫᑎᑦ
ᑳᓐᑐᓛᒃᑕᐅᓯᒪᔪᑦ ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᕐᓂᕐᒧᑦ, ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᑦ ᐊᑭᖏᑦ ᐅᑯᐊᖑᕗᑦ:
50% ᑮᓇᐅᔭᓕᐊᑦ $15.00/ᐃᑲᕐᕋᒧᑦ ᐃᓱᖃᕐᓗᒍ ᐃᑲᕐᕋᓄᑦ 40-ᓄᑦ ᐱᓇᓱᐊᕈᓯᕐᒥ.
ᐃᖅᑲᓇᐃᔭᖅᑎᑦᑎᔨ ᑐᓂᓯᔭᕆᐊᓕᒃ ᒥᑭᓛᖑᓗᒍ 50% ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᕐᓂᕐᒧᑦ ᑮᓇᐅᔭᓕᐊᖏᓐᓂ
ᑮᓇᐅᔾᔭᒃᓵᓄᑦ ᐃᑲᔫᑎᑦ ᐊᑭᓕᖅᑕᐅᖃᑦᑕᙱᑦᑐᑦ ᓄᖅᑲᖓᓐᓇᓄᑦ, ᐋᓐᓂᐊᕐᓗᑎᒃ ᓄᖅᑲᖓᒋᐊᖃᖅᐸᑕ, ᐅᖃᓗᒡᓗᓂ ᓈᒻᒪᓈᖅᑐᒃᑯᑦ, ᐅᕝᕙᓘᓐᓃᑦ ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᖅᐸᑕ.
ᑮᓇᐅᔾᔭᒃᓵᓄᑦ ᐊᑭᓖᔾᔪᑕᐅᓂᑯᒥᒃ ᐅᑎᖅᑎᑦᑎᓂᖅ ᐊᑭᓕᖅᑕᐅᓇᔭᖅᑐᑦ ᐃᑲᕐᕋᕆᔭᖏᑎᒍᑦ ᐃᖅᑲᓇᐃᔭᕐᓗᓂ ᑭᓯᐊᓂ.
ᑮᓇᐅᔾᔭᒃᓴᓄᑦ ᐃᑲᔫᓯᐊᑦ ᖃᓄᖅᑑᕈᑕᐅᔪᓐᓇᖅᑐᑦ ᐊᖏᓛᖑᔪᓐᓇᕐᓗᒍ ᐃᒪᓐᓇ:
ᖁᑦᑎᖕᓂᖓ 1 − $15.00
(ᐅᕝᕙᓘᓐᓃᑦ 50% ᑮᓇᐅᔾᔭᒃᓵᖓᓄᑦ, ᓇᓕᐊᑐᐃᓐᓇᖅ ᒥᑭᓐᓂᖅᓴᐅᒃᐸᑦ).
ᖁᑦᑎᖕᓂᖓ 2 − $12.50
(ᐅᕝᕙᓘᓐᓃᑦ 50% ᑮᓇᐅᔾᔭᒃᓵᖓᓄᑦ, ᓇᓕᐊᑐᐃᓐᓇᖅ ᒥᑭᓐᓂᖅᓴᐅᒃᐸᑦ).
ᖁᑦᑎᖕᓂᖓ 3 − $10.00
(ᐅᕝᕙᓘᓐᓃᑦ 50% ᑮᓇᐅᔾᔭᒃᓵᖓᓄᑦ, ᓇᓕᐊᑐᐃᓐᓇᖅ ᒥᑭᓐᓂᖅᓴᐅᒃᐸᑦ).
ᐃᖅᑲᓇᐃᔭᖅᑎᑦᑎᔨ ᑐᓂᓯᔭᕆᐊᓕᒃ ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᕐᓂᕐᒧᑦ ᑮᓇᐅᔭᓕᐊᖏᓐᓂ ᒪᓕᒡᓗᒍ ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᕐᓂᕐᒧᑦ ᐊᑐᐊᒐᖅ (23) ᐊᒻᒪᓗᑦᑕᐅᖅ ᐊᑐᕐᓗᓂ ᐃᖅᑲᓇᐃᔭᓕᖅᑎᑕᐅᔪᒃᓴᒧᑦ ᐃᖅᑲᓇᐃᔭᓕᖅᑎᑦᑎᓂᕐᒧᑦ ᒪᓕᒋᐊᓕᖕᓄᑦ ᖁᓛᓂ.
ᑮᓇᐅᔾᔭᒃᓵᓄᑦ ᐊᑭᓖᔾᔪᑕᐅᓂᑯᒥᒃ ᐅᑎᖅᑎᑦᑎᓂᖅ ᐊᑭᓕᖅᑕᐅᓇᔭᖅᑐᑦ ᐃᑲᕐᕋᕆᔭᖏᑎᒍᑦ ᐃᖅᑲᓇᐃᔭᕐᓗᓂ ᑭᓯᐊᓂ.
ᑮᓇᐅᔾᔭᒃᓵᓄᑦ ᐃᑲᔫᑎᑦ ᐊᑭᓕᖅᑕᐅᖃᑦᑕᙱᑦᑐᑦ ᓄᖅᑲᖓᓐᓇᓄᑦ, ᐋᓐᓂᐊᕐᓗᑎᒃ ᓄᖅᑲᖓᔾᔪᑎᓄᑦ, ᐅᖃᓗᒡᓗᓂ ᓈᒻᒪᓈᖅᑐᒃᑯᑦ, ᐅᕝᕙᓘᓐᓃᑦ ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᖅᑲᓇᐃᔭᖅᐸᑕ.
ᑮᓇᐅᔾᔭᒃᓵᓄᑦ ᐋᖅᑭᒃᓯᒪᔪᑦ ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᕐᓂᕐᒧᑦ:
ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᖅᐸᓪᓕᐊᔪᓄᑦ ᐊᑭᑭᓛᒥᑦ ᐊᑭᓕᖅᑕᐅᖃᑦᑕᖅᑐᑦ ᐊᐅᓚᑕᐅᕗᑦ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᖅᐸᓪᓕᐊᔪᑦ ᒪᓕᒋᐊᓕᖏᓐᓂᑦ, ᐃᓚᖓ (23), ᐃᒪᓐᓇ ᐅᖃᖅᓯᒪᓪᓗᓂ:
“23. ᐃᖅᑲᓇᐃᔭᖅᑎᑦᑎᔨ ᐊᑭᓖᖃᑦᑕᕐᓂᐊᖅᐳᖅ ᑕᒪᐃᓐᓄᑦ ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᖅᐸᓪᓕᐊᔪᓄᑦ ᐃᖅᑲᓇᐃᔭᖅᑎᓪᓗᒍ ᑮᓇᐅᔾᔭᒃᓵᖏᓐᓂᒃ ᐅᓄᙱᓐᓂᖅᓴᐅᙱᑉᐸᑕ ᐳᓴᓐᑎᖓ ᑮᓇᐅᔭᓕᐊᓂᒃ ᑎᒍᒥᐊᖅᑎᒧᑦ ᓇᓗᓇᐃᒃᑯᑕᕐᒧᑦ ᐊᔪᙱᓐᓂᕐᒧᑦ ᐅᕝᕙᓘᓐᓃᑦ ᓴᓇᔨᓪᓚᕆᖕᒧᑦ ᐃᖅᑲᓇᐃᔭᖅᑎᑕᐅᔪᒧᑦ ᐊᔾᔨᑦᑎᐊᖓᓂᒃ ᓇᓗᓇᐃᖅᑕᐅᓯᒪᔪᒥᒃ ᓴᓈᖅᑖᕐᓂᕐᒧᑦ:"
ᖃᓄᐃᓕᐅᖅᑕᐅᒋᐊᖃᕐᒪᖔᑦ
ᐃᖅᑲᓇᐃᔭᕐᕕᒋᔭᖅ ᐱᓕᒻᒪᒃᓴᑐᐃᓐᓇᕆᐊᓕᒡᓗ ᐱᔭᕇᖅᓯᔭᕆᐊᓖᑦ ᐱᓇᓱᐊᕈᑎᓂᑦ ᑕᑕᑎᕆᐊᓕᖕᓂᑦ ᑐᓂᓗᒋᓪᓗ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ (CDO) ᕿᒥᕐᕈᔭᐅᓂᐊᖅᑎᓪᓗᒋᑦ.
ᐱᓇᓱᐊᕈᑎ ᐱᓕᒻᒪᒃᓴᕐᓂᕐᒧᓪᓗ ᐸᕐᓇᐅᑎᑦ ᕿᒥᕐᕈᔭᐅᓯᒪᓕᖅᐸᑕ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ ᐊᐅᓪᓚᖅᑎᑕᐅᓂᐊᖅᑐᑦ ᐃᖅᑲᓇᐃᔭᕐᕕᒋᔭᕐᒧᑦ ᐊᔾᔨᖓᓂ ᐱᓕᒻᒪᒃᓴᕐᓂᕐᒧᑦ ᐃᑲᔪᖅᓯᖅᑕᐅᓂᕐᒧᑦ ᐱᓕᕆᐊᒃᓴᖅ ᑳᓐᑐᕌᒃ ᐊᑎᓕᐅᖅᑕᐅᔭᕆᐊᖃᖅᑐᖅ ᑕᒪᐃᓐᓄᑦ ᐃᖅᑲᓇᐃᔭᕐᕕᒋᔭᕐᒧᑦ ᐱᓕᒻᒪᒃᓴᕐᓂᐊᖅᑐᒧᓪᓗ ᐅᑎᖅᑎᑕᐅᓗᓂᓗ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ.
ᐃᖅᑲᓇᐃᔮᕆᔭᐅᔪᒪᔪᓕᕆᔨ ᐱᓯᒪᓕᖅᐸᑦ ᕿᒥᕐᕈᓯᒪᓕᖅᐸᓪᓗ ᑳᓐᑐᕌᒃ ᐊᔾᔨᖓᓂ ᐊᑎᓕᐅᖅᑕᐅᓯᒪᓗᓂ ᐃᓘᓐᓇᖏᓐᓄᑦ ᐱᓕᕆᖃᑎᒌᓄᑦ ᐅᑎᖅᑎᑕᐅᓂᐊᖅᑐᖅ ᐃᖅᑲᓇᐃᔭᕐᕕᒋᔭᕐᒧᑦ ᑎᑎᖅᑲᖃᕐᓗᓂᓗ ᖃᐅᔨᒃᑲᐃᔾᔪᑎᒥ ᐱᓕᒻᒪᒃᓴᕐᓂᕐᒧᑦ ᐃᑲᔪᖅᑕᐅᓂᖅ ᐊᖏᖅᑕᐅᓯᒪᓕᕐᓂᖓᓄᑦ.
ᖃᐅᔨᒪᔭᕆᐊᓕᒃ ᐱᓕᒻᒪᒃᓴᕐᓂᕐᒧᑦ ᐃᑲᔪᖅᓯᖅᑕᐅᓂᕐᒧᑦ ᐱᓕᕆᐊᒃᓴᖅ ᐊᑐᓕᔾᔮᙱᑦᑐᖅ ᐱᓕᕆᖃᑎᒌᓕᒫᑦ ᐊᑎᓕᐅᖅᓯᒪᓕᖅᐸᑕ ᑳᓐᑐᕌᒥ ᑭᓯᐊᓂ ᑎᑎᖅᑲᖅ ᑐᓂᔭᐅᓯᒪᓕᖅᐸᑦ ᐃᖅᑲᓇᐃᔭᕐᕕᒋᔭᕐᒧᑦ.
ᐃᖅᑲᓇᐃᔭᕐᕕᒋᔭᖅ ᑐᓂᓯᖃᑦᑕᖅᑐᖅ ᐊᑭᓕᖅᑕᐅᔪᒪᔾᔪᑎᓂᑦ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ, ᐃᓚᖃᖅᑐᒥ ᖃᔅᓯᐅᓂᖏᓐᓂᑦ ᐃᑲᕐᕋᐃᑦ ᐃᖅᑲᓇᐃᔭᖅᓯᒪᔭᖏᑦ ᐃᖅᑲᓇᐃᔭᖅᑎᐅᑉ, ᑮᓇᐅᔾᔭᒃᓵᖏᓪᓗ ᐊᑭᓕᐅᑕᐅᓯᒪᔪᑦ, ᐊᓯᖏᓪᓗ.
ᖃᐅᔨᒪᓂᐊᖅᐳᓯ ᑖᓐᓇ ᐱᓕᕆᐊᖅ ᐱᓕᕆᐊᖑᑦᑎᐊᕈᓐᓇᓛᖑᖕᒪᑦ ᐃᖅᑲᓇᐃᔭᖅᑎᑦᑎᔨ ᐊᑭᓕᒐᒃᓴᓂᒃ ᑐᓂᓯᔭᕌᖓᑦ ᓈᒻᒪᒃᓯᔭᕌᖓᑦ ᐅᑕᖅᑭᙱᖔᕐᓗᑎᒃ ᑭᓯᐊᓂ ᐱᓇᓱᐊᕈᓯᑦ 52 ᐊᓂᒍᕌᖓᑕ. ᑖᒃᑯᐊ ᐃᓕᓐᓂᐊᖅᑕᐅᔪᒃᓴᑦ ᐊᐅᓚᓂᖃᖅᑐᑦ ᑮᓇᐅᔭᓕᕆᓂᕐᒧᑦ ᐊᕐᕌᒍᖓᓂᑦ ᐊᑭᓕᖅᑕᐅᔪᒪᔾᔪᑎᓕᒫᓪᓗ ᐱᔭᐅᓯᒪᒋᐊᓖᑦ ᒪᐃ 1-ᒥ.
ᐃᖅᑲᓇᐃᔮᕆᔭᐅᔪᒪᔪᓕᕆᔨ ᕿᒥᕐᕈᓂᐊᖅᐳᖅ ᐊᑭᓕᒐᒃᓴᒥᒃ ᑐᓂᓗᒍᓗ ᐃᑲᔫᓯᐊᖅᑎᑦᑎᔨ ᐃᖅᑲᓇᐃᔭᖅᑎᑦᑎᔨᒧᑦ.