ᑐᕌᕆᔭᐅᔪᖅ ᐃᖃᓇᐃᔮᖃᕈᓐᓇᖅᑐᓄᑦ ᐱᓕᕆᐊᒃᓴᖅ

ᖃᓪᓗᓈᑎᑐᑦ

ᑐᕌᕆᔭᐅᔪᑦ ᐃᖃᓇᐃᔮᒃᓴᓕᕆᓂᕐᒧᑦ ᐱᓕᕆᐊᒃᓴᖅ

ᑎᑭᑕᐅᓇᓱᒃᑐᖅ ᐃᖃᓇᐃᔮᖃᕈᓐᓇᖅᑐᓄᑦ ᐱᓕᕆᐊᖑᔪᒪᔪᑦ ᑮᓇᐅᔭᖃᖅᑎᑦᑎᓲᖑᔪᑦ ᐅᑭᐅᖅᐊᑕᐅᓯᕐᒧ ᐃᖃᓇᐃᔭᕐᕕᖕᓄᑦ ᐱᔪᓐᓇᖅᑐᓄᑦ, ᑎᒥᐅᔪᓄᑦ ᐃᓕᓐᓂᐊᕐᓂᓕᕆᓂᕐᒥᓘᓐᓃᑦ ᐊᔪᙱᑎᑕᐅᓗᑎᒃ ᓄᓇᕗᒻᒥᖔᖅᑐᓂᒃ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᒻᒪᒃᓴᕐᓂᕐᒧᑦ ᐃᖃᓇᐃᔮᒃᓴᐅᔪᓄᑦ ᐅᕙᓘᓐᓃᑦ ᐊᔪᕈᓐᓃᖅᓴᕐᓂᕐᒧᑦ ᐃᖃᓇᐃᔭᕐᕕᐅᔪᓂ ᐱᔭᐅᔪᒪᔪᓂ ᐱᔭᐅᔪᒪᓛᖅᑐᓂᓘᓐᓃᑦ.

ᐊᔪᖅᑎᑕᐅᙱᑦᑐᑦ

ᐱᓇᔪᒃᑐᑦ ᑲᑐᔾᔨᖃᑎᒌᑦ ᑕᑯᒃᓴᐅᑎᑦᑎᔭᕆᐊᖃᖅᐳᑦ ᐃᖅᑲᓇᐃᔮᖃᕈᓐᓇᖅᑐᑦ ᐊᒃᑐᐊᓂᖏᓐᓂᒃ ᐱᓕᒻᒪᒃᓴᖅᑎᓪᓗᒋᑦ ᑮᓇᐅᔭᑎᒍᑦ ᐃᑲᔪᖅᑕᐅᔪᒪᑎᓪᓗᒋᑦ ᐃᖅᑲᓇᐃᔮᒃᓴᓂᒡᓗ ᓄᓇᕗᒥᐅᓄᑦ. ᑕᒪᓐᓇ ᐃᓚᖃᕋᔪᒃᐸᒃᐳᖅ ᖃᐅᔨᔾᔪᑕᐅᔪᓐᓇᖅᑐᓂᒃ ᐃᖅᑲᓇᐃᔭᕐᓂᕐᒧᑦ ᐱᔭᐅᔪᒪᕙᒃᑐᓂᒃ ᓄᓇᕗᒻᒥ ᐃᖅᑲᓇᐃᔭᕐᕕᒋᔭᐅᔪᓂᑦ ᑭᖑᓂᑦᑎᓐᓂᓗ ᖃᐅᔨᔾᔪᑕᐅᔪᓐᓇᖅᑐᓂᒃ ᑕᒪᓐᓇ ᐊᔾᔨᑲᓴᖓ ᐊᔪᕈᓐᓃᖅᓴᒐᒃᓴᖅ ᓴᖅᑭᑎᑦᑎᓚᐅᕐᓂᖓᓂᒃ ᐃᖅᑲᓇᐃᔭᕐᓂᕐᒥᒃ ᑕᒪᒃᑯᓄᖓ ᐃᓄᖕᓄᑦ ᐊᔪᕈᓐᓃᖅᓴᖅᑎᑕᐅᓚᐅᖅᑐᓄᑦ.

ᐱᓇᔪᒃᑐᑦ ᑕᑯᒃᓴᐅᑎᑦᑎᔭᕆᐊᖃᕆᕗᑦ ᐃᓕᓐᓂᐊᕐᓂᖅ ᐊᒻᒪ/ᐅᕝᕙᓘᓐᓃᑦ ᐱᓕᒻᒪᒃᓴᕐᓂᖅ ᐊᑐᐃᓐᓇᐅᑎᑕᐅᓂᖓᓂᒃ ᐃᓕᑕᕆᔭᐅᓯᒪᔪᒧᑦ ᐃᓕᓐᓂᐊᕐᕕᖕᒧᑦ ᐅᕝᕙᓘᓐᓃᑦ ᐱᓕᒻᒪᒃᓴᖅᑎᑦᑎᔨᒧᑦ, ᐊᒻᒪ ᐃᓕᓐᓂᐊᖅᑕᐅᔪᑦ ᐃᓱᒪᒋᔭᐅᓗᑎᒃ "ᓴᓇᕝᕕᖕᒥ ᒪᓕᒃᑕᐅᒋᐊᓕᑦ" ᐊᑐᕈᓐᓇᖅᑐᓂᒃ ᓄᓇᕗᒻᒥ ᒪᓕᒐᖅᑎᒍᑦ ᑎᒥᒋᔭᐅᔪᓂᒃ ᐊᒻᒪ/ᐅᕝᕙᓘᓐᓃᑦ ᐃᖅᑲᓇᐃᔭᖅᑎᑦᑎᔨᓂᒃ.

ᑐᒃᓯᕋᐅᑏᑦ ᑲᒪᒋᔭᐅᔾᔪᓯᖏᑦ

ᐱᓇᔪᒃᑐᑦ ᑲᑐᔾᔨᖃᑎᒌᑦ ᑎᑎᕋᕆᐊᖃᖅᐳᑦ TLM−ᒧᑦ ᐱᓇᔫᑎᒥᒃ ᑐᓐᓂᖅᑯᑎᒋᓗᒍᓗ ᑐᑭᒧᐊᒃᑎᑦᑎᔨ ᐃᖅᑲᓇᐃᔮᕆᔭᐅᔪᒪᔪᓕᕆᔨᑦ ᐊᖓᔪᖅᑳᖃᕐᕕᖓᓂ.

ᐃᖅᑲᓇᐃᔭᖅᑏᑦ ᕿᒥᕐᕈᓂᖏᑦ ᑐᑦᓯᕋᐅᑎᓂᑦ ᑐᙵᕕᖃᖅᑐᑦ ᐅᑯᓇᖓᑦ:

ᐃᖅᑲᓇᐃᔭᕐᕕᒋᔭᖅ

ᐃᓕᓐᓂᐊᕐᕕᒃ.

ᐊᑐᐃᓐᓇᐅᑎᑦᑎᓲᑦ.

ᑮᓇᐅᔭᖃᖅᑎᑦᑎᔪᑦ

ᐊᖏᖅᑕᐅᓚᐅᖅᑎᓪᓗᒍ TLM−ᒧᑦ ᐱᓇᔫᑎᒋᔭᐅᔪᖅ, ᑐᓐᓂᖅᑯᑕᐅᕙᒃᑐᓄᑦ ᐅᓂᒃᑳᕐᕕᒋᔭᕆᐊᖃᖅᖢᒋᑦ ᐊᖏᖃᑎᒌᒍᑎ, ᓇᓗᓇᐃᔭᐃᓗᓂ ᐊᑐᖅᑕᐅᔭᕆᐊᓕᖕᓂᒃ ᐊᑐᖅᑕᐅᔭᕆᐊᓕᖕᓂᒡᓗ ᑕᕝᕙᓂ ᐊᖏᖃᑎᒌᒍᑎᒥ, ᐱᔭᕇᖅᑕᐅᕙᒃᐳᖅ ᐊᑎᓕᐅᖅᑕᐅᓪᓗᓂᓗ ᑕᒪᐃᓐᓄᑦ ᐱᓕᕆᖃᑎᒌᒃᑐᓄᑦ.

ᐃᑲᔪᖅᑐᐃᔾᔪᑎᒃᓴᑦ ᑎᑎᕋᖅᓯᒪᔪᑦ

ᐱᑎᑕᐅᔪᖅ ᑲᑐᔾᔨᖃᑎᒌᖑᔪᖅ ᐃᒪᐃᑦᑕᕆᐊᓕᒃ, ᐃᓱᓕᑉᐸᑦ ᐱᓕᒻᒪᒃᓴᕐᓂᕆᔭᐅᔪᖅ(ᑦ), ᑐᓂᓯᔭᕆᐊᓕᒃ ᐅᓂᒃᑳᒥᒃ ᖃᓄᐃᓕᖓᓕᖅᑎᑕᐅᔪᓂᒃ ᐱᔭᐅᔪᓂᒃ ᐊᑐᓂ ᐃᓄᖕᓄᑦ ᐃᓚᐅᖃᑕᐅᔪᓄᑦ ᐱᓕᒻᒪᒃᓴᓂᕐᒥ ᐊᒻᒪ ᑕᒪᐃᓐᓂᒃ ᐱᐊᓂᒃᓯᓂᕐᒥᒃ ᐊᓂᒍᐃᓂᕐᒥᒃᓘᓐᓃᑦ/ᐱᔭᕇᖅᓯᓂᕐᒥᒃ ᓈᓴᐅᑎᒥᒃ ᐱᓕᕆᐊᒃᓴᒧᑦ. ᑎᑎᕋᖅᓯᒪᔪᑦ ᑲᑎᑕᐅᔭᕆᐊᖃᖅᐳᑦ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ/ᐱᓕᒻᒪᒃᓴᖅᑐᓄᑦ ᐊᖏᖅᑕᐅᓯᒪᔪᓄᑦ ᐃᓕᓐᓂᐊᖅᑕᐅᔪᒃᓴᓄᑦ. ᑖᓐᓇ ᐅᓂᒃᑲᐅᓯᖅ ᐃᓚᖃᕆᐊᖃᖅᐳᖅ ᑐᓴᖅᑕᐅᔪᒃᓴᓂᒃ ᓇᓗᓇᐃᔭᖅᓯᒪᔪᓄᑦ ᐃᓚᐅᔪᓄᑦ, ᐊᔪᕈᓐᓃᖅᓴᕐᓂᕐᒧᑦ ᑲᔪᓯᑎᑦᑎᓇᔭᕐᓂᕐᒥᒃ ᖃᓄᐃᓕᖓᓕᕐᓂᕆᔭᐅᔪᓂᒡᓗ.

ᓵᑕᐅᔪᓐᓇᕐᓂᖅ

ᑮᓇᐅᔭᑦ ᑎᑎᕋᖅᑕᐅᓯᒪᒧᑦ ᐱᓯᒪᔭᐅᕙᒃᐳᖅ ᐱᓕᕆᕝᕕᖕᒥᑦ ᐊᑐᓂ ᐃᑲᔫᑎᓄᑦ ᐱᖁᔭᖅ ᒪᓕᒡᓗᒍ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᖅ ᐱᖁᔭᖓ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐊᑐᖅᑕᐅᔭᕆᐊᓖᑦ. ᐱᓕᕆᐊᒃᓴᖅ ᓇᐅᑦᑎᖅᓱᖅᑕᐅᓂᐊᖅᑐᖅ ᐃᖃᓇᐃᔮᕆᔭᐅᔪᒪᔪᓕᕆᔨᓄᑦ.

ᐱᓇᔫᑎᓄᑦ ᖃᐅᔨᒪᔾᔪᑎᒃᓴᑦ

ᑐᕌᕆᔭᖃᖅᑎᑕᐅᓪᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᐊᒃᓴᖅ ᐃᑲᔪᖅᑐᐃᕙᒃᐳᖅ ᐱᕙᓪᓕᐊᑎᑕᐅᓂᖏᓐᓄᒃ ᑲᔪᓯᑎᑕᐅᓂᖏᓐᓄᓪᓗ ᐊᔪᕈᓐᓂᖅᓴᕐᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᓪᓗ ᐱᓕᕆᐊᒃᓴᐃᑦ ᐃᖅᑲᓇᐃᔭᙱᑦᑐᓄᑦ ᓄᓇᕗᒻᒥᐅᓄᑦ ᐊᑐᓕᖅᐸᒃᑐᓄᑦ ᖃᔅᓯᑲᓪᓚᖕᒪᕆᖕᓂᒃ ᐊᔭᖅᑭᑦᑕᕈᑕᐅᓕᖅᐸᒃᑐᓂᒃ ᐃᖅᑲᓇᐃᔭᕐᓂᕐᒧᑦ.

ᐊᔪᕈᓐᓂᖅᓴᕐᓂᕐᒧᑦ ᐃᓕᓐᓂᐊᕈᑕᐅᕙᒃᑐᑦ ᐃᓚᖃᑐᐃᓐᓇᕆᐊᓖᑦ ᐅᑯᓂᖓ, ᐱᒻᒪᕆᐊᓗᖕᓂᒃ ᐊᔪᕈᓐᓃᖅᑕᐅᕙᒃᑐᓂᒃ, ᐃᖅᑲᓇᐃᔭᕈᓐᓇᕐᓯᓂᕐᒧᑦ ᐊᔪᕈᓐᓂᖅᑕᐅᕙᒃᑐᓂᒃ, ᐃᓅᓯᕐᒥ ᐊᐅᓚᑦᑎᕝᕕᖃᑦᑎᐊᕈᓐᓇᕐᓂᕐᒥᒃ ᐊᔪᕈᓐᓂᖅᑕᐅᕙᒃᑐᑦ, ᐃᖅᑲᓇᐃᔭᕆᐊᖃᑐᐃᓐᓇᕆᐊᖃᓕᕐᓂᕐᒧᓪᓗ (ᐃᖅᑲᓇᐃᔭᐅᔮᕐᔪᒡᓗᓂ ᐃᖅᑲᓇᐃᔭᖅᓯᒪᓂᑰᓂᕐᒧᑦ ᐱᓕᕆᐊᖃᖃᑦᑕᖅᓯᒪᓂᑰᓂᖅ ᐱᔪᒥᒋᔭᐅᓂᐊᖅᐳᖅ). ᓯᕗᓪᓕᖅᐸᐅᔾᔭᐅᓂᐊᖅᑐᑦ ᓄᓇᕗᒻᒥᒃ ᑐᙵᕕᓖᑦ ᑲᑐᔾᔨᖃᑎᒌᑦ ᑐᕌᕆᔭᖃᖅᐸᒃᑐᑦ ᐃᓄᖃᑎᒋᓂ ᐊᔪᕐᓴᖅᑐᖅᓯᐅᖅᑎᑕᐅᓕᑐᐃᓐᓇᕆᐊᖃᖅᐸᒃᑐᓂ ᓲᕐᓗ ᒪᑯᐊ:

ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ,

ᒪᒃᑯᒃᑐᑦ ᖁᐊᖅᓴᕐᓇᖅᑐᒦᑦᑐᑦ (ᐊᕐᕌᒍᓖᑦ 15-30−ᓂᒃ ᐃᓕᓐᓂᐊᙱᖦᖢᑎᒡᓗ),

ᐃᓄᐃᑦ ᓵᑦᑎᐊᕐᒥᐅᑕᖃᓕᓲᑦ ᖃᔅᓯᑲᓪᓚᖕᓂᒃ ᐊᔭᖅᑭᑦᑕᕈᑎᓂᒃ ᐃᖅᑲᓇᐃᔭᕐᓂᐅᕙᒃᑐᓄᑦ,

ᐃᓄᐃᑦ ᐃᖅᑲᓇᐃᔭᙱᑦᑐᑦ, ᐃᖅᑲᓇᐃᔭᕐᕕᑭᓗᐊᖅᑐᑦ ᐃᖅᑲᓇᐃᔭᓚᐅᖅᓯᒪᙱᑦᑎᐊᖅᑐᓪᓘᓐᓃᑦ.

ᐱᓕᕆᐊᖑᔪᑦ ᐃᓚᖃᕈᓐᓇᖅᐳᑦ ᐃᒡᓗᕈᓯᕐᒥ ᐃᓕᓐᓂᐊᕐᕕᖕᒥ ᐱᓕᕆᐊᖑᕙᒃᑐᓂᒃ ᐊᔪᕈᓐᓃᖅᑕᐅᕙᒃᑐᓄᓪᓗ ᐱᕙᓪᓕᐊᓂᕐᒧᑦ ᐱᓕᕆᐊᖑᕙᒃᑐᓂᒃ. ᐱᓕᕆᐊᖑᔪᑦ ᑲᔪᓯᑎᑕᐅᔪᓐᓇᖅᐳᑦ ᓇᓕᐊᕐᓂᑐᐃᓐᓇᖅ ᓄᓇᓕᖕᓂ ᓄᓇᕗᒻᒥ. ᓂᕆᐅᒋᔭᐅᔪᑦ ᖃᓄᐃᓕᐅᕐᓂᐊᕋᓱᒋᔭᐅᔪᑦ ᐅᑯᖕᓂᙵ ᐃᓚᖃᖅᐳᑦ;

ᐃᖅᑲᓇᐃᔮᖃᕐᓂᖅ.

ᐃᓕᓐᓂᐊᕐᕕᖕᒧᑦ ᐅᑎᕐᓂᖅ/ᖁᕝᕙᓯᖕᓂᖅᓴᒥᒃ ᐃᓕᓐᓂᐊᕐᓂᖅ.