ᐊᖓᔪᖅᑳᑦ ᓱᕈᓯᕐᓄᑦ

ᐊᖓᔪᖅᑳᑦ, ᖃᑕᙳᑎᒌᑦ, ᓄᓇᓖᓪᓗ ᐱᒻᒪᕆᐅᕗᑦ ᓱᕈᓯᐅᑉ ᐱᕈᖅᐸᓪᓕᐊᓂᖓᓄᑦ. ᐃᑲᔪᖅᐸᒃᐳᒍᑦ ᐃᓕᓐᓂᐊᓕᓵᖅᑐᓄᑦ ᐱᓕᕆᐊᓄᑦ ᐊᖓᔪᖅᑳᓄᓪᓗ ᖃᑕᙳᑎᒌᓄᓪᓗ ᐃᓛᒃᑯᑦ, ᐃᑲᔫᑎᖃᖅᑐᓂ ᓯᕗᓂᔅᓴᑎᓐᓄᑦ ᐃᑲᔪᖅᓱᕐᓂᑎᓐᓄᑦ ᓄᑲᖅᑎᖅᐹᑎᓐᓂ ᐃᓅᖃᑎᑦᑎᓐᓂᑦ.

ᐃᓕᓐᓂᐊᓕᓵᖅᑐᓄᑦ ᐱᓕᕆᐊᑦ ᐱᓕᕆᐊᑦ ᐱᔪᓐᓇᐅᑎᖃᖅᑎᑕᐅᔪᐃᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ:

ᐃᓕᓐᓂᐊᕆᐅᖅᓴᕐᕖᑦ; ᐸᐃᕆᕝᕖᑦ;ᐊᖏᖅᕋᕆᔭᕐᒥᑦ ᐸᐃᕆᕖᑦ; ᐃᓕᓐᓂᐊᕐᕕᐅᑉ ᓯᓚᑖᓂᑦ ᐸᐃᕆᕕᒃ (ᐆᒃᑑᑦ ᐃᓕᓐᓂᐊᕌᓂᒃᑎᓪᓗᒋᑦ ᐱᓕᕆᐊᑦ).

ᐅᓇ ᓇᕿᓪᓗᒍ ᐱᔪᓐᓇᐅᑎᓕᖕᓄᑦ ᐸᐃᕆᕝᕕᖕᓄᑦ ᓄᓇᕗᒻᒥ.

ᐱᓕᕆᐊᑦ ᐱᔪᓐᓇᐅᑎᖃᖅᑎᑕᐅᙱᑦᑐᑦ ᐃᓕᓐᓂᐊᕐᓂᓕᕆᔨᒃᑯᓐᓂ:

ᖃᐅᔨᒋᐊᕈᒪᒍᕕᑦ ᑕᒪᑦᑯᓄᖓ ᐱᓕᕆᐊᓄᑦ, ᐊᑏ ᑕᑯᒋᐊᕐᓗᒍ ᖃᐅᔨᒋᐊᕐᕕᒃ ᐅᓇᓂ, ᖃᐅᔨᒋᐊᕐᓗᒍᓘᓐᓃ ᓄᓇᓕᖕᓃᑦᑐᖅ ᕼᐋᒻᒪᓚᑦ/ᓄᓇᓕᐸᐅᔭᖅ ᐊᒡᓚᒡᕕᖓ.

ᐅᖃᓕᒫᒐᖃᕐᕖᑦ

ᐅᖃᓕᒫᕐᓂᖅ ᑎᑎᕋᕐᓂᖅ

ᐱᐅᔪᐊᓗᑦᑕᖃᙱᑦᑐᖅ− ᑲᐅᕋᓐ ᔭᓕᑯᕕᑦᔅ ᐃᕐᖐᓐᓈᖅᑕᐅᑦ: @email ᐅᖃᓘᑖ: (867) 975 - 5942

ᐃᑲᔫᑏᑦ

ᐃᑲᔪᖅᓯᖁᓪᓗᒍ ᐱᔪᒃᓯᑎᑦᑎᖁᓪᓗᒍᓗ ᓄᓇᕗᒻᒥ ᐊᖓᔪᖅᑳᖑᔪᑦ ᑎᑭᐅᑎᓇᓱᐊᕆᐊᕐᕕᒋᔪᓐᓇᕐᓂᓕᒫᖏᓐᓄᑦ, ᐱᕙᓪᓕᐊᕚᓪᓕᖁᓪᓗᒋᓗ ᓱᕈᓯᖏᑦ, ᐃᑲᔫᑏᑦ ᐸᐃᕆᕝᕕᖕᓄ ᐊᑭᓕᒐᒃᓴᓄᑦ ᐱᑐᐃᓐᓇᐅᔪᑦ.

ᒪᒃᑯᒃᑐᓄᑦ ᐊᖓᔪᖅᑳᖑᔪᑦ ᐃᓕᓐᓂᐊᖏᓐᓇᕈᑎᖓ

ᓄᓇᕗᒻᒥ ᒪᒃᑯᒃᑐᑦ ᐃᓕᓐᓂᐊᕌᓂᖁᓪᓗᒋᑦ, ᒪᒃᑯᒃᑐᑦ ᐊᖓᔪᖅᑳᑦ ᐃᓕᓐᓂᐊᖅᑐᑦ ᓄᑲᖅᑎᓐᓄᑦ ᐅᕝᕙᓘᓐᓃᑦ ᐊᖓᔪᖅᑎᓄᑦ ᐃᓕᓐᓂᐊᕐᕕᒻᒥᑦ (ᓯᓚᑦᑐᖅᓴᕐᕕᖕᒧᓘᓐᓃ ᐅᑭᐅᖃᕈᑎᒃ 18 ᑐᖔᓄᓪᓗ) ᑮᓇᐅᔭᖅᑖᕈᓐᓇᖅᑐᑦ ᐸᐃᕆᕝᕕᖕᓄ ᐊᑭᓕᕆᐊᓕᖕᓄᑦ.

ᐱᓇᓱᐊᖅᑐᑦ ᒫᓐᓇᐅᔪᖅ ᐸᐃᕆᕝᕕᖕᒧ ᐃᑲᔫᓯᐊᕌᓂᒃᓯᒪᔭᕆᐊᖃᙱᑦᑐᑦ, ᐃᑲᔫᑎᒥᒡᓘᓐᓃ ᐊᒡᒍᖅᓯᒪᔪᒃᑯ ᐃᓄᐃᑦ ᑲᑐᔾᔨᖃᑎᒌᖏᓐᓂ.

ᐱᓇᓱᐊᕈᒪᒍᕕᑦ, ᐱᔭᕇᕐᓗᒍ ᐅᓇ ᑎᑎᕋᒐᒃᓴᖅ.

ᐸᐃᕆᕝᕕᑎᒎᖅᑐᓄ ᐃᑲᔫᑎ ᑮᓇᐅᔭᓕᐅᕐᓂᑭᑦᑐᑦ ᐃᓚᒌᑦ ᓄᓇᕗᒻᒥᐅᑕᑦ ᑕᒪᑐᒥᖓ ᐃᑲᔫᓯᐊᕈᓐᓇᖅᑐᑦ ᐸᐃᕆᕝᕕᖕᓄ ᐱᓕᕆᐊᓄᑦ. ᐱᓇᓱᐊᖅᑐᑦ ᐅᑭᐅᖃᕆᐊᓖᑦ 18 ᐅᖓᑖᓂᓪᓗ, ᓱᕈᓯᖃᕐᓗᑎᒃ ᐅᑭᐅᓕᖕᒥ 12 ᑐᖔᓂᓪᓗ, ᐃᖅᑲᓇᐃᔭᕐᓗᓂᓗ, ᐃᓕᓐᓂᐊᕐᓗᓂᓘᓐᓃ, ᑕᒪᐃᓐᓂᓘᓐᓃ.