ᓄᓇᓖᑦ ᐃᓚᐅᑎᑕᐅᓂᖏᓐᓄᑦ ᐃᑲᔫᑎᓄᑦ ᐱᓕᕆᐊᒃᓴᑦ
ᐱᓕᕆᕝᕕᐅᔪᖅ ᐊᖏᖅᓯᒪᔪᖅ ᐃᑲᔪᖅᑐᐃᓂᖅ ᑲᒪᒋᔭᓄᑦ ᐱᕙᓪᓕᐊᓂᕐᒥᒃ ᓄᓇᕘᑉ ᐅᔭᕋᖕᓂᐊᕐᕕᖏᓐᓂᑦ ᑐᕌᒐᒃᑯᑦ ᑮᓇᐅᔭᑎᒍᑦ ᐃᑲᔪᖅᑐᐃᓪᓗᑎᒃ ᓄᓇᓖᑦ ᑲᑐᔾᔨᖃᑎᒌᖏᓐᓄᑦ, ᐅᔭᕋᒃᓯᐅᕐᓃᑦ ᒥᑭᑦᑐᓪᓗ ᐅᔭᕋᖕᓂᐊᖅᑎᑦ ᐃᓚᐅᑎᑦᑎᔪᑦ ᐃᓱᒪᒋᔭᑦ ᐃᓄᖕᓄᑦ ᐱᔭᐅᔪᒪᓪᓗᑎᒃ.
ᓄᓇᓖᑦ ᐃᓚᐅᑎᑕᐅᓂᖏᓐᓄᑦ ᐃᑲᔫᑎᓄᑦ ᐱᓕᕆᐊᒃᓴᑦ ᐃᑲᔪᖅᑐᐃᓂᐊᖅᐳᑦ ᑮᓇᐅᔭᑎᒍᑦ ᐱᓕᕆᐊᑉ ᐱᕙᓪᓕᐊᓂᖓᓂ, ᓯᕗᓂᐊᓂᑦ ᒪᓕᒋᐊᓖᑦ ᐅᔭᕋᖕᓂᐊᕐᓂᐊᕐᓗᑎᒃ ᐊᐅᓚᓂᐊᕐᓗᑎᒡᓗ. ᐅᑯᐊ ᐱᓕᕆᐊᒃᓴᑦ ᓴᖅᑭᔮᖅᑎᑦᑎᔪᓐᓇᖅᑐᑦ ᑐᑭᓕᖕᒥᑦ ᐊᖏᕈᑎᒥᑦ ᐃᓚᐅᑎᑦᑎᓂᐊᕐᓗᑎᒃ ᓄᓇᕗᒥᐅᓂᒃ ᒪᓕᒃᓗᑎᒃ ᓄᓇᓖᑦ ᓯᕗᓪᓕᐅᔾᔭᒃᓴᖏᓐᓂᑦ ᐱᔪᒥᓇᓛᖑᕗᑦ.
ᐃᑲᔫᓯᐊᕈᓐᓇᕋᔭᖅᑐᑦ ᑭᒡᓕᖃᖅᑎᑕᐅᕗᑦ ᓄᓇᓕᖕᓄᑦ ᑲᑐᔾᔨᖃᑎᒌᓄᑦ ᐅᔭᕋᒃᓯᐅᑎᓄᓪᓗ ᐃᒪᐃᓲᓄᑦ:
- ᐃᓚᖃᖅᑐᖅ ᓯᕗᓪᓕᖅᐹᒥᑦ ᓄᓇᓖᑦ ᐃᓚᓕᐅᔾᔭᐅᓯᒪᓂᖏᓐᓄᑦ ᐸᕐᓇᐅᑎᒥᑦ ᐃᓱᒪᒋᔭᓖᑦ ᓄᓇᓖᑦ ᖃᓂᓛᖑᔪᑦ ᐱᓕᕆᕝᕕᐅᔪᒧᑦ, ᓇᓗᓇᐃᔭᐃᓪᓗᑎᒃ ᐃᓱᒫᓘᑕᐅᑐᐃᓐᓇᕆᐊᓕᖕᓂᑦ ᐊᑑᑎᖃᕐᓂᐊᖅᑐᓂᒡᓗ, ᐱᓇᓱᐊᖅᑐᓪᓗ ᑐᑭᓕᖕᓂᑦ ᐃᓚᓕᐅᔾᔨᓂᕐᒥᑦ ᓄᓇᓕᖕᓂᑦ ᐱᓕᕆᐊᓂᑦ ᐸᕐᓇᐃᑎᓪᓗᒋᑦ, ᖃᐅᔨᓴᖅᐸᒃᑎᓪᓗᒋᑦ ᐅᓂᒃᑳᓕᐅᖅᐸᒃᑎᓪᓗᒋᓪᓗ;
- ᐊᑎᓕᐅᖅᑕᐅᓯᒪᔪᒥᑦ ᐱᔪᓐᓇᕐᓂᓕᖕᒧᑦ ᓄᓇᓖᑦ ᑲᑐᔾᔨᖃᑎᒌᒃᑯᖏᓐᓂᑦ ᐅᔭᕋᒃᓯᐅᖅᑎᓄᓪᓗ ᓇᓗᓇᐃᔭᐃᓪᓗᑎᒃ ᕿᒥᕐᕈᓯᒪᓂᖏᓐᓂᑦ ᐊᖏᖅᓯᓂᖏᓐᓂᒡᓗ ᓯᕗᓪᓕᖅᐹᒥᑦ ᓄᓇᓕᖕᓄᑦ ᐃᓚᓕᐅᔾᔭᐅᓂᕐᒧᑦ ᐸᕐᓇᐅᑎᒥᑦ;
- ᐊᑐᕈᓐᓇᕐᓂᓕᒫᖏᓐᓂᑦ ᐊᑐᕐᓗᑎᒃ ᓄᓇᕗᒻᒥ ᐱᖁᑎᓂᒃ ᐱᔨᑦᑎᕋᐅᑎᓂᒡᓗ, ᐃᓚᐅᓪᓗᑎᒃ ᐃᖅᑲᓇᐃᔭᕐᓃᑦ (ᑖᒃᑯᐊ ᐱᓇᔪᒃᑐᑦ ᖁᑦᑎᓛᒦᓐᓂᐊᖅᑐᑦ ᐊᓯᖏᓐᓂ ᐱᓇᔪᒃᑐᓂ ᐱᓯᒪᙱᑦᑐᓂᑦ).
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᓕᒫᕐᓗᒍ ᐊᑐᐊᒐᖅ ᑎᑎᕋᖅᓯᒪᔪᖅ ᐊᑖᓂ.
ᓄᓇᓖᑦ ᐃᓚᐅᑎᑕᐅᓂᖏᓐᓄᑦ ᐃᑲᔫᑏᑦ ᐱᓕᕆᐊᔅᓴᓄᑦ ᐊᑐᐊᒐᖅ
ᐊᑐᖅᑎᑕᐅᓂᖓ
ᐱᓇᔪᖕᓂᐊᕐᓗᓂ CESP−ᒧᑦ ᑮᓇᐅᔭᖁᑎᒋᔭᐅᔪᒥᒃ, ᑕᑕᑎᕐᓗᒍ ᐱᓇᔫᑎᒋᔭᐅᔪᖅ ᑎᑎᕋᕆᐊᓕᒃ ᐊᑖᓂ.
ᓄᓇᓖᑦ ᐃᓚᐅᑎᑕᐅᓂᖏᓐᓄᑦ ᐃᑲᔫᑏᑦ ᐱᓕᕆᐊᔅᓴᒧᑦ ᑐᑦᓯᕋᐅᑎ
ᖃᐅᔨᒋᐊᕐᕕᒃᓴᖅ
ᐅᔭᕋᖕᓂᐊᕐᓂᕐᒧᑦ ᐅᔾᔨᕈᓱᓕᖅᑎᑦᑎᔨᐅᓪᓗᓂ ᐊᐅᓚᑦᑎᔨ
ᐅᖄᓚᐅᑎᖓ: 867-857-3164
ᐊᑭᖃᙱᑦᑐᒃᑯᑦ: 1-888-975-5999
ᓱᒃᑲᔪᒃᑯᑦ: 867-857-2380
ᐃᕐᖐᓐᓈᖅᑕᐅᑦ: @email