ᐱᒋᐊᕈᑎᐅᔪᖅ ᐅᔭᕋᒃᓯᐅᕐᓂᕐᒧᑦ
ᐅᔭᕋᒃᓯᐅᕐᓂᖅ ᐱᕙᓪᓕᐊᓂᐅᔪᖅ ᖃᐅᔨᓴᕐᕕᖕᒥ ᐃᓂᐅᔪᒧᑦ ᖃᐅᔨᓇᓱᒃᑎᓪᓗᒋᑦ ᐱᑕᖃᕐᓂᖓᓂᒃ ᐊᒻᒪᓗ ᐱᐅᓂᖓᓂᒃ ᐅᔭᖅᑲᓂᒃ ᐱᑕᖃᕐᓂᐅᔪᓂᒃ. ᐃᓚᖃᖅᑐᖅ ᐱᒻᒪᕆᐅᔪᒥᑦ ᖃᐅᔨᓴᕈᑎᓂᒃ, ᓄᓇᙳᐊᓂᑦ, ᖃᐅᔨᓴᒐᒃᓴᓂᑦ, ᐃᑰᑕᕆᐊᓕᖕᓂᓪᓗ ᐱᕙᓪᓕᐊᑎᑕᐅᔪᓂᓪᓗ.
ᐊᒥᓱᓂᒃ ᐱᔾᔪᑎᑕᖃᖅᐳᖅ ᐅᔭᕋᒃᓯᐅᕐᓂᕐᒨᖓᔪᓂᒃ, ᓲᕐᓗ ᑕᑯᖃᑦᑕᖅᓯᒪᓗᓂ ᑕᖅᓴᖃᙱᑦᑐᓂᒃ ᐅᔭᖅᑲᓂᒃ ᐅᕝᕙᓘᓐᓃᑦ ᐅᔭᖅᑲᓂᒃ ᐱᐅᓇᓱᒋᔭᕐᓂᒃ ᖃᐅᔨᓴᖅᑕᐅᒋᐊᒃᓴᖅ. ᐃᒻᒪᖄ ᐃᓕᖅᑯᓯᑐᖃᒃᑯᑦ ᖃᐅᔨᒪᓂᕆᔭᐃᑦ ᓇᓗᓇᐃᖅᐳᖅ ᐱᓕᕆᐊᒃᑯᒥᓇᖅᑐᖅᑕᖃᕐᒪᖔᑦ ᑖᒃᑯᓇᓂ. ᐅᔭᕋᖅᓯᐅᕐᓂᖅ ᐱᓕᕆᐊᖑᔪᓐᓇᖅᐳᖅ ᐱᙳᐊᖅᑎᓄᑦ ᐊᒻᒪ ᐱᓕᕆᔨᒻᒪᕆᖕᓄᑦ, ᐱᒻᒪᕆᐅᒐᓗᐊᖅᑎᓪᓗᒍ ᑭᓇᑐᐃᓐᓇᑦᑎᐊᒧᑦ ᐅᔭᕋᒃᓯᐅᖅᑐᓄᑦ ᓄᓇᕗᒻᒥ ᖃᐅᔨᒪᓗᑎᒃ ᖃᓄᐃᓕᐅᕆᐊᖃᕐᓂᖏᓐᓂᒃ ᒪᓕᒡᓗᑎᒡᓗ ᐱᒻᒪᕆᐅᔪᓂᒃ ᒪᓕᒋᐊᓕᖕᓂᒃ, ᐱᓗᐊᖅᑐᒥᒃ ᓇᓗᓇᐃᖅᓯᓇᓱᒃᑎᓪᓗᒋᑦ ᓄᓇᒥᒃ ᓇᖕᒥᓂᖃᕐᓂᕐᒥᒃ ᐊᒻᒪ ᓴᐳᔾᔨᓂᕐᒥᒃ.
ᐃᓚᒋᔭᐅᓪᓗᓂ ᐅᔭᕋᖕᓂᐊᒐᒃᓴᖅᓯᐅᖅᑎᓄᑦ ᑐᓴᐅᒪᑎᑕᐅᒐᓗᐊᕐᒪᖔᑕ, ᐱᓕᕆᕝᕕᒃ ᓴᖅᑭᑎᑦᑎᓯᒪᔪᖅ ᐊᑐᐃᓐᓇᐅᑎᑦᑎᓪᓗᑎᓪᓗ ᑕᓪᓕᒪᓄᑦ-ᐃᓚᖏᓐᓂᑦ ᐅᓂᒃᑳᕐᓂᕐᒥᑦ ᓇᓗᓇᐃᔭᐃᔪᓂᑦ ᑐᑭᓯᒋᐊᕈᑎᓂᑦ ᐅᔭᕋᖅᓯᐅᕐᓂᕐᒧᑦ ᓄᓇᕗᒻᒥ.