ᑲᑎᒪᔩᑦ
ᐊᒡᒍᖅᓯᒪᓂᖓ 3(2) ᑖᒃᑯᓇᖓᑦ ᐃᒥᐊᓗᓕᕆᓂᕐᒧᑦ ᐱᖁᔭᕐᓂᒃᐱᕕᖃᑦᑎᑦᑎᓲᑦ ᐊᕐᕕᓂᓖᑦ ᑎᓴᒪᓂᒃ (9) ᑲᑎᒪᔨᓂᒃ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᐱᔪᓐᓇᐅᑎᑖᖅᑎᑦᑎᓂᕐᒧᑦ ᑲᑎᒪᔩᑦ, ᑎᒃᑯᐊᖅᑕᐅᓯᒪᔪᓂ ᒥᓂᔅᑕᒧᑦ.
ᒫᓐᓇᐅᔪᖅ ᑕᓪᓕᒪᐅᔪᑦ (5) ᑐᑭᒧᐊᒃᑎᑦᑎᔩᑦ ᑲᑎᒪᔨᓂ, ᐃᓚᒋᓪᓗᒍ ᐃᒃᓯᕙᐅᑕᖅ. ᖃᐅᔨᒋᐊᕐᕕᒋᔪᒪᒍᕕᒋᑦ ᑲᑎᒪᔩᑦ ᐊᐅᓚᑦᑎᔨᐅᓪᓗᑎᒃ, ᐃᕐᖐᓈᖅᑐᐊᒃᑯᑦ @email.
ᑎᐅᕆ ᑖᐱᓐ (ᐃᒃᓯᕙᐅᑕᖅ)
ᓄᓇᕗᒻᒥᐅᑕᐅᔪᖅ ᐊᕙᑎᓄᑦ (20) ᐊᕐᕌᒍᓄᑦ, ᑎᐅᕆ ᐊᑐᕐᓂᖃᖅᐳᖅ ᓴᙱᓂᖃᖅᑐᒥ ᓄᓇᓕᖕᓂ ᐊᖏᖅᓯᒪᓂᖃᖅᑐᖅ NLLB-ᒧᑦ. ᐃᖃᓗᐃᑦ ᓄᓇᓕᐸᐅᔭᖓᓂ ᑲᑎᒪᔨᐅᓂᑯ, ᑎᐅᕆ ᐱᔨᑦᑎᕋᖅᓯᒪᔪᖅ ᑕᒪᐃᓐᓂ ᐃᖃᓗᐃᑦ ᓄᓇᓕᐸᐅᔭᖓᓂ ᐊᒻᒪ ᓄᓇᕗᑦ ᒐᕙᒪᖓᑦᑕ ᑲᑎᒪᔨᕋᓛᖏᓐᓂ. ᐃᒃᓯᕙᐅᑕᕐᒧ ᑐᒡᓕᕆᔭᐅᓚᐅᖅᑐᖅ ᓄᓇᓕᐸᐅᔭᐅᑉ ᐱᕙᓪᓕᐊᔪᓕᕆᓂᕐᒧᑦ ᑲᒪᔨᕋᓛᖏᓐᓂᑦ ᐱᕙᓪᓕᐊᑎᑦᑎᓇᓱᐊᖅᐸᒃᑐᓂᑦ ᐃᖃᓗᐃᑦ ᓄᓇᓕᖓᓂ ᐱᕙᓪᓕᐊᔪᓕᕆᓂᕐᒧᑦ ᐱᕙᒌᔭᐅᑎᖓᓂ ᐊᒻᒪ ᓴᖅᑭᑕᐅᓵᓚᐅᖅᑐᖅ ᓄᓇᓕᐸᐅᔭᐅᑉ ᐅᐸᓗᖓᐃᔭᖅᓯᒪᔪᖅ ᐱᕙᒌᔭᐅᑎᖓᓂ. ᑲᒪᒋᔭᖃᓚᐅᖅᑐᖅ ᒪᕐᕉᖕᓂ ᑲᑎᒪᔨᐅᕝᕕᖃᖅᑎᓪᓗᒍ ᐱᐅᓯᕚᓪᓕᖅᑎᑦᑎᓚᐅᖅᑐᖅ ᓄᓇᓕᐸᐅᔭᒥ ᓄᓇᓖᑦ ᒪᑭᒪᔾᔪᑎᖏᓐᓂᒃ ᑲᒪᒋᔭᖃᖅᖢᓂᓗ ᐃᒡᓗᑭᒃᓴᕐᓂᕐᒧᑦ ᐃᓱᒫᓗᑕᐅᕙᒃᑐᓂᒃ.
ᓄᓇᓕᖕᓂ ᐱᓕᕆᐊᕆᔭᕆᐊᖃᖅᑕᖏᓐᓂᒃ, ᓄᒃᑕᖃᑦᑕᖅᓯᒪᓪᓗᓂ ᓄᓇᕘᑉ ᕿᑭᖅᑖᓗᐊᓄᑦ, ᕿᑎᕐᒥᐅᑦ ᐊᒻᒪ ᑭᕙᓪᓕᖅ ᐊᕕᒃᑐᖅᓯᒪᓂᖏᓐᓄᑦ, ᑎᐅᕆ ᑐᑭᓯᐅᒪᓂᖃᑦᑎᐊᖅᑐᖅ ᓄᓇᓕᖕᒥᐅᑦ ᓄᓇᓕᖕᓂ ᐊᒃᓱᕈᕐᓇᖅᑐᓂᒃ ᖃᓄᖅᑑᕈᑎᒃᓴᓂᒡᓗ ᐊᒃᑐᐊᓂᖃᖅᑐᓄᑦ ᑲᒪᒋᔭᖃᑦᑎᐊᕐᓂᕐᒥᒃ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒥᒃ. ᓄᓇᑦᑎᐊᕐᒥᑦ ᓄᓇᕗᒻᒥᓪᓗ ᐅᔭᕋᖕᓂᐊᕐᕕᓕᕆᔨᖕᓂ ᐃᓚᐅᓚᐅᙱᑎᓪᓗᒍ, ᐃᖅᑲᓇᐃᔭᓚᐅᖅᓯᒪᔪᖅ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᒃᑯᓐᓂᑦ ᐃᖃᓗᖕᓂ. ᐊᒻᒪᐃᓛᒃ, ᑎᐅᕆ ᓇᖕᒥᓂᖃᖅᑐᖅ ᐊᐅᓚᑦᑎᓪᓗᓂᓗ ᓇᖕᒥᓂᖁᑎᕋᓛᖓᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᐅᔫᑉ ᓄᓇᓕᐸᐅᔭᖓᓂ.
ᑎᐅᕆ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᓐᓂᐊᕈᑎᑖᖅᓯᒪᔪᖅ ᓯᓚᑦᑐᖅᓴᕐᕕᒡᔪᐊᕐᒥ ᓂᐅ ᐳᕋᓐᓱᐃᒃᒥᐅᓄᑦ (New Brunswick) ᕗᕆᑐᕆᒃᑕᓐᒥᐅᓄᓪᓗ (Fredericton), ᓂᐅ ᐳᕋᓐᓱᐃᒃᒥ, ᐃᓱᓕᑦᑎᓂᕐᒧᑦ ᐃᓕᓴᕆᔭᐅᔪᖅᖃᖅᖢᓂ ᐃᓄᓕᕆᓂᕐᒥᒃ Chaplain ᐊᕕᒃᑐᖅᓯᒪᓂᐅᔪᓂ ᓯᓚᑦᑐᖅᓴᕐᕕᖕᒥ Lennoxville−ᒥ, Québec-ᒥ, ᐊᒻᒪ ᒪᓕᒐᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐃᓱᓕᑦᑎᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓪᓗᓂ Academy ᑲᓇᑕᒥ Corner Brook, ᓂᐅᕙᓐᓛᓐᒥ (Newfoundland). ᐊᓕᐊᓇᐃᒋᔭᖃᕐᒥᔪᖅ ᐃᖃᓗᒐᓱᖕᓂᕐᒥᒃ, ᑯᑭᑦᑕᐹᕐᓂᕐᒥᒃ ᕼᐋᑭᕐᓂᕐᒥᒡᓗ.
ᓖᓴ ᓴᐅᓪᓗᐊᐱᒃ
ᓖᓴ ᐱᕈᖅᓴᓚᐅᖅᑐᖅ ᐸᖕᓂᖅᑑᖅ, ᓄᓇᕗᒻᒥ. ᐊᕐᕌᒍᒐᓴᖕᓄᑦ ᐃᖃᓗᖕᓃᓚᐅᖅᑐᖅ ᒫᓐᓇ ᑭᒻᒥᕈᒻᒥᐅᑕᐅᓕᖅᑐᖅ.
2000-ᒥ ᓖᓴ ᐃᖅᑲᓇᐃᔭᓕᓚᐅᖅᓯᒪᔪᖅ ᓄᓇᕗᑦ ᒐᕙᒪᖓᓐᓄᑦ. ᓄᓇᕗᑦ ᒐᕙᒪᖓᓃᓕᓚᐅᖅᑎᓪᓗᒍ, ᓖᓴ ᐅᓄᖅᑐᓂᒃ ᐱᓕᕆᐊᖃᖃᑦᑕᖅᓯᒪᔪᖅ, ᐱᔨᑦᑎᕋᖅᖢᓂ: ᐊᐅᓪᓚᖃᑦᑕᖅᑐᓕᕆᔨᐅᓪᓗᓂ, ᐃᖅᑲᓇᐃᔭᖃᑎᒌᑦ ᐱᕙᓪᓕᐊᓂᖏᓐᓂᒃ ᐱᓕᕆᔨᒻᒪᕆᐅᓪᓗᓂ ᐊᒻᒪ ᑮᓇᐅᔭᓕᕆᔨᐅᓪᓗᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐃᓄᓕᕈᔨᒃᑯᓐᓄᓪᓗ ᐃᖃᓗᖕᓂ; ᓄᒃᑕᖅᑎᐅᓪᓗᓂ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᕿᑭᖅᑕᓂ ᐃᓕᓐᓂᐊᕐᕕᓕᕆᔨᖏᓐᓄᑦ ᒥᑦᑎᒪᑕᓕᖕᒥ; ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᓄᒃᑕᖅᑎᐅᓪᓗᓂ ᐊᒻᒪ ᐅᐸᖃᑦᑕᖅᑐᓕᕆᔨᐅᓪᓗᓂ ᑎᑎᕋᖅᑎᐅᓪᓗᓂᓗ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ; ᐊᒻᒪ, ᒫᓐᓇ ᒐᕙᒪᒃᑯᑦ ᑐᓴᒐᒃᓴᓕᕆᔨᒋᓪᓗᓂᐅᒃ ᒐᕙᒪᓕᕆᔨᒃᑯᓐᓄᑦ ᑭᒻᒥᕈᒻᒥ.
ᒥᑦᑎᒪᑕᓕᖕᒥ, ᓖᓴ ᐃᓚᒋᔭᐅᓚᐅᖅᑐᖅ ᕼᐋᒻᒪᓚᒃᑯᑦ ᑲᑎᒪᔨᖏᓐᓂᒃ ᐊᒻᒪ ᐋᓐᓂᐊᖃᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᑲᑎᒪᔨᕋᓛᖏᓐᓂᒃ, ᓇᐅᑦᑎᖅᓱᖅᐸᒃᖢᓂ ᐊᖏᕈᑎᖃᖅᐸᒃᖢᓂᓗ ᐃᒥᐊᓗᖕᓂ ᑐᒃᓯᕋᐅᑎᓂᒃ ᓄᓇᓕᖕᓄᑦ.
ᓖᓴ ᑎᒃᑯᐊᖅᑕᐅᓚᐅᖅᑐᖅ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᓂᒃ ᑎᓯᐱᕆ 2007-ᒥ.
ᕿᓪᓚᖅ ᑯᓱᒐᒃ
ᕿᓚᒃ ᑯᓱᒐᒃ, ᑎᒃᑯᐊᖅᑕᐅᓚᐅᖅᑐᖅ ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᓄᑦ 2017−ᒥ, ᒫᓐᓇ ᑲᖏᖅᖠᓂᕐᒥ ᓄᓇᖃᖅᑐᖅ, (ᐱᕈᖅᓴᓂᑰᓪᓗᓂ) ᐊᕐᕌᒍᒐᓴᖕᓂ ᐃᖃᓗᖕᓃᓚᐅᖅᖢᓂ.
ᕿᓚᒃ ᑐᑭᒧᐊᒃᑎᑦᑎᔨᐅᓚᐅᖅᑐᖅ ᐊᑐᓕᖅᑎᑦᑎᕙᓪᓕᐊᔪᓂ ᓄᓇᕗᑦ ᑐᙵᕕᒃ ᑎᒥᖓᓂ ᑕᐃᒪᙵᓂᑦ 2015-ᒥ, ᐃᖅᑲᓇᐃᔮᖃᖅᓯᒪᓂᑰᓪᓗᓂᓗ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖓᓂ, ᓄᓇᕗᑦ ᒐᕙᒪᖓᓐᓂ ᐊᒻᒪ ᓄᓇᕗᑦ ᐸᕐᓇᐃᔨᖏᑕ ᑲᑎᒪᔨᖏᓐᓂ.
ᕿᓚᒃ ᑲᑎᒪᔨᐅᖃᑕᐅᖃᑦᑕᖅᓯᒪᓂᑰᔪᖅ ᐊᕐᕌᒍᓄᑦ 12−ᓄᑦ, ᐃᓚᒋᓪᓗᒍ ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᓐᓂᒃ, ᖃᕆᓴᐅᔭᑎᒍᑦ ᐱᕙᓪᓕᐊᔪᓕᕆᓂᕐᒧᑦ ᑲᑐᔾᔨᖃᑎᒌᖓᓂ ᐊᒻᒪ ᑭᕙᓪᓕᕐᒥᑦ ᐅᔭᕋᒃᑕᕆᐊᕐᓂᕐᒧᑦ ᐊᔪᕈᓐᓃᖅᓴᖅᑎᑦᑎᓂᕐᒧᑦ ᑲᑐᔾᔨᖃᑎᒌᖏᓐᓂᒃ.
ᕿᓚᒃ ᓄᓕᐊᖓᓗ ᑎᓃᔅ ᒪᕐᕉᖕᓂᒃ ᕿᑐᕐᖓᖃᖅᑑᒃ; ᐸᓂᖓ ᑕᐃᓗ ᐊᒻᒪ ᐃᕐᓂᖓ ᑎᓕᓐ.
ᐹᑉ ᔮᖕᒃ
ᐹᑉ ᔮᖕᒃ ᕿᑎᕐᒥᐅᑕᐅᔪᖅ 35 ᐊᕐᕌᒍᑦ ᐅᖓᑖᓄᑦ, ᐊᐅᓚᑦᑎᔨᒻᒪᕆᐅᓪᓗᓂᓗ ᓇᓄᖅ ᕿᔪᓕᕆᔨᓂᒃ ᐃᖃᓗᒃᑑᑦᑎᐊᒥ - ᐃᒡᓗᓕᐅᖅᑎ, ᑭᒃᑯᑐᐃᓐᓇᕐᓄ ᐊᖏᖃᑎᒌᒍᑎᒃᑰᖅᓯᒪᔪᓂ ᐊᒻᒪ ᐱᖁᑎᓂᒃ ᐊᐅᓚᑦᑎᓂᕐᒧᑦ ᐱᓕᕆᕝᕕᖕᒥ.
ᐹᑉ ᐊᑭᓕᖅᓱᖅᑕᐅᙱᒃᑲᓗᐊᖅᖢᓂ ᐃᑲᔪᖃᑦᑕᖅᓯᒪᔪᖅ ᐃᖃᓗᒃᑑᑦᑎᐊᒥ ᑕᐃᒪᖓᓂᑦ 1994-ᒥ, ᐃᓚᒋᓪᓗᒋᑦ ᖃᑦᑎᕆᔨᐅᖃᑕᐅᓂᖅ, ᕼᐋᑭᖅᑎᕋᓛᓂ ᑲᒪᔨᐅᓂᕐᒥᒃ, ᐊᒻᒪ ᐃᑲᔪᖅᓱᐃᓂᕐᒥᒃ ᑮᓇᐅᔭᓕᐅᕋᓱᐊᕐᓂᕐᒥᒡᓗ ᐅᓄᖅᑐᓂ ᐊᔾᔨᒌᙱᕈᓘᔭᖅᑐᓂ ᒪᒃᑯᒃᑐᓄᑦ ᓄᓇᓕᖕᓄᓪᓗ ᐱᓕᕆᐊᒃᓴᓂᒃ. ᓇᖕᒥᓂᕋᓛᖁᑎᖃᖅᖢᓂ ᐱᖁᑎᓂᒡᓗ ᓇᖕᒥᓂᖃᖅᖢᓂ, ᐹᑉ ᐊᑐᕐᓂᖃᖅᐳᖅ ᐱᒻᒪᕆᐅᔪᓂᒃ ᓇᖕᒥᓂᖃᕐᓂᕐᒧᑦ ᓄᓇᓕᖕᓄᓪᓗ ᐱᓕᕆᖃᑦᑕᖅᓯᒪᓂᑯᖏᓐᓂᒃ ᑲᑎᒪᔨᓄᑦ, ᐊᒻᒪ ᒪᐃ 2018-ᒥ ᑎᒃᑯᐊᖅᑕᐅᓚᐅᖅᖢᓂ ᐱᖃᑖᓂ ᑲᑎᒪᔨᐅᕝᕕᖕᒥᓂ.
ᐹᑉ ᐊᓕᐊᓇᐃᒋᔭᖏᑦ ᐃᓚᖃᖅᑐᑦ ᖃᑕᙳᑎᖏᓐᓃᖃᑎᖃᕐᓂᕐᒥᒃ, ᓯᓚᒥ ᐱᓕᕆᕈᓘᔭᕐᓂᕐᒥᒃ ᐊᒻᒪ ᕿᔪᓕᕆᓂᕐᒥᒃ.
ᕚᓗᕆ ᐃᓄᒃᐸᒃ
ᕚᓗᕆ ᐃᓄᒃᐳᒃ ᐃᓕᑕᕆᔭᐅᔾᔪᑎᖃᖅᖢᓂ ᐃᓗᐊᖅᓴᐃᔨᐅᕗᖅ ᕿᑭᖅᑖᓗᖕᒥ. ᐱᕈᖅᓴᓚᐅᖅᑐᖅ ᓄᓇᓕᖕᓂ ᓄᓇᕕᖕᒥ ᓄᓇᕗᒻᒥᓗ (ᓄᓇᕗᙳᓚᐅᖅᑳᖅᑎᓐᓇᒍ!) ᓅᓵᓚᐅᖅᖢᓂᓗ ᐃᖃᓗᖕᓄᑦ. ᕚᓗᕆ ᐃᓅᓯᒪᕗᖅ ᐃᖅᑲᓇᐃᔭᖃᑦᑕᖅᓯᒪᓪᓗᓂᓗ ᓇᓂᕈᓘᔭᖅ ᑲᓇᑕᒥ ᐊᒻᒪ ᐅᑭᐅᖅᑕᖅᑐᒥ ᓄᓇᕗᒻᒥ ᓄᓇᓕᐸᐅᔭᕐᒧᑦ ᐃᓂᓪᓚᓚᐅᖅᑳᖅᑎᓐᓇᒍ. ᐃᓂᖃᖃᑦᑕᖅᓯᒪᓵᖅᑎᓪᓗᒍ ᐊᔾᔨᒌᙱᑦᑐᓂᒃ ᑲᓇᑕᒥ ᐊᕕᒃᑐᖅᓯᒪᔪᓂᒃ ᐊᒻᒪ ᓄᓇᕗᒻᒥ ᓄᓇᓕᖕᓂ ᐊᔾᔨᒋᔭᐅᙱᑦᑐᒥᒃ ᑐᑭᓯᐊᓂᖃᑦᑎᐊᓕᖅᑐᖅ ᓴᙱᓂᕆᔭᐅᔪᓂᒃ ᐊᒃᓱᕈᕐᓇᖅᑐᓂᒡᓗ ᓄᓇᕗᒥᐅᓄᑦ ᐱᓕᕆᐊᖑᓲᓂᒃ.
ᕚᓗᕆ ᑭᒡᒐᖅᑐᐃᔨᐅᓚᐅᖅᑐᖅ ᐅᑭᐅᖅᑕᖅᑐᒥᐅᑕᓄᑦ ᐱᔾᔪᑕᐅᔪᓂᑦ 2016-ᒥᑦ 2019-ᒧᑦ ᑭᒡᒐᖅᑐᐃᓪᓗᓂ ᑲᓇᑕᒥ ᐅᖃᖅᑎᐅᓪᓗᓂᓗ ᓄᓇᕐᔪᐊᓕᒫᒥ ᑲᑎᒪᕕᒡᔪᐊᖅᑐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᓂᕿᖃᑦᑎᐊᙱᓐᓂᕐᒧᑦ, ᐃᓄᒋᐊᒃᑐᓄᓪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ. ᐱᓕᕆᖃᑎᖃᖅᓯᒪᔪᖅ ᖃᐅᔨᒋᐊᖅᑏᑦ ᖃᓄᐃᙱᑦᑎᐊᓂᕐᒧᑦ ᖃᐅᔨᓴᕐᕕᖕᒥ ᐊᑐᐃᓐᓇᐅᑎᑦᑎᖃᑕᐅᓇᓱᒃᖢᓂ ᓄᓕᐊᕐᓗᓂ ᐋᓐᓂᐊᓕᕐᓇᙱᑦᑐᓂᒃ ᖃᓄᐃᙱᑦᑎᐊᕐᓇᖅᑐᓂᒡᓗ ᐃᓕᓐᓂᐊᖅᓯᓐᓈᑦ ᑲᑎᒪᖃᑕᐅᕙᒃᖢᓂ ᒪᒃᑯᒃᑐᓄᑦ ᐃᖃᓗᖕᓂᑦ ᕿᑭᖅᑕᕐᔪᐊᕐᒥᓗ ᐱᓕᕆᐊᖃᐃᓐᓇᖅᖢᓂᓗ ᐃᑲᔪᖅᑐᐃᓪᓗᓂ ᐃᓅᖃᑎᒌᑦᑎᐊᕐᓂᕐᒨᖓᔪᓂᒃ. ᐃᖅᑲᓇᐃᔭᕈᓐᓃᕌᖓᑦ, ᕚᓗᕆ ᖁᕕᐊᒋᔭᓕᒃ ᓂᖅᖠᐅᕐᓂᕐᒥᒃ ᖁᕕᐊᓱᒃᑎᑦᑎᓂᕐᒥᒡᓗ ᐱᖃᓐᓇᕆᔭᖏᓐᓂᒃ.