ᑲᑎᒪᔨᒃᓴᓂᒃ ᑐᒃᓯᕋᖅᑐᑦ: ᐃᑲᔪᖅᑕᐅᔭᕆᐊᓕᖕᓂᒃ ᐃᓚᐅᑎᑦᑎᓂᕐᒧᑦ ᑲᑎᒪᔨᕋᓛᑦ
ᐃᖃᓗᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᕿᓂᕐᒪᑕ ᐱᖓᓱᓂᒃ ᓄᓇᓕᖕᓂᙶᖅᑐᓂᒃ ᐃᓚᐅᓂᐊᖅᑐᓂᒃ ᐋᓐᓂᐊᕕᓕᐊᖅᓯᒪᔪᓂᒃ ᐊᒻᒪ ᓄᓇᓕᖕᓂ ᐃᓚᐅᑎᑦᑎᔪᓂᒃ ᐱᓕᕆᖃᑎᒌᓂᒃ ᐱᓕᕆᖃᑎᖃᖁᓪᓗᒋᑦ ᐃᖃᓗᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪ ᓯᕗᓕᖅᑎᐅᓗᑎᒃ ᐱᐅᓯᒋᐊᕈᑎᒃᓴᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂᒃ ᓄᓇᕗᒥᐅᓄᑦ.
ᐱᓇᔪᒍᒪᔪᑦ ᐃᒪᐃᓕᐅᕈᓐᓇᖅᐳᑦ:
• ᐃᖃᓗᖕᒥᐅᑕᐅᓗᑎᑦ, ᑭᓯᐊᓂ ᓯᕗᓪᓕᐅᔾᔭᐅᓂᐊᖅᑐᑦ ᐊᒻᒪ ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
• ᐋᓐᓂᐊᕕᒃᑯᑎᒍᑦ ᑲᒪᒋᔭᐅᖃᑦᑕᖅᑐᓂᑦ ᑲᒪᔨᐅᓂᕐᒥᑦ ᐅᕝᕙᓗ ᑲᒪᔨᒋᔭᐅᓂᕐᒥᑦ ᐋᓐᓂᐊᕕᒃᑯᑎᒍᑦ ᑲᒪᒋᔭᐅᖃᑦᑕᕆᐊᓕᒻᒥᑦ ᑖᒃᑯᓇᙵᑦ ᕿᑭᖅᑕᓂ ᐋᓐᓂᐊᕕᖓᓐᓂᑦ ᐅᕝᕙᓗ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᑎᒍᑦ;
• ᐊᓐᓂᐊᖅᑐᓕᕆᔨᑦ ᐱᔨᑦᑎᕋᖅᑕᐅᔾᔪᑎᖏᓐᓂᒃ ᐱᓕᕆᖃᑕᐅᔪᒪᕖᑦ ᐃᑲᔪᕐᓗᑎᓪᓗ ᐱᐅᓂᖅᓴᓂᓪᓗ ᐊᓯᔾᔩᖃᑕᐅᓗᑎᑦ.
• ᒪᑐᐃᙶᑦᑎᐊᖅᐸᒡᓗᑎᑦ ᐃᓗᐊᖅᓴᕐᓗᑎᒡᓗ ᐊᒥᖅᑳᖃᑎᖃᖅᐸᒡᓗᑎᑦ ᐃᓱᒪᒋᔭᐅᔪᓂᒃ ᐅᖃᐅᓯᐅᔪᓂᒡᓗ ᐱᓕᕆᖃᑎᒌᒃᐸᒃᑐᓄᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᒋᔭᐅᔪᓄᑦ, ᐊᑐᐊᒐᓕᐅᖅᑎᓄᓪᓗ.
• ᑐᓂᓯᒪᑦᑎᐊᕈᓐᓇᕐᓗᑎᑦ ᐃᑲᕐᕌᖕᓄᑦ ᒪᕐᕉᖕᓄᑦ ᑕᖅᑭᒧᑦ ᑲᑎᙵᓗᑎᒃ ᐅᖃᖃᑎᒌᒃᑎᓪᓗᒋᑦ, ᐅᐸᒍᑎᓗᑎᒃ ᐊᒻᒪ ᖃᕋᓴᐅᔭᒃᑯᑦ, ᐅᑭᐅᖕᓄᑦ ᒪᕐᕉᖕᓄᑦ.
ᑲᑎᒪᖃᑕᐅᔪᑦ ᓂᕈᐊᖅᑕᐅᔪᑦ ᐅᐸᒍᑎᓗᑎᒃ ᑲᑎᒪᔪᓄᑦ ᑖᒃᓯᕈᓐᓇᐅᑎᑖᖃᑦᑕᕐᓂᐊᖅᐳᑦ ᐊᒻᒪ ᐅᐱᒋᔭᐅᓗᑎᒃ ᓂᕆᔭᒃᓴᑦ ᐊᒻᒪ ᓂᐅᖅᑲᒐᒃᓴᑦ. ᑲᑎᒪᔾᔪᓯᐊᑦ ᐱᑎᑕᐅᖃᑦᑕᕐᓂᐊᖅᐳᑦ ᒪᓕᒡᓗᒍ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐊᑐᖅᑕᐅᔭᕆᐊᓖᑦ ᑎᓕᐅᕆᔾᔪᑎ 810.
ᓯᕗᓪᓕᖅᐹᒥ ᑲᑎᒪᓛᖅᑐᑦ ᓄᑖᑦ ᑲᑎᒪᔨᕋᓛᑦ ᔫᓂ 28, 2024−ᒥ.
ᐃᓱᒪᒋᔭᖃᕈᕕᑦ ᐱᑎᑦᑎᓂᕐᒥᒃ ᐊᓐᓂᕐᓇᖅᑐᓂᒃ ᐃᓱᒪᒋᔭᐅᓯᒪᔪᓂᒃ ᐃᓱᒪᒋᔭᐅᔪᓂᒡᓗ ᐃᑲᔪᕋᔭᖅᑐᓂᒃ ᐱᐅᓯᒋᐊᖅᑎᑦᑎᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᓄᓇᕗᒻᒥᐅᓄᑦ, ᓇᒃᓯᐅᔾᔨᓂᐊᖅᐳᑎᑦ ᑎᑎᖅᑲᒥᒃ ᐃᓱᒪᒋᔭᖃᕐᓂᕐᒧᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ @email ᒪᐃ 15, 2024−ᒧᑦ ᑎᑭᓪᓗᒍ.