ᐊᖁᑎᐅᑉ ᑭᓇᐅᓂᕋᕐᓂᖓ ᐊᒻᒪᓗ ᐱᕐᕈᓗᐊᕿᔪᕕᓂᐅᓂᕐᒧᑦ ᑐᒃᓯᕋᐅᑎ ᐅᓂᒃᑳᓕᐅᕐᓂᕐᒧᑦ

ᑭᓲᖕᒪᑦ ᐊᖁᑎᐅᑉ ᑭᓇᐅᓂᕋᕐᓂᖓ?

ᓄᓇᓯᐅᑎᒥᒃ ᐊᖁᑎᐅᑉ ᑭᓇᐅᓂᕋᖅᑕᖓᓂ ᑎᑎᖅᑲᖅ ᐃᓗᓕᓕᒃ ᐊᖁᖃᑦᑕᖅᖢᓂ ᖃᓄᐃᔾᔪᑎᖃᓚᐅᖅᓯᒪᖕᒪᖔᖅ ᓲᕐᓗ: ᐊᑎᖅ, ᑐᕌᕈᑎ, ᐃᓅᕝᕕᖓᑕ ᐅᓪᓗᖓ, ᑕᑭᓂᖓ, ᐅᖁᒪᐃᓐᓂᖓ, ᐊᕐᓇᖅ/ᐊᖑᑎᐅᖕᒪᖔᖅ, ᓄᓇᓯᐅᑎᐅᑉ ᐃᓕᓴᕆᔭᐅᓂᖓᓄᑦ ᓇᐃᓴᐅᑎᖓ, ᐊᖁᑦᑐᓐᓇᐅᑎᖓᑕ ᓇᐃᓴᐅᑎᖓ ᖃᖓᓗ ᖃᐃᑕᐅᓐᓂᕐᒪᖔᖅ, ᐃᓱᓕᕝᕕᖓ, ᑭᓱᓅᕐᓂᖓ, ᓇᓗᓇᐃᒃᑯᑕᖓᑕ ᓇᐃᓴᐅᑎᖏᑦ, ᓄᖅᑲᖓᑎᑕᐅᓚᐅᑲᒋᐊᖃᓚᐅᖅᓯᒪᖕᒪᖔᖅ, ᐱᑎᑕᐅᔪᓐᓇᖅᓯᒃᑲᓐᓂᕈᓂ ᖃᓅᔭᕆᐊᖃᕐᒪᖔᖅ (ᐱᑕᖃᖅᐸᑦ) ᐊᒻᒪ ᐊᖅᑯᑎᒃᑰᖅᑎᓪᓗᒍ ᒪᓕᒐᓂᒃ ᓱᕋᐃᓚᐅᖅᓯᒪᔪᕕᓂᐅᒃᐸᑦ (ᐱᑕᖃᖅᐸᑦ).

ᖃᓄᕐᓕ ᑭᓇᐅᓂᓐᓂᒃ ᓇᓗᓇᐃᖅᓯᔪᓐᓇᕋᒪ?

ᐱᓇᔪᒍᑎᒃᑯᑦ ᑐᒃᓯᕋᕈᓐᓇᖅᐳᑎᑦ ᐊᖁᑎᐅᓪᓗᑎᑦ ᐅᓂᒃᑲᐅᓯᕐᓂᒃ ᓄᓇᓯᐅᑎᓄᑦ ᐱᔨᑦᑎᕋᖅᑕᐅᕝᕕᖕᒥ ᓇᓕᐊᖕᓂᑐᐃᓐᓇᖅ ᑎᑎᕋᕐᕕᖁᑖᓂ:

• ᐃᖃᓗᐃᑦ
• ᑲᖏᖅᖠᓂᖅ
• ᐃᖃᓗᒃᑑᑦᑎᐊᖅ
• ᐅᖅᓱᖅᑑᖅ

ᐊᑭᖃᙱᑦᑐᒧᑦ ᐅᖄᓚᓗᑎᑦ ᐅᖃᓪᓚᖃᑎᖃᕈᓐᓇᖅᐳᑎᑦ 1-888-975-5999 ᑐᑭᓯᑎᑕᐅᒃᑲᓐᓂᕐᓂᐊᕋᕕᑦ. ᐊᓯᖏᓐᓂ ᓄᓇᓕᓕᒫᓂ ᐅᐸᒍᓐᓇᖅᑐᐃᑦ ᕼᐋᒻᒪᓚᒃᑯᑦ ᓄᓇᓯᐅᑎᓕᕆᕝᕕᖓᓄᑦ ᐅᕝᕙᓘᓃᑦ ᒐᕙᒪᒃᑯᑦ ᑐᓴᒐᒃᓴᓕᕆᔨᖓᓐᓄᑦ ᑐᑭᓯᒋᐊᕈᓐᓇᕆᕗᑎᑦ.

ᑐᒃᓯᕋᐅᑎ ᑎᑎᕋᕐᕕᒃᓴᖅ

ᐊᑖᓃᑦᑐᖅ ᑕᑕᑎᕆᐊᓕᒃ ᐊᑐᕈᓐᓇᖅᑕᐃᑦ ᐊᖁᑎᐅᓪᓗᑎᑦ ᑭᓇᐅᖕᒪᖔᕐᓂᒃ ᓇᓗᓇᐃᖅᓯᔾᔪᑎ, ᓄᓇᓯᐅᑎᒥᒃ ᕿᓂᕐᓂᖅ, ᐊᒻᒪᓗ/ᐅᕝᕙᓗᓃᑦ ᐱᕐᕈᓗᐊᕿᔪᕕᓂᐅᓂᕐᒧᑦ ᐅᓂᒃᑳᖅ. ᓇᓗᓇᐃᕐᓗᑎᑦ ᓇᓕᖓᖕᓂᒃ ᑎᑎᕋᕐᕕᒃᓴᒥᒃ ᐱᔪᒪᖕᒪᖔᕐᓂᒃ ᑕᑕᑎᕆᐊᓕᖕᒥᒃ.

ᓇᖕᒥᓂᖅ ᐊᐃᒃᖠᙱᒃᑯᕕᑦ ᑕᑕᑎᒐᒃᓴᕐᒥᒃ ᐅᕝᕙᓘᓃᑦ ᐊᔾᔭᖅᓯᕕᐅᔪᒪᓂᕐᒧᑦ ᑐᓴᖅᑎᑦᑎᔭᖅᑐᙱᒃᑯᕕᑦ, ᐊᓯᐊᓂᒃ ᑎᑎᖅᑲᒥᒃ ᐊᑎᓕᐅᖅᓯᒪᔪᒥᒃ ᐊᖏᕈᑎᐅᓗᓂ ᑐᓂᓯᔭᕆᐊᖃᖅᐳᑎᑦ ᑎᑎᖅᑲᐅᑎᑎᑦ ᑐᒃᓯᕋᐅᑎᒋᔭᑎᑦ ᖃᐃᑕᐅᔪᓐᓇᕐᓂᐊᕐᒪᑕ.

ᑐᒃᓯᕋᕐᓂᖅ ᑕᑕᑎᕆᐊᓕᖕᒥᒃ ᐊᖁᑦᑐᓐᓇᐅᑎᓄᑦ, ᕿᓂᖅᑕᐅᔪᓄᑦ ᐊᒻᒪ ᐱᕐᕈᓗᐊᕿᔪᓄᑦ ᐅᓂᒃᑳᓄᑦ

ᖃᐅᔨᒋᐊᕐᕕᒃᓴᖅ

ᐃᑲᔪᖅᑕᐅᔪᒪᒍᕕᑦ, ᐊᐱᖅᑯᑎᒃᓴᖃᕈᕕᓪᓘᓃᑦ, ᑐᑭᓯᒋᐊᕈᓐᓇᖅᐳᑎᑦ ᓄᓇᓯᐅᑎᓕᕆᓂᕐᒧᑦ ᐱᔨᑦᑎᕋᖅᑎᓄᑦ:
ᐅᖄᓚᐅᑖ: 1-888-975-5999
ᐃᕐᖐᓐᓈᖅᑕᐅᑦ: @email