ᐊᖁᑦᑐᓐᓇᐅᑎᑖᕋᓱᒡᓗᑎᑦ
ᓄᓇᕗᒻᒥ ᐊᖁᑦᑐᓐᓇᐅᑎᑦ
ᒪᓕᒐᑎᒍᑦ ᐃᓕᓴᕆᔭᐅᓯᒪᔪᒥᒃ ᐊᐅᓚᑦᑎᔪᓐᓇᕐᓂᐊᕐᓗᓂ ᓄᓇᕗᒻᒥ, ᐃᓄᐃᑦ ᐊᖁᑦᑐᑦ ᐃᓱᓕᓯᒪᙱᑦᑐᒥᒃ ᐊᖁᑦᑐᓐᓇᐅᑎᖃᕆᐊᖃᓲᑦ. ᐊᑏ ᑕᑯᓗᒍ ᓄᓇᕗᒻᒥᐊᖁᑦᑐᓐᓇᖅᓯᓇᓱᐊᕐᓂᕐᒧᑦ ᐅᖃᓕᒫᒐᖅ ᓄᓇᕗᒻᒥ ᐊᖁᑦᑐᓐᓇᕐᓂᕐᒧᑦ ᑐᓴᒃᑲᓐᓂᕈᒪᒍᕕᑦ, ᐊᖁᑦᑐᓐᓇᐅᑎᑖᕋᓱᖕᓂᕐᒥᒃ, ᐊᒻᒪ ᐊᔾᔨᒌᙱᑦᑐᓂᒃ ᐊᖁᑦᑐᓐᓇᐅᑎᓕᕆᓂᕐᒥᒃ ᑐᑭᓯᒋᐊᒃᑲᓐᓂᕈᓐᓇᕐᒥᔪᑎᑦ.
ᓄᓇᑖᕆᐅᖅᑐᑦ ᐊᖁᑦᑐᓐᓇᐅᑎᑖᕆᐊᓖᑦ
ᓄᓇᕗᒻᒧᑦ ᑎᑭᑦᑕᕆᐅᖅᑐᑦ ᐊᖁᑦᑐᓐᓇᐅᑎᑖᕆᐊᖃᓲᑦ ᐅᓪᓗᐃᑦ 30 ᐊᓂᒍᙱᓐᓂᖏᓂ ᑎᑭᓚᐅᖅᓯᒪᑎᓪᓗᒋᑦ. ᓄᓇᕗᒻᒥ ᓄᓇᑖᕐᓂᑯᐃᑦ ᐅᖁᑦᑐᓐᓇᐅᑎᒥᓂᒃ ᐃᓱᓕᔾᔪᔨᓯᒪᔪᑦ ᑕᖅᑮᑦ 12 ᐅᖓᑖᓂ ᖃᐅᔨᓴᖅᑕᐅᖅᑳᕆᐊᖃᕋᔭᖅᑐᑦ ᐊᖁᑦᑐᓐᓇᑦᑎᐊᕋᓗᐊᕐᒪᖔᑕ.
ᓄᓇᕗᒻᒥ ᖃᓄᖅ ᐊᖁᑦᑐᓐᓇᐅᑎᑖᕈᓐᓇᖅᐱᑦ
ᐃᖏᕐᕋᔾᔪᑎᒋᔭᐃᑦ ᐃᓕᓴᕆᔭᐅᓯᒪᓕᖅᑎᓐᓂᐊᕐᓗᒍ, ᐅᐸᒍᓐᓇᖅᐳᑎᑦ ᓄᓇᓯᐅᑎᓕᕆᓂᕐᒧᑦ ᐱᔨᑦᑎᕋᖅᑕᐅᕝᕕᖕᒧᑦ ᐅᑯᓂᖓ ᑎᑎᖅᑲᓂᒃ ᓇᒃᓴᕆᐊᖃᖅᖢᑎᑦ:
- ᑎᑎᕌᓂᒃᓯᒪᔪᒥᒃ ᐱᓇᔪᒍᑎ ᐊᖁᑦᑐᓐᓇᐅᑎᒥᒃᑕᑕᑎᕆᐊᓕᒃ
- ᒪᕐᕉᖕᓂᒃ ᐃᓕᓴᕆᔭᐅᓯᒪᔪᓂᒃ ᑭᓇᐅᖕᒪᖔᑦ ᓇᓗᓇᐃᒃᑯᑕᕐᓂᒃ. ᐆᒃᑑᑎᑦ ᓇᓗᓇᐃᒃᑯᑕᑦ ᓇᓗᓇᐃᒃᑯᑕᑦ ᐅᑯᐊᖑᕗᑦ:
- ᑲᓇᑕᐅᑉ ᓯᓚᑖᓅᕈᓐᓇᐅᑖ
- ᒫᓐᓇᓕᓴᖅ ᐊᖁᑦᑐᓐᓇᐅᑎ
- ᐊᓯᖏᑦ ᑲᓇᑕᒥ ᐊᕕᒃᑐᖅᓯᒪᔪᓂ ᓚᐃᓴᓐᓰᑦ/ᐊᔾᔨᑦ
- ᑲᓇᑕᒥᐅᑕᐅᓂᕐᒧᑦ ᓇᓗᓇᐃᒃᑯᑕᖅ
- ᐅᓇᑕᖅᑐᒃᓴᑦ ᓇᓗᓇᐃᒃᑯᑕᖓᓂᒃ ᐊᐅᒃᑕᔫᖅ
- ᒐᕙᒪᑐᖃᒃᑯᑦ ᐸᓖᓯᑦ ᓇᓗᓇᐃᒃᑯᑕᖓ
- ᓇᓗᓇᐃᒃᑯᑕᖅ ᓄᓇᖃᖅᑳᖅᑐᓄᑦ
- ᖁᑭᐅᑎᑖᕈᓐᓇᐅᑎᑖᕈᓐᓇᐅᑎ
- ᐃᓅᔪᖅᓯᐅᑎ
- ᓄᓇᕗᒻᒥ ᑭᓇᐅᓂᕐᒧᑦ ᓇᓗᓇᐃᒃᑯᑕᖅ
- ᓄᓇᕗᒻᒥᑦ ᓇᓗᓇᐃᒃᑯᑕᑐᐃᓐᓇᖅ
- ᓄᓇᓕᕆᓂᕐᒧᑦ ᐃᓕᓴᕆᔭᐅᔾᔪᑎ
- ᓇᓗᓇᐃᒃᑯᑕᖅ ᓄᓇᖃᖅᑳᖅᑐᓄᑦ
- ᑲᓇᑕᐅᑉ ᓯᓚᑖᓂᙶᖅᑐᓂᒃ ᐱᔪᓐᓇᐅᑎᖃᕐᓂᖅ
- ᑲᑎᑎᑕᐅᓂᕐᒧᑦ ᓇᓗᓇᐃᒃᑯᑕᖅ
- ᐋᓐᓂᐊᕐᕕᓕᐊᕈᓐᓇᐅᑎᑦ ᐊᐅᒃᑕᔫᑦ
- ᐊᑭᓕᒃᓴᓂᒍᓐᓇᐅᑎᑦ ᐊᐅᒃᑕᔫᑦ
- ᓄᓇᕗᑦ ᒐᕙᒪᒃᑯᑦ ᓇᓗᓇᐃᒃᑯᑕᖓ
ᐱᓇᔪᒍᑎᐅᔪᑦ ᑎᑎᕋᖅᓯᒪᕙᒌᕈᓐᓇᖅᑐᑦ ᑐᖏᖔᖓᒍᑦ ᐅᕝᕙᓘᓃᑦ ᑎᑎᕋᕐᕕᖕᒧᑦ ᐅᐸᒡᓗᑎᑦ ᓄᓇᓯᐅᑎᓄᑦ ᐱᔨᑦᑎᕋᖅᑕᐅᕝᕕᐅᕙᒃᑐᒧᑦ.
ᑐᕌᕈᑏᑦ ᐊᑏᓪᓘᓃᑦ ᐊᓯᔾᔨᕐᓂᖅᐸᑕ
ᓄᓇᕗᒻᒥ ᐊᖁᑦᑐᓐᓇᐅᖃᖅᑐᑦ ᑐᓴᖅᑎᑦᑎᔭᕆᐊᖃᖅᑐᑦ ᓄᓇᓯᐅᑎᓄᑦ ᐱᔨᑦᑎᕋᖅᑕᐅᕝᕕᖕᒧᑦ ᐊᑎᕆᔭᐃᑦ ᐊᓯᔾᔨᖅᐸᑦ ᑐᕌᕈᑏᓪᓗ ᐊᓯᔾᔨᖅᐸᑦ ᑐᓴᖅᑎᑦᑕᕆᐊᖃᖅᑐᑦ ᐱᔪᓐᓇᐅᑎᑖᕐᕕᒃ. ᐊᓯᔾᔨᕆᐊᖃᖅᐸᑕ ᐊᑎᕆᔭᐃᑦ ᑐᕌᕈᑎᕕᓪᓘᓃᑦ ᓇᓗᓇᐃᒃᑯᑕᖓ, ᐅᐸᒍᓐᓇᖅᐳᑎᑦ ᓄᓇᓯᐅᑎᓕᕆᓂᕐᒧᑦ ᐱᔨᑦᑎᕋᖅᑕᐅᕝᕕᖕᒧᑦ ᐅᑯᓂᖓ ᑎᑎᖅᑲᓂᒃ ᓇᒃᓴᕆᐊᖃᖅᖢᑎᑦ:
- ᑎᑎᕌᓂᒃᓯᒪᔪᒥᒃ ᐱᓇᔪᒍᑎ ᐊᖁᑦᑐᓐᓇᐅᑎᒥᒃᑕᑕᑎᕆᐊᓕᒃ
- ᓇᓗᓇᐃᖅᓯᔾᔪᑕᐅᔪᓐᓇᖅᑐᒥᒃ ᒪᓕᒐᑎᒍᑦ ᐃᓕᓴᕆᔭᐅᓯᒪᓗᓂ ᑎᑎᖅᑲᓕᐊᖑᔪᕕᓂᖅ ᐊᓯᔾᔨᖅᑐᖅ, ᓲᕐᓗ ᑲᑎᑎᑕᐅᒍᕕᑦ ᑲᑎᑎᑕᐅᓂᕐᒧᑦ ᓇᓗᓇᐃᒃᑯᑕᐃᑦ ᑕᑯᔭᐅᑎᓪᓗᒍ.
ᑮᓇᐅᔭᓕᐅᕋᓱᖕᓂᕐᒧᑦ ᐊᖁᓐᓂᕐᒧᑦ ᓚᐃᓴᓐᓰᑦ
ᑮᓇᐅᔭᓕᐅᕋᓱᖕᓂᕐᒧᑦ ᐊᖁᓐᓂᕐᒧᑦ ᓚᐃᓴᒋᔭᐅᔪᑦ ᐱᔭᐅᔭᕆᐊᖃᖅᐳᑦ ᐊᐅᓚᑦᑎᓂᐊᕐᓗᓂ ᑮᓇᐅᔭᓕᐅᕋᓱᖕᓂᕐᒧᑦ ᐃᖏᕐᕋᔾᔪᑎᒥᒃ, ᐃᖏᕐᕋᔾᔪᑎᒥᒡᓘᓐᓃᑦ ᐱᖃᕐᓗᓂ ᐳᓪᓚᓕᖕᓄᑦ ᓄᖅᑲᖅᑕᐅᑎᓕᖕᓂᒃ. ᐱᔭᕆᐊᓖᑦ ᐱᓇᓱᐊᕐᓂᐊᕐᓗᓂ ᑮᓇᐅᔭᓕᐅᕋᓱᐊᕐᓗᓂ ᐊᖁᓐᓂᕐᒧᑦ ᓚᐃᓴᓐᓯᒥᒃ ᐊᔾᔨᒋᙱᒻᒪᒍ ᓇᒻᒥᓂᖅ ᐊᖁᒍᓐᓇᐅᑎᐅᑉ. ᑎᑎᖅᑲᒃᑲᓐᓃᑦ ᐱᔭᐅᔭᕆᐊᖃᖅᐳᑦ ᐱᓇᔪᖕᓂᐊᓕᕌᖓᑕ ᑮᓇᐅᔭᓕᐅᕋᓱᐊᖅᑎᑦ ᐊᖁᑦᑐᓐᓇᐅᑎᒥᒃ. ᐅᖃᓕᒫᕈᒪᓗᒍ ᐊᑕᖐᓪᓗᓂ ᑎᑎᕋᖅᓯᒪᔪᑦ ᐊᑐᖅᑕᐅᔭᕆᐊᓖᑦ, ᐅᖃᓕᒫᕐᓗᒍ ᓄᓇᕗᒻᒥ ᐱᓕᕆᔨᓪᓚᕆᐅᓂᕐᒧᑦ ᐊᖁᑦᑐᓐᓇᐅᑎᐅᑉ ᒪᒃᐱᖅᑐᒐᖓ.
ᖃᐅᔨᒋᐊᕐᕕᒃᓴᖅ
ᐅᖄᓚᐅᑖ: 1-888-975-5999
ᐃᕐᖐᓐᓈᖅᑕᐅᑦ:@email