ᑐᑭᒧᐊᒃᑎᑦᑎᔨᒻᒪᕆᒃ, ᐊᔾᔨᐅᙱᑦᑐᓄᑦ ᐊᐅᓚᓂᕆᔭᐅᔪᓄᑦ

ᐅᓇ ᐃᖅᑲᓇᐃᔮᒃᓴᖅ ᐃᖃᓗᖕᒥᐅᑕᑐᐊᓄᑦ ᐅᒃᑯᐃᖓᔪᖅ.

ᐅᖃᕐᕕᖃᖅᐸᒡᓗᓂ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᐊᓄᑦ (ADM), ᐊᐅᓚᑦᑎᔾᔪᑎᓄᑦ, ᑐᑭᒧᐊᒃᑎᑦᑎᔨᒻᒪᕆᒃ (ED), ᐊᔾᔨᐅᙱᑦᑐᑦ ᐊᐅᓚᑦᑎᔾᔪᑎᓄᑦ ᐊᑐᐃᓐᓇᐅᑎᑦᑎᓲᑦ ᓯᕗᓕᖅᑎᑦᑎᐊᕙᐅᓂᕐᒥᒃ ᑲᔪᓯᑎᑦᑎᓂᕐᒧᑦ ᐊᐅᓚᑦᑎᓂᕐᒧᑦ ᐃᓕᖅᑯᓯᕐᒥᒃ ᑲᒪᒋᔭᖃᓪᓗᐊᑕᖅᑐᒥᒃ ᐋᓐᓂᐊᕐᕕᓕᐊᖅᓯᒪᔪᑦ ᖃᑕᙳᑎᒌᑦ ᐊᑐᖅᓯᒪᔭᖏᓐᓂᒃ, ᐊᒃᑐᐊᓂᖃᕐᓗᓂ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᐊᒻᒪ ᒪᓕᑦᑎᐊᕐᓗᓂ ᐱᓕᕆᕝᕕᖕᒥ, ᒐᕙᒪᒃᑯᓐᓂ ᐊᒻᒪ ᒪᓕᒐᓕᐊᖑᔪᒪᔪᓂᒃ ᐊᑐᐊᒐᕐᓂᒃ, ᐱᒻᒪᕆᐅᒋᔭᐅᔪᓂᒃ ᐊᒻᒪ ᐱᓕᕆᐊᒃᓴᖏᓐᓂᒃ. ᖃᓄᖅᑑᕐᓂᕐᒧᑦ ᓯᕗᓕᖅᑎᐅᓗᓂ, ᑐᑭᒧᐊᒃᑎᑦᑎᔨᒻᒪᕆᒃ ᐱᓕᕆᖃᑎᖃᑦᑎᐊᕐᓂᐊᖅᑐᖅ ᒥᓂᔅᑕᐅᑉ ᑐᒡᓕᒃᑲᓐᓂᖓᑕ ᐊᐅᓚᑕᖏᓐᓂᒃ ᐊᒻᒪ ᐊᕕᒃᑐᖅᓯᒪᔪᓂ ᑐᑭᒧᐊᒃᑎᑦᑎᔨᓂᒃ. ᐊᐅᓚᑦᑎᔨᒻᒪᕆᒃ ᐱᑐᐃᓐᓇᐅᙱᑦᑐᓄᑦ ᐊᐅᓚᑦᑎᔾᔪᑎᓄᑦ ᐱᑎᑦᑎᕙᒃᐳᖅ ᓯᕗᓕᖅᑎᐅᓂᕐᒥᒃ ᐱᑐᐃᓐᓇᐅᙱᑦᑐᓄᑦ ᐊᐅᓚᑦᑎᕙᖕᓂᕐᒧᑦ ᐱᓕᕆᖃᑎᒌᒃᐸᒃᑐᓄᑦ, ᐱᖁᑎᓄᑦ ᐊᐅᓚᑦᑎᕙᖕᓂᕐᒧᑦ ᐱᓕᕆᖃᑎᒌᒃᐸᒃᑐᓄᑦ, ᐅᑭᐅᖅᑕᖅᑐᒥᓗ ᐊᕕᒃᓯᒪᓂᕐᒥ ᐄᔭᒐᖅᑖᕐᕕᓕᕆᓂᕐᒧᑦ ᐱᓕᕆᖃᑎᒌᒃᐸᒃᑐᓄᑦ ᓇᓗᙱᑦᑎᐊᕈᒪᓂᕐᒧᑦ ᖁᐊᖅᓵᕐᓇᙱᑦᑐᒥᒃ, ᑲᔪᓯᓂᖃᑦᑎᐊᖅᑐᒃᑯᑦ ᐊᑐᓕᖅᑎᑦᑎᓂᕐᒥᒃ ᐊᖏᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓄᑦ ᐱᓕᕆᐊᖑᔪᓄᑦ (ᐃᓚᒋᔭᐅᓪᓗᑎᒃ ᑳᓐᑐᓛᒃᑰᖅᑎᑕᐅᓯᒪᔪᑦ ᐱᓕᕆᐊᖑᔪᑦ), ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᐱᓕᕆᐊᖑᕙᒃᑐᑦ ᓄᑖᓄᓪᓗ ᐱᒋᐊᖅᑕᐅᓯᒪᔪᓄᑦ ᐊᐅᓚᓂᕆᔭᐅᔪᓄᑦ ᐱᓕᕆᕝᕕᒋᔭᐅᔪᒥ. ᑕᒪᓐᓇ ᐃᓚᖃᖅᐳᖅ ᓇᓗᙱᑦᑎᐊᕐᓂᕐᒥᒃ ᖃᐅᔨᓴᖅᓯᓂᕐᒧᑦ ᐊᑐᖅᑕᐅᖃᑦᑕᕋᔭᖅᑐᓂᒃ ᐋᖅᑭᒃᓱᖅᑕᐅᓯᒪᒐᓗᐊᕐᒪᖔᑕ, ᐊᑐᓕᖅᑎᑕᐅᒐᓗᐊᕐᒪᖔᑕ, ᓇᐅᑦᑎᖅᓱᖅᑕᐅᕙᒡᓗᑎᒡᓗ ᑕᒪᐃᓐᓄᑦ ᓄᑖᓄᑦ ᐃᓗᐊᖅᓴᐃᓂᕐᒧᑦ ᐱᒋᐊᖅᑕᐅᓯᒪᔪᓄᑦ ᐱᓕᕆᐊᒃᓴᓄᓪᓗ.

ᑐᑭᒧᐊᒃᑎᑦᑎᔨᒻᒪᕆᒃ, ᐊᔾᔨᐅᙱᑦᑐᑦ ᐊᐅᓚᓂᖏᓐᓄᑦ ᖁᑦᑎᒃᑐᒥᑦ ᐊᒃᑐᐃᓂᖃᖅᑐᖅ ᐊᒃᑐᐃᓂᖃᒻᒪᕆᒃᖢᓂᓗ ᑕᒪᐃᓐᓂᒃ ᐋᓐᓂᐊᖃᖕᓇᙱᑦᑐᓕᕆᔾᔪᓯᖕᒥᑦ ᓄᓇᕗᒻᒥᑦ. ᑖᓐᓇ ᐃᓂᒋᔭᐅᔪᖅ ᑲᒪᒋᔭᒃᓴᖃᖅᐳᖅ ᓵᑕᐅᓕᕈᓐᓇᖅᖢᓂᓗ ᐱᑎᑦᑎᕙᖕᓂᕐᒥᒃ ᐊᐅᓚᑦᑎᓂᕐᒧᑦ ᓯᕗᓕᖅᑎᐅᓂᕐᒥᒃ, ᐱᓕᕆᐊᖑᙱᑦᑐᓂᒃ, ᐊᐅᓚᑦᑎᕝᕕᖃᕐᓂᕐᒥᒡᓗ ᓇᓗᙱᑦᑎᐊᕈᒪᓂᕐᒧᑦ ᑲᔪᓯᓂᖃᑦᑎᐊᖅᑐᒃᑯᑦ ᐊᑐᓕᖅᑎᑦᑎᔪᖃᕋᓗᐊᕐᒪᖔᑦ ᓄᑖᒥᒃ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᐃᓗᐊᖅᓴᐃᓂᕐᒧᑦ ᐱᓕᕆᐊᖑᔪᓂᒃ ᐅᑭᐅᖅᑕᖅᑐᒥᓗ ᐊᕕᒃᓯᒪᓂᕐᒥ ᐱᓕᕆᐊᖑᕙᒃᑐᓂᒃ ᐃᑲᔪᖅᑐᐃᔪᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᕐᕕᖃᖅᐸᖕᓂᕐᒥᒃ. ᑐᑭᒧᐊᒃᑎᑦᑎᔨᒻᒪᕆᒃ ᑲᒪᒋᔭᒃᓴᖃᕆᕗᖅᑕᐅᖅ ᐱᕙᒌᔭᖅᓯᓂᕐᒥᒃ ᓇᐅᑦᑎᖅᓱᖅᓯᓂᕐᒥᒡᓗ ᑕᒪᐃᓐᓂᑦᑎᐊᖅ ᐊᐅᓚᑦᑎᓂᕐᒧᑦ ᐊᑐᐊᒐᕆᔭᐅᔪᓂᒃ ᑲᔪᓯᐊᔾᔪᑕᐅᕙᒃᑐᓂᒡᓗ ᓇᓗᙱᑦᑎᐊᕈᒪᓂᕐᒧᑦ ᑕᒪᒃᑯᐊ ᐋᖅᑭᒃᓱᖅᑕᐅᓯᒪᔪᑦ, ᑲᔪᓯᓂᕆᔭᐅᕙᒃᑐᑦ, ᖃᓄᐃᓕᖓᓕᕐᓂᕆᔭᐅᔪᓪᓗ ᐃᓚᓕᐅᔾᔭᐅᓯᒪᒐᓗᐊᕐᒪᖔᑕ ᐱᓪᓗᐊᑕᕐᓄᑦ ᐱᓕᕆᓂᕆᔭᐅᔪᓄᑦ ᐱᐅᓂᖏᓐᓄᓪᓗ ᐊᖁᑎᓄᑦ. ᑖᓐᓇ ᑐᑭᒧᐊᒃᑎᑦᑎᔨᒻᒪᕆᒃ ᐱᑐᐃᓐᓇᐅᙱᑦᑐᓕᕆᔨ ᐊᐅᓚᑦᑎᕙᖕᓂᖓᓄᑦ ᐱᓕᕆᖃᑎᖃᑦᑎᐊᖅᐸᒃᐳᖅ ᒥᓂᔅᑕᐅᑉ ᑐᒡᓕᐊᓂᒃ ᒥᓂᔅᑕᐅᓪᓗ ᑐᒡᓕᒃᑲᓐᓂᖓᑕ ᐊᐅᓚᓂᕆᕙᒃᑕᖏᓐᓂᒃ ᐱᑎᑦᑎᔪᒪᓪᓗᑎᒃ ᓯᕗᓕᖅᑎᐅᓂᕐᒥᒃ ᑕᓯᐅᖅᓯᓂᕐᒥᒡᓗ ᐱᕙᒌᔭᕐᓂᕐᒧᑦ ᖃᓄᐃᓕᐅᖁᔨᓂᕐᒧᓪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᐊᑐᓕᖅᑎᑦᑎᕙᒡᓗᓂ ᖃᓄᐃᓕᐅᕐᓂᐊᕐᓂᕐᒧᑦ ᐱᕙᒌᔭᖅᑕᐅᓯᒪᔪᓂᒃ, ᖃᐅᔨᓴᖅᓯᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᕐᕕᖃᖅᐸᖕᓂᕐᒧᑦ ᑲᔪᓯᑎᑦᑎᓂᕐᒥᒃ ᑲᔪᓰᓐᓇᕐᓂᕐᒥᒡᓗ ᑲᔪᓯᓂᖃᑦᑎᐊᕈᓐᓇᖅᑐᓂᒃ ᐃᓅᖃᑎᖃᖅᐸᖕᓂᕐᓂᒃ ᐊᕕᒃᓯᒪᓂᕆᔭᐅᔪᓕᒫᓂ ᐋᖅᑭᒃᓱᐃᕙᓪᓕᐊᔪᒪᓂᕐᒧᑦ ᓴᙱᔪᓂᒃ, ᖁᑦᑎᒃᑐᒦᑦᑐᓂᒃ ᐱᓕᕆᕙᖕᓂᕐᒧᑦ ᐊᐅᓚᑦᑎᓂᕐᒧᑦ ᐱᓕᕆᖃᑎᒌᓂᒃ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐱᓕᕆᔪᓐᓇᕆᐊᓕᖏᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᒐᔪᒃᑐᑦ ᐃᓕᓴᕆᔭᐅᓯᒪᔪᒃᑯᑦ ᐊᓂᒍᐃᔾᔪᓯᐊᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂᒃ, ᐃᓚᖃᕐᓗᓂ ᐊᕐᕌᒍᓂ ᐱᖓᓱᓂ (3) ᐊᐅᓚᑦᑎᔨᒻᒪᕆᐅᖃᑦᑕᖅᓯᒪᓗᓂ ᐃᓚᖃᕐᓗᓂ ᐱᐅᔪᓂᒃ ᐱᐅᓯᒋᐊᖅᑎᑦᑎᓂᕐᒥᒃ, ᐱᓕᕆᐊᒃᓴᓂᒃ ᖃᐅᔨᓴᕐᓂᕐᒥᒃ ᐊᒻᒪ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ ᐱᓕᕆᐊᖑᕙᓪᓕᐊᔪᒪᔪᓂᒃ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᕝᕕᖕᒥ. ᐱᓕᕆᖃᑦᑕᖅᓯᒪᓂᑰᓗᓂ ᐱᕙᓪᓕᐊᑎᑦᑎᓂᕐᒥᒃ ᐊᐅᓚᑦᑎᓂᕐᒥᒡᓗ ᑮᓇᐅᔭᖁᑎᒋᔭᐅᔪᓂᒃ ᐊᒻᒪᑦᑕᐅᖅ ᐱᔭᐅᓯᒪᔭᕆᐊᖃᕆᕗᖅ. ᐱᔭᕇᕈᓯᐊᖅᓯᒪᓗᓂ ᐱᖃᑖᓂᒃ ᐃᓕᓐᓂᐊᕈᑎᑖᖅᓯᒪᓗᓂ ᐊᔾᔨᑲᓴᖓᓂᒃ ᐱᓕᕆᕝᕕᖕᓂᒃ ᓂᕈᐊᕆᔭᐅᓂᐊᖅᑐᖅ. ᑖᓐᓇ ᐃᖅᑲᓇᐃᔮᒃᓴᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔮᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᑦ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᐊᑐᕐᓗᑎᒃ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ. ᐃᓄᐃᑦ ᓄᓇᓕᖏᓐᓂ, ᐃᓕᖅᑯᓯᖓᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᖃᐅᔨᒪᒍᓂ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑎᓕᐅᕆᑲᓐᓂᖅᑐᒍᑦ ᐱᓇᔪᖁᔨᓪᓗᑕ ᐃᓕᔅᓯᓐᓂᒃ ᐊᔾᔨᑲᓴᖓᓂ ᐊᕐᕌᒍᓂᑦ ᐃᓕᓐᓂᐊᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᖃᑦᑕᖅᓯᒍᕕᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᔭᕆᐊᓕᖕᓂ ᐱᓕᕆᖃᑦᑕᖅᓯᒪᔭᕆᐊᓕᖕᓂ ᖁᓛᓂᑦ ᑎᑎᕋᖅᓯᒪᔪᓂᑦ.

ᑖᔅᓱᒥᖓ ᐃᖅᑲᓇᐃᔮᒃᓴᒥᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᑎᖕᓂ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᔪᒃᑕᑦ ᐋᒃᑳᖅᑕᐅᑐᐃᓐᓇᕆᐊᓕᒃ.