ᑐᑭᒧᐊᖅᑎᑦᑎᔨ, ᑮᓇᐅᔭᓕᕆᓂᕐᒧᑦ ᑐᓴᒐᒃᓴᓕᐅᕐᓂᖅ ᐊᐅᓚᑕᐅᓂᖏᓪᓗ

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ.

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᒃᑐᓂᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓚᐅᖅᑐᓂᒃ 2022-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒪᓂᖃᑦᑎᐊᖅᑐᖅ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᖅᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑕᐅᓂᕐᒧᑦ ᐱᕕᖃᕐᓂᕐᒧᑦ ᐱᕕᖃᕐᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ.  

ᐊᖓᔪᖅᑳᖃᕐᓗᓂ ᑮᓇᐅᔭᓕᕆᔨᒃᑯᓐᓄᑦ ᐊᖏᔪᖅᑳᒪᕆᖕᒥᒃ, ᑐᑭᒧᐊᒃᑎᑦᑎᔨ, ᑮᓇᐅᔭᓕᕆᓂᕐᒧᑦ ᑐᓴᒐᒃᓴᓕᐅᕐᓂᖅ ᐊᐅᓚᑕᐅᓂᖏᓪᓗ ᑲᒪᒋᔭᖃᖅᑐᖅ ᐊᑐᐃᓐᓇᕈᖅᓴᐃᓂᕐᒥᑦ ᓴᖅᑭᑎᕆᓂᕐᒧᓪᓗ ᐊᕐᕌᒍᑕᒫᖅᓯᐅᑦ ᑭᒃᑯᑐᐃᓐᓇᑦ ᑮᓇᐅᔭᖁᑎᖏᓐᓂᒃ, ᓄᓇᕗᒻᒥ ᐊᑐᖅᑕᐅᔭᕆᖃᕋᒥ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᕐᒥᒃ, ᐱᖃᖅᑎᒋᓪᓗᓂ ᑕᒻᒪᖅᑕᖅᓯᒪᙱᑦᑐᓂᒃ ᑭᖑᕙᙱᑦᑐᓂᒃ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐊᓂ ᑐᑭᓯᒋᐊᕈᑎᓂᒡᓗ ᓄᓇᕗᑦ ᒐᕙᒪᒃᑯᑦ ᑮᓇᐅᔭᑎᒍᑦ ᖃᓄᐃᓕᖓᓕᕐᓂᖓᓂᒃ ᐃᖏᕐᕋᓂᖓᓂᓪᓗ. ᑐᑭᒧᐊᖅᑎᑦᑎᔨ ᑐᓴᐅᒪᑎᑦᑎᔨᐅᕗᖅ ᑖᒃᑯᓂᖓ ᓄᓇᕗᑦ ᒐᕙᒪᒃᑯᓪᓗ ᑕᒻᒪᖅᓯᒪᔪᖅᓯᐅᖅᑎᒻᒪᕆᖕᒥᓗ ᐊᕐᕌᒍᑕᒫᖅᓯᐅᑎᒧᑦ ᑮᓇᐅᔭᓂᒃ ᑕᒻᒪᖅᓯᒪᔪᖅᓯᐅᕐᓂᖅ ᐱᔾᔪᑎᒋᔭᐅᓪᓗᑎᑦ ᒐᕙᒪᒃᑯᑦ ᑮᓇᐅᔭᖁᑎᖏᑦ ᖃᐅᓴᖅᑕᐅᖃᑦᑕᕐᓂᕆᕙᑦᑕᖏᓐᓄᑦ.

ᑐᑭᒧᐊᖅᑎᑦᑎᔨ, ᑮᓇᐅᔭᓕᕆᓂᕐᒧᑦ ᑐᓴᒐᒃᓴᓕᐅᕐᓂᖅ ᐊᐅᓚᑕᐅᓂᖏᓪᓗ ᐊᑐᖅᑕᐅᓪᓚᕆᒃᑐᖅ ᐊᐅᓚᑦᑎᓂᕐᒧᑦ ᐊᒻᒪᓗ ᐋᖅᑭᐅᒪᑎᑦᑎᓂᕐᒧᑦ ᒐᕙᒪᒃᑯᑦ ᐃᓗᐊᓂ ᑕᐃᒪᓐᓂᒃ ᑮᓇᐅᔭᖏᓐᓂᒃ ᐊᒻᒪᓗ ᐅᓂᒃᑳᓕᐅᖃᑦᑕᕆᐊᖃᕐᓂᕐᒧᑦ ᐋᖅᑭᓱᖅᓯᒪᓂᐅᔪᓂᑦ, ᐃᓚᔭᐅᓪᓗᑎᑦ ᐊᐅᓚᑕᐅᔪᑦ, ᑖᒃᑯᐊ ᐱᓕᕆᐊᖑᔪᑦ ᐊᒻᒪᓗ ᐅᑉᐱᕐᓇᖅᑑᔭᕆᐊᖃᕐᓂᕐᒧᑦ ᑕᒻᒪᖅᓯᒪᔭᕆᐊᖃᙱᓐᓂᖏᓐᓄᑦ, ᐱᔭᕇᖅᓯᒪᓗᑎᑦ ᐊᒻᒪᓗ ᓈᒻᒪᑦᑎᐊᖅᑐᒥᑦ ᑮᓇᐅᔭᓕᕆᓂᕐᒧᑦ ᑐᑭᓯᔾᔪᑎᒃᓴᐃᑦ ᐊᒻᒪᓗ ᒪᓕᑦᑎᐊᕐᓂᕆᔭᕆᐊᓕᖏᑦ ᑮᓇᐅᔭᓕᕆᓂᕐᒧᑦ ᐊᑐᐊᒐᓕᐊᖑᓯᒪᔪᓂᑦ ᐊᒻᒪᓗ ᒐᕙᒪᒃᑯᓐᓂᑦ ᑮᓇᐅᔭᓕᕆᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ.

ᑐᑭᒧᐊᒃᑎᑦᑎᔨ ᐱᓕᕆᔨᒋᔭᐅᒻᒪᕆᒃᐳᖅ ᐊᐅᓚᑦᑎᔨᐅᓂᖓᓄᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᑲᔪᓯᓂᖃᑦᑎᐊᖅᑐᓂᑦ ᐱᓕᕆᖃᒌᖑᔪᓂᑦ ᐃᖅᑲᓇᐃᔭᖅᑎᓂᑦ 11−ᓂᑦ ᐱᓕᕆᔨᒻᒪᕆᐅᔪᓂᒃ ᐊᒻᒪᓗ ᐃᑲᔪᖅᑎᐅᔪᓂᑦ ᐃᖅᑲᓇᐃᔭᖅᑎᓂᑦ ᑖᒃᑯᐊ ᐱᓕᕆᐊᒃᓴᕆᔭᖏᑦ ᒪᑯᐊᖑᕗᑦ:

• ᐃᓂᒡᓚᒃᑎᕆᓂᕐᒥᑦ ᑮᓇᐅᔭᑦ ᐊᑐᖅᑐᒃᓴᓂᑦ, ᐱᓕᕆᐊᒃᓴᓂᑦ ᐸᕐᓇᐅᑎᓕᐅᕐᓂᕐᒥᑦ ᐊᒻᒪᓗ ᓯᕗᓪᓕᖅᐸᐅᔾᔭᐅᔭᕆᐊᓕᖕᓂᑦ ᐱᓕᕆᕝᕕᐅᔪᓂᑦ ᐃᓗᐊᓂ ᐊᕕᒃᑐᖅᓯᒪᓂᕆᔭᖏᓐᓂᑦ ᐊᒻᒪᓗ ᐃᖅᑲᓇᔭᐃᖅᑎᖏᓐᓄᑦ.
• ᐃᖅᑲᓇᐃᔭᖅᑎᒃᓴᖅᓯᐅᖅᑎᓄᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᓄᑦ ᐃᖅᑲᓇᐃᔮᓂᑦ.
• ᑲᒪᔨᐅᓂᕐᒧᑦ, ᖃᐅᔨᓴᖅᐸᓪᓕᐊᓂᕐᒥᑦ ᐊᒻᒪᓗ ᕿᒥᕐᕈᓂᕐᒥᑦ ᐱᓕᕆᐊᖑᔪᓂᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᑖᒃᑯᐊ ᑐᑭᒧᐊᒃᑎᑕᐅᓗᑎᒃ ᐊᒻᒪᓗ ᐅᖃᐅᔾᔨᒋᐊᖃᑦᑕᕐᓗᒋᑦ.
• ᐃᖅᑲᓇᐃᔭᖅᑏᑦ ᐱᓕᕆᐊᕆᓯᒪᔭᖏᓐᓂᑦ ᖃᐅᔨᓴᖃᑦᑕᕐᓂᕐᒥᑦ.
• ᐃᓂᖃᖅᑎᑦᑎᓂᕐᒥᑦ ᐊᒻᒪᓗ ᐱᕕᓴᖃᖅᑎᑦᑎᓂᕐᒥᑦ ᐱᓕᕆᔨᒻᒪᕆᐅᔪᓄᑦ ᐊᒻᒪᓗ ᐃᒻᒥᓐᓅᖓᔪᓂᑦ ᐃᓄᖕᓄᑦ ᐱᕙᓪᓕᐊᑎᑦᑎᓂᕐᒥᑦ ᐃᖅᑲᓇᐃᔭᖅᑎᖁᑎᖏᓐᓂᑦ.

ᑖᓐᓇ ᑐᑭᒧᐊᑎᑦᑎᔨᐅᔪᖅ ᑲᔪᓯᓂᖃᑦᑎᐊᖁᓪᓗᒍ ᐊᒻᒪᓗ ᐊᐅᓚᑦᑎᔾᔪᑎᐅᔪᑦ ᐱᓕᕆᔾᔪᑕᐅᓂᐊᖅᑐᑦ ᐋᖅᑭᑦᑎᐊᖅᓯᒪᖁᓪᓗᒋᑦ ᐊᑐᖅᑕᐅᔪᑦ ᐊᐅᓚᑦᑎᔨᐅᔪᓄᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑖᒃᑯᓄᖓ ᑮᓇᐅᔭᓕᕆᔾᔪᑎᒃᑯᑦ ᓈᓴᐅᑎᓂᑦ ᑎᑎᖅᓯᕙᓪᓕᐊᓂᖅ ᐊᒻᒪᓗ ᑭᓱᑐᐃᓐᓇᕐᓄᑦ ᑐᕌᖓᔪᓂᑦ ᐊᐅᓚᑦᑎᓂᕐᒧᑦ ᐊᒻᒪᓗ ᑕᒪᒃᑯᐊ ᑮᓇᐅᔭᖁᑎᖃᕐᕕᑦ ᐱᓕᕆᐊᖑᓗᑎᒃ. ᐊᐅᓚᓂᖃᑦᑎᐊᕐᓗᑎᑦ ᐊᐅᓚᑦᑎᔾᔪᑎᐅᔪᓂᑦ ᐱᑕᖃᕆᐊᖃᓪᓚᕆᖕᒪᑦ ᐃᓚᒋᔭᐅᔪᓂᑦ ᑮᓇᐅᔭᓕᕆᔾᔪᑎᓕᒫᖑᔪᓄᑦ ᐱᓕᕆᔾᔪᑎᖏᓐᓄᑦ ᐊᒻᒪᓗ ᑐᑭᑖᖃᑦᑕᕐᓂᕐᒥᑦ ᐅᓗᕆᐊᑐᐃᓐᓇᕆᐊᓕᖕᓂᒃ ᑕᒪᒃᑯᓄᖓ ᐊᔾᔨᒌᙱᑦᑐᑦ ᐊᐅᓚᑦᑎᓂᕐᒧᑦ ᐱᓕᕆᐊᖑᖃᑦᑕᖅᑐᓂᑦ.

ᖃᐅᔨᒪᓂᖓ, ᐊᔪᙱᑕᖃᕐᓂᖓ, ᐊᒻᒪᓗ ᐱᔪᓐᓇᖅᓯᓯᒪᓂᖏᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᓯᒪᔪᓐᓇᖃᑦᑕᖅᑐᑦ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᐃᓚᒋᔭᐅᓗᑎᑦ, ᐊᒻᒪᓗ ᐱᖓᓱᓄᑦ ᐊᕐᕌᒍᓄᑦ ᐊᐅᓚᑦᑎᔨᐅᓯᒪᓗᑎᑦ ᐊᒻᒪ ᑕᓪᓕᒪᑦ ᐊᕐᕌᒍᐃᑦ ᑲᑎᓪᓗᒋᑦ ᐱᓕᕆᐊᕆᖃᑦᑕᖅᓯᒪᓗᒍ ᒐᕙᒪᒃᑯᓐᓂᑦ ᑮᓇᐅᔭᓕᕆᓂᕐᒥᑦ ᐊᒻᒪᓗ ᓯᕗᓕᕐᒥᑦ ᐃᓚᖃᕐᓗᓂ ᐱᔭᕆᑐᔪᓂᒃ ᑮᓇᐅᔭᐃᑦ ᒥᒃᓵᓄᑦ ᐅᓂᒃᑳᓕᐅᓂᕐᒥᑦ, ᐱᐅᒋᔭᐅᓂᖅᓴᐅᓪᓗᓂ ᒐᕙᒪᒃᑯᓐᓂᑦ ᐱᓕᕆᕝᕕᖏᓐᓂᑦ ᐅᕝᕙᓘᓐᓃᑦ ᓇᖕᒥᓂᖁᑎᒋᔭᐅᔪᓂᑦ ᑮᓇᐅᔭᓕᕆᓂᕐᒥᑦ ᐱᔭᕆᑐᔪᓂᒃ. ᐃᖅᑲᓇᐃᔭᖃᑦᑕᖅᓯᒪᔭᕆᐊᖃᖅᑐᑎᑦ ᐊᒻᒪᓗ ᑐᑭᓯᓯᒪᓂᖃᑦᑎᐊᕐᓗᑎᑦ ᑕᒪᒃᑯᓂᖓ ᖃᕆᓴᐅᔭᒃᑯᑦ/ᐃᓚᔭᐅᓯᒪᔪᓂᓪᓗ ᐱᔭᕆᑐᔪᓂᑦ ᑮᓇᐅᔭᓕᕆᔾᔪᑎᓂᑦ. ᑖᓐᓇ ᐃᓂᒋᔭᐅᔪᖅ ᐱᓯᒪᕝᕕᐅᔭᕆᐊᖃᖅᐳᖅ ᐱᐅᔪᒻᒪᕆᖕᓂᒃ ᐅᖃᐅᓯᒃᑯᑦ ᑎᑎᕋᕐᓂᒃᑯᓪᓗ ᑐᓴᐅᒪᑎᑦᑎᓂᕐᒧᑦ ᐊᔪᙱᓐᓂᖃᕐᓂᕐᓂᒃ. ᐃᖅᑲᓇᐃᔮᒃᓴᖅ ᑕᑎᒋᔭᐅᔭᕆᐊᖃᕐᓇᖅᑑᓪᓗᓂ ᐱᕋᔭᒃᓯᒪᓂᑰᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᓕᒃ.

ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑐᑦ, ᖃᓪᓗᓈᑐᑦ ᐅᐃᕖᑐᓪᓗ. ᐱᓇᔪᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᑦ ᑎᑎᕋᕈᓐᓇᖅᑐᖅ ᓂᕈᐊᕆᔭᒥᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ. ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᕐᓂᑦ ᐃᑲᔫᑎᖃᑦᑎᐊᕋᔭᖅᑐᖅ. ᖃᐅᔨᒪᒃᐸᑦ ᐃᓄᐃᑦ ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᓄᒃᑐᑦ ᐱᓕᕆᖃᑦᑕᖅᓯᒪᓗᓂᓗ ᐅᑭᐅᖅᑕᖅᑐᒥ ᐃᓕᖅᑯᓯᖃᖃᑎᒌᙱᑦᑐᓂ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐃᖅᑲᓇᐃᔮᖅᑖᕋᓱᒃᑐᓄᑦ ᐊᑏᑦ ᐃᓚᔭᐅᑐᐃᓐᓇᕆᐊᓕᒃ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᐃᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᖃᑕᐅᓛᕐᒪᑦ.

ᑕᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ @email. ᐃᓚᓕᐅᑎᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᖏᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓂᖅᓴᐅᓇᓱᒃᖢᑎᒃ ᑭᒡᒐᖅᑐᐃᓂᕐᒥᑦ ᐃᖅᑲᓇᐃᔭᖅᑎᓂᒃ, ᑕᐃᒪᐃᓐᓂᖓᓄᑦ ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᒻᒥᓂᖅ-ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ ᒪᓕᒡᓗᒍ ᓯᕗᓪᓕᐅᔾᔭᐅᔭᕆᐊᓖᑦ ᐃᖅᑲᓇᐃᔭᑖᕐᓂᕐᒧᑦ ᐊᑐᐊᒐᐃᑦ.
• ᒐᕙᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᖃᐅᔨᓴᖅᑕᐅᓂᕐᒦᑦᑐᑦ ᐱᔭᕆᐊᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓐᓂᑦ ᐃᖅᑲᓇᐃᔭᕐᕕᒋᔭᖓᑕ ᐱᓕᕆᕝᕕᖓᓂᑦ. ᐱᔪᓐᓇᖅᑎᑕᐅᓂᕐᒧᑦ ᒥᓂᔅᑕᐅᑉ ᑐᒡᓕᐊᑕ ᐊᖓᔪᖅᑳᖓᓂᙶᖅᑐᖅ ᐃᖅᑲᓇᐃᔮᖅᑖᕋᓲᑎᖕᓄᑦ ᐊᑕᔭᕆᐊᓕᒃ ᐃᓱᒪᒋᔭᐅᓂᐊᕐᒪᑦ. 
• ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᑦ ᐊᔪᓕᕈᑕᐅᙱᑐᐃᓐᓇᕆᐊᓕᒃ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᓂᖏᓐᓄᑦ. ᖃᐅᔨᓴᖅᑕᐅᓂᖏᑦ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᑦ ᖃᐅᔨᔭᐅᓇᓱᖕᓂᐊᖅᐳᑦ ᐱᓕᕆᐊᒃᓴᕆᔭᐅᔪᑦ ᐃᖅᑲᓇᐃᔮᒃᓴᒥ. ᑖᓐᓇ ᐱᔭᐅᔭᕆᐊᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᔭᕆᐊᖃᖅᑐᓄᑦ ᓈᒻᒪᒋᔭᐅᔪᓂᒃ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓕᔭᖅᑐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓴᕋᐃᓐᓂᖅᓴᓂᒃ ᑲᒪᔪᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᑐᖅ. 
• ᐃᖅᑲᓇᐃᔭᖅᑖᕋᓱᒃᑐᑦ ᐃᖅᑲᓇᐃᔭᖅᑖᕋᓱᐊᕈᑎᒥᒃ ᑎᑎᕋᕈᓐᓇᖅᑐᑦ ᓂᕈᐊᕆᔭᖏᓐᓂᑦ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᒥᑦ ᓄᓇᕗᒻᒥ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
• ᑎᒍᒥᐊᖅᑐᖅ ᐱᓇᔪᒃᑐᓂᒃ ᐱᔭᐅᓚᐅᕐᓗᓂ ᑲᓇᑕᐅᑉ ᓯᓚᑖᓂ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕈᑎᖏᑦᑕ ᓇᓕᖅᑲᖏᑦ ᑲᓇᑕᐅᑉ ᓯᓚᑖᓂ ᓇᓕᖅᑲᖏᑦ ᖃᐅᔨᓴᖅᑕᐅᓇᔭᖅᐳᑦ ᐃᓕᑕᕆᔭᐅᓯᒪᔪᒃᑯᑦ ᑲᓇᑕᒥ ᐃᓕᓐᓂᐊᕐᕕᖕᒥ.  ᑕᐃᒪᐃᓕᐅᙱᒃᑯᕕᑦ ᐃᒻᒪᖄ ᐱᓇᓱᐊᕈᑏᑦ ᐋᒡᒑᖅᑕᐅᑐᐃᓐᓇᕆᐊᓕᒃ.