Laisataqhimayut Havakvit

Amaqmik Nunavutmiittut maniliurtiungittut timiuyut nakuuyumik maligaqtigut pihimanit tapkununga Nunavut Maligait Titigaqhimanit tukhigalat kiinauyakhanut pigiaqninut ihuaqhihimaniluniit nutagaqaqvit havakvit.​

Tamna Ilihaqviliqiyikkut laisataqtitpaktai nunaliuyuni nutaganulaktitlugit nutaqat havakvik atuqhugit Nutagaqaqviit Munaqhivit Piquyat, piqaqtittugit pigiagutikhat ukiumutlu aulaninut kiinauyaqtakhat maniliuqtiungittunut laisaqaqtut nutagaqaqvit havakvit ilagiitlu uplukkut angilgat.

Nunaliit avikhimanini havaktit aulattiyut tukhigautinik piquyatlu kivgaqtiunit akungani maniliuqtiungittut timiuyut tapkuatlu havakvit tapkununga Nunatagannuit Nutaqat Iliharnit.

Pilagiakhaq, timiuyuq titigaqhimayalik maniliuqtiungitniqmun, nakuuyumiklu pihimaluni tapkunani Nunavut Maligait Titigaqutaini.

Taiguqlugu Kangiqhimaningit Nunavunmi Nutaqqiqiviit Maligaugakhatnaunaiqyumirutikharnik:

Aullaqtirluni Nutaamik Nutaqqiqivingmi umingaluunniit Kitkunni Ubluumaat Nutaqqiqivingmik

Aullaqtittijumaguvin nutaqqiqivingmik uumingaluunniit kitkunni ubluummaat nutaqqiqivingmi Nunavunmi, piqaqtugun ikajuutikhanik. Naqillugu hamna pijaami tamatqiutihimajumik naunaitkutimik tuniutijuq qanuriliurutikhanik ilitturipkaidjutimik qanuqtun aullaqtiriami laisiqaqtumik nutaqqiqivingmi Nunavunmi. Una ikajuutikhaq tunijuq naunaittunik naunaijautinik tamainnik ilihimajakharnik ilaujullu anginiqaqtun ilitturihimajakhat imaatun maligakkut, havagvingmi qanurinnikkut pitqujauhimajun, inikhaitigun pitqujauhimajun, aallaniklu.

Naliinni ilikkuuruvin, maniliurniahimangittuq timiquti, Nunalingni Ilihaqtuliqijiit Katimavik, una Commission scolaire francophone du Nunavut Haamlatkulluunniit, una maliktakhaq ikajurniaqtaatin naunaijarnikkut havagutini piliurnirmi nakuujumik nutaqqiqivingmik. Ilalik kangiqhittiarutikhanik ihuaqtuniklu uqaudjutinik ikajuutikharnun kangihihimajaami pijukhaujunik qanurilurutikhanik ihumagijajkhaniklu pidjutikhat aullaqtirnirnun nutaqqiqivingnik.

Kiinauyaqtakhat

Maniliuqtiungittut timiuyut pitalat kiinauyakhanik ikayuqninik nutat tatyalu atuqtut nutagaqaqvit havagutit havakvitlu.

Nunaliuyuni nutaganuit nutaqat havagutai laisaqaqtut tapkunanga Ilihaqviliqiyikkut. Nunaliit avikhimaniani aapisit havalgit tunihiniqmun pigiagutinut maniktakhait, piqaqtitni kayuhinaqtut havagutinut tunityutai, qauyihaqni havakvit ukiuq tamaat, piqaqtitnilu laisakhainik aulaninutlu ikayuqnit.

• Qikiqtani Avikturvia:1-833-930-3935 @email
• Kivalliq Avikturvia: 1-833-930-3936 @email
• Kitikmeot Avikturvia: 1-833-930-3937 @email
• Iqaluit: 1-833-930-3938 @email

Tapkununga Uplukkut Munaqhivit Maniktakhat Tunityutitlu, tapkuat pingahut aturniqhat maniktakhat avikhimanit tapkuat:

• Igluqpatigut Maniliqtuinirmun Pinahuarutit: Tikinahuarutaat havagiangini nutaaq laisiqaqtu nutaqiqivighat angmaffaarianginilu nutaqiqiviit tapku aumikhimajut pingahuni ukiuni. Qanuritut havaaghat tapkua maniliqtuqtaujaaqtut haffumuuna pinahuarutikkut ilaujut qujaginaq igluqpinikkut-ilaujut akiligahat pijaghat havagiangani laisiqaqtumik nutaqiqinirmun najugainik nutaqqanun ukiuqaqtunun 0min-6mun. Ilaqarniaqtuq ihuaqhainirmik napaqtiriniqmikluuniin, aalallu akiit ilaujut havangnirmun qajangnaitumik malitiarnirmiklu nutaqiqinirmun avatiit. Tikinahuarutaa ikajuqlugit nutaqiqijut havaktit pijaangini laisiqarnikkut pijaghat angiklijuumiqnirmunlu kivgaqtuutit nutaqiqiviqangitut nunallaat. Naunaiqhittiarumaguvit naqitlugu hamna.

• Aulani Ihuaqhihimanilu: Havagutit tunityutai maniktakhat ikayuqtut ihuaqhihimani pinguqtaunit, laisataqhimayut nutagaqaqvit havagutit. Pinahuaqtitmiyailu tapkuat pivaliatitni pilaqnilgit havaktit havagutitlu, piqaqtitnilu nutagahat pimmaqlugutilgitlu inikhaitnik. AUlattauni Ihuaqhihimanilu tunityutit maniit tapkuat ukiumun kiinauyakhat atuqtaulat kitunutliqak aulaninut akiliqtutit.

• Aaniaqtailini Hivuganaitnilu: Aaniaqtailini hivuganaitnilu kiinauyartakhat (kiklilgit talvunga $5,000.00) piqaqtitauyut ihuaqhinit nakuuhivaliqniluniit tapkuat havagutit hanayauninut, nutanguqtigaunit ilagiaqninutluniit hanalgutit piyanginik tamaita ikualayunut aaniaqtailiniqmutlu maligait. Havagutit tatya aulatai GN-kut igluqpai pilaittut uuminga kiinauyakhat ilagiyanik tapkuat Nutagannuit Nutaqat Havagutit.

• Pigiaqninut tunityutit: Kiinauyakhat maniliuqtiungittunut timiuyut pipkagauyut atugahuaqtitninut tapkuat pivaliatitni laisaqaqtut maniliuqtiungittut nutagaqaqvit havagutit.Una kiinauyakhaq atauhikaphukhugu pitaqnia manik ikayuqninut nutagaqaqvit havagutit tapkuninga piyaliknik niuviqnit tapkuat piyalgit ulapqiuyat, hanalgutit havagutitlu hunat piyalgit angmaqnianut. Una kiinauyaq atuqtaulaittuq niuviqninut, hananinut angiyunikluniit nutanguqtigaunit igluqpait.

• Inuit Uqauhiinun Pitquhikkut Maniliqtuutikhat: Tamna Inuit Uqauhiani Pitquhianilu Maniliqtuutikhaq aulahimayuq ikayuutikharnik aulatitiyaangat nutarannuat Ilihalihaaqtut ilihautikhait (ECE) ilihairutikharnik, nallaumayukhaq Inuit uqauhiit pitquhingitlu, nutaqqanun ukiulgit 0-6mun.