Ilihalihaaqtut nutaqqat nutaqqiqiviillu

Ilinniartuliriijitkut (Ilinniarniq) Ilihalihaaliqtunut Nutaqqiqiviitlu (ELCC) havagvia aqhuuqtut naupkauviqhainnut hivunirmingnik humi tamaita nutaqqat nunaptingni pijaaqtunik an’nginirmik ilihaqlihaaliqtunut atuqpagainnik aqhuraaluk pijut Inuit pitquhianik, uqauhiat, inuit nuatqatigiittiarniagunlu.  Hivuliqtaujuguq Havauhiqhatigun Hulijuqhatigunlu Upalun’ngaijautaatigun (piliurhimajuq huli) piliurhimajuq tikiutijaami aadlanggajuq ihariangniit tamaita nunallaat tamaani Nunavunmi—mikkaugaluaqtillutik un’ngahiqtut nunallaat inugiaqaqtutluunniit najugait. 

Piviqhaqaraan’ngamik nutaqqat an’ngiqliqtillutik ajuirhaplutiklu pidjagingnikkut munaqtauttiaqhutiklu, hakugiqtumik inuuhirittiarnikkutlu iqatigiingnikkut naupkaqtaaqtut, ajuirlugitlu inmik aadlanggajunik atuqtauvaktunik pittaangnirmunlu.  Ikajuqtaqqut una imaa:

• Laisiliqiplugit nutaqqiqiviit, taapkuningalu aimavingmingni nutaqqiqiviit, imaalu pijaaqhainnik naunaiqhitiplugit tikiutinikut piliurnirmun qajarnaittumik ihuaqpiaqtunik atugaqhainnik.
• Tunihijuqhatlu pitquhitigun ihuaqtumik ikajuutiqaqlutik ihumagiplugit Inuit Nuatqatigiittiarniagunlu Inuktunlu naujuummiriami quviahuutimik inuup kinaungmajaaqhaanik. 
• Munariplugit maniliqinikkut ikajuutit pivinggat laisiqaqtunut pihimmaariami nakuuhivalliajaamilu qanurinniit ilauqatigiingnikkutlu kivraqtuqtiit.
• Hailihimalugit maniliqidjutinik ikajuutiqhainnik ilihagutiqhanut imaa pijaami nutaqqiqiviliqidjutinut akittuqjuangnaittaami.
• Atuliqtittinirmun atuguminaktumik pilutik ikajuutijunik pijaangnikkut pitquhiatigun ihuaqutiqhaanik nutaqqiqiviit tamaani nunaptingni.

Maliktakhanut Titiqqat

• Ilihalihaaliqtut Nutaqqaniklu Munariniq Ihuaqpiaqtumik Havauhiqhat  – Iliuraqhimajut tautuktuujaaqtunik maliqqajaqhaniklu an’nginiqarniqhatigun-ihuaqpiaqtunik, pitquhikkutlu naammagijainnut nutaqqiqiiviliqidjutinut Nunavunmi.

• Ihumaliutqiqtuqhamun Hulidjutijaami Upalun’ngaijainirmun Ilaunikkut Aadjikkiingnikkutlu – Apqutiqhaa ilaunirmun, aadjikkiingnirmun ilihalihaalirnirmun nutaqqaniklu munariniq, titiraqhimajut ikajuutiqhainnik tamainnut nutaqqanut ilagiiqtunutlu Nunavunmi.

An’gajuqqaat Munaqtiitlu

Nalvaaqhiniq Munarijaqhanikkut Nutarangmut

• Laisiqaqtut Nutaqqiqiivit Nunavunmi – Kimut uqaqvigijaqhaq tamainnut laisiqaqtunut nutaqqiqiivit Nunavunmi, avikturviitigun.

Maniliqtuutighat

• Inuulrammiit An’ngajuqqaat Illutik Ajuirhaqtillutik Pivinga – Munariniq nutarangmik maniliqtuutiqhait inuulrammiinut an’ngajuqqaat ukiulginnut 18 ilihaqtutlu sikuuqvingmi.
• $10 ubluq tamaat nutaraq munaqtaujaami – Laisiqaqtuq nutaqqanik munarivik nutaqqanut ukiulgit 6 nik ikajuutaujut, ilaudjutigiplugu Kanatap-tamaat maniktarviqhatigun.  Hivajaqlugit laisiqaqtut nutaqiqiiviit uukturiami ikajuutiqhamik nutaqqiqiivingmi iniqhamik. 
• Inuuhirittiarnirmun Nutaqqat Piumania  (Ikajuqtiujuq nutarangmut kivraqtuijiit) – Laisiqaqtuq nutaqqiqiivik nunallaamiluunniit timiqutiujuq tunihijuq ilihalihaaliqtunut ilihagutiqhainnu nutaqqanut ukiulgit talvunamut 6 uuktuinnariaqaqtut maniqhaaqhamik aadlamik ikajuutiqhamik kviraqtuinikkut inungnut ihariagijainnik (imaakaffuk., atauhiinnarmik atauhiinnarmut ikajuut ilaujaami ilihalihaaliqtunut ilihagutiqhainnut) ikajuriami nutaqqanut ilautillutik ilihalihaaliqtunut ilihagutainni laisiqaqtumiluunniit nutaqqiqiivik. 

Ammaktiriniq Laisiqaqtumik Nutaqqiqiivingmik Aimavingmiluunniit Munarhijut Nutaqqanik

Aulaqtirut

• Tamatkiutihimajutigun ikajuutinut titiraqhimajut maliktaqharnik talvuuna maliguagutinut, maniliqtuutiviqihat naliangnik, atuguminakpiaqtunik ikajuutiqharnik aulaqtiriami. 

  • Ilihimajaqhatit Aulaqtiriami Nutaqqiqiviitigun: Naittumik naunaijautit ilvit  ilihimajaqhatit – Una makpiraaq pidjutilluaqtait inungnut/timiqutiujut upalun’ngaijaijut ammaktiriamingnik laisiqaqtuqhamik nutaqqiqiqiivingmik, aimavingmilu nutaqqiqiumajut, Nunavunmi. 
  • Ilihalihaaliqtunut Havaktiit – Avaliinggittutin. Ilinniartuliriijitkut piqaqtut Ilihalihaaliqtunut Havaktiinnik (ECOs) tamainni avikturviinni upalun’ngaiqhimaplutiklu kiujaami apikkuutinik ikajuqlutinlu havauhiqhaatigun aulaqtiriami. 
  • Nunavut Nutaqqiqiviit Maligaa hapkuatlu Maliguagutit – Takulugu “Maligaq, Maliguagutit, An’ngirutitlu” pivinga ataani.

Maniliqtuutighat

• Ilihalihaaliqtunut Havaktiit – Uqaqvigilugu avikturvigijarni ECO nga uqautijaami qanuqtun pittaangnikkut hapkuutigun:
  • Aulaqtiriami Maniqhaaqhaq  – Atauhiaqluni ikajuutiqhaq maningmik laisiqaqtunut nutaqqiqiviit ikajuutiqhait niuviriami ihariagijaujunik ulapqiujanik, tamajanik ilihagutiqhanutlu ammaktiriamingnik.
  • IAulapkaidjutihanut Maniliqtuutiviqhaq Pivinga – Maniqhaaqhaq amigaiqjuummiriami nampait laisiqarnirmik nutaqqiqiviitigun iniqhainnik Nunavunmi nutaqqanut ukiulgit 0-6, ammaffaaqlugitluunnit najugait umiqhimajut amigaitqianik pinggahuni ukiuni.

Ilihalihaaliqtunut Nutaqqiqiviitigunlu Maniliqtuutighatigun Pivinggit

Maniliqtuutighat

• Ilihalihaaliqtunut Havaktiit – Uqaqvigilugu avikturvigijarni ECO nga uqautijaami qanuqtun pittaangnikkut hapkuutigun:
  • Ilihalihaaliqtunut Ilihaijiqhat Iniktirutaat Maniliqtuutiqhat  (Uqaqvigilugu avikturvigijarni ECO kut)– Ikajuutigijauniaqtuq akiqhanut ilaudjutilginnut makpiraanut laisiqarnikkut nutaqqiviliqidjutinut havaktiit atiliurhimajut Ilihalihaaliqtunut Ilihaijiqhait iniktirutaannut ilihagutit. Ilihalihaaliqtunut Ilihagutiqhait Inuit Uqauhiatigun Pitquhiatigunlu Maniliqtuutiqhait – Maniqhaaqhat aqhuuqhaijaami Inuit uqauhiannik pitquhialu ilihalihaaliqtuni, talvuunatigun iluani ilihaqlutik maniqhaaqhatluunnit pinggahuatigun auladjutit pivingganni.  Una maniqhaaqhaq hailihimajuq Nunallaani Ilinniarnikkut Katimajiinnut, Katimajiita scolaire francophone du Nunavut, laisiqaqtunut nutaqqiqiviinnut, nunallaamilu timiqutiujut tunihijunut ilihalihaaliqtunut ilihaidjutiqhainnik nutaqqanut ukiulginnut 6 mut.
  • Inuuhirittiarnirmun Nutaqqanut Piumania – Laisiqaqtuq nutaqqiqivik nunallaamiluunniit timiqutiujuq tunihijuq ilihalihaaliqtunut ilihagutiqhainnut nutaqqanut ukiulginnut 6 nut uuktuinnariaqaqtut maniqhaaqhanik tunihijaami aadlanik ikajuutiqhanik kviraqturnirmun ikajuutiqhaanik nutarap ilhaqtilluni laisiqaqtumiluunniit munarijaujuq.  Maniktaqviqhat ilihalihaaliqtunut inuuhirittiariamingnik ataani hamna piumania hailihimajuq talvuuna malruungnik pidjutit: Nunallaami piumaniit hulidjutiqhanut taapkuatut an’ngajuqqaat katimadjutiqhainnut nirittiaguminaktunikluunniit, Ikajurnitigutlu Nutarangmut Kivraqtuqtiit inuup ihariangniitigut taapkuatut atauhirmik atauhirmun ikajuut ilaujaami ilihalihaaliqtunut pivinganut.
  • Aanniaqtailinirmun Qajarnaittaamilu Maniliqtuutiqhat – Ikajuutaujuq akiqhanut ilaudjutilginnut ikualaangnirmun aanniaqtailinirmunlu maliguagutit.
  • Aulapkaidjutiqhanut Maniliqtuutiqhait Pivinga – Maniqhaaqhat amigaiqjuummiriami nampait laisiqaqtuqhanut nutaqqiqivingni iniqhainnik Nunavunmi nutaqqanut ukiulginnut 0-6, ammaffaaqlugitluunniit umiqhimavaktut pingahuni ukiuni amigaitqianiluunniit.
  • Aulapkainirmik Ihuarhaidjutiqhainnutlu Maniqhaaqhat – Ikajuut akiqhanut ilaudjutilginnut ihuarhainirmik aulapkainirminlu laisiqaqtuni nutaqqiqiivit.
  • Akiliuhiaqhatigut — Maniqhaaqhat laisiqaqtunut nutaqqiqiivit nutaqqanut ukiulginnut 0-6 ikajuuti aadjikiiqtumik havaktiit akiliuhiaqhainnik. Hivuniqhaqaqhutik pihimajaami ihuaqtut havaktiqhat pitqunahuarhugitlu havaktiit iniktiriamingnik Ilihalihaaliqtunut Ilihaijingguqlutik.
  • $10-ubluqtamaat Nutaqqiqiivit – Laisiqaqtut havagviit atuinnariaqaqtut akiqhanut ilagiiqtunut nutaralgit nukaqhiujut 6 nit, akiliguminaktumik ilaudjutigiplugu tamaani Kanatami maniktuutikkut.

Maligat, Maliruagaghat, Atugaghat, Angirutillu

• Kanata – Nunavut Ilihalihaaliqtunut Nutaqqiqiviitigunlu An’ngirutaa - 2021 talvunamut 2025 - Canada.ca – Ilihimajaujuq Ilaliutihimajuq An’ngirut, una an’ngirutaata pidjutihimmaagutaujuq maniliqtuutiqhanik pilihaaqhimaplunilu piliurninga 2017 mi.  Hulijaami upalun’ngaijaidjutaa 2023 min 2025 mun atauttiujuq hulijaami upalun’ngaijaidjutaa hapkununga Kanatatamaat Ilihalihaaliqtunut Nutaqaqqiqiviitigunlu An’ngirutaa. 2023 min 2026 mun hulijaami upalun’ngaijaidjutaanni ilaliutilik naittunik qanuqtun maniqhaaqhat adjikkuhiqtaa An’ngiriigutini Nunaqaqqaarhimajutlu Ilihalihaaliqtunut Nutaqqiqiviitigunlu Havauhiit hivulliujuqhat akiliguminaktumik, pijaaqtaangnikkut, ilaunikkut, nakuuqpianikkutlu.
• Aittuuhiat Ikajuutitlu Atugaqhaa – Titiqqidjutaanni titiraqhimajuq aittuuhiat ikajuutitlu Ilinniarnikkut.  Qaffiujut maniliqtuutiqhat ELCC kunnit nalvaaqtaaqtut ataani Naunaitkutaa B.  
• Nunavut Nutaqqiqiviit Maligaa – Maligaliuqtauhimajuq atanniqtuidjutigiplugu laisiqaqtut aulapkaijutlu nutaqqiqiviit Nunavunmi.
• Nunavut Nutaqqiqiviit Maligaa Maliguagutit – Maliqqajaqhat piqarniittuqaqtuqhatlu nutaqqiqiviujuni Nunavunmi maliktaqhait ataani Maligaq.
• Kangiqhimalugu Nunavutim Nutaqqiqiviit Maliguagutait: Malikkuutiqhaq ilihalihaaliqtunut ajuirhautiqhainnut – Ajurnaittumik uqauhikkut malikkuut aviqhimajut maliguagutikkut naunaiqhitijaami ihumaliurhimajait hadjamin hivuniqhamilu laisiqaqtunut aulapkaijit.

Hilataani Atajut

• Nunavut

  • Ilinniarniq – Nunavut Ilhaqpaalirvia – Ilihalihaaliqtuqhatigun Ilihaidjut Iniktirut Titiraa Ilihaqjuummiktunutlu Iniktirutaa
  • Inunnguiniq An’ngajuqqaaqviliqinikkut/Nutarangmun Ajuiqhaqtittaa Ilihagutaa – naunaijautihimajuq-ihumagiplugu an’ngajuqqaaqviliqinikkut/nutarangmun ajuiqhaqtittaa ilihagutaa ihumagijaujuq Inuit nutarangmun ajuiqhaqtittaa qauhimanikkut itquumanikkut naammagijaujuq ihuittuq, piliurhimajuq ajuirhautigiplugu tahapkunanit Qaujigiartiit Anniaqtailinirmun Qaujimanahuarnirmunlu Katimavia
  • Inunnguiniq Nutarangmun Ajuiqhaqtittaa Uqaudjiniq Inuit Inirniqhaanit  – Nutarangmun Ajuiqhaqtittaa Uqaudjiniq Inuit Inirniqhaanit piliurhimajaat Nunavut Kavamanga Qaujigiartiit Aanniaqtailinirmun Qaujimanahuarnirmunlu Katimavia.
  • Pirurvik Malikkuutaa - Inuit Qaujimajatuqangit hivuniqhaliurutiqhat naunaijaqhimajut atadjutinin tahapkununga ilihalihaaliqtuqhanut ilihagutait.
  • QIA Nutaqqiqiviit Ikajuutit – Qikiqtani Inuit Katimajiita (QIA) piviqhaqaqtittijut ilihalihaaliqtunut ajuirhautiqhainnik ikajuutiqhat taapkuatut inuujanik, iviktitaat, taigiagaghat, kangiqhimanahuarnirmun qaujimanahuarnirmunlu ilihagutit ihumagitigiplugit Inuit inuuhiat pitquhialu.

• Kanata:

  • Ilihalihaangniq Nutaqqiqiviitigunlu Naunaijautit Najugaa (statcan.gc.ca) – Amigaittut aadlatkiiq ikajuutiqhat ilaudjutilgit tunihijaami ilihalihaaliqtunut munarinirmiklu nutaqqanik Kanatami. 
  • Nunaqqaarhimajut Ilihalihaaliqtuqhanut Nutaqqiqiviitlu (IELCC) Havauhiqhait – Hivuniqhaliugutiqhat Nunaqaqqaarhimajunut ilihalihaaliqtuqhanut nutaqqiqiviitigunlu humi tamaita nunaqaqqaarhimajut nutaqqat piviqhaqaqtut aturiami an’nginiqarnirmi-ihuaqpiaqtumi, pitquhikkutlu atuqhutik ilihalihaaliqtunut nutaqqiqiviitigunlu pivinggit.
  • Inuit Tunihidjutait Havaktuliqiijitkunnut Inungmiunikkutlu Pivalliaviqhaq Kanata Ihumagiplugit Kanatami Nunaqqaarhimajut Ilihaqlihaaliqtuqhanut Nutaqqiqiviitigunlu (IELCC) Havauhiqhait – IELCC havautaujuq hivuniqhaqaqhuni ihumaliurhimanikkut Inuit ilihalihaaliqtunut nutaqqiqiviitlu aulavit ilaudjutiqaqlutik hivuniqhamik hivulliutigijaujuqhaniklu Inuit nutaqqainnut, Ilagiiqtunut nunallaanutlu.
  • Inunnguiniq: Munaqhiniq Nutaqqanut Inuit Pitquhiatigun – Kangiqhidjut titiraqhimajaat Kanatami Havaqatigiiqtut Katimavia Nunaqaqqaarhimajunut Aanniaqtailinirmun kangiqhipkaijut pitquhiit ilihagutiqhait, ikpingnaktut, iharianiitlu tammaqtailiplugit Inuit inuuqatigiingniq. 
  • Kangiqhimanirmik Ihariagijaujut Ilihainirmun Ilihalihaaliqtunut Ilihagutaita Tamaani Inuit Nunanganni - Una titiqidjut naittumik naunaijautilik ilihaitigun ajurnarniit ilihalihaaliqtunut ilihagutiqhat Inuit Nunagani piliurhimajuqlu Inuit Tapiriit Kanatami.

• Aadlat:

  • Atkinson Katimavia Inungnut Nutarangmunlu Pivalliaviqhat – Qaujiharvia najugaa inungmiunikkut ihumaliugutaujut ilihalihaaliqtunut pivalliadjutit.
  • Nutaqqiqiviitigun Aqhuuqhaijit Katimajiita Kanatami – Hivuniqhaqaqtut atugaqhatigun aqhuuqhaijut Kanaitian nutaqqiqiviitigun.
  • Nutaqqiqiviit Ikajuut Ihivriungnirmunlu Havagvia – Piviqhaqaqtittijut ihivriungnirmun ikajuutinutlu Kanatian nutaqqiqiviitigun.
  • Naunaiqhidjutit hunanik Ilihalihaaliqtutigun Ajuirjuummigutiqhait – Amigaittunik ikajuut ilihalihaaliqtunut ihivriungninganik atuguminaktuniklu.
  • Kanatap Katimajiita Ilihangnikkut Nukaqhiinut Nutaqqat) – U.S.-tut pidjutaa timiqutiujuq hivuniqhaqaqhutik nakuuhivalliadjutiqhaanut ilihalihaaliqtunut ilihagutainnik.
  • Nunavik Nutaqqiqivik - Tun'ngahuktittijut - Ikayuutijunut 14 nik nutaqiqivinnik nunallaani Nunavikmi tunihiplutik nutaqqanik munaqhidjutinik.
  • Kanaitian Nutaqqiqiviit Katimajiita – Aqhuuqhaivaktut ihuaqpiaqtunik nutaqqiqiviitigun tamaani Kanatami.

Ilihalihaaliqtunut Nutaqqiqiviitigunlu Ilihaiviqhat Ilihagutit

• Algonquin College - Early Childhood Education Diploma Program
• Bow Valley College - Early Childhood Education Certificate Program
• Fanshawe College - Early Childhood Education Diploma Program
• La Cité - Early Childhood Education Diploma Program (French delivery)
• Lakeland College - Early Childhood Education Certificate and Diploma Programs
• Lethbridge College - Early Childhood Education Certificate and Diploma Programs
• Northwestern Polytechnic - Early Childhood Education Certificate and Diploma Programs
• Nunavut Arctic College – Early Childhood Education Applied Certificate and Diploma Programs
• Portage College - Early Childhood Education Certificate Program or Early Childhood Education Diploma Program
• Red Deer Polytechnic - Early Childhood Education Certificate or Early Childhood Education Diploma Program
• Saskatchewan Polytechnic - Early Childhood Education Certificate of Achievement and Early Childhood Education Diploma Program.
• Selkirk College - Early Childhood Education Certificate and Advanced Certificate Programs
• St. Lawrence College - Early Childhood Education Diploma Program
• Université Sainte-Anne - Early Childhood Education Diploma Program (French delivery)