ᐱᒋᐊᕐᓂᖓ
ᐱᒋᐊᕐᓂᖓ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐊᓕᐊᓇᐃᒍᓱᒃᐳᑦ ᓄᓇᕗᒻᒥᑦ ᐱᒋᐊᕈᑎᖃᕐᒪᑕ ᐃᑲᔫᑎᐅᒐᔭᖅᑐᒥᑦ ᓇᖕᒥᓂᖅᑖᕋᓱᐊᕐᓂᕐᒧᑦ. ᒥᓇᕈᓐᓇᖅᑕᐃᑦ ᑖᓐᓇ ᖃᐅᔨᒪᔾᔪᑎ ᐊᑖᓃᑦᑐᖅ.
7-ᖑᔪᑦ ᐊᓪᓗᕈᑕᐅᔪᓐᓇᖅᑐᑦ ᐱᒋᐊᖅᑎᑦᓯᓂᕐᒥᑦ ᓇᒻᒥᓂᖃᕐᓂᕐᒥᑦ
ᑖᓐᓇ “ᐃᑲᔫᑎᐅᒐᔭᖅᐳᖅ ᐃᓕᖕᓄᑦ, ᓇᖕᒥᓂᖅᑖᕈᒪᑎᓪᓗᒍ ᐃᓱᒪᒋᔭᖃᑦᑎᐊᕐᓗᓂ ᐊᒃᓱᕉᑎᒋᔪᒪᓪᓗᒍᓗ. ᑭᓇ ᖃᐅᔨᔪᒪᕙ ᑐᕌᒐᖃᕋᓱᑦᑎᐊᕐᓗᓂ ᓯᕗᓪᓕᕐᒥᑦ.
ᑖᓐᓇ ᑐᓴᐅᒪᓪᓗᐊᖅᑕᕐᓂᒃ ᑐᓴᕈᑎᐅᕗᖅ, ᐱᓇᓱᐊᖅᑖᑦ ᓇᖕᒥᓂᖅᑖᓕᓵᖅᑎᓪᓗᓂ ᐊᑑᑎᖃᑦᑎᐊᕋᔭᕐᒪᑦ ᐊᒻᒪ “ᐊᔭᖅᑭᑦᑕᕈᑎᖃᕋᔭᖏᒻᒪᑦ”.
ᐱᕙᓪᓕᐊᑎᓪᓗᑕ ᓄᓇᓕᖕᓂᑦ ᓇᖕᒥᓂᖃᖅᑐᑦ ᓄᓇᖏᓐᓂᑦ ᐱᕈᖅᐸᓪᓕᐊᑎᑦᑎᖃᑦᑕᕐᒪᑦ ᑮᓇᐅᔭᓂ ᐊᐅᓚᑦᑎᓂᖅᓴᐅᓕᕋᔭᕐᒪᑕ ᐃᖅᑲᓇᐃᔭᖅᑖᖅᑎᑦᑎᓗᑎᒡᓗ. ᑖᒃᑯᐊ ᓇᖕᒥᓂᖃᖅᑐᓂᑦ ᓄᓇᕗᒻᒥᑦ ᑮᓇᐅᔭᒃᓴᐅᕐᓴᐅᕈᓐᓇᖅᑕᒥᑦ ᓄᓇᒻᒦᖓᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᓲᕐᓗ ᐅᔭᕋᖕᓂᐊᕐᓂᖅ ᐃᖃᓗᓕᕆᓂᕐᒧᓪᓗ ᐱᔨᑦᑎᕈᑎᐅᔪᓐᓇᖅᐳᑦ ᓂᐅᕈᑎᖃᕐᓂᕐᒧᓪᓗ ᐱᔭᕆᐊᖃᖅᑕᒥᖕᓄᑦ. ᓇᖕᒥᓂᖅᑎᓄᑦ ᒪᒃᐱᖓᑎᑦᑎᒐᔭᕐᒪᑦ ᐳᓚᕋᑦᑐᓕᕆᓂᕐᒧᑦ, ᓴᖅᑭᔮᖅᑎᑦᑎᓂᒃᑯᑦ ᓴᓇᕈᓘᔭᕐᓂᓪᓗ ᐊᖏᓪᓗ ᓇᖕᒥᓂᖃᖅᑎᓂᒃ. ᓄᓇᕗᒻᒥᐅᑦ ᐅᓄᖅᓯᕙᓪᓕᐊᕗᑦ ᓇᖕᒥᓂᖅᑖᕈᒪᔪᑦ.
ᓇᖕᒥᓂᖅᑖᕆᓕᓵᖅᑕᕐᓄᑦ 7 ᐃᑲᔫᑎᑦ ᐱᒋᐅᕈᑎᐅᔪᓐᓇᖅᑐᓂᑦ ᐱᔭᒃᓴᑦ ᐃᑲᔫᑎᐅᔪᓐᓇᖅᑐᑦ ᓇᖕᒥᓂᕆᔭᑦ ᐱᒋᐊᓕᓵᖅᑎᓪᓗᒍ ᓇᓗᓇᐃᖅᓯᒪᕗᖅ ᖃᓄᐃᑦᑑᖕᒪᖔᑦ ᓇᖕᒥᓂᖃᕐᓂᖅ ᓄᓇᕗᒻᒥᑦ, ᖃᓄᕐᓗ ᑲᔪᓯᑦᑎᐊᕈᓐᓇᕐᒪᖔᑦ.
ᑲᔪᓯᑦᑎᐊᖁᔨᕗᒍᑦ ᐱᓕᕆᐊᕆᓕᓵᖅᑕᕐᓂᒃ!
ᐱᒋᐊᕈᑎ ᑐᕌᒐᒋᓇᓱᐊᖅᑕᕐᓂᒃ
ᓇᖕᒥᓂᖅᑖᓕᓵᖅᖢᓂ ᐊᓕᐊᓇᐃᑉᐳᖅ. ᑭᓯᐊᓂ ᖃᐅᔨᒪᔭᕆᐊᖃᖅᑕᑎᑦ ᐅᓄᖅᐳᑦ.
ᐱᒋᐊᖅᖢᓂ ᐊᐅᓚᑦᑎᓪᓗᓂ ᑲᔪᓯᑦᑎᐊᖅᑐᒥᑦ ᓇᖕᒥᓂᖃᕐᓂᖅ ᐊᓕᐊᓇᐃᓐᓂᖅᐹᖑᖃᑕᐅᕗᖅ ᐃᖅᑲᓇᐃᔭᖅᖢᓂ. ᐃᓱᒪᖅᓱᕐᓂᖅ “ᐃᒻᒥᓄᑦ ᐊᖓᔪᖅᑳᖑᓂᖅ,” ᐊᓕᐊᓇᐃᖑᓂᖓᓗ ᐱᕈᖅᑎᑦᑎᓂᖅ ᐱᒋᐊᕐᓂᖓᓄᑦ ᐱᕈᖅᑎᖢᒍᓗ ᓇᖕᒥᓂᕆᔭᑦ ᐱᐅᔪᐊᓘᑎᑦᑎᓲᖑᕗᖅ.
ᓇᒥ ᐱᒋᐊᕈᓐᓇᖅᐱᑦ? ᑭᓇ ᐅᖃᖃᑎᒋᔪᓐᓇᖅᐱᐅᒃ?
ᑖᓐᓇ ᐃᑲᔫᑎ ᑐᕌᒐᑦᑎᐊᕙᒋᒐᔭᖅᑕᑦ. ᓇᓗᓇᐃᖅᓯᒪᕗᖅ 7 ᐱᔭᒃᓴᐅᒐᔪᒃᑐᓂᒃ ᐱᔭᕇᖅᓯᔪᓐᓇᖅᐳᖅ ᓇᖕᒥᓂᕆᔭᑦ ᐱᒋᐊᓕᓵᕐᓗᓂ. ᑕᑯᒐᔭᖅᐳᑎᑦ ᐃᑲᔫᑎᒐᓚᖕᓂᑦ ᐃᓱᒪᒃᓴᓯᐅᕈᑎᐅᓗᓂᓗ ᐃᑲᔫᑎᐅᓗᓂ ᐱᓇᓱᐊᓕᖅᑎᓪᓗᑎᑦ. ᐅᓄᖅᑐᓂᒃ ᓇᓗᓇᐃᖅᓯᔾᔪᑎᓂᒃ ᐊᑐᕈᓐᓇᖅᑐᓂᒃ - ᐊᑐᐃᓐᓇᐅᓕᕐᓗᑎᑦ ᐅᖄᓚᐅᑎᒃᑯᑦ ᐅᕝᕙᓘᓐᓃᑦ ᐃᑭᐊᕿᕝᕕᒃᑯᑦ - ᑐᓴᖅᑎᑦᑎᔪᓐᓇᖅᑐᓂᒃ ᐅᓄᖅᑐᓂᒃ ᓇᖕᒥᓂᕆᔭᑦ ᐱᒋᐊᓕᓵᖅᑎᓪᓗᒍ. ᖃᐅᔨᒪᔭᑎᑦ ᐅᓄᖅᑎᓪᓗᒍ, ᑲᔫᓯᑦᑎᐊᕈᓐᓇᒃᑲᓐᓂᖅᐳᑎᑦ.
ᐱᒋᐊᓕᕆᑦ!