ᐱᓕᕆᐊᒃᓴᖅ 4: ᑲᔪᓯᑎᓪᓗᒍ
ᓇᖕᒥᓂᖃᕐᓂᖅ ᐊᓕᐊᓇᐃᑦᑐᓐᓇᖅᐳᖅ ᐃᖅᑲᓇᐃᔮᑦᑎᐊᕙᐅᓗᓂᓗ, ᑭᓯᐊᓂ ᓇᖕᒥᓂᕆᔭᑦ ᐊᑎᓕᐅᖅᑳᕈᕕᐅᑉ ᐊᒻᒪ ᐸᐃᐹᓕᕆᒋᐊᖃᖅᑐᑦ ᑲᒪᒌᓐᓇᕆᐊᖃᖅᑐᑦ.
ᓇᖕᒥᓂᕆᔭᕐᓄᑦ ᐱᔭᕆᐊᖃᑐᐃᕆᐊᖃᖅᐳᑎᑦ:
- ᐊᑎᓕᐅᕐᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᓐᓄᑦ ᓇᓪᓕᐅᒃᑯᒫᓄᓪᓗ
- ᓄᓇᓕᖕᓄᑦ ᓇᖕᒥᓂᖃᕐᓂᕐᒧᑦ ᐱᔪᓐᓇᐅᑎᒥᑦ
- ᐊᑎᓕᐅᕐᓗᑎᑦ ᓄᓇᕗᒻᒥᑦ ᒪᓕᒐᕐᓄᑦ ᐊᑎᓕᐅᕆᔨᒧᑦ
- ᓇᖕᒥᓂᖃᕐᓂᕐᒧᑦ ᓈᓴᐅᑎᑖᕐᓗᑎᑦ ᑲᓇᑕᒥᑦ ᑮᓇᐅᔭᒃᓴᕐᓂᕐᒧᑦ ᑭᒡᒐᖅᑐᐃᔨᒥᑦ
- ᐊᑎᓕᐅᕐᓗᑎᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ
- ᐊᑎᓕᐅᕐᓗᑎᑦ ᓄᓇᕗᑦ ᒐᕙᒪᖓᑕ ᓇᖕᒥᓂᖃᖅᑎᓄᑦ ᐱᖁᔭᖏᓐᓂᑦ ᐊᑎᓕᐅᕆᓂᕐᒧᑦ
- ᐊᑎᓕᐅᕐᓗᑎᑦ ᓄᓇᕗᒻᒥᑦ ᑐᙵᕕᒃᑯᓐᓄᑦ ᐃᓄᐃᑦ ᒪᓕᒐᓕᕆᓂᕐᒧᑦ ᐊᑎᓕᐅᕆᓂᒃᑯᑦ
ᐱᔪᓐᓇᐅᑎᑦ
ᒪᓕᒃᐳᖅ ᖃᓄᐃᑦᑐᒥᑦ ᓇᖕᒥᓂᖁᑎᖃᕐᒪᖔᖅᐱᑦ ᐱᔭᕆᐊᖃᑐᐃᓐᓇᕆᐊᖃᖅᑕᓄᑦ ᐱᔪᓐᓇᐅᑎᒥᑦ ᐊᒻᒪ ᐊᐅᓚᑦᑎᓚᐅᖏᓐᓂᕐᓂᒃ. ᓇᖕᒥᓂᖃᖅᑐᑦ ᐊᐅᓚᑦᑎᔭᕆᐊᖃᕐᒪᑕ ᐱᔪᓐᓇᕐᓂᖃᖅᑐᓄᑦ ᓄᓇᒦᑦᑐᓕᒫᓂ ᐃᑭᑦᑐᓄᑦ ᐊᑦᑕᕐᓇᖅᑐᒦᖏᒃᑲᓗᐊᕐᒪᖔᑕ ᐊᑐᐊᒐᖏᓐᓂᑦ. ᒐᕙᒪᑐᖃᒃᑯᑦ BizPal ᐃᑭᐊᕿᕐᕕᐊᓂ ᐱᔨᑦᑎᖃᑦᑕᖅᑐᑦ ᐊᑐᐃᓐᓇᐅᓕᓛᓯᕗᑦ ᓄᓇᕗᒻᒥᑦ ᐃᑲᔪᕈᓐᓇᖁᓗᒋᑦ ᐱᔭᕆᐊᖃᖅᑕᕐᓂᒃ. ᑕᑯᓗᒍ: www.bizpal.ca-ᒧᑦ.
ᓄᓇᕗᒻᒥᑦ ᓇᖕᒥᓂᖃᖅᑐᓄᑦ ᐃᑲᔪᖅᑏᑦ ᐊᑎᓕᐅᕆᔨᑦ
ᑖᒃᑯᐊ ᐊᑐᐊᒐᖏᑦ ᐊᑎᓕᐅᕆᔪᓐᓇᖁᓗᒋᑦ ᓄᓇᕗᒻᒥᑦ ᓇᖕᒥᓂᖃᖅᑎᓄᑦ ᐊᒻᒪ ᐊᑎᓕᐅᕆᓂᖅ ᐃᓄᐃᑦ ᒪᓕᒐᓕᕆᔨᖏᓐᓂᑦ ᐊᑭᑦᑐᕋᐅᑎᔪᖃᕌᖓᑦ ᒐᕙᒪᒃᑯᑦ ᐊᖏᕈᑎᖏᓐᓂᑦ.
ᐃᓕᓴᕆᔭᐅᓕᖅᐸᑦ ᓇᖕᒥᓂᖁᑎᑦ ᐊᐅᓚᑦᑎᔪᓐᓇᑦᑎᐊᓕᕐᓗᓂᓗ ᐱᔪᓐᓇᐅᑎᖏᓐᓂᑦ, ᖃᐅᔨᒋᐊᕐᓗᑎᑦ ᓄᓇᕗᒻᒥᑦ ᓇᖕᒥᓂᖃᖅᑎᓄᑦ ᐱᖁᔭᖏᓐᓂᑦ ᐊᑎᓕᐅᕆᓂᕐᒧᑦ. ᐱᓕᕆᐊᖑᖃᑦᑕᖅᐳᖅ 6−ᓂᑦ ᐱᓇᓱᐊᕈᓯᕐᓂᒃ − ᐸᐃᑉᐹᓕᕆᑎᓪᓗᑎᑦ. ᐃᓕᓐᓂᐊᒃᑲᓐᓂᕈᒪᓐᓂᕈᕕᑦ ᓄᓇᕗᒻᒥᑦ ᓇᖕᒥᓂᖃᖅᑎᓄᑦ ᐱᖁᔭᓂᒃ ᐊᑎᓕᐅᕆᓂᕐᒧᑦ, ᐅᖄᓚᓗᑎᑦ ᐊᑭᖃᖏᑦᑐᒥᑦ 1-888-975-5999−ᒥᑦ, ᐅᕝᕙᓘᓐᓃᑦ ᑕᑯᒋᐊᕐᓗᑎᑦ www.nni.gov.nu.ca−ᒧᑦ.
ᑲᓇᑕᒥᑦ ᓇᖕᒥᓂᖃᖅᑎᓄᑦ ᐱᔨᑦᑎᖅᑏᑦ ᑐᕌᕈᑎᐊᓂ
ᐃᓚᖏᑦ ᓄᓇᕗᒻᒥᑦ ᓇᖕᒥᓂᖃᖅᑎᓄᑦ ᐊᑎᓕᐅᖅᓯᒪᕗᖅ ᑖᒃᑯᐊ ᑐᕌᕈᑎᐊᓂ, ᖃᐅᔨᖅᑕᐅᔪᕕᓃᑦ ᑎᑎᖅᑲᖁᑎᖃᖅᐳᑦ 50,000-ᓂᒃ ᑲᓇᑕᒥᐅᑦ ᓇᖕᒥᓂᖃᖅᑎᑦ, ᑮᓇᐅᔭᒃᓴᖅᓯᒪᕗᑦ ᑐᓴᒐᒃᓴᓂᑦ ᐊᖏᕈᑎᒃᑯᑦ, ᐱᖁᑎᖏᓐᓂᑦ, ᐱᔨᑦᑎᕐᓂᒃᑯᑦ, ᓴᓇᔪᓕᕆᖃᑦᑕᖅᑕᒥᓄᑦ ᐊᒻᒪ ᖃᕋᔭᐅᔭᒃᑯᑦ. ᑕᑯᒋᐊᕐᓗᒍ: http://strategis.ic.gc.ca/sc_coinf/ccc/engdoc/homepage.html
ᓄᓇᕗᒻᒥᑦ ᓇᖕᒥᓂᖃᖅᑎᓕᒫᑦ ᐊᑎᓕᐅᕆᐊᖃᖅᐳᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᐅᓪᓗᓂ 10−ᓂᒃ ᐊᐅᓚᑦᑎᒋᐊᓕᓵᖅᑎᓪᓗᒋᑦ, ᓇᖕᒥᓂᕆᔭᐅᔪᖅ ᐃᖅᑲᓇᐃᔭᖅᑎᒃᓴᖃᓚᐅᖏᑎᓪᓗᒍ ᓱᓕ. ᐊᑎᓕᐅᕈᒪᓐᓂᕈᕕᑦ ᑕᑕᑎᒐᒃᓴᒥᑦ ᒫᓂ ᑕᑯᒋᐊᕐᓗᑎᑦ: http://www.wcb.nt.ca/ ᐅᖄᓚᓗᑎᒡᓘᓐᓃᑦ 1-877-404-4407−ᒥᑦ.
ᓇᖕᒥᓂᕐᒧᑦ ᓈᓴᐅᑖ
ᓇᖕᒥᓂᕆᔭᕐᓄᑦ ᓈᓴᐅᑎᑖᕆᐊᖃᖅᐳᑎᑦ ᓇᓕᐊᖕᓂᑐᐃᓐᓇᖅ ᐅᑯᓂᖓ ᑲᓇᑕᒥᑦ ᑮᓇᐅᔭᒃᓴᕐᓂᕐᒧᑦ ᑭᒡᒐᖅᑐᐃᔨᓂᑦ ᓇᖕᒥᓂᖃᕐᓂᕐᒧᑦ ᑮᓇᐅᔭᒃᑯᕕᐊᓂ: ᐱᔨᑦᑎᕋᕐᓂᕐᒧᑦ ᑕᒃᓰᔭᐃᓂᕐᒧᑦ, ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᒧᑦ, ᑲᑐᔾᔨᖃᑎᒌᑦ ᑮᓇᐅᔭᓄᑦ ᑕᒃᓰᔭᐅᑎᓂᑦ, ᐅᕝᕙᓘᓐᓃᑦ ᓄᓇᖓᓂ/ᓯᓚᑖᓂ ᓂᐅᕐᕈᑎᖃᕐᓂᖅ. ᑐᓴᒃᑲᓐᓂᕈᒪᓐᓂᕈᕕᑦ http://www.cra-arc.gc.ca/tx/bsnss/tpcs/bn-ne/menu-eng.html ᐅᕝᕙᓘᓐᓃᑦ ᐊᑭᖃᖏᑦᑐᒃᑯᑦ ᐅᖄᓚᓗᑎᑦ 1-800-959-5525.
ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔪᑦ:
ᐃᖅᑲᓇᐃᔭᖅᑎᑦ ᐱᔭᒃᓴᖃᖅᐳᑦ ᐱᔮᐃᖃᑦᑕᕐᓗᑎᑦ ᑲᓇᑕᒥᑦ ᐃᑦᑐᖅᓯᐅᑎᓂᑦ ᐱᕙᒌᔭᖅᓯᒪᓂᕐᒧᑦ ᐃᑲᔫᓯᐊᓂᒃ, ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᑦ ᐊᒻᒪ ᑕᒃᓰᔭᕐᓂᕐᒧᑦ ᐅᑎᖅᑐᒃᓴᑦ ᐊᑭᓕᖅᑕᐅᔪᑦ ᐃᖅᑲᓇᐃᔭᖅᑎᓄᑦ. ᑖᒃᑯᐊ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔪᑦ ᐱᔮᐃᕕᐅᖃᑦᑕᖅᑐᑦ ᐅᓂᒃᑳᓕᐊᑦ ᑕᑕᑎᒐᒃᓴᒨᕆᐊᓖᑦ ᐊᒻᒪ ᖃᓄᑎᒋᑦ ᐱᔭᐅᖃᑦᑕᖅᑐᑦ ᐃᖅᑲᓇᐃᔭᖅᑎᑦᑎᔨᒧᑦ ᐊᑭᓕᖅᑕᐅᒋᐊᓕᑦ ᑲᓇᑕᒥᑦ ᑮᓇᐅᔭᓕᕆᔨᕐᔪᐊᒃᑯᓐᓄᑦ. ᐊᑭᓕᕆᐊᖃᕆᕗᑎᓪᓗ ᓇᖕᒥᓂᕐᓄᑦ, ᖃᓄᑎᒋᑦ ᐊᔾᔨᐊᓂ ᑲᓇᑕᒥᑦ ᐃᑦᑐᖅᓯᐅᑎᓂᑦ ᐊᒻᒪ ᐃᖅᑲᓇᐃᔭᖅᑎᒧᑦ ᓇᓪᓕᐅᒃᑯᒫᒥᑦ ᑲᑎᖅᓱᖅᑕᕕᓂᐊᓂ ᐃᖅᑲᓇᐃᔭᖅᑎᑦᑎᔨᕕᑦ.
ᑲᑎᖅᓱᖅᑕᐅᖃᑦᑕᕐᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᙱᓐᓄᑦ ᑕᒃᓰᔭᕈᑏᑦ ᐱᖁᑎᓄᑦ ᐱᔨᑦᑎᕋᕈᑎᓄᓪᓗ ᑐᕌᖓᔪᓄᑦ ᑐᓴᕈᒪᓐᓂᕈᕕᑦ, ᐃᖅᑲᓇᐃᔭᕐᓂᕐᒧᑦ ᐊᑭᓕᖅᑕᐅᕝᕕᑦ.
ᐊᑭᓕᑎᑦ ᓇᖕᓯᐅᔾᔮᑦ ᖃᓄᐃᑦᑐᓂᖓᓄᑦ ᓇᖕᒥᓂᖃᖅᑎᐅᑉ ᐊᓯᐊᓂᒡᓗ ᑐᓴᒐᒃᓴᑦᑎᐊᕙᖕᓂᑦ ᓇᖕᒥᓂᖃᖅᑎᓄᑦ, ᐊᔾᔨᖓᓂ ᐱᔪᒪᓐᓂᕈᕕᑦ ᑲᓇᑕᒥᑦ ᑮᓇᐅᔭᒃᓴᖅᑕᐅᔪᓂᑦ ᑭᒡᒐᖅᑐᐃᔨᐅᑉ ᐃᑲᔫᑎᖓᓂ ᑲᓇᑕᒥᑦ ᓇᖕᒥᓂᕋᓛᖃᖅᑐᓄᑦ. ᐅᖄᓚᓗᑎᑦ ᐊᑭᖃᖏᑦᑐᒃᑯᑦ 1-800-959-2221−ᒥᑦ ᖃᕋᓴᐅᔭᒃᑯᓪᓘᓐᓃᑦ http://www.cra-arc.gc.ca/selfemployed/.
ᑮᓇᐅᔭᓕᐊᕆᔭᕐᓄᑦ ᑖᒃᓯᔭᐅᑎ
ᖃᓄᕐᓕ ᐊᑭᓖᔪᓐᓇᕐᒪᖔᖅᐱᑦ ᑮᓇᐅᔭᓕᕆᔭᕐᓄᑦ ᑖᒃᓯᔭᐅᑎᓄᑦ ᒪᓕᒃᐳᖅ ᓇᖕᒥᓂᕆᔭᑦ ᑲᑐᔾᔨᖃᑎᒌᙳᒪᖔᑦ, ᓇᖕᒥᓂᖃᖅᑎᐅᔪᑐᐊᖅ, ᐅᕝᕙᓘᓐᓃᑦ ᑲᑐᔾᔨᖃᑎᖃᖅᑐᒥᑦ, ᐱᖁᑎᓂᒃ ᓂᐅᕈᑎᖃᕐᓂᐊᕈᕕᑦ ᐱᔨᑦᑎᕐᓂᐊᕈᕕᓪᓘᓐᓃᑦ, ᖃᓄᐃᑦᑐᒥᒃ ᓈᓴᐃᖃᑦᑕᖅᐱᑦ (ᐱᑕᖃᕐᓂᕈᓂ) ᐊᑭᓕᒃᓴᑎᓪᓗ.
ᓇᓗᓇᐃᖅᓯᒪᔪᒥᒃ ᑖᒃᓰᔭᕐᓂᕐᒧᑦ ᓇᖕᒥᓂᕐᒧᑦ ᑮᓇᐅᔭᓕᐊᕆᔭᕐᓂᒃ ᓇᖕᒥᓂᖃᖅᑎᓪᓚᕆᐅᑎᓪᓗᑎᑦ ᑲᑐᔾᔨᖃᑎᖃᕐᓂᕐᓗ, ᑕᑯᒋᐊᕐᓗᒍ http://www.cra-arc.gc.ca/tx/bsnss/tpcs/slprtnr/menu-eng.html; ᑲᑐᔾᔨᖃᑎᒧᑦ ᑕᑯᒋᐊᕐᓗᒍ http://www.cra-arc.gc.ca/tx/bsnss/tpcs/crprtns/menu-eng.html.
ᐊᔾᔨᒌᖏᑦᑐᑦ ᓇᖕᒥᓂᕆᔭᐅᔪᓄᑦ ᑲᑐᔾᔨᖃᑎᒌᑦ
ᐅᖃᖃᑎᖃᕐᓗᑎᑦ ᑮᓇᐅᔭᓕᕆᔨᒻᒪᕆᒧᑦ, ᒪᓕᒐᓕᕆᔨᒥᑦ ᐅᕝᕙᓘᓐᓃᑦ ᐱᕙᓪᓕᐊᔪᓕᕆᔨᒥᑦ ᒪᓕᒐᕐᓄᑦ ᖃᓄᐃᑦᑑᖕᒪᖔᑦ ᓇᖕᒥᓂᕆᔭᕐᓄᑦ ᐱᒋᐊᓚᐅᖏᓐᓂᖓᓂ ᓇᖕᒥᓂᕆᔭᑦ.
ᓇᖕᒥᓂᖃᖅᑎᐅᔪᑐᐊᖅ: ᐊᔪᕐᓇᖏᓐᓂᖅᐹᖑᕗᖅ ᓇᖕᒥᓂᖃᕐᓂᕐᒧᑦ. ᐃᕝᕕᑐᐊᖅ ᓇᖕᒥᓂᖃᑦᑎᐅᑎᓪᓗᑎᑦ, ᐃᕝᕕᑐᐊᖅ ᐃᓱᒪᓕᐅᕆᖃᑦᑕᖅᐳᑎᑦ, ᑮᓇᐅᔭᒃᓴᖅᑕᓕᒫᑎᑦ ᐱᖃᑕᖅᐸᑎᑦ ᐊᒻᒪ ᖃᓄᐃᓕᔪᖃᑳᓪᓚᒃᑐᖃᕐᓂᖅᐸᑦ ᓂᐅᓇᖏᑦᑐᒃᑯᑦ.
ᑲᑐᔾᔨᖃᑎᒌᑦ: ᓇᖕᒥᓂᖃᑎᖃᖅᐳᑦ ᐊᑕᐅᓯᕐᒥᑦ ᐅᓄᕐᓂᖅᓴᓂᒡᓘᓐᓃᑦ ᑲᑐᔾᔨᖃᑎᖃᖅᑐᓂᑦ. ᑲᑐᔾᔨᖃᑎᒌᑦ ᑮᓇᐅᔭᓂᑦ ᐃᑲᔪᖅᑐᐃᓐᓇᐅᖃᑦᑕᖅᐳᑦ, ᐃᖅᑲᓇᐃᔮᒧᑦ, ᓇᖕᒥᓂᕐᒥᑦ ᐅᕝᕙᓘᓐᓃᑦ ᐱᔪᓐᓇᕐᓂᓂᑦ ᐊᒻᒪ ᑕᒪᒃᑭᑦ ᑮᓇᐅᔭᒃᓴᖅᑐᐃᓐᓇᐅᖃᑦᑕᖅᐳᑦ ᐊᒻᒪ ᓇᖕᒥᓂᖃᕈᓐᓃᑐᐃᓐᓇᕆᐊᖃᖅᑎᓪᓂ.
ᑲᑐᔾᔨᖃᑎᒌᑦ: ᓇᖕᒥᓃᑦ ᐋᖅᑭᒃᓯᒪᔭᑦ (ᑎᒥᐅᓂᖓ ᓇᖕᒥᓂᖅ) ᐃᓄᑑᑎᓪᓗᒍ. ᓇᖕᒥᓂᖃᖅᑎᐅᑎᓪᓗᑎᑦ ᑮᓇᐅᔭᒃᓴᖅᑕᑦ ᐱᒐᔭᕋᕕᒋᑦ.
ᓇᖕᒥᓂᖃᖅᑎᐅᖃᑎᒌᑦ: ᑲᑐᔾᔨᖃᑎᒌᑦ ᐊᐅᓚᑦᑎᖃᑦᑕᖅᖢᑎᒃ ᑲᑐᔾᔭᐅᓪᓗᑎᓗ ᐃᓚᒋᔭᐅᔪᓄᑦ.
ᑕᑯᒋᐊᕐᓗᒍ ᓇᓗᓇᐃᖅᓯᒪᔪᑦ ᐊᔾᔨᒌᖏᑦᑐᑦ ᓇᖕᒥᓂᕐᒧᑦ ᑲᑐᔾᔨᖃᑎᒌᙳᒪᖔᑕ, ᒫᓂ ᑕᑯᒋᐊᕐᓗᑎ: http://www.canadabusiness.ca/eng/page/2853/
ᐊᑐᐃᓐᓇᐅᑎᑦᑎᓂᖅ
7-ᖑᔪᑦ ᐊᓪᓗᕈᑕᐅᔪᓐᓇᖅᑐᑦ ᐱᒋᐊᖅᑎᑦᓯᓂᕐᒥᑦ ᓇᒻᒥᓂᖃᕐᓂᕐᒥᑦ