ᖁᕐᓗᖅᑐᕐᒥ

ᖁᕐᓗᖅᑐᖅ ᐱᔾᔪᑎᒋᓪᓗᒍ

ᖁᕐᓗᖅᑐᖅ ᐃᓂᖃᖅᐳᖅ ᓄᓇᕗᒻᒥ ᕿᑎᕐᒥᐅᓂ, ᐊᑭᓐᓇᖅᐸᓯᖕᒦᓐᓂᖅᐹᖑᓪᓗᓂᓗ ᓄᓇᙳᐊᖅᑎᒍᑦ ᒫᓂ ᐃᓂᖃᖅᖢᓂ 67° 49.2' N, 115° 8.4' W. ᑕᐃᔅᓱᒪᓂ ᑕᐃᔭᐅᕙᓚᐅᖅᓯᒪᔫᒐᓗᐊᖅ Coppermine, ᐃᓂᖃᕐᓂᖓᓄᑦ ᑰᒑᕐᔫᑉ ᐊᑯᐊᖓᓂ, ᐊᑭᓐᓇᖓᓂ ᓄᓇᕗᒻᒥ ᓄᓇᓕᖕᓄᑦ ᖃᓂᒃᓴᓛᖑᓪᓗᓂ ᐃᖃᓗᒃᑑᑦᑎᐊᒧᑦ. 

Coppermine ᐃᓄᖕᓄᑦ ᓇᔪᖅᑕᐅᖃᑦᑕᖅᑐᕕᓂᐅᕗᖅ ᐃᓄᐃᑦ ᐃᖃᓗᒐᓱᒃᑎᓪᓚᕆᐅᓪᓗᑎᒃ ᓇᑦᑎᕋᓱᒃᑎᐅᓪᓗᑎᒡᓗ ᑕᐃᔅᓱᒪᓂᐊᓗᒃ ᑕᐃᒪᐃᓕᐅᖅᐸᓕᓚᐅᖅᓯᒪᖕᒪᑕ ᑕᐃᒪᐅᓕᐅᖅᑐᑦ ᓱᓕ. ᓂᐅᕕᖅᑎᒃᑯᑦ ᕿᓂᖅᑎᓂᒃ ᐅᒥᐅᕐᔪᐊᒃᑯᑦ ᐊᐅᓪᓚᖅᑎᑦᑎᓚᐅᖅᓯᒪᕗᑦ ᓴᒧᐃᓕ ᕼᐃᐆᓐ ᕿᓂᕆᐊᖅᑎᖦᖢᒍ ᑲᓐᓄᔭᕐᒥ. ᕼᐃᐆᓐ ᑰᑉ ᐊᑯᐊᖓᓄᐊᖅᑐᕕᓂᖅ ᐊᑦᑎᕐᓂᖅᖢᓂᐅᒡᓗ Coppermine-ᒥ ᔪᓚᐃ 14, 1771-ᖑᑎᓪᓗᒍ. 1865-ᒥ, ᓄᕙᖕᓇᕐᔪᐊᖅᑕᖃᓚᐅᖅᓯᒪᕗᖅ ᓯᒡᔭᖅᐸᓯᖕᒦᑦᑐᓄᑦ, 30% ᐃᓅᔪᓐᓃᖅᖢᑎᒃ. 1913-16−ᒧᑦ ᑎᑭᖦᖢᒍ, ᑕᐃᒪᓐ ᔨᐊᓇᔅ, ᐃᑦᑕᕐᓂᓴᓕᕆᔨ ᑲᓇᑕᒥ ᐅᑭᐅᖅᑕᖅᑐᐊᓂ ᓇᕈᓇᒃᑎ, ᖃᐅᔨᓴᓚᐅᖅᓯᒪᔪᖅ ᓂᐱᓕᐅᕆᖃᑦᑕᓚᐅᖅᓯᒪᔪᕐᓗ ᐃᓄᐃᑦ ᐱᐅᓯᑐᖃᖏᓐᓂᒃ ᑕᐅᕙᓂ Coppermine-ᒥ. ᓄᓇᓖᑦ ᕿᓚᒥᒻᒪᕆᐊᓗᒃ ᐃᓄᒋᐊᒃᓯᕙᓪᓕᐊᓚᐅᖅᓯᒪᕗᑦ 1916-ᖑᓚᐅᖅᑎᓪᓗᒍ. ᓂᐅᕕᖅᑎᒃᑯᑦ ᓂᐅᕕᕐᕕᓕᐅᓚᐅᖅᓯᒪᓪᓗᑎᒃ 1927-ᖑᑎᓪᓗᒍ. ᐸᓖᓯᒃᑯᓪᓗ ᑎᑭᓚᐅᖅᓯᒪᓪᓗᑎᒃ 1932-ᒥ. ᑭᖑᓂᐊᒍᓪᓗ ᓯᓚᓕᕆᕝᕕᓕᐅᓚᐅᖅᓯᒪᔪᑦ, ᓈᓚᐅᑎᖃᕐᕕᓕᐅᖅᖢᑎᒃ, ᐋᓐᓂᐊᕕᓕᐅᖅᖢᑎᒃ ᐊᒻᒪ ᐃᓕᓐᓂᐊᕐᕕᓕᐅᖅᖢᑎᒃ. ᐅᖅᓱᐊᓗᒃᓴᓄᑦ ᐊᒻᒪ ᐅᖅᓱᐊᓗᒃ ᕿᓂᖅᑕᐅᓚᐅᖅᓯᒪᔪᖅ 1970's ᐊᑐᖅᑎᓪᓗᒋᑦ ᐱᓕᒻᒪᒃᓴᖅᑎᑦᑎᕙᒃᖢᑎᒡᓗ ᐃᖅᑲᓇᐃᔭᖅᑎᑦᑎᕙᒃᖢᑎᒡᓗ ᐃᓄᒐᓴᕐᔪᐊᓄᑦ. ᓄᓇᓕᒃ ᖁᕐᓗᖅᑐᒥ ᑕᐃᔭᐅᒃᑲᓐᓂᓕᓚᐅᖅᓯᒪᔪᖅ 1996-ᒥ.

ᐃᓄᒋᐊᖕᓂᖏᑦ: 1,547

ᖃᐅᔨᒋᐊᕐᕕᒃᓴᖅ

ᐃᕐᖐᓈᖅᑕᐅᑦ: @email
ᐅᖄᓚᐅᑎ: 867-982-6500
ᓱᒃᑲᔪᒃᑯᑦ: 867-982-3060