ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2023
ᐊᕐᕌᒍᑕᒫᑦ, ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ, ᑐᑭᖃᖅᖢᓂ "ᐅᖃᐅᓯᑦᑎᓐᓂᒃ ᖁᕕᐊᓲᑎᖃᕐᓂᖅ," ᓇᓗᓇᐃᖅᓯᔾᔪᑕᐅᖕᒪᑦ ᐱᒻᒪᕆᐅᓂᖓᓂᒃ ᐃᓄᐃᑦ ᐱᐅᓯᑐᖃᖓ ᐊᔾᔨᒋᔭᐅᙱᑦᑐᓪᓗ ᐱᐅᓯᕆᔭᐅᔪᑦ ᐃᓄᒃᑎᑐᑦ ᐅᖃᐅᓯᕐᒥᖔᖅᑐᑦ.
ᐃᓕᖅᑯᓯᓕᕆᔨᒃᑯᑦ, ᐱᓕᕆᖃᑎᖃᖅᖢᑎᒃ ᐊᓯᖏᓐᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ, ᐅᔾᔨᕆᔭᐅᓕᖅᑎᑦᑎᓲᖑᕗᑦ ᖃᔅᓯᑲᓪᓚᖕᓂᒃ ᐱᓕᕆᐊᓂᒃ, ᐃᓚᒋᔭᐅᓪᓗᓂ ᓴᖅᑭᑕᐅᓂᖏᑦ ᖃᔅᓯᑲᓪᓚᑦ ᐃᓄᒃᑎᑐᑦ ᐅᖃᓕᒫᕈᓐᓇᕐᓂᕐᒧᑦ ᐃᑲᔫᑎᑦ ᑕᑯᔭᐅᔪᓐᓇᕐᓗᑎᒃ ᓄᓇᕗᒥᐅᓕᒫᓄᑦ. ᖁᕕᐊᓲᑎᖃᖅᖢᓂ ᐃᓄᒃᑎᑐᑦ ᐊᔾᔨᒌᙱᕈᓘᔭᖅᑐᑦ ᐅᖃᐅᓯᕐᓂᒃ, ᐃᓕᖅᑯᓯᑦᑎᐊᕙᐃᓐᓄᒃᐳᑦ ᐅᓂᒃᑳᖅᑐᐊᑦᑎᐊᕚᓗᒃᐳᓪᓗ ᐃᑲᔪᖅᓱᐃᑦᑎᐊᖅᖢᑎᒃ, ᑎᓕᐅᕆᔾᔪᑕᐅᑦᑎᐊᖅᖢᑎᒃ, ᐆᒻᒪᖅᑎᑦᑎᒃᑲᓐᓂᕈᑕᐅᓪᓗᑎᒡᓗ ᐊᑐᖅᑕᐅᔾᔪᓯᕐᒧᑦ ᖃᔅᓯᑲᓪᓛᓗᖕᓄᑦ ᐅᖃᐅᓯᖅᑕᕆᔭᐅᔪᓄᑦ ᓄᓇᕗᒻᒥ.
ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᓂᐊᖅᑐᖅ 'ᖃᒡᒋᖅ', ᐃᒡᓗ ᐊᖏᔪᐊᓗᒃ ᐃᓄᖕᓄᑦ ᑲᑎᕝᕕᐅᕙᓚᐅᖅᑐᑦ ᖃᐅᒻᒪᒃᐸᓪᓕᐊᓕᕐᓂᖓᓂ ᖁᕕᐊᓲᑎᖃᖅᖢᑎᒃ. ᖃᓂᒋᔭᖅᖠᖏᑦ ᑕᖕᒫᖅᓯᒪᔪᑦ ᐊᒻᒪ ᓄᓇᓖᑦ ᑲᑎᖃᑦᑕᓚᐅᖅᐳᑦ ᖃᒡᒋᕐᒥ ᓂᕆᖃᑎᒌᒃᖢᑎᒃ, ᐃᓄᐃᑦ ᐱᙳᐊᕈᓯᖏᓐᓂᒃ ᐱᙳᐊᖅᖢᑎᒃ, ᕿᓚᐅᔾᔭᖅᖢᑎᒃ ᐊᒻᒪ ᐃᓄᐃᑦ ᐱᓯᖏᓐᓂᒃ ᐊᑐᖅᖢᑎᒃ.
"ᐊᓕᐊᓇᐃᑦ ᑯᕕᐊᓲᑎᖃᕈᓐᓇᕋᑦᑕ ᐃᓄᒃᑐᑦᒥᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓇᐅᑎᓪᓗᒍ ᓇᓂᑐᐃᓐᓇᖅ ᓄᓇᓕᖕᓂ ᓄᓇᕘᓕᒫᒥ. ᑕᒪᑐᒪᓂ ᐊᕐᕌᒍᒥ ᐱᕕᒃᓴᑦᑎᐊᕙᐅᕗᖅ ᓴᖅᑭᔮᖅᑎᑦᑎᓗᑕ ᐅᐱᒍᓱᖕᓂᑦᑎᓐᓂ ᐅᖃᐅᓯᑦᑎᓐᓂ," ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ, ᔪᐊᓇ ᖁᐊᓴ ᐅᖃᖅᑐᖅ.” ᑕᒪᑦᑕ ᐱᓕᕆᖃᑕᐅᔭᕆᐊᖃᖅᐳᒍᑦ ᐊᓯᐅᑎᑦᑎᑦᑕᐃᓕᑐᐃᓐᓇᙱᓪᓗᑕ ᑭᓯᐊᓂᑦᑕᐅᖅ ᓴᙱᒃᑎᒋᐊᒃᑲᓐᓂᖁᓪᓗᒍ ᐃᓄᒃᑐᑦ. ᓄᓇᕗᒻᒥᐅᓕᒫᑦ ᑎᓕᐅᖅᐸᒃᑲ ᐃᓄᒃᑐᑦ ᐅᖃᓪᓚᖃᑦᑕᖁᓪᓗᒋᑦ ᐊᖏᕐᕋᒥᓂ ᐃᖅᑲᓇᐃᔭᕐᕕᖕᒥᓗ, ᐊᒻᒪ ᐱᓗᐊᖅᑐᒥ ᐅᖃᐅᓯᑦᑎᐊᕙᐃᓐᓄᒃᐳᖅ ᐊᑐᖃᑦᑕᕐᓚᕗᑦ ᕿᑐᕐᙵᑦᑎᓐᓄᑦ .”
ᑕᒪᑐᒪᓂ ᐊᕐᕌᒍᒥ ᓇᓗᓇᐃᖅᑕᐅᓂᐊᖅᑐᑦ ᐅᑯᐊ ᑕᕐᕆᔮᒃᓴᑦ ᓄᓇᕗᑦ ᒐᕙᒪᒃᑯᑦ ᑐᓴᒐᒃᓴᖃᕐᕕᖓᑕ ᕿᓪᓚᔾᔪᒐᖓᓂ ᐃᓐᓇᐃᑦ ᐅᓂᒃᑳᖅᑐᐊᖅᑎᓪᓗᒋᑦ ᖃᒡᒋᕐᒥ ᐱᓕᕆᐊᖑᕙᓚᐅᖅᑐᓂᑦ ᓄᓇᓕᖕᓂ, ᐅᖃᐅᓯᕐᒧᑦ ᖁᕕᐊᓲᑎᖃᕐᓂᕐᒧᑦ ᓵᓚᓴᕋᓱᖃᑕᐅᓇᓱᖕᓂᖅ, ᖃᕆᓴᐅᔭᒃᑯᑦ ᑐᓴᐅᒪᔾᔪᑎᒃᑯᑦ ᓴᖅᑭᔮᖅᑎᑦᑎᕗᑦ ᓇᓗᓇᐃᖅᑕᐅᓯᒪᔪᓂᑦ ᐅᖃᐅᓯᕐᒥᒃ ᑭᒡᒐᖅᑐᐃᔨᓂᑦ ᐊᒻᒪ ᐃᓕᓴᐃᔨᓂᑦ ᓄᓇᕗᒻᒥ, ᐃᓄᐃᑦ ᐅᖃᐅᓯᑐᖃᖓᓂ ᓵᓚᒃᓴᖅᑎᑦᑎᓇᓱᒃᑐᑦ ᐅᑯᓂᖓᓗ ᐅᖃᐅᓯᓕᕆᓂᕐᒧᑦ ᐊᑐᕈᓐᓇᖅᑐᑦ, ᐊᒻᒪᓗᑦᑕᐅᖅ ᐱᓕᕆᐊᖑᔪᓐᓇᖅᑐᑦ ᐃᓕᓐᓂᐊᕈᑎᒃᓴᐃᓪᓗ ᐃᓄᐃᑦ ᐃᓕᖅᑯᓯᖓᓄᑦ ᐅᖃᐅᓯᖓᓄᓪᓗ ᑲᑎᙵᑎᑦᑎᔪᑦ.
ᒪᓕᒋᑦ ᐅᕙᑦᑎᓐᓂᑦ ᐸᐃᔅᐳᒃ ᑐᐃᑐᒃᑯᓪᓗ ᕕᐅᓪᓗᐊᓕᒥ ᐊᒻᒪ ᓴᖅᑭᔮᖅᑎᑦᓯᓂᕐᒥᓪᓗ ᖁᕕᐊᓇᖅᑐᓂᑦ ᐃᓕᓐᓂᐊᕐᓂᓕᕆᓂᕐᒧᓪᓗ ᐅᖃᐅᓯᓕᕆᓂᕐᒧᑦ ᑕᖅᑭᖓᓂᑦ ᑕᕐᕆᔮᒃᓴᓂᑦ ᓄᓇᕗᒻᒥ!
ᐃᓕᓐᓂᐊᕐᓂᓕᕆᔨᒃᑯᑦ
ᖃᐅᔨᒪᕖᑦ ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓯᒪᓕᕐᑐᑦ 700-ᓂ ᐃᓕᓐᓂᐊᕐᑎᑦ ᐅᖃᓕᒫᒐᒃᓴᖏᓐᓂᑦ ᐃᓕᓐᓂᐊᑎᑦᓯᔨᓄᓪᓗ ᐃᑲᔫᑎᑦᓴᓂᑦ ᐃᓄᒃᑎᑐᑦ, ᐊᒻᒪᓗ 500−ᑲᓴᐃᑦ ᐅᖃᓕᒫᒐᐃᑦ ᐃᓕᓐᓂᐊᑎᑦᓯᓂᕐᒧᓪᓗ ᐃᑲᔫᑎᑦᓴᐃᑦ ᐃᓄᐃᓐᓇᖅᑐᓐ?
ᐊᖏᕐᕋᒻᒥ ᐃᓕᓐᓂᐊᕐᓂᖅ (www.angirrami.com) ᐃᑭᐊᖅᑭᕕᒃᑯᑦ ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔫᑎ ᐃᑲᔪᕐᓂᕐᒧᑦ ᐃᓚᒌᓂᑦ ᐃᑲᔪᖅᑐᖃᑦᑕᖅᑐᑦ ᕿᑐᕐᖓᖏᓐᓂᑦ ᐃᓕᓐᓂᐊᕐᓂᕐᒧᑦ ᐊᖏᕐᕋᒻᒥ, ᓇᒻᒥᓂᖅ ᐅᖃᐅᓯᖓᓂᑦ. ᕼᐊᓐᓇᓚᐃᑦ ᐃᓄᒃᑐᑦ, ᖃᓪᓗᓈᑎᑐᑦ, ᐅᐃᕖᑎᑐᓪᓗ ᐃᑲᔫᑎᑦᓴᐃᑦ ᐃᑭᐊᖅᑭᕕᖓᓂ, ᐃᓚᖃᖅᑐᑦ ᐅᖃᓕᒫᒐᐃᑦ, ᓂᐱᒥᒃ ᑐᓵᓗᓂ ᐅᖃᓕᒫᒐᐃᑦ, ᑎᑎᕋᐅᔭᖅᓯᒪᔪᑦ ᑕᕐᕆᔮᒃᓴᑦ, ᖃᐅᔨᕚᓪᓕᕈᑎᒃᓴᑦ ᐱᓕᕆᐊᒃᓴᐃᑦ, ᐊᒻᒪᓗ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᒐᒃᓴᓂᒃ.
ᐅᖃᐅᓰᑦ ᐱᙳᐊᕈᑏᑦ ᐊᒻᒪᓗ ᑎᑎᕋᕆᐅᖅᓴᐅᑏᑦ ᖁᕕᐊᓇᖅᑐᑦ, ᐃᓄᐃᑦ ᐅᖃᐅᓯᖓ ᖃᕆᑕᐅᔭᒃᑯᑦ ᐱᕙᓪᓕᐊᑎᑕᐅᔪᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᖃᐅᔨᑎᑦᓯᓂᕐᒧᑦ ᐊᑐᖅᑎᓄᑦ ᐃᓄᐃᑦ ᐅᖃᐅᓯᖓᑕ ᐅᖃᐅᓯᖏᓐᓂᑦ ᐃᓄᒃᑎᑑᓕᖓᔪᓂᒃ ᑎᑎᕋᖅᓯᒪᔪᓂᑦ. ᑖᒃᑯᐊ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᑐᑦ ᐊᑭᖃᙱᑦᑐᒥ ᐅᕙᙵᑦ Apple and Google Play app stores.
ᐅᖃᐅᓯᓕᕆᓂᕐᒧᑦ, ᐊᑐᕐᕕᑦᓴᕐᓄᑦ ᐅᖃᓕᒫᒐᖃᕐᕕᓐᓂᑦ, ᐊᖓᔪᖅᑳᕆᔭᐅᔪᑦ ᑲᑎᙵᐅᖅᑐᓄᓪᓗ, ᐃᓕᓐᓂᐊᕆᐅᖅᓴᔪᓕᕆᔨᕗᑦ ᐃᓄᐃᑦ ᐅᖃᐅᓯᖓ ᐃᓕᖅᑯᓯᖓᓗ ᑮᓇᐅᔭᖃᖅᑎᑦᓯᓂᕐᒧᑦ ᓴᖅᑭᔮᖅᑎᑦᓯᔪᖅ ᐅᖃᕈᓐᓇᑦᓯᐊᕐᓂᕐᒧᑦ ᐃᓄᒃᑐᑦ ᖃᐅᔨᒪᓂᖃᕐᓂᕐᒧᓪᓗ ᐃᓄᐃᑦ ᐃᓕᖅᑯᓯᖓᓂᑦ ᓄᑕᖅᑲᓄᑦ ᐊᕐᕌᒍᓕᓐᓄᑦ 0-ᒥ 6-ᒧᓄ.
ᐃᓕᓐᓂᐊᕐᓂᓕᕆᔨᒃᑯᑦ ᐊᑐᐃᓐᓇᐅᑎᑦᓯᔪᖅ ᑮᓇᐅᔭᖃᖅᑎᑦᓯᓂᕐᒧᑦ ᐃᓕᓴᖅᓯᓂᖅ (ᓄᓇᕗᒻᒥ ᐅᖃᐅᓯᓕᕆᔩᑦ ᑲᑎᒪᔨᖏᑦ) ᐃᑲᔪᖅᑐᐃᓂᕐᒧᑦ ᑲᔪᓯᑎᑦᓯᓂᕐᒧᑦ ᐃᓐᓇᕐᓂᑦ ᐅᖃᔨᒫᕈᓐᓇᑦᓯᐊᕐᓂᕐᒧᑦ ᐱᓕᕆᐊᑦ. ᐃᓕᓴᖅᓯᓂᖅᒧ ᐱᓕᕆᐊᑦ ᐃᓚᖃᖅᑐᖅ ᐊᔪᙱᑕᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᓴᖅᑭᔮᖅᑎᑦᓯᓂᕐᒧᑦ ᑕᒪᒃᑮᓐᓂᒃ ᐱᖅᑯᓯᕐᒥ ᐃᓕᖅᑯᓯᖃᕐᓂᕐᒧᓪᓗ-ᑐᙵᕕᖃᕐᓂᕐᒧᑦ ᐃᓕᓐᓂᐊᕐᓂᕐᒧᑦ. ᓂᕿᓕᕆᒥᒃ (ᐱᖅᑯᓯᓂᑦ ᓂᕿᓕᐅᕐᓂᕐᒧᑦ ᐃᓕᖅᑯᓯᕐᓂᑦ ᐱᓕᕆᔾᔪᓯᕐᓂᑦ), ᐊᒪᐅᓯᐅᖅᑎᑦᓯᓂᕐᒧᑦ (ᐊᒪᐅᑎ ᒥᖅᓱᕐᓂᖅ), ᒥᑭᔪᓂ ᐊᐅᓚᐅᓯᕆᓂᕐᒧᑦ ᓴᓇᓂᖅ, ᐊᒻᒪᓗ ᖃᒧᓯᐅᕐᓂᖅ (ᖃᒧᑎᓕᐅᕐᓂᖅ), ᐱᓕᒻᒪᑦᓴᕐᓂᕐᒧᑦ ᐋᖅᑭᑦᓯᒪᓂᖃᖅᑐᓂ ᐃᓅᓯᖃᕐᓂᕐᒧᑦ ᐅᑭᐅᖅᑕᖅᑐᒥ.
ᐃᓕᑦᑎᒃᑲᓐᓂᕈᒪᕖᑦ? ᐅᕗᖓᓗᑎᑦ: https://gov.nu.ca/education.
ᐃᖅᑲᓇᐃᔭᖅᑐᓕᕆᔨᒃᑯᑦ
ᐃᓚᒋᑦᓱᒍ ᐱᓕᕆᖃᑎᒌᓐᓂᖅ/ᐃᑲᔪᖅᑎᒌᓐᓂᖅ - ᐱᓕᕆᖃᑎᒌᓐᓂᖅ ᐊᑕᐅᓯᕐᒧᑦ ᐱᔾᔪᑕᐅᔪᒧᑦ, ᒐᕙᒪᒃᑯᑦ ᓄᓇᕗᒻᒥ (GN) ᐊᖏᖅᓯᒪᓂᖃᖅᑐᖅ ᐃᑲᔪᖅᑐᕐᓂᕐᒧᑦ ᐃᖅᑲᓇᐃᔭᖅᑎᓂᑦ ᐊᑐᕐᓂᕐᒧᑦ ᐃᓄᒃᑐᑦ ᐅᖃᐅᓯᖅ ᐊᑐᖅᑕᐅᓗᓂ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓄᑦ.
ᐃᓄᒃᑐᑦ ᐅᖃᐅᓯᖏᓐᓂᑦ ᐱᔪᒪᓕᖅᑎᑦᓯᔾᔪᑎ ᐱᓕᕆᐊᒃᓴᖅ ᑎᓕᐅᕆᓂᖅ ᐃᖅᑲᓇᐃᔭᖅᑎᓂᑦ ᐊᑐᕐᓂᕐᒧᑦ ᐅᓄᖅᓯᑎᑦᓯᓂᕐᒧᓪᓗ ᐃᓄᒃᑐᑦ ᐅᖃᐅᓯᖏᓐᓂᑦ ᐊᔪᙱᑕᖃᕐᓂᕐᒧᑦ ᐃᖅᑲᓇᐃᔭᕐᕕᒻᒥᑦ.
ᐃᖅᑲᓇᐃᔮᒧᑦ ᐱᕚᓪᓕᕈᑎᒃᓴᐃᑦ ᐱᓕᒻᒪᑦᓴᕐᓂᕐᒧᑦ ᐱᕕᖃᕐᓂᐅᔪᑦ ᐊᑐᐃᓐᓇᐅᑎᑕᐅᒥᔪᑦ ᐃᓄᒃᑐᑦ ᒐᕙᒪᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ. ᖃᐅᔨᒋᐊᕐᓗᒍ ᒐᕙᒪᒃᑯᑦ ᓄᓇᕗᒻᒥ ᐅᓪᓗᖅᓯᐅᑎᖓ ᑕᑯᔪᒪᓗᒋᑦ ᒫᓐᓇᐅᔪᖅ ᐱᓕᒻᒪᑦᓴᕐᓂᕐᒧᑦ ᐱᕕᖃᕐᓂᐅᔪᑦ.
ᓇᒃᓯᐅᑎᔪᓐᓇᕐᑕᐃᑦ ᐃᖅᑲᓇᐃᔮᒃᓴᖅᓯᐅᕈᑏᑦ ᑎᑎᖅᑲᒥᓪᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᖅᑲᓇᐃᔮᖅᑖᖅᑎᑦᑎᔨᒃᑯᓐᓄ ᓄᓇᕗᒻᒥ ᐃᓕᓴᕆᔭᐅᓯᒪᔪᑎᒍ ᐅᖃᐅᓯᒃᑯᑦ. ᐱᓕᕆᕝᕕᐅᔪᖅ ᑲᔪᖏᖅᓴᐃᕗ ᐊᑐᖃᑦᑕᖁᔨᓪᓗᑎᒃ ᐃᓄᒃᑐᑦ ᐱᓗᐊᕐᑐᒥ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ, ᐃᓄᒃᑐᑦ ᐅᖃᐅᓯᖕᒧᑦ ᑕᖅᑭᐊᓂ.
ᐃᓐᓇᐃ ᖃᐃᖁᔭᐅᖃᑦᑕᕐᐳᑦ ᐅᖃᓪᓚᒋᐊᖅᑐᖁᔭᐅᓪᓗᑎᒃ (ᑐᓵᔨᖃᕐᖢᑎᒃ) ᐱᓕᕆᕝᕕᐅᑉ ᐱᓕᒻᒪᒃᓴᓂᖕᒧᑦ ᐱᓕᕆᐊᖏᓐᓄ.
ᓄᓇᕗᒻᒥᐅᑦ, ᓴᖅᑭᔮᖅᑎᑦᓯᑕ ᐃᓄᒃᑐᑦᒥ ᐊᑐᖃᑦᑕᕐᓗᒍ ᖃᐅᑕᒫᑦ!
ᐃᓄᐃᓐᓇᖅᑐᓐ ᒫᓐᓇ ᒪᐃᑯᓵᕝᑯᑦ ᑐᑭᓕᐅᕈᑎᖃᓕᖅᑐᖅ
ᐱᓕᕆᖃᑎᒌᖕᓂᒃᑯᑦ ᑖᒃᑯᓂᖓ ᒪᐃᑯᓵᕝ ᐊᒻᒪᓗ ᓄᓇᕗᒻᒥᑦ ᒐᕙᒪᖓ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᓕᖁᓯᓕᕆᔨᒃᑯᓐᓂᓗ, ᖁᕕᐊᓱᒃᐳᒍᑦ ᓇᓗᓇᐃᔭᐃᓂᕐᒧᑦ ᖁᕕᐊᓇᖅᓂᖅᓴᓂ ᐱᔪᓐᓇᕐᓂᖃᕐᓂᕐᒥᑦ ᐃᓄᒃᑎᑐᑦ ᐅᓯᐅᓯᕐᒥᑦ ᑕᕝᕘᓇ ᒪᐃᑯᓵᕝ ᑐᑭᓕᐅᕈᑎᐊᓂ.
ᐃᓄᐃᓐᓇᖅᑐᓐ
ᐃᓄᒃᑎᑐᑦ ᖃᓕᐅᔮᖅᐸᐃᑎᑐᑦ
ᐃᓄᒃᑎᑐᑦ ᐱᐅᓯᕚᓪᓕᖅᓯᒪᔪᑦ ᐅᖃᐅᓯᓕᕆᓂᖅᒧᑦ ᐆᓯᒃᑐᕋᖅᑕᐅᓯᒪᔪᑦ
ᐅᑭᐅᖅ ᐊᑕᐅᓯᕐᒥᑦ ᐊᑯᓂᐅᑎᒋᓕᖅᑐᖅ ᐃᓄᒃᑐᑦ ᐊᑐᐃᓐᓇᐅᑎᑕᐅᓚᐅᖅᑎᓪᓗᒍ ᒪᐃᑯᓵᕝ ᑐᑭᓕᐅᕈᑎᐊᓂ ᐊᒻᒪᓗ ᐱᔾᔪᑎᒃᓴᖏᑦ ᓇᓗᓇᐃᔭᐃᓯᒫᓂᓕᖅᑐᖅ ᐱᓪᓚᕆᐅᓂᖓ ᐊᑑᑎᖃᑦᑎᐊᕐᓂᖓᓗ ᓄᓇᕗᒻᒥᐅᓄᑦ. ᐃᓄᒃᑎᑐᑦ ᓯᕗᓪᓕᖅᐹᕆᔭᐅᑎᓪᓗᒍ ᒪᐃᑯᓵᕝ ᑐᑭᓕᐅᕆᔾᔪᑎᐊᓄᑦ ᒪᑐᐃᖅᓯᓯᒪᕗᖅ ᐱᕕᒃᓴᓂᑦ ᐃᖃᓇᐃᔭᕐᕕᓄᑐᐊᖑᖏᑦᑐᖅ ᑭᓯᐊᓂ ᐊᖏᕐᕋᒥᑦ ᖃᐅᑕᒫᖅᓯᐅᑎᓄᓪᓗ. ᐊᖏᕐᕋᖅᓯᒪᒍᕕᓪᓘᓐᓃ, ᐃᖃᓇᐃᔭᕐᕕᖕᒥ ᐅᕝᕙᓘᓐᓃ ᐃᓕᓐᓂᐊᕐᕕᖕᒥ, ᑖᓐᓇ ᐱᔾᔪᑎᒃᓴᖅ ᐱᕚᓪᓕᕈᑕᐅᔪᖅ ᐃᓄᒃᑎᑐᑦ ᖃᕆᓴᐅᔭᐅ ᐃᑭᐊᕿᕕᖓᒍᑦ ᖃᕆᓴᐅᔭᒃᑯᑦ, ᐅᖃᓘᑎᕋᓛᒃᑯᑦ, ᐅᕝᕙᓘᓐᓃ ᑎᒍᒥᐊᒐᕐᒥᑦ.
ᑲᔪᓯᓂᖃᑦᑎᐊᖅᑐᒥ ᐱᒋᐊᖅᑎᑕᐅᓚᐅᖅᑎᓪᓗᒍ, ᑭᒃᑯᑐᐃᓐᓇᕐᓂ ᑐᓴᕈᒪᓚᐅᖅᒍᐳᒍ ᐃᓱᒪᓕᐊᕆᔭᐅᔪᓐᓇᖅᑐᓂᒃ ᐱᒋᐊᖅᐸᓪᓕᐊᑎᓪᓗᑕ ᑐᒡᓕᐊᓂ ᐱᓕᕆᐊᒃᓴᒥᑦ ᐱᐅᓯᕚᓪᓕᑎᑦᑎᓂᕐᒧ ᐱᔾᔪᑎᒃᓴᖅ. ᑐᑭᓕᐅᕆᔭᐅᑦᑎᐊᕐᓂᖅᓴᓂᒃ ᐃᓄᑦᑎᑐᑦ, ᐊᒻᒪᓗ ᓇᑭᖔᕐᓂᖓᓗ ᖃᓕᐅᔮᖅᐸᐃ ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ, ᖃᓄᐃᓕᖓᓕᕆᔭᖓ ᓇᓗᓇᐃᔭᑦᑎᐊᕈᓐᓇᖅᑕᓯᓪᓗᑎᒍᑦ ᐃᓄᒃᑎᑐᑦ ᐅᖃᐅᓰᑦ ᓄᓇᕐᔪᐊᓕᒫᒥᑦ. ᐃᓄᒃᑎᑐᑦ ᐅᖃᕈᓐᓇᖅᑐᑦ ᐊᑐᖅᓂᖅᓴᐅᑎᓪᓗᒋᑦ ᐊᑐᐃᓐᓇᐅᑎᑦᑎᓂᕐᒥᓪᓗ ᑭᐅᔾᔪᑎᖏᓐᓂᑦ, ᑐᑭᓕᐅᕆᔨ “ᐃᓕᑉᐸᓕᐊᓂᖅᓴᐅᓚᖓᕗᖅ” ᐅᓄᖅᓯᑎᑦᓯᓂᕐᒧᓪᓗ ᐃᓄᒃᑎᑐᑦ ᐊᔪᙱᑕᖃᕐᓂᕐᒧᑦ.
"ᐅᐱᒍᓱᒃᐳᖓ ᓱᓕ ᐃᑲᔪᖅᑐᐃᔪᓐᓇᕋᒪ ᓄᓇᕗᑦ ᒐᕙᒪᖓᓂ ᑖᔅᓱᒥᖓ ᐱᒻᒪᕆᐅᔪᒥᒃ ᐱᓕᕆᐊᒃᓴᒥᒃ," ᑭᐊᕕᓐ ᐲᔅᑯ ᐅᖃᖅᑐᖅ, Microsoft ᑲᓇᑕᒥ ᐊᖓᔪᖅᑳᕆᔭᐅᔪᖅ. "ᐃᓄᒃᑎᑐᑦ ᐅᖃᐅᓯᓕᕆᓂᐅᑉ ᐋᖅᑭᒃᓯᒪᓂᖓ ᓄᑖᙳᕆᐊᖅᑕᐅᔪᑦ, ᐅᖃᐅᓯᒃᓴᕆᔭᐅᔪᑦ ᑭᐅᔭᐅᓪᓚᕆᒡᓗᑎᒃ ᓄᓇᓕᖕᓂᙶᖅᑐᓂᑦ, ᐃᓄᐃᓐᓇᖅᑐᓪᓗ ᐃᓚᒋᐊᖅᑕᐅᔪᖅ Microsoft ᑐᑭᓕᐅᕆᔨᓄᑦ ᐃᓄᒃᑐᑦ ᓱᓕ ᑲᔪᓯᑦᑎᐊᕐᓂᐊᖅᐳᖅ ᑭᖑᕚᒃᓴᑦᑎᓐᓄᑦ."
ᐊᓯᐅᑎᑦᑎᑕᐃᓕᒪᓂᖅ ᐃᓄᒃᑎᑐᑦ ᐅᖃᐅᓯᖅᑕᖅ ᐱᓕᕆᔾᔪᑎᒃᑯᑦ, ᐱᔪᒥᓴᐃᓂᖅ ᐊᑐᖃᑦᑕᕐᓂᕐᒥᑦ ᐃᓄᒃᑎᑐᑦ ᐊᑐᐃᓐᓇᐅᑎᑦᑎᓂᕐᓗᑦ ᑭᒃᑯᑐᐃᓐᓇᕐᓄᑦ. ᐃᑲᔪᖅᑐᖅᑕᕗ ᐃᖃᐅᓰᑦ, ᑐᑭᓕᐅᕆᔭᐅᔪᓐᓇᖅᑐᑦ ᐱᔪᓐᓇᕐᓂᓕᒃ ᒪᐅᑯᓵᕝ ᖃᓄᐃᓕᐅᕈᑎᖏᓐᓂ ᐊᒻᒪᓗ ᐱᔪᓐᓇᖅᑎᑦᑎᓂᖅ ᓄᓇᕗᒻᒥᐅᓂ ᐃᓚᓕᐅᔾᔭᐅᖃᑕᐅᓂᕐᒧᑦ ᖃᐅᑕᒫᖅᓯᐅᑎᓄ ᐊᔪᕐᓇᖏᑦᑐᒃᑯᑦ. ᐃᓱᒪᒃᓴᖅᓯᐅᕈᓘᔭᕐᓗᑎᑦ ᐊᒻᒪᓗ ᐅᖃᐅᓯᕆᓗᒋᑦ ᐊᔾᔨᒌᖏᑦᑐᓂᒃ ᐊᑐᕐᓗᑎᑦ ᐃᓄᒃᑎᑐᑦ ᐅᖃᐅᓯᖅ ᒪᐃᑯᓵᕝ ᑐᑭᓕᐅᕈᑎᐊᒍᑦ ᖃᕆᓴᐅᔭᒃᑯᑦ ᓇᓗᓇᐃᔭᕐᓗᒍ #Quviasuutiqarniq, ᐊᑏ!
ᑐᑭᓯᒋᐊᒃᑲᓂᕈᒪᒍᕕᑦ ᐱᓕᕆᐊᕐᒥ, ᐅᕗᖓᕐᓗᑎᑦ: https://news.microsoft.com/en-ca/2022/02/01/government-of-nunavut-preser...
ᐊᑐᕐᓗᒍ ᒪᐃᑯᓵᕝ ᑐᑭᓕᐅᕆᔨ ᐅᕗᖓᕐᓗᑎᑦ: www.bing.com/translator . ᐱᑕᖃᕐᒥᔪᖅ ᒪᐃᑯᓵᕝ ᑐᑭᓕᐅᕆᔨ ᖃᕆᑕᐅᒃᑯᑦ, ᐋᓐᑐᐃᑦ, iOS ᐊᒻᒪᓗ ᖃᕆᑕᐅᔭᒃᑯᑦ ᑎᑎᕋᕈᑎ: ᖃᕆᑕᐅᔭᒃᑯᑦ - ᒪᐃᑯᓵᕝᑯᑦ ᑐᑭᓕᐅᕆᔨ
ᖁᔭᓐᓇᒦᖅᑕᕗᑦ ᐱᓕᕆᐊᒃᓴᓄᑦ ᐃᑲᔪᖃᑦᑕᖅᓯᒪᔪᓕᒫᑦ!
