ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ
ᐃᓕᓐᓂᐊᕐᓂᓕᕆᔨᒃᑯᑦ (ᐃᓕᓐᓂᐊᕐᓂᖅ) ᐃᓕᓐᓂᐊᕆᐅᖅᓴᓂᖅ ᐸᐃᕆᕝᕕᓕᕆᓂᕐᓗ ᐱᓕᕆᕝᕕᖓ ᐊᑐᓕᖅᑎᑦᑎᔪᒪᓪᓚᑦᑖᖅᐳᑦ ᓯᕗᓂᒃᓴᑦᑎᓐᓂ ᓄᑕᖅᑲᓕᒫᑦ ᓄᓇᕗᒻᒥ ᐃᓕᓐᓂᐊᕈᑎᒃᓴᑦᑎᐊᕙᖏᓐᓂᒃ ᐊᑐᕈᓐᓇᖅᑎᑕᐅᓕᕐᓗᑎᒃ ᐃᓄᐃᑦ ᐃᓕᖅᑯᓯᖓᓂ, ᐅᖃᐅᓯᖓᓂ ᐊᒻᒪᓗ ᐱᒻᒪᕆᐅᒋᔭᖏᓐᓂᒃ ᑐᙵᕕᖃᓪᓚᑦᑖᖅᑐᓂᒃ. ᐊᔪᕆᖅᓲᔾᔭᐅᖃᑦᑕᖅᐳᒍᑦ ᐋᖅᑭᒃᓱᖅᑕᐅᓯᒪᔪᒥᑦ ᐊᒻᒪ ᖃᓄᖅᑑᕈᑎᒃᓴᓄᑦ ᐸᕐᓇᐅᑎᒥᒃ (ᐱᕙᓪᓕᐊᑎᑕᐅᔪᑦ ᒪᓕᒃᖢᒋᑦ) ᐋᖅᑭᒃᑕᐅᓯᒪᔪᑦ ᐊᔾᔨᒋᔭᐅᙱᑦᑐᑦ ᐱᔭᐅᔭᕆᐊᓖᑦ ᒪᓕᒃᑕᐅᖁᓪᓗᒋᑦ ᐊᑐᓂ ᓄᓇᓕᖕᓂ ᓄᓇᕘᓕᒫᒥ−ᓄᓇᓕᕋᓛᖑᓂᖅᓴᓂ ᐅᕝᕙᓘᓐᓃᑦ ᐃᓄᒋᐊᖕᓂᖅᓴᓂᑦ.
- ᓄᑕᖅᑲᑦ ᐱᕕᖃᖅᑎᑕᐅᒑᖓᑕ ᐱᕈᖅᐸᓪᓕᐊᓂᕐᒥᒃ ᐃᓕᑦᑎᕙᓪᓕᐊᓂᕐᒥᒡᓗ ᐱᕙᓪᓕᐊᑎᑦᑎᑦᑎᐊᖅᑐᒥᒃ ᑲᒪᑦᑎᐊᖅᑐᓂᓪᓗ ᐃᓂᖃᖅᖢᑎᒃ, ᓴᙱᔪᒥᒃ, ᖃᓄᐃᙱᑦᑐᓂᒃ ᐃᓅᖃᑎᒌᓕᖅᑎᑦᑎᔪᓐᓇᖅᑐᑦ ᓇᖕᒥᓂᕐᓗ ᐊᔾᔨᐅᙱᑦᑐᓂᒃ ᐊᔪᕈᓐᓃᖅᐸᓪᓕᐊᓕᕐᓗᑎᒃ ᐱᔪᓐᓇᖅᓯᕙᓪᓕᐊᓕᕐᓗᑎᒡᓗ. ᑕᒪᓐᓇ ᐃᒪᓐᓇ ᐃᑲᔪᖅᑐᖃᑦᑕᖅᐸᕗᑦ:
- ᐱᔪᓐᓇᐅᑎᖃᖅᑐᑦ ᐸᐃᕆᕝᕖᑦ, ᐅᑯᐊᓗ ᐃᓚᒌᑦ ᐊᖏᕐᕋᒥᓂ ᐸᐃᕆᕝᕕᓖᑦ, ᓇᓗᓇᐃᖅᓯᕙᒃᖢᑎᒡᓗ ᒪᓕᑦᑎᐊᕆᐊᖃᕐᓂᖏᓐᓂᒃ ᐋᖅᑭᒃᑕᐅᓯᒪᔪᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᐅᔪᓂᒡᓗ ᒪᓕᒃᑕᐅᕙᒃᑐᓂᒃ.
- ᐊᑐᐃᓐᓇᐅᑎᑦᑎᓪᓗᑎᒃ ᐃᓕᖅᑯᓯᕐᒥᓄᑦ ᓈᒻᒪᒃᑐᓂᒃ ᐃᑲᔫᑎᒃᓴᓂᒃ ᓴᖅᑭᔮᖅᑎᑦᑎᔪᓂᒃ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᐃᓄᒃᑎᑐᓪᓗ ᐅᐱᒍᓱᓕᒃᑲᓐᓂᖁᓪᓗᒋᑦ ᑭᓇᐅᔾᔪᑎᖏᓐᓂᒃ.
- ᐊᐅᓚᑦᑎᕙᒃᑐᑦ ᑮᓇᐅᔭᑎᒍᑦ ᐃᑲᔪᖅᑐᐃᔾᔪᑎᓂᒃ ᐱᔪᓐᓇᐅᑎᓕᖕᓄᑦ ᐸᐃᕆᕝᕕᖕᓄᑦ ᑲᔪᓯᑎᑦᑎᖁᓪᓗᒋᑦ ᐱᐅᓯᕚᓪᓕᖅᑎᑦᑎᓗᑎᒡᓗ ᐃᓚᓕᐅᔾᔨᑦᑎᐊᕐᓗᑎᒡᓗ ᐱᔨᑦᑎᕋᐅᑎᖏᓐᓂᒃ.
- ᑮᓇᐅᔭᓂᒃ ᐃᑲᔪᖅᑐᐃᔾᔪᑎᓂᒃ ᐊᑐᐃᓐᓇᐅᑎᑦᑎᓗᑎᒃ ᓄᑕᖅᑲᑦ ᑲᒪᒋᔭᐅᕙᒃᑐᑦ ᐊᑭᑐᓗᐊᖁᓇᒍ.
- ᐊᑐᓕᖅᑎᑦᑎᓂᖅ ᓈᒪᔪᒥᒃ ᐱᓕᕆᐊᖑᕙᓪᓕᐊᔪᒥᒃ ᐃᑲᔪᖅᑐᐃᓗᓂ ᐊᑐᐃᓐᓇᐅᑎᑦᑎᓗᑎᒃ ᐃᓕᖅᑯᓯᑦᑎᓐᓄᑦ ᐊᒃᑐᐊᓂᓕᖕᓂᒃ ᐸᐃᕆᕝᕕᖕᓂᒃ ᓄᓇᕘᓕᒫᑦᑎᐊᖅ.
ᐃᓕᓐᓂᐊᕆᐅᖅᓴᓂᖅ ᐸᐃᕆᕝᕕᓕᕆᓂᕐᓗ ᖃᐅᔨᒪᔾᔪᑎᑦ ᑎᑎᕋᖅᓯᒪᔪᑦ
- ᐃᓕᓐᓂᐊᕆᐅᖅᓴᓂᖅ ᐸᐃᕆᕝᕕᓕᕆᓂᕐᓗ ᐱᐅᔪᑦ ᐋᖅᑭᒃᓱᖅᑕᐅᓯᒪᔪᑦ−ᑕᐅᑐᖅᑰᖅᑕᐅᔪᓂᒃ ᒪᓕᖁᔭᐅᔪᓂᒡᓗ ᐋᖅᑭᒃᓯᕗᑦ ᐱᐅᔪᓂᒃ, ᐃᓕᖅᑯᓯᑦᑎᓐᓄᑦ ᐊᒃᑐᐊᓂᓕᖕᓂᑦ ᐸᐃᕆᕝᕕᖕᓄᑦ ᓄᓇᕗᒻᒥ.
- ᖃᓄᖅᑑᕈᑎᒃᓴᓄᑦ ᐸᕐᓇᐅᑦ ᐃᓚᓕᐅᔾᔨᓗᑎᒃ ᐊᔾᔨᒌᒃᑎᑦᑎᓗᑎᒡᓗ− ᐊᖅᑯᑎᒋᓂᐊᖅᑕᖓ ᐃᓚᓕᐅᔾᔨᔪᓂᒃ, ᐊᔾᔨᒌᒃᑎᑦᑎᔪᓂᒃ ᐃᓕᓐᓂᐊᕆᐅᖅᓴᑎᑦᑎᓂᖅ ᐸᐃᕆᕝᕕᓕᕆᓂᕐᓗ, ᓇᓗᓇᐃᖅᓯᓗᑎᒃ ᐊᑐᖅᐸᓪᓕᐊᓂᐊᖅᑐᓂᒃ ᓄᑕᕋᓕᒫᓂᒃ ᖃᑕᙳᑎᖏᓐᓂᓪᓗ ᐃᑲᔪᖅᑐᐃᔪᓂᒃ ᓄᓇᕗᒻᒥ.
ᐊᖓᔪᖅᑳᓄᑦ ᐸᖅᑭᔨᓄᓪᓗ
- ᖃᐅᔨᓇᓱᖕᓂᖅ ᐸᐃᕆᕝᕕᖕᒥᒃ
- ᐱᔪᓐᓇᐅᑎᖃᖅᑐᑦ ᐸᐃᕆᕝᕖᑦ ᓄᓇᕗᒻᒥ−ᖃᐅᔨᒋᐊᕐᕕᐅᔪᓐᓇᖅᑐᑦ ᑎᑎᕋᖅᓯᒪᔪᑦ ᐱᔪᓐᓇᐅᑎᖃᖅᑐᓕᒫᓄᑦ ᐸᐃᕆᕝᕕᖕᓄᑦ ᓄᓇᕗᒻᒥ, ᐊᕕᒃᑐᖅᓯᒪᔪᑎᒍᑦ.
- ᑮᓇᐅᔭᖃᖅᑎᑕᐅᓂᖅ
- ᒪᒃᑯᒃᑐᑦ ᐊᖓᔪᖅᑳᙳᖅᑐᑦ ᐃᓕᓐᓂᐊᙱᓐᓇᖁᓪᓗᒋᑦ−ᐸᐃᕆᕝᕕᖕᓄᑦ ᑮᓇᐅᔭᖃᖅᑎᑦᑎᓂᖅ ᒪᒃᑯᒃᑐᑦ ᐊᖓᔪᖅᑳᖑᖅᑐᑦ 18 ᑐᖔᓂ ᐅᑭᐅᓕᑦ ᐃᓕᓐᓂᐊᕐᕕᖕᒧᓪᓗ ᐊᑎᓕᐅᖅᑕᐅᓯᒪᓗᑎᒃ.
- $10−ᐅᓪᓗᖅ ᐊᑕᐅᓯᑦ ᐸᐃᕆᕝᕕᖕᒥ−ᐱᔪᓐᓇᐅᑎᓕᑦ ᐸᐃᕆᕝᕖᑦ ᓄᑕᖅᑲᓄᑦ ᐊᕐᕕᓂᓖᑦ ᑐᖔᓂ ᐅᑭᐅᓕᖕᓄᑦ ᐃᔫᓯᐊᕈᓐᓇᖅᐳᑦ, ᐃᓚᒋᔭᐅᓪᓗᓂ ᑲᓇᑕᓕᒫᒥ ᑮᓇᐅᔭᖃᖅᑎᑕᐅᔪᓂᒃ. ᖃᐅᔨᒋᐊᕐᓗᑎᑦ ᐱᔪᓐᓇᐅᑎᓕᖕᒥᒃ ᐸᐃᕆᕝᕕᖕᒥᒃ ᐱᓇᔪᒍᒪᒍᕕᑦ ᐃᑲᔫᓯᐊᖃᖅᑐᒥᒃ ᐸᐃᕆᕝᕕᖕᒥ ᐃᓂᒃᓴᖅᑖᕋᓲᑎᒥᒃ.
- ᖃᓄᐃᙱᑦᑎᐊᕐᓗᑎᒃ ᓄᑕᖅᑲᑦ ᐱᓕᕆᐊᖑᑎᑕᐅᔪᑦ (ᐃᑲᔪᖅᑐᐃᑦᑎᐊᖅᑐᑦ ᓄᑕᖅᑲᑦ ᐱᔨᑦᑎᕋᖅᑎᖏᑦ) −ᐱᔪᓐᓇᐅᑎᖃᖅᑐᖅ ᐸᐃᕆᕝᕕᒃ ᐅᕝᕙᓘᓐᓃᑦ ᓄᓇᓕᖕᓂ ᑲᑐᔾᔨᖃᑎᒌᑦ ᐊᑐᐃᓐᓇᐅᑎᑦᑎᓪᓗᑎᒃ ᐃᓕᓐᓂᐊᕆᐅᖅᓴᑎᑦᑎᕙᒃᑐᓂᒃ ᓄᑕᖅᑲᓂᒃ ᐅᑭᐅᓕᖕᓄᑦ ᐊᕐᕕᓂᓕᖕᓄᑦ ᑎᑭᓪᓗᒍ ᑮᓇᐅᔭᓂᒃ ᐃᑲᔫᓯᐊᓂᒃ ᐱᓇᔪᒍᓐᓇᖅᐳᑦ ᐃᑲᔪᖅᑐᐃᔾᔪᑎᒃᓴᒃᑲᓐᓂᕐᓂᒃ ᐱᔨᑦᑎᕋᕐᓂᕐᒧᑦ ᐃᓄᑑᔪᓄᑦ ᐱᔭᕆᐊᓕᖕᓄᑦ (ᓲᕐᓗ ᐃᓄᑑᓗᓂ ᐃᑲᔪᖅᑐᐃᓂᖅ ᐃᓕᓐᓂᐊᕆᐅᖅᓴᓂᕐᒧᑦ ᐃᓕᓐᓂᐊᕆᐊᕐᓂᐊᖅᑐᒧᑦ) ᓄᑕᖅᑲᑦ ᐃᑲᔪᖅᑐᐃᔾᔪᑎᖏᓐᓂᒃ ᐃᓕᓐᓂᐊᕆᐅᖅᓴᓂᐊᖅᑎᓪᓗᒍ ᐅᕝᕙᓘᓐᓃᑦ ᐱᔪᓐᓇᐅᑎᓕᖕᒧᑦ ᐸᐃᕆᕝᕕᖕᒧᑦ.
ᒪᒃᐱᖅᓯᓂᐊᕐᓗᓂ ᐱᔪᓐᓇᐅᑎᓕᖕᒥᒃ ᐸᐃᕆᕕᖕᒥᑦ ᐃᓚᒌᓄᓪᓘᓐᓃᑦ ᐊᖏᕐᕋᕆᔭᐅᔪᒥᒃ ᐸᐃᕆᕕᖕᒥᑦ
- ᐱᒋᐊᖅᐸᓪᓕᐊᓂᖅ
- ᓈᒪᔪᑦ ᐃᑲᔫᑎᒃᓴᑦ ᑎᑎᕋᖅᓯᒪᔪᑦ ᖃᐅᔨᒪᔾᔪᑎᒋᓂᐊᖅᑕᑎᑦ ᒪᓕᒋᐊᓕᖕᓂ ᐊᑐᕐᓗᑎᑦ, ᑮᓇᐅᔭᐃᑦ ᐊᑐᖅᑕᐅᔪᓐᓇᕐᒥᔪᑦ, ᐊᒻᒪ ᐱᓕᕆᔾᔪᓯᑦᑎᐊᕙᐅᓛᑦ ᐃᑲᔫᑎᒋᓂᐊᖅᑕᑎᑦ ᐱᒋᐊᖅᐸᓪᓕᐊᑎᓪᓗᑎᑦ.
- ᖃᐅᔨᒪᔭᕆᐊᖃᖅᑕᑎᑦ ᐸᐃᕆᕕᖕᒥᑦ ᐱᒋᐊᖅᑎᑦᑎᓂᐊᕐᓗᑎᑦ: ᓇᓗᓇᐃᔭᖅᓯᒪᑦᑎᐊᖅᑐᑦ ᑭᓱᑐᐃᓐᓇᓂᑦ ᖃᐅᔨᒪᔭᕆᐊᖃᖅᑕᕐᓂᑦ−ᑖᓐᓇ ᐅᖃᓕᒫᒐᖅ ᑐᕌᖓᔪᖅ ᐃᓄᖕᓄᑦ/ᑲᑐᔾᔨᖃᑎᒌᓄᑦ ᐱᔪᓐᓇᐅᑎᓕᖕᒥᒃ ᐸᐃᕆᕝᕕᖕᒥᒃ ᒪᑐᐃᖅᓯᔪᒪᓇᔭᖅᑐᓂᒃ, ᐅᑯᓂᖓᓗ ᐊᖏᕐᕋᒥᓂ ᐸᐃᕆᕝᕕᒃ, ᓄᓇᕗᒻᒥ.
- ᐃᓕᓐᓂᐊᕆᐅᖅᓴᔪᓄᑦ ᐱᓕᕆᔨᑦ−ᐃᓅᑐᙱᑦᑐᑎᑦ. ᐃᓕᓐᓂᐊᕐᓂᓕᕆᓂᖅ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᓕᕆᔨᖃᖅᐳᑦ ᐊᑐᓂ ᐊᕕᒃᑐᖅᓯᒪᔪᓂᑦ ᐊᐱᖅᑯᑎᒃᓴᓕᖕᓂᒃ ᑭᐅᔪᓐᓇᑦᑎᐊᖅᑐᓂᒃ ᐃᑲᔪᖅᑐᐃᔪᓐᓇᖅᑐᓂᒡᓗ ᑲᔪᓯᕙᓪᓕᐊᑎᓪᓗᑎᑦ ᐱᒋᐊᖅᐸᓪᓕᐊᓪᓗᑎᑦ.
- ᓄᓇᕗᒻᒥ ᐸᐃᕆᕝᕕᓕᕆᓂᕐᒧᑦ ᐱᖁᔭᖅ ᐊᒻᒪᓗ ᒪᓕᒋᐊᓖᑦ−ᑕᑯᓗᒍ "ᐱᖁᔭᖅ, ᒪᓕᒋᐊᓖᑦ, ᐊᒻᒪᓗ ᐊᖏᕈᑎ" ᐊᑖᓂ ᑎᑎᕋᖅᓯᒪᔪᑦ.
- ᓈᒪᔪᑦ ᐃᑲᔫᑎᒃᓴᑦ ᑎᑎᕋᖅᓯᒪᔪᑦ ᖃᐅᔨᒪᔾᔪᑎᒋᓂᐊᖅᑕᑎᑦ ᒪᓕᒋᐊᓕᖕᓂ ᐊᑐᕐᓗᑎᑦ, ᑮᓇᐅᔭᐃᑦ ᐊᑐᖅᑕᐅᔪᓐᓇᕐᒥᔪᑦ, ᐊᒻᒪ ᐱᓕᕆᔾᔪᓯᑦᑎᐊᕙᐅᓛᑦ ᐃᑲᔫᑎᒋᓂᐊᖅᑕᑎᑦ ᐱᒋᐊᖅᐸᓪᓕᐊᑎᓪᓗᑎᑦ.
- ᑮᓇᐅᔭᖃᖅᑎᑕᐅᓂᖅ
- ᐃᓕᓐᓂᐊᕆᐅᖅᓴᕝᕕᑦ ᐱᓕᕆᔨᖏᑦ−ᖃᐅᔨᒋᐊᕈᓐᓇᖅᑐᑦ ᐊᕕᒃᑐᖅᓯᒪᔪᓂ ᐃᓕᓐᓂᐊᕆᐅᖅᓴᕝᕕᑦ ᐱᓕᕆᔨᖓᓄᑦ ᐅᖃᖃᑎᖃᒃᑲᓐᓂᕈᒪᔪᑦ ᐅᑯᓂᖓ ᐱᔪᓐᓇᖅᑎᑕᐅᒃᑲᓐᓂᕈᓐᓇᕐᒪᖔᑦ:
- ᐱᒋᐊᕈᑎᒃᓴᖓᓂ ᑮᓇᐅᔭᖃᖅᑎᑕᐅᓂᖅ − ᐊᑕᐅᓯᐊᕐᓗᒍ ᑮᓇᐅᔭᖅᑖᕐᕕᐅᔪᓐᓇᖅᑐᑦ ᐱᔪᓐᓇᐅᑎᓕᖕᓄᑦ ᐸᐃᕆᕝᕕᖕᓄᑦ ᓂᐅᕕᕈᑎᒃᓴᓂᒃ ᐱᔭᕆᐊᓕᖏᓐᓂᒃ ᐱᙳᐊᕐᓂᒃ, ᐱᖁᑎᓂᒃ, ᐊᒻᒪᓗ ᐱᓕᕆᐊᖑᓂᐊᖅᑐᓄᑦ ᐱᓕᕆᔾᔪᑏᑦ ᒪᑐᐃᕐᓂᐊᕐᓗᓂ.
- ᒪᑭᒪᔾᔪᑎᒃᓴᓂᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖑᔪᑦ−ᑮᓇᐅᔭᐃᑦ ᐅᓄᖅᓯᒋᐊᖁᓪᓗᒋᑦ ᐱᔪᓐᓇᐅᑎᖃᖅᑐᑦ ᐸᐃᕆᕝᕖᑦ ᐃᓂᒃᓴᖏᑦ ᓄᓇᕗᒻᒥ ᐅᑭᐅᖃᙱᑦᑐᑦ−ᐅᑭᐅᓕᖕᓄᑦ ᐊᕐᕕᓂᓕᖕᓄᑦ ᑎᑭᓪᓗᒍ, ᐅᕝᕙᓘᓐᓃᑦ ᐸᐃᕆᕝᕖᑦ ᒪᑐᐃᒃᑲᓐᓂᕐᓂᐊᕐᓗᒋᑦ ᒪᑐᓯᒪᓚᐅᕐᓗᑎᒃ ᐅᑭᐅᑦ ᐱᖓᓱᑦ ᐅᖓᑖᓄᑦ.
- ᐃᓕᓐᓂᐊᕆᐅᖅᓴᕝᕕᑦ ᐱᓕᕆᔨᖏᑦ−ᖃᐅᔨᒋᐊᕈᓐᓇᖅᑐᑦ ᐊᕕᒃᑐᖅᓯᒪᔪᓂ ᐃᓕᓐᓂᐊᕆᐅᖅᓴᕝᕕᑦ ᐱᓕᕆᔨᖓᓄᑦ ᐅᖃᖃᑎᖃᒃᑲᓐᓂᕈᒪᔪᑦ ᐅᑯᓂᖓ ᐱᔪᓐᓇᖅᑎᑕᐅᒃᑲᓐᓂᕈᓐᓇᕐᒪᖔᑦ:
ᐃᓕᓐᓂᐊᕆᐅᖅᓴᓕᕆᔨᓄᑦ ᐸᐃᕆᕝᕕᓕᕆᓂᕐᒧᓪᓗ ᑮᓇᐅᔭᖃᖅᑎᑦᑎᕙᒃᑐᑦ
- ᐃᓕᓐᓂᐊᕆᐅᖅᓴᕝᕕᑦ ᐱᓕᕆᔨᖏᑦ−ᖃᐅᔨᒋᐊᕈᓐᓇᖅᑐᑦ ᐊᕕᒃᑐᖅᓯᒪᔪᓂ ᐃᓕᓐᓂᐊᕆᐅᖅᓴᕝᕕᑦ ᐱᓕᕆᔨᖓᓄᑦ ᐅᖃᖃᑎᖃᒃᑲᓐᓂᕈᒪᔪᑦ ᐅᑯᓂᖓ ᐱᔪᓐᓇᖅᑎᑕᐅᒃᑲᓐᓂᕈᓐᓇᕐᒪᖔᑦ:
- ᐃᓕᓐᓂᐊᕆᐅᖅᓴᕝᕕᖕᒥ ᐃᓕᓴᐃᔨᐅᓂᕐᒧᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᑮᓇᐅᔭᖃᖅᑎᑦᑎᓂᖅ (ᖃᐅᔨᒋᐊᕈᓐᓇᖅᑐᑦ ᐊᕕᒃᑐᖅᓯᒪᔪᓂ ᐃᓕᓐᓂᐊᕆᐅᖅᓴᕝᕕᑦ ᐱᓕᕆᔨᖓᓄᑦ)− ᐃᑲᔪᖃᑦᑕᖅᑐᑦ ᐊᑭᓕᕆᐊᓕᖕᓄᑦ ᐃᓕᓐᓂᐊᕈᑎᒃᓴᓄᑦ ᐅᖃᓕᒫᒐᕐᓄᓪᓗ ᐱᔪᓐᓇᐅᑎᓕᖕᓄᑦ ᐸᐃᕆᕝᕕᑦ ᐃᖅᑲᓇᐃᔭᖅᑎᖏᓐᓄᑦ ᑎᑎᕋᖅᑕᐅᓯᒪᔪᓄᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨᐅᓂᕐᒧᑦ ᓇᓗᓇᐃᒃᑯᑕᖅᑖᕐᓂᕐᒧᑦ. ᐃᓕᓐᓂᐊᕆᐅᖅᓴᕐᓂᖅ ᐃᓄᐃᑦ ᐅᖃᐅᓯᖓᒍᑦ ᐃᓕᖅᑯᓯᖓᒍᓪᓗ ᑮᓇᐅᔭᖃᖅᑎᑦᑎᓂᖅ−ᑮᓇᐅᔭᖃᖅᑎᑦᑎᓂᖅ ᐃᓄᐃᑦ ᐅᖃᐅᓯᖓ ᐃᓕᖅᑯᓯᖓᓗ ᓴᖅᑭᔮᖅᑎᒃᑲᓐᓂᕈᒪᓪᓗᒍ ᐃᓕᓐᓂᐊᕆᐅᖅᓴᓕᓵᖅᑐᓂᑦ, ᐱᓕᕆᕝᕕᐅᑉ ᐃᓗᐊᓂ ᐱᓕᕆᑎᑦᑎᓗᑎᒃ ᐅᕝᕙᓘᓐᓃᑦ ᑮᓇᐅᔭᖃᖅᑎᑦᑎᓗᑎᒃ ᓯᓚᑖᓂᙶᖅᑐᓂᒃ ᐊᐅᓚᑕᐅᔪᓂᑦ ᐱᓕᕆᐊᓂᑦ. ᑖᒃᑯᐊ ᑮᓇᐅᔭᐃᑦ ᐊᑐᐃᓐᓇᐅᑎᑕᐅᕗᑦ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᓄᓇᕗᒻᒥ ᐅᐃᕖᒃᑯᑦ ᐃᓕᓐᓂᐊᖅᑐᓕᕆᔨᖏᓐᓄᑦ, ᐱᔪᓐᓇᐅᑎᓕᖕᓄᑦ ᐸᐃᕆᕝᕕᖕᓄᑦ, ᐊᒻᒪᓗ ᓄᓇᓕᖕᓂ ᑲᑐᔾᔨᖃᑎᒌᓄᑦ ᓄᑕᖅᑲᓂᒃ ᐃᓕᓐᓂᐊᕆᐅᖅᓴᑎᑦᑎᕙᒃᑐᓂᒃ ᐊᕐᕕᓂᓕᖕᓄᑦ ᐅᑭᐅᓕᖕᓄᑦ ᑎᑭᖦᖢᒍ.
- ᖃᓄᐃᙱᑦᑎᐊᕐᓗᑎᒃ ᓄᑕᖅᑲᑦ ᐱᓕᕆᐊᖑᑎᑕᐅᔪᑦ − ᐱᔪᓐᓇᐅᑎᖃᖅᑐᖅ ᐸᐃᕆᕝᕕᒃ ᐅᕝᕙᓘᓐᓃᑦ ᓄᓇᓕᖕᓂ ᑲᑐᔾᔨᖃᑎᒌᑦ ᐊᑐᐃᓐᓇᐅᑎᑦᑎᓪᓗᑎᒃ ᐃᓕᓐᓂᐊᕆᐅᖅᓴᑎᑦᑎᕙᒃᑐᓂᒃ ᓄᑕᖅᑲᓂᒃ ᐅᑭᐅᓕᖕᓄᑦ ᐊᕐᕕᓂᓕᖕᓄᑦ ᑎᑭᓪᓗᒍ ᑮᓇᐅᔭᓂᒃ ᐃᑲᔫᓯᐊᓂᒃ ᐱᓇᔪᒍᓐᓇᖅᐳᑦ ᐃᑲᔪᖅᑐᐃᔾᔪᑎᒃᓴᒃᑲᓐᓂᕐᓂᒃ ᐱᔨᑦᑎᕋᕐᓂᕐᒧᑦ ᓄᑕᖅᑲᑦ ᐃᑲᔪᖅᑐᐃᔾᔪᑎᖏᓐᓂᒃ ᐃᓕᓐᓂᐊᕆᐅᖅᓴᓂᐊᖅᑎᓪᓗᒍ ᐅᕝᕙᓘᓐᓃᑦ ᐱᔪᓐᓇᐅᑎᓕᖕᒧᑦ ᐸᐃᕆᕝᕕᖕᒧᑦ.
- ᐃᓕᓐᓂᐊᕆᐅᖅᓴᕝᕕᖕᒥ ᐃᓅᓯᖃᑦᑎᐊᕐᓂᕐᒧᑦ ᑮᓇᐅᔭᖃᖅᑎᑕᐅᔪᑦ ᑖᓐᓇ ᐱᓕᕆᐊᖑᑎᑕᐅᔪᖅ ᐊᑐᖅᖢᒍ ᐊᑐᐃᓐᓇᐅᕗᑦ ᒪᕐᕈᐃᓕᖅᑲᖓᔪᒃᑯᑦ: ᓄᓇᓕᖕᓂ ᐱᓕᕆᐊᖑᑎᑕᐅᔪᑦ ᐱᓕᕆᐊᒃᓴᓄᑦ ᓲᕐᓗ ᐊᖓᔪᖅᑳᖑᓂᕐᒧᑦ ᐃᓕᓐᓂᐊᖅᓯᓐᓈᑦ ᑲᑎᒪᓂᖅ ᐅᕝᕙᓘᓐᓃᑦ ᓂᕿᑦᑎᐊᕙᖕᓂᒃ ᑕᒧᓗᒃᑎᑦᑎᖃᑦᑕᕐᓂᖅ, ᐃᑲᔪᖅᑐᐃᔪᓪᓗ ᓄᑕᖅᑲᓂᒃ ᐱᔨᑦᑎᕋᐅᑎᑦ ᐃᓄᑑᔪᑦ ᐱᔭᕆᐊᓕᖏᓐᓂᒃ ᓲᕐᓗ ᐃᓄᑑᓗᑎᒃ ᐃᑲᔪᖅᑐᐃᓂᖅ ᐃᓕᓐᓂᐊᕆᐅᖅᓴᓂᐊᖅᑎᓪᓗᒍ.
- ᖃᓄᐃᙱᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᑮᓇᐅᔭᖃᖅᑎᑦᑎᓂᖅ −ᐊᑭᓕᖅᓱᕆᐊᓕᖕᓄᑦ ᐃᑲᔫᑕᐅᔪᑦ ᐃᑭᑦᑐᖃᓕᖅᐸᑦ ᖃᓄᐃᙱᑦᑎᐊᕐᓂᕐᒧᓪᓗ ᒪᓕᒋᐊᓕᖏᓐᓂᒃ ᒪᓕᑦᑎᐊᖁᓪᓗᒋᑦ.
- ᒪᑭᒪᔾᔪᑎᒃᓴᓂᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖑᔪᑦ−ᑮᓇᐅᔭᐃᑦ ᐅᓄᖅᓯᒋᐊᖁᓪᓗᒋᑦ ᐱᔪᓐᓇᐅᑎᖃᖅᑐᑦ ᐸᐃᕆᕝᕖᑦ ᐃᓂᒃᓴᖏᑦ ᓄᓇᕗᒻᒥ ᐅᑭᐅᖃᙱᑦᑐᑦ−ᐅᑭᐅᓕᖕᓄᑦ ᐊᕐᕕᓂᓕᖕᓄᑦ ᑎᑭᓪᓗᒍ, ᐅᕝᕙᓘᓐᓃᑦ ᐸᐃᕆᕝᕖᑦ ᒪᑐᐃᒃᑲᓐᓂᕐᓂᐊᕐᓗᒋᑦ ᒪᑐᓯᒪᓚᐅᕐᓗᑎᒃ ᐅᑭᐅᑦ ᐱᖓᓱᑦ ᐅᖓᑖᓄᑦ.
- ᐊᐅᓚᔾᔪᑎᓄᑦ ᐋᖅᑭᐅᒪᑎᑦᑎᓂᕐᒧᓪᓗ ᑮᓇᐅᔭᖃᖅᑎᑦᑎᓂᖅ−ᐊᑭᓕᖅᓱᕆᐊᓕᖕᓄᑦ ᐃᑲᔫᑕᐅᔪᑦ ᐋᖅᑭᐅᒪᑎᑦᑎᓂᕐᒧᑦ ᐊᐅᓚᓂᕆᔭᖓᓄᓪᓗ ᐱᔪᓐᓇᐅᑎᖃᖅᑐᑦ ᐸᐃᕆᕝᕖᑦ.
- ᑮᓇᐅᔭᓕᐊᑦ ᐋᖅᑭᒃᓯᓂᖓᓄᑦ ᐱᓕᕆᐊᑦ−ᑮᓇᐅᔭᖃᖅᑎᑦᑎᓪᓗᑎᒃ ᐱᔪᓐᓇᐅᑎᓕᖕᓂᒃ ᐸᐃᕆᕝᕕᖕᓂᒃ ᓄᑕᖅᑲᓂᒃ ᐅᑭᐅᖃᙱᑦᑐᓂᒃ ᐅᑭᐅᓕᖕᓄᑦ ᐊᕐᕕᓂᓕᖕᓄᑦ ᑎᑭᖦᖢᒍ ᑲᒪᔨᐅᔪᓄᑦ ᐃᑲᔪᖅᑐᐃᓪᓗᑎᒃ ᐊᔾᔨᒌᒃᑎᑕᐅᓗᑎᒃ ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᖁᓪᓗᒋᑦ. ᑐᕌᒐᖃᖅᑐᑦ ᐃᖅᑲᓇᐃᔭᖅᑎᑦᑎᐊᕙᖕᓂᒃ ᐃᖅᑲᓇᐃᔭᖅᑎᖃᐃᓐᓇᕈᒪᓪᓗᑎᒃ ᑎᓕᐅᖅᐸᒡᓗᒋᓪᓗ ᐃᖅᑲᓇᐃᔭᖅᑐᑦ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᓇᓗᓇᐃᒃᑯᑕᖅᑖᖁᓗᒋᑦ.
- $10−ᐅᓪᓗᖅ ᐊᑕᐅᓯᑦ ᐸᐃᕆᕝᕕᖕᒥ−ᐱᔪᓐᓇᐅᑎᓕᑦ ᐸᐃᕆᕝᕖᑦ ᐊᑭᓕᖅᓱᕆᐊᓕᖕᓄᑦ ᐃᑲᔫᓯᐊᖅᑖᖅᑎᑦᑎᔪᓐᓇᖅᑐᑦ ᐃᓚᒋᔭᐅᔪᓂᑦ ᕿᑐᕐᙵᖃᖅᑐᓄᑦ ᐊᕐᕕᓂᓖᑦ ᑐᖔᓂ ᐅᑭᐅᓕᖕᓄᑦ, ᐸᐃᕆᕝᕕᖕᒥ ᑲᒪᒋᔭᐅᕙᒃᑐᑦ ᐊᑭᑐᓗᐊᙱᓐᓂᖅᓴᐅᓕᖁᓪᓗᒋᑦ ᐃᓚᒋᔭᐅᓪᓗᓂ ᑲᓇᑕᓕᒫᒥ ᑮᓇᐅᔭᖃᖅᑎᑕᐅᔪᓂᒃ.
ᐱᖁᔭᑦ, ᒪᓕᒋᐊᓖᑦ, ᐊᑐᐊᒐᐃᑦ, ᐊᒻᒪ ᐊᖏᕈᑎᑦ
- ᑲᓇᑕᒥ−ᓄᓇᕗᒻᒥ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐸᐃᕆᕝᕕᖕᓄᓪᓗ ᐊᖏᕈᑎ − 2021−ᒥᑦ 2025−ᒧᑦ − Canada.ca - ᖃᐅᔨᒪᔭᐅᔪᖅ ᐃᓚᒋᐊᕈᑎᒧᑦ ᐊᖏᕈᑎ, ᑖᓐᓇ ᐊᖏᕈᑎ ᑲᔪᓯᑎᑕᐅᔪᖅ ᑮᓇᐅᔭᖏᓐᓂᒃ ᓯᕗᓪᓕᖅᐹᖅ 2017−ᒥ ᓴᖅᑭᑎᑕᐅᓚᐅᖅᓯᒪᓪᓗᓂ. ᖃᓄᐃᓕᐅᕈᑎᒃᓴᑦ ᐸᕐᓇᐅᑦ 2023-2025−ᒧᑦ ᑲᑎᓯᒪᔪᑦ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒧᑦ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᓂᕐᒧᑦ ᐸᐃᕆᕝᕕᓕᕆᓂᕐᒧᓪᓗ ᐊᖏᕈᑎᒧᑦ. 2023-2026−ᒥ ᖃᓄᐃᓕᐅᕐᓂᕐᒧᑦ ᐸᕐᓇᐅᑦ ᐱᖃᓯᐅᔾᔨᔪᖅ ᓇᓗᓇᐃᔭᖅᓯᒪᔪᓂᒃ ᖃᓄᖅ ᑮᓇᐅᔭᐃᑦ ᒪᓕᒃᑎᑕᐅᖃᑦᑕᕐᒪᖔᑦ ᑲᑐᔾᔨᖃᑎᒌᒃᑐᓂᑦ ᐊᒻᒪᓗ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕆᐅᖅᓴᓂᕐᒧᑦ ᐸᐃᕆᕝᕕᓕᕆᓂᕐᒧᓪᓗ ᐱᓕᕆᔾᔪᑕᐅᓂᐊᖅᑐᒥᒃ ᓯᕗᓪᓕᐅᑎᑕᐅᖁᓪᓗᒋᑦ ᐊᑭᑦᑐᓗᐊᙱᓐᓂᖅ, ᐊᑐᐃᓐᓇᐅᑦᑎᐊᕐᓂᖅ, ᐃᓚᓕᐅᔾᔨᓂᖅ, ᐊᒻᒪᓗ ᐱᐅᓂᖓ.
- ᐊᐃᑦᑑᑎᑦ ᐃᑲᔫᑎᓪᓗ ᐊᑐᐊᒐᖓ−ᑎᑎᕋᖅᓯᒪᔪᓂᑦ ᓇᓗᓇᐃᔭᖅᓯᒪᔪᑦ ᐊᐃᑦᑑᑎᑦ ᐃᑲᔫᑎᓪᓗ ᐃᓕᓐᓂᐊᕐᓂᕐᒧᑦ ᑐᕌᖓᔪᑦ. ᖃᔅᓯᑲᓪᓚᐃᑦ ᑮᓇᐅᔭᖅᑖᕆᔭᐅᔪᓐᓇᖅᑐᑦ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐸᐃᕆᕕᓕᕆᓂᕐᒧᓪᓗ ᑎᑎᕋᖅᓯᒪᓂᖓ B−ᒥ ᓇᓂᔭᐅᔪᓐᓇᖅᐳᑦ.
- ᓄᓇᕗᒻᒥ ᐸᐃᕆᕝᕕᓕᕆᓂᕐᒧᑦ ᐱᖁᔭᖅ −ᒪᓕᒋᐊᓖᑦ ᐊᐅᓚᑦᑎᔪᑦ ᐱᔪᓐᓇᐅᑎᓕᖕᓂᑦ ᐊᐅᓚᑕᐅᔪᓂᓪᓗ ᐸᐃᕆᕝᕕᖕᓂᑦ ᓄᓇᕗᒻᒥ.
- ᓄᓇᕗᒻᒥ ᐸᐃᕆᕝᕕᖕᓄᑦ ᐱᖁᔭᖅ ᒪᓕᒋᐊᓕᑦ− ᓇᓗᓇᐃᖅᓯᒪᔪᑦ ᒪᓕᒐᐃᑦ ᐊᑐᕆᐊᓕᓪᓗ ᐸᐃᕆᕝᕖᑦ ᓄᓇᕗᒻᒥ ᒪᓕᒋᐊᓕᖏᑦ ᐱᖁᔭᖅ ᒪᓕᒃᖢᒍ.
- ᑐᑭᓯᐅᒪᓂᖅ ᓄᓇᕗᒻᒥ ᓄᑕᖅᑲᓄᑦ ᐸᐃᕆᕕᖕᓄᑦ ᒪᓕᒋᐊᓕᖕᓂᑦ: ᒪᒃᐱᖅᑐᒐᖅ ᐃᓕᓐᓂᐊᕆᐅᖅᓴᓕᓵᖅᑐᑦ ᐱᓕᕆᐊᖏᓐᓄᑦ−ᑐᑭᓯᓇᖅᖢᓂ ᐅᖃᐅᓯᖅ ᐊᔪᕆᖅᓲᔾᔨᓯᒪᔪᖅ ᒪᓕᒋᐊᓕᖏᑦ ᐊᕕᒃᑐᖅᓯᒪᓪᓗᑎᒃ ᓇᓗᓇᐃᑦᑎᐊᒃᑲᓐᓂᖅᖢᒋᑦ ᐊᒃᑐᐃᔾᔪᑕᐅᓲᑦ ᑕᒪᐃᓐᓄᑦ ᒫᓐᓇ ᓯᕗᓂᒃᓴᒥᓪᓗ ᐱᔪᓐᓇᐅᑎᓕᖕᓄᑦ ᐸᐃᕆᕝᕖᑦ ᐊᐅᓚᓂᖏᓐᓄᑦ.
ᓯᓚᑖᓃᑦᑐᑦ ᐊᑦᑕᑕᕐᕖᑦ
- ᓄᓇᕗᑦ
- ᐃᓕᓐᓂᐊᕐᓂᖅ−ᓄᓇᕗᒻᒥ ᓯᓚᑦᑐᖅᓴᕐᕕᒃ−ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓐᓂᐊᕐᓂᕐᒧᑦ ᓇᓗᓇᐃᒃᑯᑕᖅ ᐊᒻᒪᓗ ᐱᔭᕇᕈᓯᐊᖅ
- ᐃᓄᙳᐃᓂᖅ ᐊᖓᔪᖅᑳᖑᓂᖅ/ᓄᑕᖅᑭᐅᕐᓂᕐᒧᑦ ᐱᓕᕆᐊᑦ− ᓇᓗᓇᐃᖅᓯᔾᔪᑕᐅᔪᓂᑦ−ᑐᙵᕕᓖᑦ ᐊᖓᔪᖅᑳᖑᓂᖅ/ᓄᑕᖅᑭᐅᕐᓂᕐᒧᑦ ᐱᓕᕆᐊᑦ ᐃᓄᐃᑦ ᓄᑕᖅᑭᐅᕈᓯᖏᓐᓂᒃ ᒪᓕᒃᖢᑎᒃ, ᐋᖅᑭᒃᓱᖅᑕᐅᔪᑦ ᓴᖅᑭᑎᑕᐅᓪᓗᑎᒡᓗ ᖃᐅᔨᒋᐊᖅᑏᑦ ᐋᓐᓂᐊᖅᑐᓕᕆᔨᑦ ᖃᐅᔨᓴᕐᕕᖓᓂ
- ᐃᓄᙳᐃᓂᖅ ᓄᑕᖅᑭᐅᕐᓂᕐᒧᑦ ᐅᖃᐅᔾᔪᐃᔨᑦ ᐃᓐᓇᕐᒥᙶᖅᑐᑦ ᐃᓄᖕᓂᑦ−ᓄᑕᖅᑭᐅᕐᓂᕐᒧᑦ ᐅᖃᐅᔾᔪᐃᓂᖅ ᐃᓐᓇᕐᓂᙶᖅᑐᑦ ᐃᓄᖕᓂᑦ ᓄᓇᕗᑦ ᒐᕙᒪᖓᓂ ᓴᖅᑭᑎᑕᐅᔪᖅ ᐊᒻᒪ ᖃᐅᔨᒋᐊᖅᑏᑦ ᐋᓐᓂᐊᖅᑐᓕᕆᔨᑦ ᖃᐅᔨᓴᕐᕕᖓᓂ.
- ᐱᕈᕐᕕᒃᑯᓐᓂ ᖃᐅᔨᒪᔾᔪᑎ − ᐃᓄᐃᑦ ᖃᐅᔨᒪᔭᑐᖃᖏᑕ ᑐᙵᕕᖏᑦ ᓇᓗᓇᐃᖅᓯᒪᔪᑦ ᑲᑎᙵᓪᓗᑎᒃ ᐃᓕᓐᓂᐊᕆᐅᖅᓴᓂᕐᒧᑦ ᐃᓕᓐᓂᐊᕐᓂᕐᒥᒃ.
- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐸᐃᕆᕝᕕᖕᓄᑦ ᐃᑲᔫᑎᒃᓴᑦ − ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᑐᐃᓐᓇᐅᑎᑦᑎᔪᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐊᑐᒐᒃᓴᓂᒃ ᓲᕐᓗ ᐃᓄᙳᐊᓂᒃ, ᐋᖅᑭᒃᓱᒐᕐᓂᒃ, ᐅᖃᓕᒫᒐᕐᓂᒃ, ᐊᒻᒪᓗ ᐅᖃᓕᒫᕆᐅᖅᓴᓚᐅᙱᑎᓪᓗᒍ ᐱᓕᕆᐊᒃᓴᓂᒃ ᐃᓄᐃᑦ ᐃᓅᓯᖏᓐᓂᒃ ᐃᓕᖅᑯᓯᖓᓂᒡᓗ ᑕᑯᒃᓴᐅᑎᑦᑎᔪᓂᒃ.
- ᑲᓇᑕ
- ᐃᓕᓐᓂᐊᕆᐅᖅᓴᓂᕐᒧᑦ ᐸᐃᕆᕝᕕᓕᕆᓂᕐᒧᓪᓗ ᑐᑭᓯᒋᐊᕐᕕᒃ (statcan.gc.ca) -ᐊᔾᔨᒌᙱᕈᓘᔭᖅᑐᑦ ᐊᑐᒐᒃᓴᐃᑦ ᐃᓕᓐᓂᐊᕆᐅᖅᓴᕕᖕᒥ ᐸᐃᕆᕝᕕᖕᒥᓪᓗ ᑲᔪᓯᑎᑕᐅᓂᐊᖅᑐᓄᑦ ᑲᓇᑕᒥ.
- ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕆᐅᖅᓴᓕᕆᓂᖅ ᐸᐃᕆᕝᕕᓕᕆᓂᕐᒧᓪᓗ ᐱᓕᕆᔾᔪᑕᐅᔪᖅ−ᑐᙵᕕᖏᑦ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐸᐃᕆᕝᕕᖕᓄᓪᓗ ᓄᓇᖃᖅᑳᖅᓯᒪᔪᑦ ᓄᑕᕋᓕᒫᑦᑎᐊᑦ ᐱᕕᖃᖅᑎᑕᐅᓗᑎᒃ ᐱᐅᔪᓂᒃ, ᐃᓕᖅᑯᓯᕐᒥᓄᑦ ᐊᒃᑐᐊᓂᓕᖕᓂᒃ ᐃᓕᓐᓂᕆᐅᖅᓴᔾᔪᑎᓂᒃ ᐸᐃᕆᕝᕕᖕᒥᓪᓗ ᐱᓕᕆᐊᖑᕙᒃᑐᓂᑦ.
- ᐃᓄᖕᓄᑦ ᑐᓐᓂᖅᑯᑕᐅᔪᑦ ᐃᖅᑲᓇᐃᔭᕐᓂᕐᒧᑦ ᐃᓄᖕᓂᓪᓗ ᐱᕙᓪᓕᐊᑎᑦᑎᔨᓄᑦ ᑲᓇᑕᒥ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕆᐅᖅᓴᓂᖅ ᐸᐃᕆᕝᕕᓕᕆᓂᕐᓗ ᐱᔾᔪᑎᒋᓪᓗᒋᑦ ᐱᓕᕆᔾᔪᑕᐅᓂᐊᖅᑐᖅ−IELCC ᐱᓕᕆᔾᔪᑎᒃᓴᖅ ᑐᕌᖓᓪᓗᓂ ᑕᐅᑐᙳᐊᒃᑲᓐᓂᕐᓗᑎᒃ ᐃᓄᖕᓂᒃ ᐃᓕᓐᓂᐊᕆᐅᖅᓴᔪᓕᕆᔾᔪᑎᓂᒃ ᐸᐃᕆᕝᕕᓕᕆᔾᔪᑎᓂᒡᓗ ᑕᐅᑐᖅᑰᖅᑕᐅᔪᓂᒃ ᓯᕗᓪᓕᐅᔾᔭᐅᔪᒪᔪᓂᒡᓗ ᐃᓚᐅᑎᑦᑎᔪᓐᓇᖅᑐᓂᒃ ᓄᑕᖅᑲᓄᑦ, ᖃᑕᙳᑎᖏᓐᓄᑦ ᐊᒻᒪᓗ ᓄᓇᓕᖕᓂ ᐃᓄᖕᓄᑦ.
- ᐃᓄᙳᐃᓂᖅ: ᓄᑕᖅᑲᓂᒃ ᑲᒪᒋᔭᖃᕐᓗᓂ ᐃᓄᐃᑦ ᐱᖅᑯᓯᖓᒍᑦ−ᓱᓕᔪᑦ ᑎᑎᕋᖅᓯᒪᔪᑦ ᑎᑎᕋᙳᖅᑎᑕᐅᔪᖅ ᑲᓇᑕᒥ ᐃᖅᑲᓇᐃᔭᖃᑎᒌᓂᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᓇᓗᓇᐃᖅᓯᓪᓗᑎᒃ ᐃᓕᖅᑯᓯᑦᑎᓐᓂ ᐃᓕᓴᐃᓂᕐᒥᒃ, ᐱᒻᒪᕆᐅᓂᖓᓂᒃ, ᐊᒻᒪᓗ ᓴᖅᑭᑎᑕᐅᒃᑲᓐᓂᕆᐊᖃᕐᓂᖓᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ.
- ᑐᑭᓯᐅᒪᓗᓂ ᐱᓕᒻᒪᒃᓴᖅᑕᐅᔭᕆᐊᓕᖕᓂᒃ ᐃᓕᓐᓂᐊᕆᐅᖅᓴᓕᓵᖅᑐᑦ ᐃᓕᓴᐃᔨᖏᓐᓄᑦ ᓇᓂᑐᐃᓐᓇᖅ ᐃᓄᐃᑦ ᓄᓇᖓᓐᓂ−ᑖᓐᓇ ᑎᑎᕋᖅᓯᒪᔪᖅ ᓇᓗᓇᐃᖅᓯᒪᕗᖅ ᑐᑭᓯᒋᐊᕈᑎᒃᓴᓂᒃ ᐱᓕᒻᒪᒃᓴᖅᑕᐅᔭᕆᐊᓕᖕᓂᒃ ᐊᒥᒐᖅᓯᔪᓂᒃ ᐃᓕᓐᓂᐊᕆᐅᖅᓴᓂᕐᒧᑦ ᐃᓕᓐᓂᐊᕈᑎᒃᓴᓂᒃ ᐃᓄᐃᑦ ᓄᓇᖓᓂ ᓴᖅᑭᑎᑕᐅᓚᐅᖅᖢᓂᓗ ᐃᓄᐃᑦ ᑕᐱᕇᑦ ᑲᓇᑕᒥ.
- ᐊᓯᖏᑦ
- ᐋᑦᑭᓐᓴᓐ ᑐᑦᑕᕐᕕᖓᓂ ᑲᑐᔾᔨᖃᑎᒌᓄᑦ ᐊᒻᒪᓗ ᓄᑕᖅᑲᓂᒃ ᐱᕙᓪᓕᐊᑎᑦᑎᓂᕐᒧᑦ−ᖃᐅᔨᓴᕐᕕᒃ ᐃᓅᖃᑎᒌᓄᑦ ᐊᒃᑐᐃᔾᔪᑕᐅᓲᓂᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ.
- ᐸᐃᕆᕝᕕᖕᓂ ᑭᒡᒐᖅᑐᐃᔨᑦ ᑲᑐᔾᔨᖃᑎᒌᑦ ᑲᓇᑕᒥ−ᐱᔾᔪᑎᖃᓗᐊᖅᑐᑦ ᐊᑐᐊᒐᕐᒥᒃ ᑭᒡᒐᖅᑐᐃᓂᕐᒥᒃ ᑲᓇᑕᒥ ᐸᐃᕆᕝᕕᖏᓐᓄᑦ.
- ᐸᐃᕆᕝᕕᖕᓂ ᐃᑲᔫᑎᒃᓴᐃᑦ ᖃᐅᔨᓴᕐᕕᒡᓗ−ᓴᖅᑭᑎᑦᑎᓲᑦ ᖃᐅᔨᓴᕈᑎᓂᒃ ᐊᒻᒪᓗ ᐊᑐᒐᒃᓴᖏᓐᓂᒃ ᑲᓇᑕᒥ ᐸᐃᕆᕝᕕᖕᓄᑦ.
- ᐅᖃᓕᒫᒐᕐᔪᐊᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ−ᓈᒻᒪᓪᓗᓂ ᐊᑐᒐᒃᓴᖅ ᐃᓕᓐᓂᐊᕆᐅᖅᓴᓕᓵᖅᑐᓂᒃ ᖃᐅᔨᓴᕐᓂᕐᒧᑦ ᐊᒻᒪ ᐱᓕᕆᔾᔪᑎᑦᑎᐊᕙᐅᓛᓂᒃ.
- ᑲᓇᑕᒥ ᑲᑐᔾᔨᖃᑎᒌᑦ ᓄᑕᖅᑲᑦ ᐅᑭᐅᑭᒃᑯᑦ ᐃᓕᓐᓂᐊᖅᑎᓪᓗᒋᑦ (ᐊᒥᐊᓕᑲᒥ ᑲᑐᔾᔨᖃᑎᒌᑦ) − ᐊᒥᐊᓕᑲᒥ−ᑐᙵᕕᓕᒃ ᑲᑐᔾᔨᖃᑎᒌᑦ ᐱᔾᔪᑎᖃᓗᐊᖅᑐᖅ ᐃᓕᓐᓂᐊᕆᐅᖅᓴᕝᕕᖕᒥ ᐃᓕᓐᓂᐊᖅᑎᑕᐅᕙᒃᑐᑦ ᐱᐅᓯᕚᓪᓕᖁᓪᓗᒋᑦ.
- ᓄᓇᕕᖕᒥ ᐸᐃᕆᕝᕕᒃ−ᑐᙵᓱᒋᑦᑎ−ᐃᑲᔪᖅᑐᐃᔪᑦ ᖁᓕᓪᓗ ᑎᓴᒪᓂᒃ ᐸᐃᕆᕝᕕᖕᓂᑦ ᓄᓇᕕᖕᒥ ᓄᓇᓕᖏᓐᓂᒃ ᐸᐃᕆᕝᕕᖕᒥ ᐱᔨᑦᑎᕋᖅᐸᒃᑐᓂᒃ.
- ᑲᓇᑕᒥ ᐸᐃᕆᕝᕕᑦ ᑲᑐᔾᔨᖃᑎᒌᑦ−ᑭᒡᒐᖅᑐᐃᔪᑦ ᐸᐃᕆᕝᕕᑎᐊᕙᖕᓂᑦ ᓇᓂᑐᐃᓐᓇᖅ ᑲᓇᑕᒥ.
ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐸᐃᕆᕖᓪᓗ ᐱᓕᒻᒪᒃᓴᕐᓂᕐᒧᑦ ᐱᓕᕆᐊᒃᓴᑦ
- ᐊᓪᒑᓐᑯᐃᓐ ᓯᓚᑦᑐᖅᓴᕐᕕᒃ − ᐃᓕᓐᓂᐊᕆᐅᖅᓴᓂᕐᒧᑦ ᐱᔭᕇᕈᓯᐊᖅᑖᕐᓂᕐᒧᑦ ᐱᓕᕆᐊᒃᓴᖅ
- ᐳ ᕚᓕ ᓯᓚᑦᑐᖅᓴᕐᕕᒃ −ᐃᓕᓐᓂᐊᕆᐅᓕᓵᖅᑐᓄᑦ ᓇᓗᓇᐃᒃᑯᑕᖅᑖᖕᓂᖕᒧᑦ ᐱᓕᕆᐊᒃᓴᖅ
- ᕙᓐᓵ ᓯᓚᑦᑐᖅᓴᕐᕕᒃ − ᐃᓕᓐᓂᐊᕆᐅᖅᓴᓂᕐᒧᑦ ᐱᔭᕇᕈᓯᐊᖅᑖᕐᓂᕐᒧᑦ ᐱᓕᕆᐊᒃᓴᖅ
- ᓚ ᓴᐃᑦ − ᐃᓕᓐᓂᐊᕆᐅᖅᓴᓂᕐᒧᑦ ᐱᔭᕇᕈᓯᐊᖅᑖᕐᓂᕐᒧᑦ ᐱᓕᕆᐊᒃᓴᖅ (ᐅᐃᕖᑎᑐᑦ)
- ᓚᐃᒡᓚᓐ ᓯᓚᑦᑐᖅᓴᕐᕕᒃ − ᐃᓕᓐᓂᐊᕆᐅᓕᓵᖅᑐᓄᑦ ᓇᓗᓇᐃᒃᑯᑕᖅᑖᕐᓂᖕᒧᑦ ᐱᓕᕆᐊᒃᓴᖅ
- ᓚᑦᐳᕆᔾ ᓯᓚᑦᑐᖅᓴᕐᕕᒃ − ᐃᓕᓐᓂᐊᕆᐅᓕᓵᖅᑐᓄᑦ ᓇᓗᓇᐃᒃᑯᑕᖅᑖᕐᓂᖕᒧᑦ ᐱᓕᕆᐊᒃᓴᖅ
- Northwestern Polytechnic − ᐃᓕᓐᓂᐊᕆᐅᓕᓵᖅᑐᓄᑦ ᓇᓗᓇᐃᒃᑯᑕᖅᑖᕐᓂᖕᒧᑦ ᐊᒻᒪ ᐱᔭᕇᕈᓯᐊᕐᒧᑦ ᐱᓕᕆᐊᒃᓴᑦ
- ᓄᓇᕗᒻᒥ ᓯᓚᑦᑐᖅᓴᕐᕕᒃ −ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓐᓂᐊᕐᓂᕐᒧᑦ ᓇᓗᓇᐃᒃᑯᑕᖅ ᐊᒻᒪᓗ ᐱᔭᕇᕈᓯᐊᕐᒧᑦ ᐱᓕᕆᐊᒃᓴᖅ
- ᐳᐊᑎᔾ ᓯᓚᑦᑐᖅᓴᕐᕕᒃ − ᐃᓕᓐᓂᐊᕆᐅᓕᓵᖅᑐᓄᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᒃᓴᖅ ᐅᕝᕙᓘᓐᓃᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᔭᕇᕈᓯᐊᕐᒧᑦ ᐱᓕᕆᐊᖅ
- Red Deer Polytechnic − ᐃᓕᓐᓂᐊᕆᐅᓕᓵᖅᑐᓄᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᒃᓴᖅ ᐅᕝᕙᓘᓐᓃᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᔭᕇᕈᓯᐊᕐᒧᑦ ᐱᓕᕆᐊᒃᓴᖅ
- Saskatchewan Polytechnic − ᐃᓕᓐᓂᐊᕆᐅᓕᓵᖅᑐᓄᑦ ᓇᓗᓇᐃᒃᑯᑕᖅᑖᕐᓂᖕᒧᑦ ᐱᓕᕆᐊᒃᓴᒥᒃ ᐱᓕᕆᐊᖑᖃᑦᑕᖅᑐᖅ ᐊᒻᒪᓗ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᔭᕇᕈᓯᐊᖅ.
- ᓯᐅᑯᒃ ᓯᓚᑦᑐᖅᓴᕐᕕᒃ − ᐃᓕᓐᓂᐊᕆᐅᓕᓵᖅᑐᓄᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᖁᑦᑎᖕᓂᖅᓴᒥᓪᓗ ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᒃᓴᖅ
- ᓴᐃᓐ ᓘᕋᓐᔅ ᓯᓚᑦᑐᖅᓴᕐᕕᒃ − ᐃᓕᓐᓂᐊᕆᐅᖅᓴᓂᕐᒧᑦ ᐱᔭᕇᕈᓯᐊᖅᑖᕐᓂᕐᒧᑦ ᐱᓕᕆᐊᒃᓴᖅ
- ᓴᐃᓐ−ᐋᓐ ᓯᓚᑦᑐᖅᓴᕐᕕᒡᔪᐊᖅ ᐃᓕᓐᓂᐊᕆᐅᖅᓴᕕᓕᕆᓂᖕᒧᑦ ᐱᔭᕇᕈᓯᐊᖅᑖᕐᓂᕐᒧᑦ ᐱᓕᕆᐊᒃᓴᖅ (ᐅᐃᕖᑎᑐᑦ)