ᐊᑭᓕᖅᓱᐃᓂᖅ ᓇᖕᒥᓂᖃᕐᓂᕐᒧᑦ ᑖᒃᓰᔭᕈᑎᓂᒃ ᑮᓇᐅᔾᔭᒃᓵᖑᔪᓂᑦ
ᓄᓇᕗᑦ ᒐᕙᒪᒃᑯᖏᓐᓄᑦ (GN) ᐃᖅᑲᓇᐃᔭᖅᑎᐅᕕ? ᓇᒻᒥᓂᖁᑎᖃᖅᐱᑦ ᐃᓪᓗᒥ ᐊᓯᐊᓂᓪᓘᓐᓃᑦ ᓇᖕᒥᓂᖁᑎᖃᖅᐲ, ᐃᖃᓗᐃᑦ ᓯᓚᑖᓂ ᓄᓇᕗᒻᒥ?
ᐊᐱᖅᑯᑎᓄᑦ ᐊᖏᕈᕕᑦ, ᓇᖕᒥᓂᖃᕐᓂᕐᒧᑦ ᑖᒃᓰᔭᕈᓐᓇᖅᓯᔪᑎᑦ ᑮᓇᐅᔭᑦᓵᑎᑦ ᐲᔭᐃᕝᕕᐅᖃᑦᑕᕐᓗᑎᑦ.
ᓄᓇᕗᑦ ᒐᕙᒪᒃᑯᑦ ᐱᕕᖃᖅᑎᑦᑎᖕᒪᑕ ᐃᖅᑲᓇᐃᔭᖅᑎᖁᑎᖏᓐᓂᒃ ᐊᑲᐅᔪᒥᒃ ᐊᑐᕐᓗᑎᑦ ᐊᑭᓕᖅᓱᐃᓂᕐᒥᑦ ᑖᒃᓰᔭᕈᑎᓂᑦ ᓇᖕᒥᓂᕆᔭᐅᔪᓄᑦ ᓄᓇᓕᓐᓄᑦ ᐃᖃᓗᐃᑦ ᓯᓚᑖᓂ ᓄᓇᕗᒻᒥ.
ᐊᖏᕈᑎᒋᔭᕐᓄᑦ, ᑮᓇᐅᔭᓕᕆᔨᒃᑯᑦ ᐱᓕᕆᕝᕕᖓᑦ ᐲᔭᐃᑦᑕᐅᑎᒋᔪᓐᓇᖅᑐᑦ ᑮᓇᐅᔭᓕᐊᕆᔭᕐᓂᑦ ᑖᒃᓰᔭᕈᑎᓄᑦ ᐊᑭᓖᓂᐊᕋᕕᑦ. ᐊᑭᓖᔪᓐᓇᖅᑐᑎᑦ ᐊᑭᓕᕆᐊᓕᖕᓂᒃ ᐊᑕᐅᓯᐊᕐᓗᒍ, ᐅᕝᕙᓘᓐᓃᑦ ᓂᕈᐊᕈᓐᓇᖅᑐᑎᑦ ᐊᕕᑦᑐᕐᓗᒋᑦ ᐊᑭᓕᐅᑎᒃᓴᑎᑦ ᐱᓇᓱᐊᕈᓰᒃ ᒪᕐᕉᒃ ᐊᓂᒍᔭᕌᖓᑦ.
ᐊᑐᕈᓐᓇᕐᒥᔪᑎᑦ ᑮᓇᐅᔭᓕᐊᕐᓂᑦ ᐲᔭᐃᕝᕕᐅᓗᑎᑦ ᖃᓄᐃᑦᑐᑐᐃᓐᓇᕐᓂᑦ ᓇᖕᒥᓂᖃᕐᓂᕐᒧᑦ ᑖᒃᓰᔭᕈᑎᓂᒃ ᐊᑭᓕᒃᓴᖃᕈᕕᑦ ᐊᕐᕌᒍᐃᑦ ᕐᑳᖏᖅᓯᒪᔪᓂᑦ. ᑭᖑᕙᖓᔪᑦ ᑖᒃᓰᔭᕈᑏᑦ ᐊᑭᓖᑎᑦᑎᒃᑲᓐᓂᑐᐃᓐᓇᕆᐊᓖᑦ ᐊᒻᒪ ᕿᑐᕐᖏᐅᕈᑎᓂ ᐃᓚᒃᑲᓐᓂᕐᓗᑎᑦ. ᑮᓇᐅᔭᕐᒥᒃ ᐲᔭᐃᕝᕕᐅᖃᑦᑕᕐᓗᓂ ᐱᔭᕆᐊᑭᑦᑑᕗᖅ ᐊᖑᒻᒪᑎᑦᑎᐊᕐᓂᕐᒧᑦ.
ᐊᑎᓕᐅᓗᓂ, ᑎᑎᕋᕐᓗᒍ ᑮᓇᐅᔭᓕᐊᒥᑦ ᐲᔭᐃᕝᕕᖃᑦᑕᕐᓂᕐᒧᑦ ᐊᖏᓐᓂᕋᕈᑎ ᑕᑕᑎᕆᐊᓕᒃ. ᑕᑕᑎᕆᐊᓕᒃ ᑎᑎᕋᕇᕈᕕᐅᒃ ᓇᒃᓯᐅᑎᓗᒍ ᐃᕐᖐᓐᓈᖅᑕᐅᑎᒃᑯᑦ ᐅᕗᖓ @email ᓱᒃᑲᔪᒃᑯᓪᓘᓐᓃᑦ ᐅᕗᖓ 867-975-5845.
ᑎᑭᕝᕕᐅᒑᔭᖑᐊᖅᑐᑎᑦ 2023-ᒧᑦ ᑖᒃᓰᔭᕈᑎᓄᑦ ᐊᑭᓕᒐᒃᓴᙳᖅᑎᑕᐅᕙᒃᑐᓄᑦ ᑎᑎᖃᕐᓂᐊᕐᕕᒃᑯᑦ. ᑖᓐᓇ ᑖᒃᓰᔭᕈᑎᓄᑦ ᐊᑭᓕᒐᒃᓴᙳᖅᑎᑕᐅᕙᒃᑐᓄᑦ ᓇᓗᓇᐃᕆᖕᒪᑦ ᖃᔅᓯᓂᒃ ᐊᑭᓕᒃᓴᖃᕐᒪᖔᖅᐱᑦ ᓇᖕᒥᓂᖃᕐᓂᕐᒧᑦ ᑖᒃᓰᔭᕈᑎᓂᑦ. ᑕᒪᑐᒪᓂ ᐊᕐᕌᒍᒥᑦ, ᑖᒃᓰᔭᕈᑏᑦ ᐊᑭᓕᖅᑕᐅᓯᒪᔭᕆᐊᓖᑦ ᓄᕕᐱᕆ 29, 2023-ᒥ.
ᐊᖏᕈᑏᑦ ᐱᓯᒪᒋᐊᖃᖅᑕᕗᑦ ᐃᓱᓕᕝᕕᒃᓴᖃᖅᑐᓂ ᓄᕕᐱᕆ 15, 2023-ᒥ ᐊᑭᓕᐅᑎᒋᓂᐊᖅᑕᑎᑦ ᑲᒪᒋᔭᐅᓂᐊᕐᒪᑕ ᑭᖑᕙᖓᖏᓪᓗᑎᑦ ᑕᒪᑐᒪᓂ ᐊᕐᕌᒍᒥ ᐃᓱᓕᕝᕕᒃᓴᐅᑎᖓᓄᑦ.
ᐱᒻᒪᕆᐅᔪᑦ ᖃᐅᔨᒪᔭᐅᔭᕆᐊᓖᑦ:
- ᑖᒃᓰᔭᕈᑏᑦ ᐊᑭᓕᖅᑕᐅᓯᒪᔭᕆᐊᓖᑦ ᓄᕕᐱᕆ 29, 2023-ᒥ. ᐃᕝᕕᑦ ᓇᖕᒥᓂᖅ ᑲᒪᒋᔭᕆᐊᖃᖅᑕᑎᑦ ᐊᑭᓕᕐᓗᒋᑦ ᑖᒃᓰᔭᕈᑏᑦ ᑭᖑᕙᙱᓪᓗᑎᑦ, ᐱᔾᔪᑎᒃᓴᖃᙱᑦᑐᖅ ᓇᐅᒃᑰᖔᖅ ᐊᑭᓖᓂᐊᕋᓗᐊᕈᕕᑦ. ᐊᑭᓕᐅᑎᑎᑦ ᓈᒻᒪᖏᑉᐸᑕ ᑕᒪᐃᓐᓂ ᐊᑭᓖᓂᕐᒧᑦ ᑖᒃᓰᔭᕈᑎᓂᑦ ᐊᑭᓕᒃᓴᕆᔭᕐᓄᑦ ᐃᓱᓕᕝᕕᒃᓴᐅᑎᐊᓄᑦ ᑎᑭᐅᑎᓚᐅᙱᓐᓂᕐᓂ, ᐊᑭᓕᒃᓴᕕᑦ ᐊᒥᓱᕈᕆᐊᕈᑎᖏᑦ (ᕿᑐᕐᖏᐅᕈᑎᓂᑦ) ᐃᓚᒃᑲᓐᓂᑐᐃᓐᓇᕆᐊᓖᑦ ᐊᑎᖃᖃᑕᐅᑐᐃᓐᓇᕆᐊᖃᖅᑐᑎᓗ ᑎᑎᖅᑲᖁᑎᒥᑦ ᑖᒃᓰᔭᐃᓂᕐᒧᑦ ᐊᑭᓕᒃᓴᖃᖅᑐᓄᑦ.
- ᐊᑎᓕᐅᖃᑕᐅᓂᖅ ᑖᔅᓱᒧᖓ ᐱᔨᑦᑎᕋᕈᑎᒧᑦ ᐃᓱᒪᖅᓲᑕᐅᔪᖅ. ᐊᑭᓖᙶᖃᑦᑕᕈᓐᓇᖅᑐᑎᑦ ᑖᒃᓰᔭᕈᑎᓂᑦ ᐃᒡᕕᑦ ᐊᑲᐅᒋᔭᖓᒍᑦ.
- ᑖᓐᓇ ᐱᔨᑦᑎᕋᕈᑎ ᐊᑐᐃᓐᓇᐅᑎᑕᐅᔪᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓄᑦ.
- ᑖᓐᓇ ᐱᔨᑦᑎᕋᕈᑎ ᐊᑐᐃᓐᓇᐅᑎᑕᐅᙱᑦᑐᖅ ᓇᖕᒥᓂᕆᔭᐅᔪᓄᑦ ᐃᖃᓗᓐᓂ ᐱᔾᔪᑎᒋᓪᓗᒍ ᓄᓇᓕᐸᐅᔭᒃᑯᑦ ᑲᒪᓲᖑᒻᒪᑕ ᓇᖕᒥᓂᖅ ᑖᒃᓰᔭᕈᑎᖏᓐᓂᒃ. ᑖᒃᓰᔭᕈᑏᑦ ᐊᑭᓕᒋᐊᖃᖅᑕᑎᑦ ᑕᐃᑯᖓ ᑐᕌᖅᑎᓪᓗᒋᑦ ᓄᓇᓕᐸᐅᔭᒃᑯᓐᓄ.
- ᑎᑭᕝᕕᐅᙱᒃᑯᕕᑦ ᑖᒃᓰᔭᕈᑎᒃᓴᒥᑦ ᐅᑐᐱᕆᐅᑉ ᓄᙳᖏᓐᓂ, ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕐᕕᐅᔪᓐᓇᖅᑐᒍᑦ ᐅᕗᖓ [email protected]a, ᐊᑭᖃᙱᑦᑐᒃᑯᓪᓘᓐᓃᑦ ᐅᕐᑳᓚᕕᐅᓗᑕ ᐅᓇ 1-800-316-3324, 867-975-5889.
ᖁᔭᓐᓇᒦᒃ.