ᐃᒥᐊᓗᖕᒧᑦ ᑖᒃᓰᔭᕐᓂᖅ

ᓄᓇᕗᑦ ᒐᕙᒪᖓ ᐱᓕᕆᐊᖃᖅᐸᓪᓕᐊᕗᑦ ᓄᑖᙳᕆᐊᖅᑎᑦᑎᔪᒪᓪᓗᑎᒃ ᐊᕕᒃᓯᒪᓂᑦᑕ ᐱᖁᔭᖓᓂᒃ ᐊᐅᓚᑦᑎᕙᒃᑐᒥᒃ ᐱᓯᒪᕙᖕᓂᕐᒥᒃ, ᓂᐅᕐᕈᑎᖃᖅᐸᖕᓂᕐᒥᒃ, ᐃᒥᖅᐸᖕᓂᕐᒥᒡᓗ ᐃᒥᐊᓗᖕᒥᒃ. 

ᑕᒪᓐᓇ ᐃᓚᖃᖅᐳᖅ ᖃᖓᑦᑎᐊᓵᖅ ᖃᐅᔨᑎᑦᑎᔾᔪᑕᐅᓚᐅᕐᓂᖓᓂᒃ ᐱᖁᔭᒃᓴᖅ 56, ᑖᓐᓇ ᐊᑐᖅᑕᐅᔪᒪᓪᓗᓂ ᐃᒥᐊᓗᖕᒧᑦ ᑖᒃᓰᔭᖅᑎᑦᑎᕙᖕᓂᕐᒧᑦ ᐱᖁᔭᕐᒥᒃ.  ᑖᓐᓇ ᐱᖁᔭᒃᓴᖅ ᒪᓂᒪᕗᖅ ᑕᑯᔭᐅᔪᓐᓇᖅᖢᓂ ᐃᔭᐅᕙᓪᓕᐊᔪᓐᓇᖅᖢᓂᓗ ᐅᕙᓂ, www.assembly.nu.ca/bills-and-legislation.

ᐱᖁᔭᒃᓴᖅ 56 ᐃᒪᐃᖁᔨᕗᖅ, ᐋᖅᑭᒃᓯᒪᓕᖅᑎᑦᑎᓗᓂ, ᑕᒪᓐᓇᓗ ᓯᕗᓪᓕᖅᐹᑦᑎᐊᖑᓪᓗᓂ, ᑕᒃᓯᒥᒃ ᐃᒥᐊᓗᖕᓄᖅ ᓂᐅᕐᕈᑕᐅᕙᒃᑐᓄᑦ ᐃᒥᖅᑕᐅᕙᒃᑐᓄᓪᓗ ᓄᓇᕗᒻᒥ. ᓄᓇᕗᑦ ᐃᓚᒋᔭᐅᕗᖅ ᐃᓂᑐᐊᖑᖃᑕᐅᓪᓗᓂ ᑲᓇᑕᒥ ᒫᓐᓇᒃᑯᑦ ᐊᑐᖅᑎᑦᑎᕙᙱᖦᖢᓂ ᑖᒃᓰᔭᖅᑎᑦᑎᕙᖕᓂᕐᒥᒃ ᐃᒥᐊᓗᖕᒧᑦ, ᐲᔭᐃᑎᑦᑎᓯᑲᐅᑎᒋᕙᒃᖢᓂᓘᓐᓃᑦ (ᑕᐃᒪᐃᖁᔨᓯᒪᓂᖓᓄᑦ ᐱᖁᔭᒃᓴᖅ 56) ᐅᕝᕙᓘᓐᓃᑦ ᐊᖏᓂᖅᓴᒃᑯᑦ ᓂᐅᕐᕈᑎᖃᕐᓂᕐᒧᑦ ᑖᒃᓰᔭᖅᑎᑦᑎᕙᖕᓂᕐᒥᒃ (ᓲᕐᓗ HST−ᑎᑐᑦ ᐅᕝᕙᓘᓐᓃᑦ PST−ᑎᑐᑦ). 

ᑖᓐᓇ ᐊᑐᖅᑕᐅᔪᒪᔪᖅ ᑖᒃᓰᔭᖅᑎᑦᑎᓂᖅ ᐊᑐᖅᑎᑕᐅᓇᔭᖅᐳᖅ ᐊᑐᖅᑎᐅᕙᒃᑐᓄᑦ ᐳᓴᒋᔭᐅᑎᑕᐅᓗᓂ ᐱᖁᑎᐅᑉ ᓂᐅᕐᕈᑕᐅᓂᖓᓄᑦ ᐊᑭᐊᑕ.  ᖃᔅᓯᐅᓇᔭᕐᓂᖏᑦ ᐋᖅᑭᒃᓯᒪᓕᖅᑎᑕᐅᓇᔭᖅᐳᑦ ᒪᓕᒋᐊᖃᖅᑐᑎᒍᑦ ᐊᔾᔨᒌᙱᓐᓂᖃᕐᓗᑎᒡᓗ ᐊᔾᔨᒌᙱᕈᓘᔭᖅᑐᓄᑦ ᐃᒥᐊᓗᖕᓄᑦ ᖃᓄᕆᑦᑑᓂᖏᓐᓄᑦ (ᐱᐊ, ᐅᐊᐃᓂ, ᐊᒻᒪᓗ ᓴᙱᔪᑦ).

ᐃᒥᐊᓗᖕᒧᑦ ᓂᐅᕕᖅᑕᐅᔪᒧᑦ ᓄᓇᕗᒻᒥ, ᓇᓗᓇᐃᔭᖅᓯᒪᔪᓄᑦ ᓂᐅᕕᕐᕕᐅᕙᒃᑐᓄᑦ − ᐃᓚᒋᔭᐅᓪᓗᓂ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ ᓚᐃᓴᓖᓪᓗ ᐃᓂᒋᔭᐅᔪᑦ − ᐊᑐᖅᑎᑦᑎᓂᐊᖅᐳᑦ ᑖᒃᓯᒥᒃ ᓂᐅᕕᕐᕕᐅᔪᒥᑦ, ᐅᖃᐅᓯᕆᓂᐊᖅᖢᒋᓪᓗ ᐊᑭᓕᕐᓗᒋᓪᓗ ᑕᒪᒃᑯᐊ ᑖᒃᓰᑦ ᓄᓇᕗ ᒐᕙᒪᖓᑕ ᑮᓇᐅᔭᓕᕆᔨᒃᑯᖏᓐᓄᑦ ᖃᖓᙳᑐᐊᕌᖓᑦ.

ᐃᒥᐊᓗᖕᒧᑦ ᑎᑭᑎᑕᐅᔪᒧᑦ ᐊᕕᒃᓯᒪᓂᕐᒧᑦ ᐅᑭᐅᖅᑕᖅᑐᒥ ᑎᑭᑎᑦᑎᔪᓐᓇᕐᓂᕐᒧᑦ ᐱᔪᓐᓇᐅᑎᖃᕐᓂᕐᒧᑦ ᐊᑐᖅᑕᖅᑕᐅᕙᒃᑐᒥ, ᑕᒪᓐᓇ ᑖᒃᓯ ᑲᑎᑕᐅᕙᓪᓕᐊᓇᔭᖅᐳᖅ ᐊᑕᐅᑦᑎᒃᑰᖅᑎᑕᐅᕙᒡᓗᓂ ᐊᑐᖅᑎᑕᐅᓗᓂᓗ ᐊᑭᖓᓄᑦ ᐱᔪᓐᓇᐅᑎᒋᔭᐅᔫᑉ. ᑕᒪᓐᓇ ᐊᔪᕐᓇᙱᑎᑦᑎᕙᒃᐳᖅ ᑕᐃᒪᐃᓕᐅᕐᓂᕐᒥᓂᓗ ᑎᓕᐅᕆᓪᓗᓂ ᑖᒃᓰᔭᖅᑎᑦᑎᓂᕐᒧᑦ ᐊᔾᔨᒌᒃᑎᑦᑎᓂᕐᒥᒃ ᐱᖁᑎᓄᑦ ᓂᐅᕕᖅᑕᐅᔪᓄᑦ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᑎᑭᑎᑕᐅᓯᒪᔪᓄᓪᓗ ᐱᖁᑎᓄᑦ.

ᓄᓇᕗᑦ ᒐᕙᒪᒃᑯᖏᑦ ᐃᒪᐃᑎᑦᑎᔾᔮᙱᓚᑦ, ᑖᒃᓰᔭᖅᑎᑦᑎᓗᑎᒃ ᓇᖕᒥᓂᖅ ᐃᒥᐊᓗᓕᐊᖑᕙᒃᑐᓂᒃ ᐃᒥᐊᓗᖕᒥᒡᓘᓐᓃᑦ ᐃᓄᖕᓂᑦ ᑎᑭᑎᑕᐅᕙᒃᑐᓂᒃ ᓇᖕᒥᓂᖅ ᓇᒃᓴᖅᖢᒋᑦ ᑭᑭᑕᐅᔪᓐᓇᕐᓂᕐᒥᒃ.

ᓂᕆᐅᒋᔭᖃᖅᐳᒍᑦ ᑖᓐᓇ ᐱᖁᔭᒃᓴᖅ 56 ᐅᖃᐅᓯᐅᓂᐊᕐᓂᖓᓂᒃ ᑲᑎᒪᓂᐅᓛᓕᕐᒥᔪᒥ ᒪᓕᒐᓕᐅᖅᑎᓄᑦ.  

ᐊᐱᖅᑯᑕᐅᒐᔪᒃᑐᑦ

ᐃᓄᓐᓂᒃ ᑐᓴᕋᓱᐊᕐᓂᕐᒧᑦ ᖃᐅᔨᒃᑲᐃᔾᔪᑎ