ᓄᓇᕗᒻᒥ ᐳᔪᕐᓗᖕᒧᑦ ᑮᓇᐅᔭᖅᑖᕈᑎᑦ
ᑭᓲᕙ ᓄᓇᕗᒻᒥ ᐳᔪᕐᓗᖕᒧᑦ ᑮᓇᐅᔭᖅᑖᕈᑎ?
ᓄᓇᕗᒻᒥ ᐳᔪᕐᓗᖕᒧᑦ ᑮᓇᐅᔭᖅᑕᕈᑕᐅᔪᑦ ᑖᒃᓰᔭᖅᑕᐅᔭᕆᐊᖃᙱᖦᖢᓂ ᐊᑭᓕᐅᑕᐅᕗᖅ ᓄᓇᕗᑦ ᒐᕙᒪᒃᑯᓐᓂ ᓄᓇᕗᒻᒥᐅᓄᑦ ᐃᑲᔫᑕᐅᓇᓱᒃᖢᓂ ᐋᖅᑭᒋᐊᕈᑕᐅᖁᓪᓗᒍ ᐳᔪᕐᓗᖕᒨᖓᔪᑦ ᐅᖅᓱᐊᓘᑉ ᐊᑭᖓᓐᓄᑦ.
ᑭᒃᑯᑦ ᐱᔪᓐᓇᖅᐸᑦ?
ᓄᓇᕗᒥᐅᓕᒫᑦ ᐱᔪᓐᓇᖅᑎᑕᐅᔪᑦ ᑖᔅᓱᒧᖓ ᑖᒃᓯᔭᕈᑎᑦ ᐃᓚᙵᕆᐊᕈᑎᖓᓂ. ᑮᓇᐅᔭᓕᐊᕆᔭᑦ ᐱᒋᐊᕐᕕᖃᕆᐊᖃᙱᑦᑐᖅ ᐊᒻᒪ ᐱᓇᔫᑎᒥᒃ ᑐᓂᓯᔭᕆᐊᖃᙱᑦᑐᑦ. 2022 ᑖᒃᓯᔭᕈᑎᖕᓂ ᑎᑎᕋᖅᑕᐅᑎᑦᑎᑐᐃᓐᓇᕐᓗᑎᑦ ᐊᑭᓕᖅᑕᐅᓯᑲᐅᑎᒋᔪᓐᓇᖅᐳᑎᑦ.
ᐊᑭᓕᐅᑕᐅᔪᑦ ᓄᑕᖅᑲᓄᑦ ᐅᕝᕙᓘᓐᓃᑦ ᕿᑐᕐᖓᖏᓐᓄᑦ ᐊᑭᓕᖅᑕᐅᓂᐊᖅᐳᑦ ᑖᒃᓯᓂᒃ ᑎᑎᕋᖅᑕᐅᑎᑦᑎᔪᖅ ᑐᒃᓯᕌᕆᒃᐸᔾᔪᒃ ᑖᒃᓯᓕᕆᔭᐅᑎᓪᓗᒋᑦ.
ᖃᓄᖅ ᐊᑭᓕᖅᑕᐅᓂᐊᖅᐸᑦ?
ᐊᑭᓕᖅᑕᐅᖃᑦᑕᕐᓂᐊᖅᐳᑦ ᓄᓇᕗᒥᐅᑦ ᑲᓇᑕᒥ ᑖᒃᓯᓕᕆᔨᒃᑯᓐᓂ, ᐊᓯᖏᓐᓄᑦ ᐅᑎᖅᑐᒃᓴᓄᑦ ᐊᔾᔨᐸᓗᒋᓪᓗᓂᐅᒃ ᓲᕐᓗ ᐱᖁᑎᓄᑦ ᐱᔨᑦᑎᕋᐅᑎᓄᓪᓗ ᑖᒃᓰᔭᕈᑎᑦ.
ᐱᖁᑎᓄᑦ ᐱᔨᑦᑎᕋᐅᑎᓄᓪᓗ ᑖᒃᓰᔭᕈᑎᑦ ᐊᔾᔨᒋᙱᖦᖢᓂᐅᒃ, ᑮᓇᐅᔭᓕᐊᕆᔭᑦ ᐱᒋᐊᕐᕕᖃᕆᐊᖃᙱᑦᑐᖅ ᐅᕝᕙᓘᓐᓃᑦ ᐱᔪᓐᓇᖅᑎᑕᐅᔪᓄᑦ ᐊᑐᖅᑕᐅᔭᕆᐊᓕᖕᓂᑦ. ᓄᓇᕗᒥᐅᓕᒫᑦ 2022−ᒥ ᑖᒃᓰᔭᕈᑎᒥᓂᒃ ᑎᑎᕋᖅᑐᑦ ᓄᓇᕗᒻᒥ ᐳᔪᕐᓗᖕᒧᑦ ᑮᓇᐅᔭᖅᑖᖅᑎᑕᐅᓂᐊᖅᐳᑦ.
ᖃᓄᕐᓕ ᐊᑎᓕᐅᖅᑕᐅᖃᑕᐅᔪᓐᓇᖅᐳᖓ ᐊᑭᓕᖅᑕᐅᔪᒪᓗᖓ?
ᐱᓇᔫᑎᒥᒃ ᑎᑎᕋᕆᐊᖃᙱᑦᑐᑎᑦ. ᓄᓇᕗᒻᒥᐅᑦ 2022−ᒥ ᑖᒃᓰᔭᕈᑎᒥᓂᒃ ᑎᑎᕋᖅᑕᐅᑎᑦᑎᔪᑦ ᐊᑎᓕᐅᖅᑕᐅᓯᑲᐅᑎᒋᓂᐊᖅᑐᑦ ᓄᓇᕗᒻᒥ ᐳᔪᕐᓗᖕᒧᑦ ᑮᓇᐅᔭᖅᑖᕈᑎᒥᒃ.
ᓄᓇᕗᒻᒥᐅᑦ ᐊᑎᓕᐅᖅᑕᐅᓯᒪᔪᑦ ᑮᓇᐅᔭᒃᑯᕕᖕᒥᓄᑦ ᐴᖅᑕᐅᖁᔨᔾᔪᑎᒥᑦ ᑲᓇᑕᒥ ᑖᒃᓯᓕᕆᔨᒃᑯᓐᓂ ᑮᓇᐅᔭᒃᑯᕕᖕᒥᓄᑦ ᐴᖅᓯᕝᕕᐅᖃᑦᑕᕐᓂᐊᖅᐳᑦ; ᑕᐃᒪᐃᙱᑉᐸᑦ, ᑮᓇᐅᔭᒃᓴᒥᒃ ᓇᒃᓯᐅᔾᔨᕝᕕᐅᖃᑦᑕᕐᓂᐊᖅᐳᖅ ᐃᓄᒃ. ᐊᑭᓕᐅᑕᐅᔪᑦ ᓄᑕᖅᑲᓄᑦ ᐅᕝᕙᓘᓐᓃᑦ ᕿᑐᕐᖓᖏᓐᓄᑦ ᐊᑭᓕᖅᑕᐅᓂᐊᖅᐳᑦ ᑖᒃᓯᓂᒃ ᑎᑎᕋᖅᑕᐅᑎᑦᑎᔪᖅ ᑐᒃᓯᕌᕆᒃᐸᔾᔪᒃ ᑖᒃᓯᓕᕆᔭᐅᑎᓪᓗᒋᑦ.
ᑭᓲᕙ ᓄᓇᕗᒻᒥ ᐳᔪᕐᓗᖕᒧᑦ ᐊᑭᓕᐅᑎ?
ᑕᒪᑐᒪᓂ ᐊᕐᕌᒍᒥ, ᓄᓇᕗᒻᒥ ᐳᔪᕐᓗᖕᒧᑦ ᑮᓇᐅᔭᖅᑖᕈᑕᐅᔪᑦ ᑲᑎᖦᖢᒋᑦ $308−ᖑᕗᑦ ᐃᓄᖕᒧᑦ ᐊᑕᐅᓯᕐᒧᑦ, ᐅᕝᕙᓘᓐᓃᑦ $77 ᐊᕐᕌᒍᒥ ᑎᓴᒪᐃᖅᓱᕐᓗᒍ ᐊᑭᓕᖅᑕᐅᕙᒡᓗᓂ ᐃᓄᒃ.
ᖃᖓ ᐊᑭᓕᖅᑕᐅᓂᐊᖅᐳᖓ?
ᓯᕗᓪᓕᖅ ᐊᑭᓕᐅᑕᐅᔪᖅ ᓄᓇᕗᒻᒥ ᐳᔪᕐᓗᖕᒧᑦ ᐊᑭᓕᐅᑎ ᓯᑎᐱᕆ 5−ᒥ ᐱᔭᐅᓛᖅᑐᖅ, ᐱᖃᓯᐅᑎᓂᐊᖅᖢᓂ ᐊᑭᓕᐅᑎᓂᒃ ᓯᕗᓪᓕᕐᓄᑦ ᐊᐃᑉᐸᖓᓄᓪᓗ ᐊᕐᕌᒍᒥ.
ᑭᖑᓪᓕᕐᒥ ᐊᑭᓕᐅᑕᐅᓛᖅᑐᖅ ᐅᑐᐱᕆ 5-ᒥ ᑕᖅᑭᐅᑉ ᐱᖓᔪᖓᓂ. ᐊᑭᓕᖅᑕᐅᖃᑦᑕᕐᓂᐊᖅᑐᑦ ᐊᕐᕌᒍ ᑎᓴᒪᐃᕐᓗᒍ – ᔮᓄᐊᕆ 5, ᐄᐳᕈ 5, ᔪᓚᐃ 5 ᐊᒻᒪ ᐅᑐᐱᕆ 5 ᐊᕐᕌᒍᑕᒫᑦ ᑮᓇᐅᔭᖅᑕᕈᑕᐅᔪᖅ ᐊᑐᐃᓐᓇᐅᓂᖓᓂ.
ᐃᓯᐊᕿᑎᑕᐅᔪᒧᑦ ᑖᒃᓰᔭᕈᑎᐅᑉ ᒥᒃᓵᓄᑦ
ᓄᓇᕗᑦ ᒐᕙᒪᒃᑯᑦ ᐃᑲᔪᖅᑐᐃᕗᑦ ᐊᒃᓱᕉᑕᐅᔪᒥᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᓄᖅᑲᖅᑎᑦᑐᒪᓪᓗᒍ, ᐅᑯᓂᖓᓗ ᖃᓄᐃᓕᐅᖅᑎᑦᑎᓗᑎᒃ ᐃᓯᐊᖅᑭᙱᓐᓂᖅᓴᐅᓕᖁᓪᓗᒍ ᐳᔪᕐᓗᒃ ᐊᑦᑕᕐᓇᖅᑐᖅ.
ᐃᓯᐊᕿᑎᑕᐅᔫᑉ ᐊᑭᒃᓴᖓ ᐋᖅᑭᒃᑕᐅᓯᒪᕗᖅ ᐃᓯᐊᕿᙱᓐᓂᖅᓴᐅᖁᓪᓗᒍ ᐊᑦᑕᕐᓇᖅᑐᒥᒃ ᓇᓗᓇᙱᑦᑐᓂᒃ ᐱᓕᕆᑎᑦᑎᑲᑕᖕᓂᒃᑯᑦ, ᓲᕐᓗ ᐆᒪᔪᕕᓃᑦ ᐅᖅᓱᐊᓗᒃᓴᖅ ᐅᖅᓱᒃᓴᕆᑲᑕᒃᖢᒋᑦ, ᐊᑭᑐᓂᖅᓴᐅᖕᒪᑕ. ᐅᖅᓱᐊᓗᒃ ᐊᑭᑦᑐᖅᐸᓪᓕᐊᑎᓪᓗᒍ, ᐃᓄᐃᑦ ᓇᖕᒥᓂᖃᖅᑏᓪᓗ ᑮᓇᐅᔭᓕᕆᓂᕐᒥᒃ ᑲᔪᓯᑎᑦᑎᑦᑎᐊᒃᑲᓐᓂᕆᐊᖃᖅᐳᑦ ᐊᑐᓗᐊᙱᓐᓂᖅᓴᐅᖁᓪᓗᒋᑦ.
2019−ᒥ, ᑲᓇᑕᐅᑉ ᒐᕙᒪᒃᑯᖏᑦ ᐱᒋᐊᖅᑎᑦᑎᓚᐅᖅᐳᑦ ᐃᓯᐊᕿᑎᑕᐅᔪᒧᑦ ᑖᒃᓰᔭᕈᑎᒥᒃ ᑲᓇᑕᓕᒫᒥ, ᐆᒪᔪᕕᓃᑦ ᐅᖅᓱᐊᓗᒃᓴᑦ ᐊᑭᑦᑐᕆᐊᖅᖢᑎᒃ ᓲᕐᓗ ᐅᖅᓱᖅ ᐊᒻᒪ ᐃᒐᓯᐅᑦ ᖃᔅᓯᐊᕐᔪᖕᓂᑦ ᓴᕕᕋᔭᖕᓂᑦ ᓖᑕ ᐊᑕᐅᓯᖅ. ᑖᒃᓰᔭᕈᑕᐅᔫᑉ ᐅᓄᕐᓂᖓ ᐅᖅᓱᐊᓘᑉ 'ᓴᓗᒪᓂᖓᓂ' ᒪᓕᖕᓂᐊᖅᐳᖅ (ᖃᓄᑎᒋ ᓱᕈᕐᓇᖅᑐᖅ ᐊᓂᐊᑎᑕᐅᕙᖕᓂᖓ ᐊᑐᖅᑕᐅᕙᓪᓕᐊᑎᓪᓗᒍ). ᐅᖅᓱᐊᓗᒃ ᓱᕉᓂᖅᓴᐅᒃᐸᑦ, ᓲᕐᓗ ᐃᒐᓯᐅᑦ, ᑖᒃᓰᔭᖅᑕᐅᓂᖓ ᐊᖏᓂᖅᓴᐅᖃᑦᑕᖅᐳᖅ ᓴᓗᒪᓂᖅᓴᒥᑦ, ᓲᕐᓗ ᐳᓪᓚᒧᑦ. ᑖᒃᓰᔭᕈᑕᐅᔪᑦ ᐅᓄᖅᓯᒋᐊᖃᑦᑕᕐᓂᐊᖅᐳᑦ ᐊᕐᕌᒍᑕᒫ 2022−ᒧᑦ ᑎᑭᓪᓗᒍ.
| ᐊᐃᕆᓕ 1 | 2019 | 2020 | 2021 | 2022 |
| $ / ᑕᓐ | 20 | 30 | 40 | 50 |
| ᐅᖅᓱᖅ ($/ ᓖᑕ) | 0.0442 | 0.0663 | 0.0884 | 0.1105 |
| ᐃᒐᓯᐅᑦ ($/ ᓖᑕ) | 0.0537 | 0.0805 | 0.1073 | 0.1341 |
| ᐳᓪᓚᒧᑦ ($/ ᓖᑕ) | 0.0310 | 0.0464 | 0.0619 | 0.0774 |
ᓄᓇᕗᑦ ᒐᕙᒪᒃᑯᑦ ᐃᑲᔪᖅᓱᐃᖕᒪᑕ ᑲᓇᑕᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᒥᒃᖠᒋᐊᖅᑎᑦᑎᓇᓱᒃᑐᓂᑦ, ᑭᓯᐊᓂ ᖃᐅᔨᒪᕗᑦ ᓄᓇᕗᒥᐅᑦ ᖃᓄᖅᑑᕈᑎᒃᓴᖏᑦ ᐅᓄᙱᓐᓂᖅᓴᐅᕗᑦ ᒥᒃᖠᒋᐊᕈᑎᒃᓴᓂᒃ ᐆᒪᔪᕕᓃᑦ ᐅᖅᓱᐊᓗᒃᓴᑦ ᐊᑐᙱᓐᓂᖅᓴᐅᖁᓪᓗᒋᑦ ᖃᓪᓗᓈᓂ ᐊᑐᖅᑐᓂᑦ.
ᐅᖓᓯᒃᑐᒦᑦᑐᑦ ᓄᓇᓖᑦ, ᐊᐅᓚᔪᓐᓇᐅᑎᖃᑦᑎᐊᙱᓐᓂᖅ ᐊᒻᒪ ᑮᓇᐅᔭᓕᐅᕈᑎᒃᓴᑦ ᒥᑭᑦᑐᑦ ᑐᑭᖃᖅᐳᖅ ᐊᑯᓂᐅᓂᖅᓴᖅ ᐱᓕᕆᐊᖑᓇᔭᕐᓂᖏᓐᓂᒃ ᓄᓇᕗᒥᐅᑦ ᓇᖕᒥᓂᖃᕐᕕᖏᓪᓗ ᐋᖅᑭᒋᐊᕋᓱᒡᓗᒋᑦ ᐊᑭᑐᓂᖅᓴᓄᑦ. ᑕᒪᓐᓇ ᐱᔾᔪᑎᒋᓪᓗᒍ, ᓄᓇᕗᑦ ᒐᕙᒪᒃᑯᑦ ᒥᒃᖠᒋᐊᖅᑎᑦᑎᔪᒪᓪᓚᑦᑖᖅᐳᑦ ᐊᑭᓪᓚᑦᑖᖓᓂ ᒐᕙᒪᑐᖃᒃᑯᓐᓂ ᐃᓯᐊᕿᑎᑕᐅᔪᑦ ᐊᑭᖓᓂ−ᓄᓇᕗᒻᒥᐅᓂᑦ ᓇᖕᒥᓂᓕᖕᓂᓪᓗ ᐋᖅᑭᒋᐊᖅᑎᑦᑎᔪᓐᓇᕐᓂᖅᓴᐅᓪᓗᑎᒃ ᐊᑭᑐᓂᖅᓴᓄᑦ.
ᑮᓇᐅᔭᖃᖅᑎᑦᑎᓂᖅ
ᑮᓇᐅᔭᓕᕆᔨᒃᑯᖅ ᐊᑭᓖᖃᑦᑕᖅᐳᑦ ᓄᓇᕗᒻᒥ ᐃᓯᐊᕿᑎᑕᐅᔪᒧᑦ ᐃᑲᔫᑎᒃᓴᒥᑦ ᑮᓇᐅᔭᑦ ᐊᑐᖅᑐᒃᓴᖏᓐᓂᑦ, ᒪᓕᒐᓕᐅᕐᕕᖕᒥ ᐱᔭᐅᕙᒃᑐᒥᑦ ᐊᕐᕌᒍᑕᒫ.
ᐅᑎᖅᑎᑕᐅᔾᔪᑎᒃᓴᑦ ᐊᑭᓪᓚᑦᑖᖓ ᒪᓕᖃᑦᑕᖅᐳᖅ ᐃᓯᐊᕿᑎᑕᐅᔪᒧᑦ ᑖᒃᓰᔭᕈᑎᑦ ᐅᓄᕐᓂᖓᓂ ᐅᖅᓱᐊᓗᓕᕆᔨᒃᑯᑦ ᐊᑭᓕᕆᐊᓕᖓᓄᑦ ᑲᓇᑕᐅᑉ ᒐᕙᒪᖓᓄᑦ, ᓇᖕᒥᓂᖅ ᒪᓕᒃᑭᓪᓗᑎᒃ ᐅᖅᓱᐊᓘᑉ ᖃᓄᐃᑦᑑᓂᖓᑕ ᐊᖏᓂᖓᓂᒃ ᓄᓇᕗᒻᒥᐅᑦ ᐊᑐᖅᐸᓪᓕᐊᔭᖓᓂ.
ᓄᓇᕗᑦ ᒐᕙᒪᒃᑯᑦ ᐋᖅᑭᒃᓱᐃᓚᐅᖅᐳᑦ ᓄᓇᕗᒻᒥ ᐃᓯᐊᕿᑎᑕᐅᔪᒧᑦ ᐃᑲᔫᑎᒥᑦ ᓄᓇᕗᒻᒥᐅᑦ ᓅᑉᐸᓪᓕᐊᖁᓪᓗᒋᑦ ᒐᕙᒪᑐᖃᒃᑯᑦ ᐃᓯᐊᕿᑎᑕᐅᔪᒧᑦ ᑖᒃᓰᔭᕈᑎᒧᑦ ᖃᖓᙳᖅᐸᓪᓕᐊᓗᓂ, ᐃᑲᔫᓯᐊᖅᑖᖅᑎᑦᑎᙱᓪᓗᑎᒃ ᐅᖅᓱᐊᓘᑉ ᐊᑭᖓᓂ ᑕᐅᕗᖓᓕᒫᖅ.