ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᑖᒃᓰᔭᕈᑎᑦ ᐊᑐᓕᖅᑎᑕᐅᓂᖓᓗ ᓄᓇᕗᒻᒥ
ᑐᓴᒐᒃᓴᑦ
ᑐᓴᒐᒃ − ᑮᓇᐅᔾᔭᒃᓵᓄᑦ ᑖᒃᓰᔭᐃᓂᖕᒧᑦ ᑎᑎᕋᕐᕕᒃᓴᖅ ᐃᖅᑲᐃᓯᔾᔪᑎ 2021
ᒪᓕᒐᒃᓴᐃᑦ
ᓇᕿᓪᓗᒍ ᑲᓱᕐᕕᒃ ᐊᔾᔨᖓᓂᑦ ᓄᓇᕗᒻᒥᑦ ᑮᓇᐅᔾᔭᒃᓵᓄᑦ ᑖᒃᓰᔭᐃᓂᖕᒧᑦ ᐱᖁᔭᖓᓂᑦ ᐅᕝᕙᓘᓐᓃᑦ ᑮᓇᐅᔾᔭᒃᓵᓄᑦ ᑖᒃᓰᔭᐃᓂᖕᒧᑦ ᒪᓕᒋᐊᓕᖕᓂᑦ.
ᓄᓇᕗᒻᒥᑦ ᑮᓇᐅᔾᔭᒃᓵᓄᑦ ᑖᒃᓰᔭᐃᓂᖕᒧᑦ ᐱᖁᔭᖓᓂᑦ
ᑮᓇᐅᔾᔭᒃᓵᓄᑦ ᑖᒃᓰᔭᐃᓂᖕᒧᑦ ᒪᓕᒋᐊᓕᖕᓂᑦ
ᖃᐅᔨᒪᔾᔪᑎᑦ
ᓄᓇᕗᒻᒥᑦ ᑮᓇᐅᔭᓕᕆᔨᒃᑯᓐᓄᑦ ᑖᒃᓯᔭᐃᔾᔪᑎ− ᐊᕐᕌᒍᑕᒫᑦ ᐅᑎᖅᑎᑦᑎᕝᕕᐅᕙᖕᓂᖅ ᐊᐅᒃᑕᔪᖅ ᐊᑭᓕᖅᓴᓂᒍᑎᒧᑦ ᐊᑭᓕᖅᑕᐅᔪᖅᐊᑐᖅᑕᐅᓂᖓ
ᓄᓇᕗᑦ ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᔾᔪᑎᖏᓐᓂᒃ ᑖᒃᓰᔭᕆᐊᖃᖅᑎᑦᑎᕗᑦ ᓄᓇᕗᒻᒥ ᐃᖅᑲᓇᐃᔭᖅᑎᓕᒫᑦ ᑮᓇᐅᔭᓕᐅᕈᑎᖏᓐᓂᒃ ᐲᖅᓯᕝᕕᐅᓚᐅᖅᑎᓐᓇᒋᑦ.
ᑮᓇᐅᔭᓕᕆᔨᒃᑯᓐᓄᑦ ᑖᒃᓯᒋᕙᒃᑕᖏᑦ − ᑐᒃᓯᕋᐅᑎ ᐊᑎᓕᐅᖅᑕᐅᓂᕐᒧᑦ 2022
ᐃᖅᑲᓇᐃᔭᖅᑎᓂᒃ ᐊᑭᓕᖅᓱᐃᖃᑦᑕᕐᓂᕐᒧᑦ ᐊᕐᕌᒍᑕᒫᑦ ᐅᑎᖅᑎᑦᑎᓂᕐᒧᑦ ᑎᑎᕋᕆᐊᓕᒃ
ᐊᑭᓕᐅᑦ ᓇᒃᓯᐅᔾᔭᖅ ᑕᑕᑎᕆᐊᓕᒃ
ᐊᑭᓕᒃᓴᓂᒍᓐᓇᐅᑦ ᐊᐅᒃᑕᔫᕐᒧᑦ ᐊᑭᓕᐅᑎ
ᑖᒃᓰᔭᕈᑎᑦ ᐅᓄᕐᓂᖏᑦ
ᑖᒃᓰᔭᕈᑎᑦ ᐅᓄᕐᓂᖏᑦ ᐃᒪᓐᓇᐅᕗᑦ: 2%-ᖓᓂ ᑖᒃᓰᔭᕈᑕᐅᔭᕆᐊᓖᑦ ᑮᓇᐅᔭᓕᐅᕈᑎᒋᔭᐅᔪᑦ ᐊᑐᓂ ᐃᖅᑲᓇᐃᔭᖅᑎᓄᑦ ᓄᓇᕗᒻᒥ ᐃᖅᑲᓇᐃᔭᖅᐸᒃᑐᓂᒃ.
ᑖᒃᓰᔭᕈᑎᓂᒃ ᑲᑎᖅᓱᐃᓂᖅ
ᑖᒃᓰᔭᕈᑎᑦ ᐲᔭᖅᑕᐅᖃᑦᑕᖅᐳᑦ ᐃᖅᑲᓇᐃᔭᕐᕕᐅᔪᓂᑦ ᐊᑐᓂ ᐃᖅᑲᓇᐃᔭᖅᑎᓂᑦ ᐊᑭᓕᖅᓱᖅᑕᐅᕝᕕᒋᔭᒥᓂ. ᒫᓐᓇ 1,000-ᓂᒃ ᐃᖅᑲᓇᐃᔭᖅᑎᓂᒃ ᑎᑎᕋᖅᑕᐅᓯᒪᔪᖃᖅᐳᖅ ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᔾᔪᑎᖏᑕ ᑖᒃᓰᔭᕈᑎᖏᓐᓄᑦ. ᐊᑭᓕᖅᑕᐅᓐᓇᖅᓯᔭᕌᖓᑦ ᐲᖅᓯᕝᕕᐅᕙᒃᖢᑎᒃ. ᐃᖅᑲᓇᐃᔭᖅᑎᑦ ᑖᒃᓯᔭᕆᐊᖃᖅᐸᙱᑦᑐᑦ ᓄᓇᕗᑦ ᓯᓚᑖᓂ ᐃᖅᑲᓇᐃᔭᖅᑐᑦ ᐊᒻᒪ $5000 ᐅᖓᑖᓂ ᑮᓇᐅᔾᔭᒃᓴᙱᑦᑐᑦ ᓄᓇᕗᒻᒥ. ᐃᖅᑲᓇᐃᔭᖅᑎ $5000 ᐅᖓᑖᓂ ᑮᓇᐅᔭᓕᐅᖅᑐᖅ ᐅᓪᓗᖅᓯᐅᑎᐅᑉ ᐊᕐᕌᒍᖓᓂ ᓄᓇᕗᒻᒥ, ᑖᒃᓰᔭᕆᐊᖃᖅᐳᑦ ᐊᑕᖏᕐᓗᒍ ᑮᓇᐅᔭᓕᐅᕈᑎᖏᓐᓄᑦ ᓄᓇᕗᒻᒦᑎᓪᓗᒍ.
ᐃᖅᑲᓇᐃᔭᖅᑎ ᓄᓇᕗᒻᒥ ᐃᖅᑲᓇᐃᔭᖅᐸᒃᑐᖅ, ᑖᒃᓯᒥ ᐊᑭᓖᔭᕆᐊᖃᖅᐳᖅ ᐊᑕᖏᕐᓗᒋᑦ ᑮᓇᐅᔭᓕᐅᕈᑎᖏᑦ ᓄᓇᕗᑦ ᐃᓗᐊᓂ ᓯᓚᑖᓂᓪᓗ.
ᐃᖅᑲᓇᐃᔭᖅᑎ ᐃᓱᒪᒋᔭᐅᕗᖅ ᓄᓇᕗᒻᒥ ᐃᖅᑲᓇᐃᔭᖅᑎᐅᓂᖓᓂᒃ ᐃᖅᑲᓇᐃᔭᖅᑎᐅᒃᐸᑦ, ᐱᓕᕆᐊᒃᓴᒥᓂᒃ ᐱᓕᕆᖃᑦᑕᕐᓗᓂ ᐱᔨᑦᑎᕋᖅᐸᒡᓗᓂᓘᓐᓃᑦ ᓄᓇᕗᒻᒥ ᓇᑉᐸᖓᑕ ᐅᖓᑖᓂ ᐃᖅᑲᓇᐃᔭᕐᕕᒋᔭᖏᓐᓂ ᐅᓪᓗᓂᒃ ᐃᖅᑲᓇᐃᔭᕐᕕᐅᔪᒥ ᐊᕐᕌᒍᒥ.
ᐅᑎᕐᕕᐅᓂᖅ
ᐃᖅᑲᓇᐃᔭᕐᕕᐅᔪᑦ ᐊᑭᓖᕙᒃᑐᑦ ᐱᔭᕆᐊᖃᖅᑕᖏᑕ ᐅᖓᑖᓄᑦ ᐅᑎᕐᕕᐅᑐᐃᓐᓇᕆᐊᖃᖅᐳᑦ, ᑐᒃᓯᕋᐅᑎᖃᙱᓪᓗᑎᒃ ᐊᑭᓕᐅᑕᐅᓗᐊᖅᑐᕕᓃᑦ ᑮᓇᐅᔭᖁᑎᖃᕐᕕᖓᓄᑦ ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᔾᔪᑎᖏᑕ ᑖᒃᓰᔭᕈᑎᖏᓐᓄᑦ ᐱᖁᔭᖅ ᒪᓕᒃᖢᒍ. ᐃᖅᑲᓇᐃᔭᕐᕕᐅᔪᖅ ᐊᑭᓖᔭᕆᐊᖃᖅᐳᖅ, ᖄᖏᐅᑎᔪᕕᓂᕐᓂᒃ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᒥᑦ ᑲᑎᖅᓱᕐᕕᐅᔪᕕᓂᕐᓂᒃ.
ᒪᓕᒐᕐᓂᒃ ᒪᓕᑦᑎᐊᖅᑎᑦᑎᔾᔪᑏᑦ
ᑎᑎᕋᖅᑕᐅᓂᖅ
ᐃᖅᑲᓇᐃᔭᕐᕕᐅᔪᑦ ᑎᑎᕋᖅᓯᔭᕆᐊᖃᖅᐳᑦ ᓄᓇᕗᑦ ᒐᕙᒪᖓᓄᑦ ᐅᓪᓗᑦ 21 ᐃᓗᐊᓂ ᐃᖅᑲᓇᐃᔭᑦᑎᒥᒃ ᐊᑭᓖᓚᐅᖅᑎᓪᓗᒋᑦ ᐊᒻᒪ ᐊᑭᓕᐅᑕᐅᕙᒃᑐᓂᒃ ᐅᓂᒃᑲᐅᓯᕆᔭᐅᕙᒃᑐᑦ ᒪᓕᒃᖢᒋᑦ.
ᑮᓇᐅᔭᙳᖅᑎᑕᐅᔪᓐᓇᖅᑐᓂᒃ ᐱᔭᐅᔭᕆᐊᓖᑦᒥᓂᔅᑕ ᑲᑎᖅᓱᐃᔨᓂᒃ ᑮᓇᐅᔭᒃᑯᕕᖕᒧᐊᖅᓯᖁᔨᑐᐃᓐᓇᕆᐊᓕᒃ ᑮᓇᐅᔭᑎᒍᑦ ᐊᓯᖏᑎᒍᓪᓘᓐᓃᑦ ᑮᓇᐅᔭᙳᖅᑎᑕᐅᔪᓐᓇᖅᑐᓄᑦ
ᑕᒻᒪᖅᓯᒪᔪᖅᓯᐅᕐᓂᖅ
ᐃᖅᑲᓇᐃᔭᕐᕕᐅᔪᑦ ᐱᓯᒪᔭᕆᐊᖃᖅᐳᑦ ᓇᓗᓇᐃᔭᑦᑎᐊᖅᓯᒪᔪᓂᒃ ᑎᑎᖅᑲᓂᒃ ᐊᕐᕌᒍᓂ ᐊᕐᕕᓂᓕᖕᓂᒃ ᑖᒃᓯ ᓇᒃᓯᐅᔾᔭᐅᓚᐅᖅᑎᓪᓗᒍ ᒥᓂᔅᑕᒧᑦ. ᖃᐅᔨᓴᖅᑕᐅᑎᑦᑎᓚᐅᕐᓗᓂ ᒥᓂᔅᑕ ᐃᓱᒪᒃᓴᖅᓯᐅᕈᑎᖃᕆᐊᖃᙱᓚᖅ ᐊᕐᕌᒍᑦ ᐊᕐᕕᓂᓕᑦ ᐅᖓᑖᓄᑦ ᖃᐅᔨᓴᓯᒋᐊᕐᕕᒋᔭᖓᑕ ᑐᖔᓂ, ᑕᒻᒪᖅᓯᒪᔪᖅᓯᐅᖅᑐᑦ ᐅᕝᕙᓘᓐᓃᑦ ᖃᐅᔨᓴᖅᑐᖃᕐᓗᓂ ᑮᓇᐅᔭᖃᕐᕕᒋᔭᐅᔪᑦ ᐅᖃᓕᒫᒐᖏᓐᓂᒃ, ᑎᑎᕋᖅᓯᒪᔪᓂᒃ ᑎᑎᖅᑲᖁᑎᒋᔭᐅᔪᓂᒡᓘᓐᓃᑦ, ᑭᓯᐊᓂ ᖃᐅᔨᔾᔪᑎᒃᓴᖅᑕᖃᖅᐸᑦ ᐃᓄᖕᒥᒃ ᑎᒡᓕᒃᑐᖃᕐᓂᖓᓂᒃ ᐃᓱᓕᕝᕕᒃᓴᐅᑎᖃᖅᑎᑕᐅᔪᖃᙱᓪᓗᓂ.
ᐃᖅᑲᖅᑐᐃᕕᒃᑯᑦ ᖃᓄᐃᓕᐅᖁᔭᐅᓂᖅ ᐊᑭᓕᐅᑎᒋᔭᕆᐊᓖᓪᓗ
ᒥᓂᔅᑕ ᖃᐅᔨᓴᕈᓐᓇᖅᐳᖅ ᐃᖅᑲᖅᑐᐃᕕᒃᑯᑦ ᖃᓄᐃᓕᐅᖁᔭᐅᔪᒥᒃ 10% ᓇᓕᒧᖓᓂ ᑲᑎᖅᓱᖅᑕᐅᔭᕆᐊᖃᖅᑐᕕᓃᑦ
ᐊᑭᓕᐅᑎᒥᒃ ᓇᒃᓯᐅᔾᔨᔪᒪᙱᓐᓂᖅ ᐅᕝᕙᓘᓐᓪᓃᑦ ᐊᑭᓖᔪᒪᙱᓐᓂᖅ ᐱᔪᒪᔪᖃᖅᑎᓪᓗᒍ
- ᓇᒃᓯᐅᔾᔭᐅᔭᕆᐊᖃᖅᑑᑉ 10%-ᖓᓂᒃ
- ᓇᒃᓯᐅᔾᔭᐅᔭᕆᐊᖃᖅᑑᑉ 20%-ᖓᓂᒃ, ᐃᓄᖕᒥᒃ ᖃᐅᔨᓴᖅᑕᐅᔪᖃᖅᑎᓪᓗᒍ ᖃᓄᐃᓕᐅᖁᔭᐅᔪᒥᒃ ᐊᑭᓖᓯᒪᙱᓐᓂᖓ ᐱᔾᔪᑎᒋᓪᓗᒍ ᑕᖅᑭᑦ 12 ᐊᑐᖅᑎᓪᓗᒋᑦ ᐊᑭᓖᔪᒪᙱᓐᓂᖓᑕ ᓯᕗᓂᐊᒍᑦ
- ᐃᓄᒃ ᑲᑎᖅᓱᐃᔪᒪᙱᑦᑐᖅ ᖃᔅᓯᑐᐃᓐᓇᕐᓂᒃ ᐱᔭᕆᐊᖃᖅᑎᓪᓗᒍ ᒥᓂᔅᑕᒧᑦ ᐊᑭᓖᔭᕆᐊᖃᖅᐳᖅ ᕿᑐᕐᙱᐅᕈᑎᖏᓐᓄᑦ ᐋᖅᑭᒃᑕᐅᓯᒪᔪᒥᑦ ᐃᓚᒍᑕᖅ 17 (1) ᑮᓇᐅᔭᓕᕆᓂᕐᒧᑦ ᐱᖁᔭᕐᒥ.
ᑐᓂᓯᔪᒪᙱᓐᓂᖅ
ᑭᓇᑐᐃᓐᓇᑦᑎᐊᖅ ᑎᑎᕋᕆᐊᓕᖕᒥᒃ ᑐᓂᓯᔪᒪᙱᑦᑐᖅ ᑎᓕᐅᖅᑕᐅᓗᓂ $250-ᓂᒃ ᐊᑭᓖᔭᕆᐊᖃᖅᐳᖅ ᑐᓂᓯᔪᒪᙱᑐᐊᕌᖓᑦ.
ᐊᕐᕌᒍᑕᒫᖅᓯᐅᑎᒥᒃ ᐅᑎᖅᑐᒃᓴᓂᒃ ᑎᑎᕋᖅᓯᙱᑦᑐᑦ
$100-ᒥᒃ ᐊᑭᓖᔭᕆᐊᓕᒃ ᐅᑎᖅᑐᒃᓴᓂᒃ ᑎᑎᕋᖅᓯᙱᑦᑐᑦ ᑭᖑᕙᕐᓗᑎᒡᓘᓐᓃᑦ ᑎᑎᕋᖅᓯᔪᑦ
ᐱᔭᐅᔪᒪᔪᒥᒃ ᑭᐅᙱᓐᓂᖅ
ᑭᓇᑐᐃᓐᓇᖅ ᐅᑎᖅᑐᒃᓴᒥᓂᒃ ᑎᑎᕋᖅᓯᙱᑦᑐᖅ ᐱᔭᕆᐊᖃᖅᑎᓪᓗᒍ ᐱᔭᐅᔪᒪᔪᖃᖅᑎᓪᓗᒍ ᐊᑭᓖᔭᕆᐊᖃᖅᐳᖅ $250 ᓇᓕᒧᖓᓂ ᐊᒻᒪ ᑖᒃᓯᒧᑦ ᐊᑭᓕᕆᐊᖃᖅᑕᖓᑕ 5%-ᖓᓂᒃ ᐅᑎᖅᑐᒃᓴᖓᓂᒡᓘᓐᓃᑦ ᓇᓗᓇᐃᖅᑕᐅᓯᒪᔪᒥᑦ ᐱᔭᕆᐊᖃᖅᑎᓪᓗᒍ ᐊᑭᓕᖅᑕᐅᓚᐅᙱᑦᑐᒥᒃ ᐅᕝᕙᓘᓐᓃᑦ ᐊᑭᓕᐅᑎᒥᓂᒃ ᓇᒃᓯᐅᔾᔨᓚᐅᙱᑦᑐᒥᒃ ᐊᑭᓕᖅᓯᒪᔭᕆᐊᖃᖅᑕᖓ ᑎᑭᓪᓗᒍ.
ᑐᓴᖅᑕᐅᔭᕆᐊᓕᖕᓂᒃ ᑐᓂᓯᙱᓐᓂᖅ
$100-ᒥᒃ ᐊᑭᓖᕆᐊᓕᒃ ᑐᓂᓯᙱᑐᐊᕌᖓᑦ. ᑭᓯᐊᓂ, ᑐᓴᖅᑕᐅᔭᕆᐊᓕᖕᓂᒃ ᐱᔪᒪᔪᖃᖅᐸᑦ ᐊᓯᐊᓂᒃ ᐃᓄᖕᒥᒃ ᐱᔾᔪᑎᖃᕐᓗᓂ, ᐱᓇᔪᒋᐊᖃᖅᑕᒥᓂᒡᓗ ᐱᓕᕆᓇᓱᒃᑐᖃᕐᓗᓂ ᑐᓴᖅᑕᐅᔭᕆᐊᓕᖕᓂᒃ ᐱᓇᓱᒃᑐᒥᒃ.
ᓴᒡᓗᕿᑦᑎᓗᓂ ᑐᓴᖅᑎᑦᑎᓂᖅ ᐅᕝᕙᓘᓐᓃᑦ ᑭᑭᑦᑎᓗᓂ
ᐊᑭᓖᑎᑕᐅᔪᓐᓇᖅᐳᖅ $250 ᐅᖓᑖᓂ ᐊᒻᒪ ᖄᖏᐅᑎᓂᑯᑦ 25%-ᖓᓂ ᑖᒃᓯᓄᑦ ᐊᑭᓕᕆᐊᓕᓄᑦ ᐅᕝᕙᓘᓐᓃᑦ ᐅᑎᖅᑐᒃᓴᓄᑦ ᐱᓇᔪᒃᓯᒪᔭᖏᓐᓂᒃ.