$10−ᐅᓪᓗᕐᒧᑦ ᐸᐃᕆᕝᕕᖕᒦᑦᑐᓐᓇᖅᑐᑦ
ᐃᓚᒌᑦ ᓄᓇᕗᒻᒥ ᕿᑐᕐᖓᓖᑦ ᐅᑭᐅᓕᖕᓂᒃ 6-ᓂᒃ ᑐᖔᓂᓪᓗ ᐱᓇᔪᒍᓐᓇᖅᑐᑦ ᐸᐃᕆᕕᖕᒥ ᑲᒪᒋᔭᐅᔪᓐᓇᕐᓗᑎᒃ ᐊᑭᑐᓗᐊᙱᑦᑐᒥᑦ $10−ᐅᓪᓗᕐᒧᑦ, ᐱᔪᓐᓇᐅᑎᓕᖕᓄᑦ ᐸᐃᕆᕝᕕᖕᓄᑦ ᐊᑐᐃᓐᓇᐅᔪᓄᑦ. ᐃᓚᒋᔭᐅᓪᓗᓂ ᑲᓇᑕᒥ ᑮᓇᐅᔭᖃᖅᑎᑕᐅᔪᒧᑦ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓄᑕᖅᑲᓪᓗ ᐸᐃᕆᔭᐅᕙᖕᓂᖏᓐᓄᑦ ᐊᑐᖅᑕᐅᕙᒃᑐᒧᑦ, ᑖᓐᓇ ᐱᓕᕆᐊᖑᔪᖅ ᐱᒋᐊᓚᐅᖅᓯᒪᕗᖅ ᑎᓯᐱᕆ 1, 2022−ᒥ, ᐱᕕᖃᖅᑎᑦᑎᓪᓗᓂ ᓄᓇᕗᒻᒥᐅᓂᒃ ᐊᑐᙱᓐᓂᖅᓴᐅᔪᓐᓇᖅᑎᖦᖢᒋᑦ $62−ᓂᒃ ᐅᓪᓗᕐᒧᑦ ᐊᑕᐅᓯᕐᒧᑦ ᑕᒪᐃᓐᓄᑦ ᓄᑕᖅᑲᓄᑦ ᐸᐃᕆᔭᐅᒋᐊᓕᖕᓄᑦ. ᐅᑯᐊ ᐊᑐᐃᓐᓇᐅᑎᑦᑎᓂᐊᖅᑐᑦ ᐊᒃᑐᒐᒃᓴᐅᔪᓂᒃ ᐃᑲᔫᑎᖃᕐᓗᑎᒃ ᐃᓚᒌᑦ ᓄᓇᕗᒦᑦᑐᑦ ᐃᓅᓇᓱᐊᕈᑎᓄᑦ ᐊᑭᑦᑐᓈᖅᓯᓯᒪᔪᓄᑦ.
ᖃᓄᖅ ᐱᔪᓐᓇᕐᒪᖔᑦ $10−ᐅᓪᓗᕐᒧᑦ ᐸᐃᕆᕝᕕᖕᒧᑦ
ᐱᔪᓐᓇᕈᒪᓗᓂ $10−ᒥᒃ ᐅᓪᓗᕐᒧᑦ ᐸᐃᕆᕝᕕᖕᒥ ᐸᐃᕆᔭᐅᑎᑦᑎᓂᕐᒧᑦ ᓄᓇᕗᒻᒥ, ᐊᖓᔪᖅᑳᑦ ᐊᑎᓕᐅᖅᑕᐅᑎᑦᑎᔭᕆᐊᖃᖅᐳᑦ ᐃᓕᓐᓂᐊᕆᐅᖅᓴᓕᓵᖅᑐᓂᒃ ᓄᑕᖅᑲᓂᒃ ᓚᐃᓴᓐᓯᖃᖅᑐᒥᒃ ᐸᐃᕆᕕᖕᒥ ᐅᕝᕙᓘᓐᓃᑦ ᓚᐃᓴᓐᓯᖃᖅᑐᒥᒃ ᐊᖏᕐᕋᕆᔭᒥᒃ ᐸᐃᕆᕝᕕᖕᒥ.
ᐊᐱᖅᑯᑕᐅᒐᔪᒃᑐᑦ
ᖃᓄᕐᓕ ᐱᔪᓐᓇᕋᒪ $10−ᕌᕐᓗᒍ ᐅᓪᓗᕐᒧᑦ ᐸᐃᕆᕕᖕᒧᑦ?
ᓚᐃᓴᓐᓯᖃᖅᑐᑦ ᐸᐃᕆᕖᑦ ᐱᓇᔪᖕᓂᐊᖅᑐᑦ $10−ᒧᑦ ᐅᓪᓗᕐᒧᑦ ᐊᑭᓕᖅᓱᐃᑎᑦᑎᓕᕐᓗᑎᒃ. ᐊᖓᔪᖅᑳᑦ ᐃᓚᐅᔪᓐᓇᖅᐳᑦ ᐱᓕᕆᐊᖑᔪᒧᑦ ᐊᑎᓕᐅᖅᑕᐅᑎᓪᓗᒋᑦ ᐃᓕᓐᓂᐊᕆᐅᖅᓴᓕᓵᖅᑐᖁᑎᖏᑦ ᕿᑐᕐᖓᖏᑦ ᐃᓕᓐᓂᐊᕆᐅᖅᓴᕕᖕᒧᑦ. ᐊᖓᔪᖅᑳᕆᔭᐅᔪᑦ ᐊᑎᓕᐅᕈᒪᒃᐸᑕ ᕿᑐᕐᖓᒥᓂᒃ $10−ᒧᑦ ᐅᓪᓗᕐᒧᑦ ᐸᐃᕆᕕᖕᒧᑦ, ᖃᐅᔨᒋᐊᓪᓗᐊᖅᐳᑦ ᓄᓇᓕᖕᒥᓂ ᓚᐃᓴᖃᖅᑐᒧᑦ ᓄᑕᖅᑲᓂᒃ ᐸᐃᕆᕕᖕᒧᑦ ᖃᐅᔨᔪᒪᓗᑎᒃ ᒪᓂᒪᔪᖃᕐᒪᖔᑦ, ᐅᑕᖅᑭᔪᓂᒃ, ᐃᓚᐅᓂᕐᒧᓪᓗ ᐊᑐᕆᐊᖃᖅᑐᓄᑦ.
ᖃᔅᓯᓂᒃ ᐅᑭᐅᖃᖅᐸᑦ ᐊᔪᙱᑎᑕᐅᔪᑦ?
ᐃᓕᓐᓂᐊᕆᐊᕐᓂᐊᓕᓵᖅᑎᓪᓗᒋᑦ ᓄᑕᖅᑲᑦ ᓄᓇᕗᒻᒥ ᐱᔾᔪᑎᖃᖅᐳᖅ ᓄᑕᖅᑲᓂᒃ ᐅᑭᐅᖃᖅᑎᒋᔪᓂᒃ 6-ᒧᑦ ᑎᑭᓪᓗᒍ ᐅᓪᓗᓕᒫᕐᒧᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᖃᑕᐅᓇᓱᐊᕐᓂᖏᓐᓄᑦ, ᐱᒋᐊᕋᔪᒃᖢᑎᒃ ᐃᓕᓐᓂᐊᕈᑎᓖᑦ 1-ᒥ.
$10-ᑐᖅᑐᐃᓐᓇᐅᓂᐊᖅᐸᑦ ᐅᓪᓗᕐᒧᑦ ᕿᑐᕐᖓᓕᒫᓐᓄᑦ?
ᐋᒃᑲ, ᑖᓐᓇ ᐱᓕᕆᐊᖅ ᐊᑐᐃᓐᓇᐅᑎᑦᑎᕗᖅ ᓄᑕᖅᑲᓂᒃ ᐸᐃᕆᔭᐅᓂᕐᒧᑦ ᐊᑭᖃᖅᖢᓂ $10−ᒥᒃ ᐅᓪᓗᕐᒧᑦ ᐊᑕᐅᓯᕐᒧᑦ ᓄᑕᖅᑲᒧᑦ.
ᑕᒪᓐᓇ ᐃᓚᓕᐅᔾᔭᐅᔪᓐᓇᖅᐸ ᐊᓯᖏᓐᓄᑦ ᐊᑭᓕᒃᑲᓐᓂᕆᐊᓕᖕᓄᑦ ᐃᑲᔫᓯᐊᓄᑦ?
ᐄ, ᐃᓚᖏᑦ ᐊᖓᔪᖅᑳᕆᔭᐅᔪᑦ ᐱᔪᓐᓇᑐᐃᓐᓇᕆᐊᓖᑦ ᖄᒃᑲᓐᓂᐊᒍᑦ ᐊᖓᔪᖅᑳᑦ ᐊᑭᓕᒐᒃᓵᕐᔪᖏᓐᓄᑦ ᐃᑲᔫᑎᓂᒃ:
- ᐊᖓᔪᖅᑳᑦ 18 ᑐᖔᓂ ᐅᑭᐅᓖᑦ ᐃᓕᓐᓂᐊᖃᑦᑕᖅᑐᑦ − ᒪᒃᑯᒃᑐᑦ ᐊᖓᔪᖅᑳᑦ ᐃᓕᓐᓂᐊᖏᓐᓇᖅᑐᑦ
- ᐊᖓᔪᖅᑳᕆᔭᑦ ᐅᑭᐅᓖᑦ 18−ᓂᑦ ᐅᖓᑖᓄᓪᓗ ᐃᓕᓐᓂᐊᕆᐊᕈᒪᔪᑦ ᐱᓕᒻᒪᒃᓴᕆᐊᕈᒪᔪᓪᓘᓐᓃᑦ − ᐸᐃᕆᕕᖕᒧᑦ ᐃᑲᔫᓯᐊᑦ
ᓄᓇᑖᕈᑎᒧᑦ ᐊᑎᓕᐅᖅᑕᐅᖃᑕᐅᓯᒪᕕᑦ?
ᐊᑦᑕᑕᕐᕕᐅᔪᓐᓇᕐᒥᔪᑦ
ᑐᑭᓯᒋᐊᒃᑲᓐᓂᕈᒪᒍᕕᑦ ᑕᒪᑐᒪ ᒥᒃᓵᓄᑦ ᐊᖏᕈᑎᓪᓚᑦᑖᓂᒡᓗ, ᐅᕗᙵᕈᓐᓇᖅᐳᑎᑦ: