ᑮᓇᐅᔾᔭᒃᓵᓄᑦ ᐆᒃᑐᕋᐅᑎᓄᑦ ᐱᓕᕆᐊᖅ

🗓️  ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕝᕕᓪᓗ ᑮᓇᐅᔾᔭᒃᓵᖏᑦ ᐊᑭᑦᑐᕆᐊᓛᓕᖅᑐᑦ ᐊᐃᕆᓕ 1, 2024−ᒥ.  🗓️

ᐃᑲᔪᖅᓱᖅᑕᐅᓂᖏᑦ ᐃᓕᓐᓂᐊᕆᐅᖅᓴᔪᓕᕆᔨᒃᑯᑦ ᐃᓕᓴᐃ

ᓄᓇᕗᒻᒥ ᐃᓕᓐᓂᐊᕆᐅᖅᓴᓕᓵᖅᑐᑦ ᐸᐃᕆᕖᓪᓗ ᐊᑭᓕᖅᓱᖅᑕᐅᔪᑦ ᐋᖅᑭᒃᓯᒪᓂᖓᑦ ᐊᑭᑭᓛᒥᒃ ᑮᓇᐅᔾᔭᒃᓴᖁᔨᕗᑦ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕝᕖᓪᓗ ᐃᖅᑲᓇᐃᔭᖅᑎᖏᓐᓄᑦ ᐊᑐᐃᓐᓇᐅᑎᑕᐅᓗᓂ. ᐊᑐᓕᖅᑎᑕᐅᔪᑦ ᓴᖅᑭᔮᖅᑎᒃᑲᓐᓂᕈᒪᓪᓗᒋᑦ ᐊᒻᒪ ᐃᖅᑲᓇᐃᔭᖅᑎᒃᓴᖅᓯᐅᕐᓂᖅ ᐊᒻᒪ ᐃᖅᑲᓇᐃᔭᖅᑎᖃᐃᓐᓇᕐᓂᖅ ᐱᓕᕆᓪᓚᕆᒍᒪᔪᓂᒃ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕖᓪᓗ ᐃᖅᑲᓇᐃᔭᖅᑎᖏᓐᓂᒃ, ᑖᓐᓇ ᓄᑖᖅ ᐱᓕᕆᐊᒃᓴᖅ ᐊᖏᖅᓯᓲᖑᕗᖅ ᐱᓇᔫᑎᓂᒃ ᐱᔪᓐᓇᐅᑎᓕᖕᓂᒃ ᐸᐃᕆᕕᖕᓂ ᐃᑲᔫᑎᒃᓴᓂᒃ ᑮᓇᐅᔭᓂᒃ ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᒃᑲᓐᓂᖁᓪᓗᒋᑦ ᓇᓗᓇᐃᖅᓯᒪᔪᑦ ᐅᓄᕐᓂᖏᑦ ᒪᓕᒡᓗᑎᒃ.

ᑖᓐᓇ ᐱᒋᐊᖅᑎᑕᐅᓯᒪᔪᖅ ᐱᑎᑦᑎᕙᒃᐳᖅ ᑐᓐᓂᖅᑯᑕᐅᕙᒃᑐᓂᒃ ᐅᓂᒃᑳᕐᕕᒋᔭᕆᐊᖃᖅᖢᒋᑦ ᑮᓇᐅᔭᖁᑎᒋᔭᐅᓂᐊᖅᑐᑦ ᓚᐃᓴᓕᖕᓄᑦ ᓄᑕᖅᑲᓂᒃ ᐱᔨᑦᑎᕋᕐᕕᖃᖅᑐᓄᑦ ᐅᑭᐅᓕᖕᓄᑦ 0-ᒥᑦ 6-ᒧᑦ. ᑐᕌᕆᔭᐅᔪᖅ ᓇᓗᙱᑦᑎᐊᕈᒪᓂᐅᕗᖅ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕖᓪᓗ ᐃᖅᑲᓇᐃᔭᖅᑎᖏᑦ ᐱᑎᑕᐅᖃᑦᑕᕋᓗᐊᕐᒪᖔᑕ ᐊᔾᔨᒌᒥᒃ ᐊᑭᓕᖅᑕᐅᓂᕐᒥᒃ ᐱᒻᒪᕆᐊᓗᖕᒧᑦ ᐱᓕᕆᐊᒃᓴᕆᕙᒃᑕᖏᓐᓄᑦ ᐅᔾᔨᕐᓇᖅᓯᑎᑦᑎᔪᒪᓂᕐᒧᑦ ᐱᕈᖅᐸᓪᓕᐊᓂᕆᔭᐅᔪᒥᒃ ᖃᓄᐃᙱᑦᑎᐊᕐᓂᕐᒥᒡᓗ ᑕᒪᐃᓐᓄᑦ ᓄᑕᖅᑲᓄᑦ. ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕖᓪᓗ ᑮᓇᐅᔾᔭᒃᓵᖏᑕ ᐋᖅᑭᒃᓯᒪᓂᖏᑦ ᓇᓗᓇᐃᖅᓯᕗᑦ ᐊᔾᔨᒌᙱᑦᑐᓂᒃ ᑮᓇᐅᔾᔭᒃᓴᖅᑕᐅᔪᓂᒃ ᑎᓴᒪᐅᓕᖅᑲᖓᓪᓗᑎᒃ:

• ᐊᐅᓚᑦᑎᔨᑦ
• ᐃᓕᓐᓂᐊᕆᐅᖅᓴᔪᓕᕆᔨ
• ᐱᓕᕆᐊᒃᓴᑦ ᐃᑲᔪᖅᓱᖅᑕᐅᔪᑦ
• ᐃᑲᔪᖅᑐᐃᕕᒃ.

ᑖᒃᑯᐊ ᑮᓇᐅᔾᔭᒃᓵᑦ ᒪᓕᒃᐳᑦ ᐊᕐᕌᒍᒐᓴᕐᓄᑦ ᐱᓕᕆᖃᑦᑕᖅᓯᒪᔪᓄᑦ ᐊᒃᑐᐊᓂᓕᖕᓄᓪᓗ ᑲᒪᒋᔭᒃᓴᓄᑦ ᑕᒪᐃᓐᓂ ᐃᓂᒋᔭᐅᕙᒃᑐᓂ. ᐊᒻᒪ ᓱᓕ, ᐃᓕᓐᓂᐊᕆᐅᖅᓴᔪᓄᑦ ᐃᓕᓴᐃᔨᑦ ᐃᓕᑕᕆᔭᐅᔾᔪᑎᑖᖅᑎᑦᑎᓲᑦ ᐊᑭᓕᖅᓱᖅᑕᐅᔪᓂᒃ ᐊᐅᓚᑦᑎᔨᓄᑦ ᐊᒻᒪ ᐃᓕᓐᓂᐊᕆᐅᖅᓴᔪᓄᑦ ᐃᓕᓴᐃᔨᓄᑦ. 

ᑭᒃᑯᑦ ᐃᓚᐅᔪᓐᓇᖅᐸᑦ?

ᓚᐃᓴᓐᓯᖃᖅᑐᑦ ᐸᐃᕆᕖᑦ ᐱᔨᑦᑎᕋᖅᐸᒃᑐᑦ ᓄᑕᖅᑲᓂᒃ ᐅᑭᐅᓕᖕᓂᒃ 0-ᒥᑦ 6-ᒧᑦ ᐃᓚᐅᔪᓐᓇᖅᐳᑦ. ᐃᓕᓐᓂᐊᕌᓂᒃᑎᓪᓗᒋᑦ ᐱᓕᕆᐊᒃᓴᑦ ᐃᓚᐅᑎᑕᐅᙱᑦᑐᑦ ᐱᔪᓐᓇᖅᑎᑕᐅᔪᓄᑦ.

ᐊᔪᙱᑎᑕᐅᓇᔭᖅᑐᑦ:

ᐃᖅᑲᓇᐃᔭᖅᑏᑦ ᐱᔪᓐᓇᐅᑎᓕᖕᓂ ᐸᐃᕆᕕᖕᓂ ᓇᓕᐊᖕᓂᑐᐃᓐᓇᖅ ᑎᓴᒪᓂᒃ ᐊᕕᒃᑐᖅᓯᒪᔪᓂ ᐱᔪᓐᓇᖅᑎᑕᐅᕗᑦ:

• ᐊᐅᓚᑦᑎᔨ (ᓲᕐᓗ, ᐃᓕᓐᓂᐊᕆᐅᖅᓴᔪᓄᑦ ᑐᑭᒧᐊᒃᑎᑦᑎᔨ, ᐊᖓᔪᖅᑳᖅ, ᐊᐅᓚᑦᑎᔨ)
• ᐃᓕᓐᓂᐊᕆᐅᖅᓴᔪᓕᕆᔨ
• ᐱᓕᕆᐊᒃᓴᒧᑦ ᐃᑲᔪᖅᓱᐃᔾᔪᑎᑦ (ᓲᕐᓗ, ᐅᖃᐅᓯᓕᕆᓂᕐᒧᑦ ᐱᓕᕆᐊᒃᓴᓕᕆᔨᑦ ᐃᖅᑲᓇᐃᔭᖅᑎᑦ, ᐃᑲᔪᖅᑕᐅᔭᕆᐊᓕᖕᓄᑦ ᐃᑲᔪᖅᑎᑦ ᐃᖅᑲᓇᐃᔭᖅᑎᑦ)
• ᐱᓕᕆᕝᕕᖕᒥ ᐃᑲᔪᖅᑐᐃᔨᑦ (ᓲᕐᓗ ᓴᓗᒻᒪᖅᓴᐃᔨ, ᐃᒐᔨ)

ᖃᓄᖅ ᐱᓇᔪᒍᓐᓇᕐᒪᖔᑦ:

ᓚᐃᓴᓐᓯᖃᖅᑐᑦ ᐸᐃᕆᕖᑦ ᑐᓂᓯᔭᕆᐊᖃᖅᐳᑦ ᐱᐊᓂᒃᓯᒪᔪᒥᒃ ᐱᓇᔫᑎᒥᒃ ᑕᑕᑎᕆᐊᓕᖕᒥᒃ ᐊᕕᒃᑐᖅᓯᒪᔪᓂ ᑎᑎᕋᕐᕕᖕᒧᑦ, ᐅᑯᓂᖓ ᑐᓂᓯᓗᑎᒃ ᑕᒪᐃᓐᓂᒃ ᐸᐃᕆᕝᕕᖕᓂ ᐃᖅᑲᓇᐃᔭᖅᑎᓄᑦ:

• ᐊᑎᖓ;
• ᒫᓐᓇ ᑐᙵᕕᒋᔭᐅᔪᑦ ᐃᑲᕐᕋᒧᑦ ᑮᓇᐅᔭᓕᐊᑦ ᑕᒪᐃᓐᓄᑦ ᐃᖅᑲᓇᐃᔭᖅᑎᓄᑦ ᐊᒻᒪ ᑭᓱᓕᕆᔨᐅᓂᖏᓐᓄᑦ;
• ᐊᕐᕌᒍᓂᑦ ᐱᔪᓐᓇᐅᑎᓕᖕᓂᑦ ᐸᐃᕆᕕᓕᕆᓂᕐᒥᑦ ᐱᓕᕆᓯᒪᓂᑰᓗᓂ; ᐊᒻᒪᓗ
• ᒫᓐᓇ ᖁᑦᑎᖕᓂᖓ ᐃᓕᓐᓂᐊᕆᐅᖅᓴᔪᓄᑦ ᐃᓕᓴᐃᔨᓄᑦ ᓇᓗᓇᐃᒃᑯᑕᖅ (ᓲᕐᓗ ᐱᑕᖃᙱᑦᑐᑦ, ᓇᓗᓇᐃᒃᑯᑕᑦ, ᐃᓕᓐᓂᐊᕌᓂᒍᓯᐊᑦ/ᐱᔭᕇᕈᓯᐊᑦ)

**ᐱᔪᓐᓇᖅᑎᑕᐅᔪᑦ ᐱᓕᕆᕝᕖᑦ ᐱᓇᔪᖁᔭᐅᕗᑦ. ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕝᕕᓪᓗ ᑮᓇᐅᔾᔭᒃᓵᖏᑦ ᐊᑭᑦᑐᕆᐊᓛᖅᐳᑦ ᐊᐃᕐᕆᓕ 1, 2024-ᒥ.**

ᐊᐱᖅᑯᑕᐅᒐᔪᒃᑐᑦ

ᐊᐱᖅᑯᑎ: ᖃᓄᖅ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕖᓪᓗ ᑮᓇᐅᔾᔭᒃᓵᖏᓐᓄᑦ ᖃᐅᔨᓴᕈᑎ ᐊᑐᖅᑕᐅᖃᑦᑕᕐᒪᑕ?
ᓚᐃᓴᓐᓯᖃᖅᑐᑦ ᐸᐃᕆᕖᑦ ᐱᓇᔪᒋᐊᖃᖅᐳᑦ ᑮᓇᐅᔭᓂᒃ ᐱᑎᑕᐅᓂᐊᕐᓗᑎᒃ ᐱᓕᕆᐊᒃᑯᑦ. ᑎᑎᕋᖅᓯᒪᔪᑦ ᐱᔪᓐᓇᖅᑐᓕᒫᑦ ᐃᖅᑲᓇᐃᔭᖅᑎᑦ ᐃᖅᑲᓇᐃᔭᖅᑐᑦ ᒪᒥᓴᕐᕕᖕᒥ, ᐃᓚᐅᓪᓗᓂ ᒫᓐᓇᐅᔪᖅ ᐃᑲᕐᕋᖓᑕ ᑮᓇᐅᔭᓕᐊᖓ, ᐊᕐᕌᒍᒐᓴᑦ ᐊᑐᕐᓂᑯᖏᑦ ᒫᓐᓇᓗ ᓇᓃᓐᓂᖓ ᐃᓕᓐᓂᐊᕆᐅᖅᓴᔪᓄᑦ ᐃᓕᓴᐃᔨ ᓇᓗᓇᐃᒃᑯᑕᖅ ᑐᓂᔭᐅᔭᕆᐊᓕᒃ ᐃᓚᐅᓗᓂ ᐱᓇᔫᑎ ᑕᑕᑎᕆᐊᓕᖕᒥ. ᐃᑲᔫᑎᑦ ᑮᓇᐅᔭᖃᖅᑎᑕᐅᔾᔪᑎ ᐱᑎᑕᐅᓂᐊᖅᑐᖅ ᓚᐃᓴᓐᓯᖃᖅᑐᓄᑦ ᐸᐃᕆᕕᖕᓄᑦ ᐱᖁᓪᓗᒍ ᐊᑭᓖᔪᓐᓇᕐᓗᑎᒃ ᐱᔪᓐᓇᖅᑐᓄᑦ ᐃᖅᑲᓇᐃᔭᖅᑎᓄᑦ ᑎᑭᓪᓗᒍ ᐃᑲᕐᕋᓕᐊᒃᑯᑦ ᑮᓇᐅᔭᓕᐊᓄᑦ ᐋᖅᑭᒃᓯᒪᔪᓄᑦ ᑮᓇᐅᔭᓕᐊᓄᑦ ᐋᖅᑭᒃᓯᒪᔪᓄᑦ.

ᖃᓄᖅ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕖᓪᓗ ᐃᖅᑲᓇᐃᔭᖅᑎᖏᑦ ᐃᓕᔭᐅᖃᑦᑕᖅᐸᒃᑭᕙᑦ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕖᓪᓗ ᑮᓇᐅᔾᔭᒃᓵᖏᓐᓄᑦ?
ᓯᕗᓪᓕᖅᐹᒥ ᐃᓂᑖᖅᑎᑕᐅᓂᖓ ᐊᑭᓕᖅᓱᖅᑕᐅᓂᕐᒧᑦ ᖃᔅᓯᐅᓂᕆᔭᖓ ᖃᐅᔨᔭᐅᕙᒃᐳᖅ ᐃᖅᑲᓇᐃᔭᖅᑏᑦ ᖃᓄᖅ ᐊᖏᑎᒋᓂᖏᓐᓄᑦ ᑲᒪᒋᔭᒃᓴᕆᕙᒃᑕᖏᓐᓄᑦ ᐃᓂᒥ (ᓲᕐᓗ, ᐊᐅᓚᑦᑎᕝᕕᖃᖅᐸᖕᓂᖅ, ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨ, ᐊᓯᖏᓪᓗ), ᓇᓃᑎᑕᐅᓂᖓ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨ (ECE−ᒥᒃ) ᓇᓗᓇᐃᒃᑯᑕᖅᑖᖅᓯᒪᓂᕐᒥᒃ, ᐊᕐᕌᒍᓄᓪᓗ ᐱᓕᕆᖃᑦᑕᖅᓯᒪᓂᑰᓗᓂ. ᓲᕐᓗ ᐃᒪᓐᓇ, ᐃᖅᑲᓇᐃᔭᖅᑎ ᐃᖅᑲᓇᐃᔭᖅᑐᖅ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨᐅᓗᓂ, ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓇᓗᓇᐃᒃᑯᑕᖃᕐᓗᓂ ᐃᖅᑲᓇᐃᔭᖅᓯᒪᓕᕐᓗᓂ ᓚᐃᓴᖃᕐᓗᓂ ᓄᑕᖅᑲᓂᒃ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᒥ ᐊᕐᕌᒎᖕᓄᑦ ᒪᕐᕉᖕᓄᑦ ᐃᓂᑖᖅᑎᑕᐅᓂᐊᖅᐳᖅ ᐊᑐᖅᑕᐅᔪᓐᓇᖅᑐᒧᑦ 3−ᒧᑦ, ᓇᓃᑎᑕᐅᓂᖓ 2−ᒧᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓂᒋᔭᐅᕙᒃᑐᒥ.

ᖃᓄᖅ ᐃᖅᑲᓇᐃᔭᖅᑏᑦ ᐊᑭᑦᑐᕆᐊᖅᑎᑦᑎᕙᒃᐸᑦ ᐊᓪᓗᕆᐊᕈᑎᒥᓂᒃ ᐅᕝᕙᓘᓐᓃᑦ ᖁᕝᕙᓯᖕᓂᖓᓂᒃ ᐃᓗᐊᓂ ᑮᓇᐅᔭᓕᐊᖏᑕ?
ᐃᖅᑲᓇᐃᔭᖅᑏᑦ ᐱᔪᓐᓇᖅᑎᑕᐅᕗᑦ ᐅᓄᖅᓯᒋᐊᖅᓯᓂᕐᒥᒃ ᓇᒧᙵᐅᕙᓪᓕᐊᓂᕆᔭᒥᓂᒃ ᓇᓃᓐᓂᕐᒥᓂᒡᓘᓐᓃᑦ ᐃᓂᑖᖅᑎᑕᐅᓂᕐᒥᒃ ᐊᑭᓕᖅᓱᖅᑕᐅᓂᕐᒧᑦ ᖃᔅᓯᐅᓂᕆᕙᒃᑕᖓᓄᑦ ᐊᑯᓂᐅᓂᖅᓴᖅ ᐃᖅᑲᓇᐃᔭᕐᓂᕆᔭᒥᓂ ᓚᐃᓴᖃᖅᑐᓂ ᓄᑕᖅᑲᓂᒃ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᓂ (ᓲᕐᓗ ᐃᒪᓐᓇ, ᐱᓕᕆᖃᑦᑕᖅᓯᒪᓂᑰᓂᖅᓴᐅᓂᕐᒥᓂᒃ) ᐅᕝᕙᓘᓐᓃᑦ ᐃᓕᓐᓂᐊᒃᑲᓐᓂᕈᑎᒃ (ᓲᕐᓗ, ᐱᕙᒃᐳᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨᐅᓂᕐᒧᑦ ᓇᓗᓇᐃᒃᑯᑕᕐᒥᒃ ᓇᓗᓇᐃᒃᑯᑕᕐᒥᒡᓘᓐᓃᑦ).

ᓲᕐᓗ ᐃᒪᓐᓇ, ᐃᖅᑲᓇᐃᔭᖅᑎ ᐃᓕᔭᐅᖅᑳᓚᐅᖅᑐᖅ ᐊᑐᖅᑕᐅᔪᓐᓇᖅᑐᒧᑦ 3−ᒧᑦ, ᓇᓃᑎᑕᐅᓂᖓ 2−ᒥ ᐃᓕᓐᓂᐊᕆᐅᖅᓴᔪᓕᕆᔨᒃᑯᓐᓂ ᐃᓂᒋᔭᐅᕙᒃᑐᒥ, ᐊᑕᐅᓯᑦᑕᐃᓐᓇᕐᒥᒃ ᐊᓪᓗᕆᐊᖅᑐᖃᕐᓂᐊᖅᐳᖅ ᐃᖅᑲᓇᐃᔭᐃᓐᓇᕈᑎᒃ ᑕᕝᕙᓂᑦᑕᐃᓐᓇᖅ ᐊᕐᕌᒍᒥᒃ ᐊᑕᐅᓯᕐᒥᒃ. ᐊᔾᔨᐸᓗᐊᑦᑕᐅᖅ, ᐃᖅᑲᓇᐃᔭᖅᑎ ᐃᓕᔭᐅᓚᐅᖅᑐᖅ ᐱᓕᕆᐊᒃᓴᖅ 3−ᒧᑦ, ᖁᑦᑎᖕᓂᓕᒃ 2 ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᖃᓄᐃᑦᑑᓂᖓ, ᓅᓐᓇᔭᖅᑐᖅ ᖁᑦᑎᖕᓂᓕᒃ 3−ᒧᑦ ᑲᔪᓯᑦᑎᐊᕐᓗᑎᒃ ᐱᔭᕇᖅᓯᒃᐸᑕ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐱᔭᕇᕈᓯᐊᕐᒥᒃ.

ᑭᒃᑯᑦ ᑲᒪᒋᔭᒃᓴᖃᖅᐸᑦ ᐱᓕᕆᐊᒃᓴᖅᑖᖅᑎᑦᑎᓂᕐᒥᒃ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕖᓪᓗ ᑮᓇᐅᔭᓕᐊᖏᑦᑕ ᐋᖅᑭᒃᓯᒪᓂᖏᓐᓂᒃ?
ᓚᐃᓴᓐᓯᖃᖅᑐᑦ ᐸᐃᕆᕕᖕᓂᑦ ᐊᐅᓚᑦᑎᔨᑦ ᐃᖅᑲᓇᐃᔭᖅᑎᖏᑦ (ᓲᕐᓗ ᑐᑭᒧᐊᒃᑎᑦᑎᔨ ᐅᕝᕙᓘᓐᓃᑦ ᐊᐅᓚᑦᑎᔨ) ᑲᒪᒋᔭᒃᓴᖃᖅᐳᑦ ᖃᐅᔨᓴᖃᑦᑕᕆᐊᖃᖅᖢᑎᒃ ᐃᖅᑲᓇᐃᔭᖅᑎᑦ ᐊᕐᕌᒍᖏᓐᓂᒃ ᐱᓕᕆᖃᑦᑕᖅᓯᒪᔭᖏᓐᓂᒃ, ᖃᓄᑎᒋ ᐃᓕᓐᓂᐊᖅᓯᒪᖕᒪᖔᑕ, ᐊᒻᒪ ᑲᒪᒋᔭᒃᓴᖏᓐᓂᒃ, ᐊᒻᒪ ᐃᖅᑲᓇᐃᔭᖅᑎᑦ ᐃᓂᑖᖅᑎᖦᖢᒍ ᑮᓇᐅᔾᔭᒃᓵᖏᓐᓂᒃ.

ᐸᐃᕆᕕᖕᓂᑦ ᐃᖅᑲᓇᐃᔭᖅᑎᓂᒃ ᐊᑭᓖᓂᖅᓴᐅᔪᓐᓇᖅᐸᑦ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕖᓪᓗ ᑮᓇᐅᔭᓕᐊᖏᑕ ᐊᑭᖏᓐᓂᒃ?
ᐄ, ᐱᓕᕆᕖᑦ ᐊᑭᓖᕙᒌᖅᑐᑦ ᐃᖅᑲᓇᐃᔭᖅᑎᓂᒃ ᐅᖓᑖᓄᑦ ᑮᓇᐅᔾᔭᒃᓵᓄᑦ ᐋᖅᑭᒃᓯᒪᔪᓂ ᐊᑐᙱᑐᐃᓐᓇᕆᐊᓕᒃ ᑮᓇᐅᔾᔭᒃᓵᓄᑦ ᐋᖅᑭᒃᓯᒪᔪᒥᒃ ᒥᒃᖠᒋᐊᖅᑎᓪᓗᒍ ᑮᓇᐅᔾᔭᒃᓵᖑᕙᒃᑐᑦ.

ᐃᓱᓕᕝᕕᖃᖅᐸᑦ ᖃᔅᓯᐅᓂᖓ ᐋᓐᓂᐊᕕᐅᑉ ᐱᔪᓐᓇᖅᑕᖏᑦ ᐃᖅᑲᓇᐃᔭᖅᑎᖏᓐᓄᑦ?
ᑲᑎᖦᖢᒋᑦ $10 ᒥᓕᐊᓐ ᐅᖓᑖᓂ ᑮᓇᐅᔭᓂᒃ ᐃᓕᓯᓚᐅᖅᐳᑦ ᑮᓇᐅᔾᔭᒃᓵᖏᑦ ᐅᓄᖅᓯᒋᐊᖁᓪᓗᒋᑦ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕝᕕᓪᓗ ᐃᖅᑲᓇᐃᔭᖅᑎᖏᑦ ᓄᓇᕘᓕᒫᒥ 2023-2024−ᒥ 2025-2026−ᒧᑦ. ᑖᓐᓇ ᑮᓇᐅᔭᓕᐊᖅ ᐃᑲᔪᖅᑐᖅᑕᐅᔪᖅ ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐃᓐᓇᐅᑎᑕᐅᔪᓄᑦ ᐃᑲᔫᓯᐊᕐᓂᕐᒧᑦ ᐊᖏᖃᑎᒌᒍᑎᒃᑯᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ. ᖃᔅᓯᐅᓂᖏᑦ ᐃᖅᑲᓇᐃᔭᖅᑎᑦ ᐃᖅᑲᓇᐃᔭᖅᑎᑦ ᓄᑕᖅᑲᑦ ᖃᔅᓯᐅᓂᖏᑦ ᐃᓱᒪᒋᔭᐅᓂᐊᖅᐳᑦ ᐃᓚᓕᐅᔾᔭᐅᓗᑎᒃ ᑮᓇᐅᔭᑦ ᐊᑐᐃᓐᓇᐅᔪᑦ.

ᖃᔅᓯᐅᓂᖏᑦ ᐃᖅᑲᓇᐃᔭᖅᑎᑦ ᓄᑕᖅᑲᑦ ᖃᔅᓯᐅᓂᖏᑦ ᐃᓱᒪᒋᔭᐅᓂᐊᖅᐳᑦ ᐃᓚᓕᐅᔾᔭᐅᓗᑎᒃ ᑮᓇᐅᔭᑦ ᐊᑐᐃᓐᓇᐅᔪᑦ.

ᐃᓕᓐᓂᐊᕆᐅᖅᓴᔪᓄᑦ ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᖏᓐᓇᕐᓂᐊᖅᐸᑦ?
ᑕᒪᕐᒥᑦᑎᐊᖅ ᖃᔅᓯᑐᖅᑎᑕᐅᕙᒃᑐᑦ ᐃᓕᓐᓂᐊᓕᒻᒪᒃᓴᔪᓕᕆᕝᕕᖕᓄᑦ ᐸᐃᕆᕝᕕᖕᓄᓪᓗ ᐊᑭᓕᖅᓱᖅᑕᐅᕙᖕᓂᕐᒧᑦ ᖃᔅᓯᐅᓂᖏᑕ ᐅᓄᖅᓯᒋᐊᖅᑕᐅᓂᖏᑦ 3.9%−ᒥᒃ ᐄᐳᕈ 1, 2024−ᖑᓚᐅᕐᓂᖓᓄᑦ, ᓇᓕᒧᒃᓱᖁᔭᐅᓪᓗᑎᒃ 2023−ᒧᑦ ᐊᕐᕌᒍᑕᒫᑦ ᐊᑐᖅᑎᐅᕙᒃᑐᑦ ᐊᑭᖏᓐᓄᑦ ᑎᑎᕋᖅᓯᒪᔪᑦ ᐅᓄᖅᓯᒋᐊᖅᑕᐅᓂᖏᓐᓄᑦ ᓴᖅᑭᑎᑕᐅᓯᒪᔪᑦ ᑭᒡᓕᓯᓂᐊᖅᑎᒃᑯᓐᓂᑦ ᑲᓇᑕᒥ ᐃᒪᓐᓇ: ᓂᐅᕕᖅᐸᒃᑐᑦ ᐊᑭᖏᓐᓄᑦ ᑎᑎᕋᖅᓯᒪᔪᑦ (statcan.gc.ca) (ᖃᓪᓗᓈᖅ)

ᐊᑦᑕᑕᕐᕕᐅᔪᓐᓇᕐᒥᔪᑦ

ᐱᐊᓂᒃᓯᒪᔪᒥᒃ ᐱᓇᔫᑎᒥᒃ ᑕᑕᑎᕆᐊᓕᖕᒥᒃ

ᑲᓇᑕ−ᓄᓇᕗᑦ−ᑲᓇᑕ−ᑕᒪᐃᓐᓂ LCC ᐊᖏᕈᑎ − Canada

ᑮᓇᐅᔭᖃᖅᑎᑕᐅᔪᖅ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐊᖅᑯᑎᒋᔭᐅᓪᓗᓂ ᑲᓇᑕᒥ − ᓄᓇᕗᒻᒥ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐸᐃᕆᕝᕕᓕᕆᓂᕐᒧᓪᓗ ᐊᖏᕈᑎᑦ.